احتياجاتنا في الغربه

[q82q8]

السلام عليكم بنات

انشالله قريب بنسافر عشان ريلي بيدرس في ليدز فحبيت اعرف شنو الاشياء الي نحتاج ان ناخذها معانا لاني اخاف اكون ناسيه اشياء ضروريه
ياليت الي مرت في تجربتي تنصحني لاني ما لي غيركم يا كويتيات

مشكورين

 

[إنسانه وأكثر]

اي والله واللي يسلمكم وانا بعد بروح علاج جان زين تفيدونا وشكراااا

 

[q82q8]

اشدعوا بنات 17 وحده تدخل وما تساعدنا

 

[إنسانه وأكثر]

ساااااااعدوناااا

 

[وردهـ الروز]

والله ياليت افيدج

بس ماعندي خبره

ان شالله اللي بيسافرون يقولون لج ويفيدونج

 

[مدندنه]

حبيبتي لا تحاتين
ليدز فيها اسواق كثيرة .... وقعدت طويلة ... يعني ما ينفع تاخذين كلشي

عموما اخذي اللي تتذكرين (ولاحظي بعض المواد الغذائية ممنوعة)
والباقي لا تحاتين تلاقينها ... او في يوم تزرقون لندن وتلاقين اللي تبين من ناحية المواد الغذائية .... لندن ما في مشكلة
احسن من المساكين اللي في امريكا واستراليا وبعض المناطق المقطوعه من مواد الخليجيين

الله يسهل اموركم ويردكم بالسلامة

 

[اكابر]

شوفي انا اول شي وقالولي احطه بالجنطه اللي كانوا مغتربين قبلي وانتي بكرامه ابريج حق الماي حق الحمام لانه اهما ماعندهم ماي الواحد يغسل فيه غير ماي الدش والمغسله اما الملابس والشغلات الثانيه عادي تحصلينهم عندهم وبخصوص الاكل انا مادري على نظام المكان اللي بتروحين له بس اخذيلج شغلات خفيفه لانه اول الايام ماشتهين اكلهم..

 

[Om_il3ubed]

والله لا تحاتين الحين كل مكان صار فيه محلات عربيه ويبيعون كل شي... ليدز وايد حلوه زرت بنت عمي تدرس هناك.. واذا ضاق خلقج ركبي القطار وروحي مانشستر او لندن او اي مكان

لاتنسين بوصله تحديد الجبله... وهناك راح تتعرفين على الكويتيات والخليجيات و ان شاءالله مايقصروون معاج