احتيجات الطفل فالسفر .. > ساعدوني .. :(

[روودي]

السلام عليكم ورحمة الله ..

شخباركم ..

قبل فترة نزلت موضوع اسأل عن جنوب افريقيا وتحمست لها من كلامكم وإن شاء الله عزمنا بإذن واحد احد نروح ان الله يسر ..

بس سؤالي اللي محيرني وايد ..

انه معاي طفلين .. بنوته عمرها 3 سنين وولد عمره سنه ونص ..

واول مره اسافر مع اطفال كل سفراتي السابقه كانت قبل اييبهم ..

فمو عارفه شو آخذ لهم .. وشو احط بالجناط وشو آخذ معاي وجي ..


اخاف انقص ولا انسى شي وتتنكد السفرة خبركم البيبي لازم كل احتياجاته معاه ..

خاصه ان رحلتنا من دبي على كيب تاون .. تقريبا 9 ساعات ..طويله على يهال

خاصه ولدي حده حنان وحركي اسم الله عليه .. ولا بنتي اسم الله عليها ما خفت منها ان شاء الله ..
:bbbiu:


فشايله همه وايد..

شوفو انا شو ببالي ..

----------------------

اول شي جنطة اليد .. عندي جنطه عوده مقسمه..

بحط فيها لكل واحد منهم..

الملابس:

لبسين خارجيات مثلا بنطلون وبلوزة ..
بجامتين ..
فنايل داخليه هم ثنتين..
شرابين لكل واحد..


التغيير:
بامبرز وانتم بالكرامه كل واحد 6 ..
المناديل المعطرة الوايبس ..
البلاستك حقت التغيير اللي انوم البيبي عليها لما اغيرله ..
مناديل ديتول..


فراشين صغار..
لعبتين صغنونات بشتريهم يدد واخبيهم للطيارة ..


الأكل والشرب:
رضاعه..
مطارة للماي لكل واحد..
اكل المعلب حق الاطفال وملاعق بلاستك..
علبة صغيره فيها بساكيت منوعه..
كرتونين حليب وعلبتين عصير احتياط..



مساكة اليد اللي طرف بإيدي وطرف بإيده..
عشان لو بغوا يمشون بالمطار او شي اكون مساكتهم..


+ الدي في دي حقهم ما يستغنون عنه ابد وهم انا اسكتهم فيه..


-----------------------


هذا اللي ببالي للجنطه اللي بشيلها بإيدي للطيارة إن شاء الله ..


-------------------------


اما الجنطه الكبيره اللي بنشحنها ..


بناطيل جينز.. بلايز على عدد الأيام ..

فنايل داخليه على عدد الايام ..

كل واحد علبة بامبرز ..

بجامات على عدد الأيام..

شراريب وكيلونات كل يومين واحد ..

جاكيتين خفاف ..

جوتي..


جنطة صغيره فيها (مقص اظافر -مسك -فرشة شعر + بكل - ترمومتر- خافض حرارة - ودوا للزكمه- وهستوب)


وسمعت وحده تقول انه لازم تاخذين الاكل الجاهز مثل علب اندومي او الاشياء اللي ما تحتاج فرن او غاز لطبخها عشان العيال ممكن يأثر عليهم اكل برى يعني لو طلعنا من الفندق او اكلنا بمطعم مو راقي ..

فقلت آخذ معاي كم علبة اندومي والشوربات اللي تيي بأكواب .. اطب عليهم ماي مغلي وخلاص ..


-------------------------

وبالنسبه للأشياء الضروريه اللي آخذها معاي حسب ماقريت وتعودت من قبل..


البلاستك اللي ينحط ع الكبنيه وانتم بالكرامه لما اضطر ادخل دورة مياة فمكان عام ..

محول 110 -220 فولت و فيش دولي لأن الكهرباء هناك 220 و أفياشهم غريبة

شاحن جوال..


كاميرة فيديو وديجيتال مع جناطهم وشواحنهم وبطارياتهم

ميمودي كارد واشرطه فيديو كاميرا..


---------------------


يكفي جي ولا تحسون اكو شي ناقص ..


وبليز ابي الامهات اللي سافروا مع عيالهم يحكون لي تجاربهم ..

شو سوو شي استفادوا منه ..

او شي نسوه وتحسفوا ..


منها استفيد من تجاربكم وممكن يكون موضوعي مرجع للي بيسافرون ويا يهال وماعندهم خبرة مثلي ..


انطركم :eh_s(7):​

 

[MyLittleBerry]

انا كنت مسويه موضوع من قبل

دوريه في مواضيعي

اذا ولدج معودته على كرسي السياره

في حزام ينباع بالانترنت حق الطياره مفيد لليهال

انا ولدي ينني لما رحنا تايلاند

اخر شي بجيت منه

قعديه مبجر لاتخلينه ينام الا بالطياره

اشتريله جم لعبه يديده وكل ساعه طلعيله وحده علشان لايمل

انصحج تترسين الجنطه العاب انا سويت جذيه

وخذيت اللابتوب وشغلتلهم رسوم

لاتاخذين اكل لانهم راح ياخذونه منج قانون يديد ممنوع

مطاره الماي خليها فاضيه واخذي حليب بودر حطيه في الكونتينر ووو

طبعا اهم شي تحجزين الكراسي اللي جدام بالنص علشان يصير عندج مجال حق اغراضج ولما تنومين اليهال

كلينكس رطب وعادي

ملابس تبديل

هذا كل شي حق الطياره

 

[MyLittleBerry]

بالنسبه حق الاكل فكرة الاندومي حلوه

مع اني انا مااخذ اكل وياي لاني مسافره وماعتمد الا على المطاعم

بس بسفرتي اللي طافت ابتلشت مع ولدي ماكان ياكل اي شي وجمعياتهم مومثل جمعياتنا

اخذي اندومي وكلاس جبن كرافت

ملابس مااخذ وايد

3 حق الطلعه حق كل واحد و3 للنوم

واشتري من هناك

على فكره انا حق ولدي شريت 10 مصاصات لان ولدي مايسكت الا والمصاصه بحلجه طبعا لما ردينا الكويت اللي بقت مصاصاه وحده

وهم على فكره عمر عيالج بالضبط نفس عمر عيالي لما سافرنا السنه اللي طافت بنتي يحليلها ممالها حس تلعب بالقيم بوي طول السفره وتلون اما ولدي لاتعليق

هالسنه ماسفرته وياي لان للحين شيطان ماراح اسفره الا لما يصير ادمي

 

[طوق البنفسج]

ماعندي خبره بس بغيت اقولج انه الاكل و الماي ممنوع ياخدونهم منج بالمطار

 

[روودي]

انا كنت مسويه موضوع من قبل

دوريه في مواضيعي

يعطيج العافيه .. جاري البحث :hjy5jewf:

اذا ولدج معودته على كرسي السياره

في حزام ينباع بالانترنت حق الطياره مفيد لليهال

للأسف لا .. حتى عربية السوق يمل منها بسرعه..ويقعد يصيح يبي ينزل :"(

انا ولدي ينني لما رحنا تايلاند

اخر شي بجيت منه

قعديه مبجر لاتخلينه ينام الا بالطياره

اشتريله جم لعبه يديده وكل ساعه طلعيله وحده علشان لايمل

انصحج تترسين الجنطه العاب انا سويت جذيه

وخذيت اللابتوب وشغلتلهم رسوم

تصدقين انا مفكرة بخطه ويارب تنجح .. قبل السفر بأسبوع ببدى اقلب نوم عيالي على وقت الرحلة .. يعني اسهرهم ووقت الرحله اخليهم ينامون .. خاصه ان عطالي بطالي لا شغل ولا مشغله فعادي اسهر وياهم ..
عشان يوم السفر يصيرون متعودين ووقت الرحله ينامون اريح لي ولهم ..

ببالي هالفكرة ..:080402ask_prv:

وهم ودي آخذ الدي في دي حقهم له شاشه مثل اللابتوب ولهم سيديات خاصه ..

لاتاخذين اكل لانهم راح ياخذونه منج قانون يديد ممنوع

مطاره الماي خليها فاضيه واخذي حليب بودر حطيه في الكونتينر ووو

صج .. والله غريب .. اختى مسافرة بالصيف لكندا وكان وياها عيالها ومعاها عصاير ومويه وبساكيت وماقالوا لها شي .. بس العصير خلوها تشرب منه شوي .. ليش ما ادري ويوم شربت دخلوه عادي ..قالو لانه حق اليهال ..

يعني جنوب افريقيا غير ولا شلون ..

طبعا اهم شي تحجزين الكراسي اللي جدام بالنص علشان يصير عندج مجال حق اغراضج ولما تنومين اليهال

كلينكس رطب وعادي

ملابس تبديل

هذا كل شي حق الطياره

ايه انا ودي جدام بالنص .. لان بنتي لها مقعد فنصير ثلاثه .. وفي الغالب الباجي يصيرون فاضيات محد يقعد فيهم لو ماكانت الطيارة مو مليانه فأقدر انومها وولدي يعطونا سرير ارقده فيه ولو قام احطه بكرسي يمي .. ياارب يحصل لي جان زين ..​

 

[روودي]

بالنسبه حق الاكل فكرة الاندومي حلوه
مع اني انا مااخذ اكل وياي لاني مسافره وماعتمد الا على المطاعم
بس بسفرتي اللي طافت ابتلشت مع ولدي ماكان ياكل اي شي وجمعياتهم مومثل جمعياتنا
اخذي اندومي وكلاس جبن كرافت

ايه يختي اخاف مايصلح له الاكل واتوهق , يعني لو مطعم راقي اوكي آخذ له باستا شوربه رز .. بس مطاعم الفاست فود وجي ماتصلح له احس ..

ملابس مااخذ وايد
3 حق الطلعه حق كل واحد و3 للنوم
واشتري من هناك

مدري ريلي يقول مب رايح سوق الا آخر يومين ..

يقول اعرفج لو تروحين بتخمين كل الدنيا فبيخليها آخر شي :wqedqw:

او يمكن اقلل ملابس واغسلهم هناك .. ولا تهقون صعبه :080402ask_prv:

على فكره انا حق ولدي شريت 10 مصاصات لان ولدي مايسكت الا والمصاصه بحلجه طبعا لما ردينا الكويت اللي بقت مصاصاه وحده

للأسف ولدي مايمص ولا شي .. راسه يابس الله يصلحه لو بغى الشي مايسكته غير هاللي يبيه ..

وهم على فكره عمر عيالج بالضبط نفس عمر عيالي لما سافرنا السنه اللي طافت بنتي يحليلها ممالها حس تلعب بالقيم بوي طول السفره وتلون اما ولدي لاتعليق
هالسنه ماسفرته وياي لان للحين شيطان ماراح اسفره الا لما يصير ادمي

الله يخليهم لج :wqedqw:

ايه البنات شحليلهم هاديات

بس هالعيال الله يصلحهم ..


يعطيج الف عافيه قلبو وايداستفدت منج ..:eh_s(7):​

 

[روودي]

ماعندي خبره بس بغيت اقولج انه الاكل و الماي ممنوع ياخدونهم منج بالمطار

:bbbiu: ضاق صدري والله .. عيل شو اعطيهم بالمطار والطياره .. تييج احيانا حالات اميرجنسي ماعندج وقت تنطرين حد ييب لج شي ..

الله يسهل علينا يارب ..

شكرا لردج حياتي :eh_s(7):​