شوفي الله يسلمج
اول شي اول شي لاتكثرين لانه شهر 12 تقريبا اخره راح يكون في معرض عطوووووور وراح تخمين منه خم < متحمممممممممممممسة
انا شريت اغراضي كلهاااااااااااااااااا
من معرض العطور اللي كان شهر 3 ( مارس)
فاكتب لج لستتي اللي انا شريتها
مع اسم المحل
اولا جنيد
(( موجود بالفروانية في مترو عند المحاميد او عند مدرسة ثانوية المباركية بنين )) >> بس مثل ما قلت لج انا شارية من المعرض
صينية البخور والمبخر
المعمول علبته مخملية < مافي غيرها بجنيد < لونها عنابي في بيج سعرها تقريبا خمس دنانير
اخذت الله يسلمج لمسة أطفال < كريم شفاف ينعمممممممممممم اليد او الجسم
البنفسج مع اللوشن وكريمه
معطر ذهب مع كريمه وفيه لمعة ذهب
عطر داليا
القرشي
بخور سيوووووووووووووووفي << رووووعة روعه روعة اخذته بالمعرض 64 دينار
دينار ينطح دينار
سفاري < ماذكر هو بخور او دهن عود او عطر رشاش < خوش تعبير
بـ 38 د.ك
الحجر الاسود <<< اذا لقيتيه اخذيه ونتي مغممممممممممممممممضة كان عليه عرض اثنين مادري جم
مسك العروس - مسك العود - مسك الختام << اخذيهم يهبلون
وخاصة مسك العروس اخذيه للاستخدامات بعد الدورة الشهريه وعادي لو تحطين منه على الاباط او بطنج وجذي << خوش شرح الله يعينج
اخذت بخور ملكي اللي ثلاثة بخمسين << بس سيوفي احلى وانا هذا خليته للاستخدام اليومي عشانه اخلصه ههههههههههه
نروح لعبدالمحسن
بخورهم كأنه بخمسة مع مرشاتهم كله حلو بس اختاري ذوقج وهو الحين موجود في جمعية الخالدية
عندج الجزيرة
انا ماخذه من الافنيوز بلاك عود - كريستال فلاور << طبعا قشيت قشن ما يتقشقش منهم لو اكتب لستتي تفظخين راسي ,, انتي وذوقج من الجزيرة
يقولون في ناس مقلدته على ارخص على 20
وهو سعره الاصلي 25
اخذي الاصلي وانتي تضحكين
العربية للعود
ما انصحج تاخذين منه وايد < انا اخذت معمولهم المعجون هذا احلى شي اخذته منهم
اخذت دهن عود ورد طائفي وغروب بس تحسفت اني شريتهم لانها حيل قوية ومو ذاك المستوى
روحي دار طيبــــــــــــــــــة او دار الطيب اخذي مخمرياتهم للشعر
ورد / زعفران
اشوية عليهم يهبلون < جربته مرة بعد ما تحممت ريحة شعري اتهبببببببببببل
ولما غسلته بعدين ريحة الحمام تكرمين ريحة الخمرية
وفي عندهم رشوش او مرشات للملابس والبيت << الحمدلله والشكر اكثر شي اخذته للشقة
نيي حق امــــــــــــــل الكـــــــــــويت
شوفي وانا اختج انا اخذت منه دهن عود فاطمة
اخذت من بخورهم اثنين
ماني ذاكرة سعرهم الاصلي بس سعر المعرض واحد بـ 80 والثاني 35
بس المشكلة بيكون غالي بالمحل لكن انتي لا تكثرين اخذي نص تولة واذا مو هامج السعر اخذي تولة مع اني متحسفة اقوول لج اخذي تولة لانه المعرض بعد عرسج بثلاثة اشهر فلا تكثرين
نروح لعطورات الشقة والفراش
اطياب الخزامى
اللافندر ومزون ومعمولهم مع الرشوش الصغار بس مااذكر سعره
اخذت بعد من العفاسي الرشوش
