احسن المدارس والاقوى بالكويت....

[اجمل احساس ..!]

السلام عليكم...

:tek: في البدايه حبيت أسأل وستشير اللي مجربين المدارس الخاصه انا كنت متوهقه مع ولدي بأي حضانه ادخله بعد

استخارتي للمولى عزوجل ثم مساعدات البنات فديتهم دخلته الحضانه البريطانيه....ابي قبل لايبدأ التسجيل بالمدارس الخاصه

اللي اغلب تسجيلهم على شهر واحد مثل ماقالوا البنات..


زبدة الموضوع..

منو الافضل بين المدارس والاسهل منهج

1- العالميه الامريكيه

2- البريطانيه

3-الانجليزيه الحديثه

وغيرها اللي ماعرفهم....

الله يرزقكم الجنه وليدي من 13 سنه وانا ناطرته والحمدلله يوم الله رزقني ابيه بأحسن المدارس المؤسسه مو الماديه

وياليت يكون مع كل مدرسه السعر لاولى روضه والمكان المدرسه ورقم تلفونهم

انا بودي بالامريكيه يقولون منهجهم اسهل والله العالم..

الله لايخليني منكم يااارب ويرزقكم بر عيالكم ياحي ياقيوم​

​

 

[عشق]

رد : احسن المدارس والاقوى بالكويت....

في مدرسه ورا ليلى غاليري
مناهجهم بريطانيه
ولد رفيجتي فيها
بس مادري عن اسعارهم مريهم احسن

 

[ريوومة 1982]

الله يخليلج وليدج و تشوفينه دكتور او مهندس يارب


من خلال تجربتي و تجربت اختي بكذا مدرسه >>>>>>>> كلهم تجاريين بس

وهذا الحجي بعد قالتلي اياه دكورة بالتربيه كانت رسالتها عن المدارس الخاصه و مخرجتها

وولد خالي كان بالبريطانيه و قط عليه دم قلبه

شوفيه الحين ما احس انه ريال مسؤول و شخصيه ترف و تافه و سطحي و كاهو قاعد بالجامعه الاستراليه صارله 7 سنين ماخلص

و الحين ولدي مسكين مو عارف شئ بالعربي يكتب كله من اليسار لانه متعود

و قالي دكتور صعوبات تعلم اكبر غلط تدخلون عيالكم ثنائيه لان الياهل مو عارف مرة من اليسار و مرة من اليمين يتداخل عنده الاثنين


يحلوة الحكومه كانه احنه جامعيات و شحلاتنا من الحكومه

 

[كويتية صغيرة]

رد : احسن المدارس والاقوى بالكويت....

والله ما ادري
اعتقد لايوجد نظام او مدرسة ...هي الأحسن او هي الأقوى
يعتمد انتى شنو تبين
واضح من الخيارات انك تركزين على اللغة الانجليزية فقط .....
و انا رايي شخصية الولد و منطقه .....اهم من لغته
يمكن منطقي مايعجبك
بس شوفي مخرجات الجامعة وانتى تحكمين
(اقصد المقبولين في جامعة الكويت و الخريجين منها وكيف كانت دراستهم لانهم من الجيل الحديث )

 

[fayoona74]

من كذا مصدر سمعت ان الامريكية الدولية وايد زينة بميدان حوللي وهم بعد البيان ممتازة ثنائية اللغة وفي مدرسة بحولي قبال كلية الطب هم يمدحونها واخذي الكلام من ناس بوزارة التربية متخصصين احسن من كلام ناس عاديين

 

[اجمل احساس ..!]

رد : احسن المدارس والاقوى بالكويت....

الله يجزاكم خير

بس ياليت تفيدون....فديتكم

 

[اجمل احساس ..!]

رد : احسن المدارس والاقوى بالكويت....

اب
اب
فيدون الله يرزقكم الخير

 

[ملاك ^ الحب]

اي والله انا بعد ابي روضه زينه حق بنتي لانها الحين بالحضانه البريطانيه وععلى الاقل روضه خاصه تتأسس انجليزي

 

[اجمل احساس ..!]

رد : احسن المدارس والاقوى بالكويت....

اب
اب

يعني الحين ماكو احد مدخل عياله ويعلمنا شنو المدرسه الافضل وهل مدرسة عيالكم

تاسس ولالا!!!!!!!

اهي كلمه تنقال فقط ولكم جزيل الاجر والشكر

 

[حلم الطفولة]

الانجليزيه الحديثه وايد زينه
الإبداع وايد زينه
العالميه الامريكيه وايد زينه
دسمان وايد زينه
الرؤيا وايد زينه ومناهجها قويه وزينه بس شوي اللغه أقل من الأمريكيه والابداع لأنها ثنائيه وإسلاميه فلازم أكو وقت مأخوذ للقرآن والعربي
(( وللأمانه لو عندي ولد مافكر أوديه غير الرؤيه أو الابداع أو الرساله فقط لاغير ))

 

[اجمل احساس ..!]

رد : احسن المدارس والاقوى بالكويت....

حلم يمااااااال العافيه

 

[وايت فوريست]

رد : احسن المدارس والاقوى بالكويت....

مدرسة النبراس الدولية ثنائية اللغة رووووعة

 

[جوري الكويت]

رد : احسن المدارس والاقوى بالكويت....

ما عندي فكره