احسن خلطه استخدمتيها وبيضتج وصفت بشره "وجه+جسم"

[لقيت روحيS]

قوه عروسات :eh_s(22):

انا وحده تعبت من الخمال والاهمال اللي انا فيه فقلت اشتحي على وجهي واتسنع :eh_s(9):

انا والله والله بيضه بس قالبه ابي ارد لوني شلون :bbbiu:

وجهي ابي صافي ونظاره ويملع ويلق

عفيه اكيد في بنات تغيروو 180 درجه واستخدمت شي وفاد معاها

والله والله محتاجه ردودكم لاتبخلون علي :eh_s(7):

وموفقين ان شاءالله .......... ادعولي !

 

[لقيت روحيS]

بس بنات طبيعي مو كرتزون

 

[كويتية زقرتيه]

جااااان زين يقلب لوني أنا بيضه ولايعه جبدي بس اب لعيونج

​

 

[$حليب ككاو$]

اب
اب
اب لعيونج

 

[لقيت روحيS]

مشكورين بنات اليوم سمعت رفيجتي تقول عن ابرة التبيض منو جربها ..؟

 

[.: زقرتية :.]

انا اعرف وحدة جربت الابر لمدة 4 شهور ووقفت لما شافت مافيه نتيجة
عموما الابر تاثيرها يختلف من وحدة لوحده
الدكتور قالي انها جابت نتيجة على 40% من الي طقوها عنده
يعني اذا شفتي مافيه نتيجة عقب 4 شهور توقفين الابر
ناوية ان شاءالله اجربهم ياااارب تضبط معاي

 

[كلي لكـ]

بنات الله يرضالي عليكم
ابعدوا عن الخرابيط والابر
اهتموا بنفسكم كل شي طبيعي حلو
واهم شي الترطيب
وسنفرة العروسة واااااااااايد حلوه
وزيت اللوز المر فظيع
وبعد في وحده بالمنتدى حاطه خلطه سوتها لانها فيها فيتامين سي روعة وبأسبوع يفرق لونج

انا كنت باستخدم حبوب تبيض
وقبل طلبت من وحده من دكاتره الحكومه تسألني عنها والدكتور قال لاتفكر تاخذها هالحبوب والابر للحين مابينت شنو نتايجها وششنو تأثيرها عالجسم
وبصراحه احنا عرايس مووقته نجازف بعمرنا

جربي شغلات طبيعيه واستمري عليها ومع هذا اهم شي التغذيه والله يفرق معاج

وعسى الله يوفقج وينلوج اللي في بالج يآرب
وتطلعين من عرايس الف ليله وليله

 

[أبكاني ذنبي]

للاسف ماستخدم شي


لما قرب عرسي وقفت ماسويت شي


بس يمدحون ماي الورد يوميا تستخدمينه على ويهج وايدج


ويمدحون كريم جليسوليد الاحمر مع الليموون


اما خلطات وماخلطات ماستخدم


بس اروح حمام مغربي وبسسسس


ادري كسووول بس شسوي مالي خلق والله


والحين حتى ماي الورد قطعته هههههههههههه

 

[ورود خذلتها العاصفه]

اب اب

 

[الغنج والدلع]

اب اب ​

 

[مطيريه ستآيل]

والله حبيبتي ماعندي فكره


بس حمامات البخار لها نتيجه اذا أستمريتي مو مره وحده


وأب لعيووونج ...~َ!

 

[رقيقه وناعمه]

انا استخدمت خلطات وااجد وما احس فتحتني حيييييل يعني تعطيج نظااافه ولمعه بس لأسف ما حصلت شي يفتح ويوحد لون جسمي


بس انصحج باالحمام المغربي <<انا اسويه بدون بخار ولا خراابيط اخذ المغربي واخلطه مع ملعقه حنا واحطها علا جسمي شوي بعدين اغسله وافرك جسمي وشوفي الوسخ اشلون يطلع ويتبرم وعقبها راااح تحسين جسمج نظيف ويلمع ووووبس

 

[beren saat]

استخدمت خلطتيـن فيهم كرتزون وقلبت بشرتي حبوب وصارت تلوع الجبد
وصارلي اتعالج منهآآ 4 سنين

الحبوب تروح وترجع

حبيبتي مــآلج الا الطبيعــي

انا بشرتي حساسه ما اقدر استخدم اي خلطه تبيض نهائيا

روحي لدكتور جلـديه وقوليله ابي توصف لي كريمات تبيض طبيه

لان اهو عآرف بشرتج انا سويت جــذي وكتب لي على كريم طبي يفتح البشره

بس من الكـسل ما استمريت وقطعته

اما خلطات النت والبنــآت وخاصه اللي فيها كرتزون لا تآآخذينها نهائيا

اما الطبيعي حلو حيل بس لازم تستمرين اقل شي شهر بعدها تبين النتيجه ​

 

[الـــغـــلآ]

خلج ع الطبيعه و استمري

 

[هنـــد]

خلطة شسالفه روووووووووعه اشوي عليها

 

[مــ_ــا مــ_ــي]

انا استعملت خلطة والله العظيم ثم والله اني صاجه في كلامي .. اذا استمريتي عليها شهر يوميا تحطينها .. اللي يشوفج يقول امج سوريا او لبنانيه .. من البياااااااااااااااااااااااض .. تخليج كأنج برصا من شدة البياض ... واذا تحطينها مرتين باليوم يعني الظهر وبالليل احلى واسرع ..

المكونات : (( كريم كيلي + بولي+منيرفا+ دريموفيد الاخضر )) ومرات اضيف قفشة عسل ..

وانا لما احطها احط قبلها كريم دريموفيد قبلها بربع ساعه جذي لما احس بشرتي تشربته بعدين احطه الخلطه .. الوجه مع الرقبه.. واعرف بنات يحطونها على الجسم كله .. وطبيعة البنات سمر حييييييل . بني غامج لونهم صارو بيض ..

بس عيب الخلطه من تتركينها تردين لونج بس مو بسرعه .. على فترات .. بس جد روعه هالخلطه .. ومجربتها صار لي فوق 15 سنه .. والحمد لله مامنها اي مضار وانا وخالاتي وخواتي وامي نستعملها

 

[al3sooola]

سوي تنظيف بشرة عند عيادة جلدية مع سبا للوجه مع خلطات طبيعية بالبيت مثل الروب وليمون او عسل وخميره او روب وخميرة كل يوم شوفي بشرتج شيسير فيها بعد اسبووع
وموفقه ترى اهم شي التصفيه مو البياض صدقيني

 

[سآق نملة]

اب لعيونج :")

 

[لقيت روحيS]

في خلطه اسمها بياض الثلج عند حواج بالاندلس ٧ دنانير للجسم والوجه
اسم الحواج الاريج يبيض ويخلي البشره ناااااعمه
انا استخدمه قبل لا انام عشان لحد يشوفني واقعد الصبح
وااااومو صج البشره

{قُلْ أَعُوذُ بِرَبِّ الْفَلَقِ * مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ *
وَمِن شَرِّ النَّفَّـثَـتِ فِى الْعُقَدِ * وَمِن شَرِّ حَاسِدٍ إِذَا حَسَدَ}.


امانه اللي تستخدمه تدعيلي

يابعد قلبي جزاج الله خير ابشري ان شاءالله والله ادعيلج بس امانه مابي كرتزون وانظر :eh_s(16):

 

[أنا القمر]

اي انا بعد ابغى استخدمها بس مابشريها جاهزه
انا بنفسي بشتري مكوناتها وبخلطها اضمن عن اوسوس عشان البلاوي اللي يحطون بها