احسن سفريات يسوون قروبات لاستراليا ""ناطره ردكم وفيدوني""

[أميرة الحلا]

بسمالله الرحمن الرحيم
كويتيات محتاجه وقفتكم معاي انشاالله ناويه اسافر انا زوجي استراليا بس مترددين من ناحية المكتب اللي نحجز منه
وهل تنصحوني اروح مع قروبات والا لا؟؟؟؟
ناطره ردكم..............................

 

[شجووون]

والله انا خواتي راحوا مع سفريات السيد بس هالكلام قبل تقريبا 5 سنوات واستانسوا معاهم والله امدحوهم بس طبعا القروبات حظ ماتدرين شنو نوع القروب اللي بكون معاج

 

[أميرة الحلا]

مشكورة شجوون
يعطيج العافية عالمعلومة
انا بعد سمعت عن السيد انها زينة
وبانتظار المزيد
انشاالله

 

[noty]

الرابيه واايد يمدحونهم حق استراليا


والله القروبات وناسه

اول شي اليمعه حلووة و اتشوفين ناس يدد مو ناس متعوده عليهم

و مو الا تلتزمين معاهم

كيفج اذا تبين اتروحين رحلات معاهم او بروحكم اذا ماتبون

وساعات ايونج قروبات اونسون وعلى قلب هذول صج راح تستانسين معاهم

بس نصيحة مني اخذي كل المعلومات و الاماكن الزينه لانه ساعات اييج قايد مايدري وين الله قاطه

او اييج وااحد نفس ولا ماله خلق

 

[moors]

انا بعد رحت استراليا مع السيد كانت احلي رحلة بحياتي بس انا و زوجي صرنا اقروب ابروحنا انسوي الرحلات و نحجز ونستانس و مالنا شغل بالقروب كلهم بس قبل جم سنة ه الحجي

 

[جاكليت]

أنا اللي أعرفه انه المستقبل زين حق استراليا ..

 

[BaiTotia]

أنا مع نوتي بكل كلمة

الرابية زينين

 

[أميرة الحلا]

يعطيكم العافية نوتي + مورس + جاكليت +باي توتيا
انا بسال عن المستقبل والراية والسيد
واذا حجزت من اي وحدة انشاالله بعطيكم خبر
مشــــــــــــكـــــــــــــــــــــووووووووووووريـــــــــــــــــــــن

 

[lolo77]

السلام عليكم
انا رحت مع سفريات السيد
تقريبا من 5 سنوات او اكثر
وايد استانسنا والقرووب كان وايد حلوين

وصج انتي وحطج مع القروبات
وموشرط تلتزمين معاهم بكل شي

 

[MissChoco]

حبيبتي شوفي احسن شي تروحين ويا قروب لانه ماراح تعرفين لو بروحج .. واهما الي يدبرونج ومو ملزومه تروحين كل الرحلات ترا على كيفج واي رحله تبينها اهما مو كاتبينها بالبرنامج عادي قوليلهم يحجزولكم ويكلمون الفندق عن الرحله ويدقون ويسولج لانه احسن يعرفون .. ومايقصرون


وصراحه انا رحت استراليا ويا سفريات السيد وايد وايد روعه وفنادقهم ولا احلا .. احلا من الرابيه ترا لانه صادفنا قروب الرابيه قالولنه فنادقهم اي شي .. فعلى رحتج انتي .. بس انا وحده مجربه قروب السيد وباستراليا وايد روعه مشالله عليهم ولا صارة مشاكل ولا شي

 

[^DanaH^]

سفريات السيد :eh_s(13): :eh_s(13): .....
مقلبببببببب رفيجتي يوم وصلت استراليا موحاجزينلها غرفه مسكينه عقب 8 ساعات بالطياره وصلوا ولا ماحجزوا لهم غرفه وتدق اهي وزوجها عليهم مايردون كاشتين فيها ....... وهذا الكلام صارله تقريبا سنه ......​

 

[توته احلى بنوته]

ديري بالج من هالسفريات
والله مقلب مــــــــــــــو شي انا سافرت العام معاهم
اول شي حاطين قايد ثاني مرة يسافر استراليا يعني خبرة zero
ثاني شي الحجز مو اوكي و الله يورطون ولا دقيتي عليهم من هناك مايردون عليكم او يردون ويقولون لكم تصرفوا
جد انا انصحج انج ماتروحين معاهم
مع ان والله قروبنا كان عسل ياحلو جمعتهم بس السفريات كانت كلش موزينة

 

[أم@الحلوين]

والله بنات حيرتونا الواحد مع اي سفريات يروح


واشرايكم بقروب المستقبل؟؟

 

[MissChoco]

سفريات السيد .....
مقلبببببببب رفيجتي يوم وصلت استراليا موحاجزينلها غرفه مسكينه عقب 8 ساعات بالطياره وصلوا ولا ماحجزوا لهم غرفه وتدق اهي وزوجها عليهم مايردون كاشتين فيها ....... وهذا الكلام صارله تقريبا سنه ......

ديري بالج من هالسفريات
والله مقلب مــــــــــــــو شي انا سافرت العام معاهم
اول شي حاطين قايد ثاني مرة يسافر استراليا يعني خبرة zero
ثاني شي الحجز مو اوكي و الله يورطون ولا دقيتي عليهم من هناك مايردون عليكم او يردون ويقولون لكم تصرفوا
جد انا انصحج انج ماتروحين معاهم
مع ان والله قروبنا كان عسل ياحلو جمعتهم بس السفريات كانت كلش موزينة

حبيباتي اهيا قصدها عن القروب مو عن السفريات اهيا تبي قروب حلو

والله بنات حيرتونا الواحد مع اي سفريات يروح


واشرايكم بقروب المستقبل؟؟

حبيبتي اهما يقصدون عن السفريات مو عن القروبات يعني يحجزون عن طريقهم .. بس مايدرون عن القروب وانا وحده رحت وياهم بالقروب والله روعه وقايدنا ييييهبل حيل .. بس مادري اذا في قايد مايعرف ولا شي ثاني مادري

 

[[Q8TYA]]

السلام
حبيبتي انصحج روحي ويا سفريات السيد هل سنه طالع معاهم القايد كويتي اسمه ابو محمد احنا كنا رايحين معاه اولت العام وحده اينن معنه كان اول مره يطلع قروب ويروح استراليا وودانا كل مكااااااااان صج صج استانسنا وكان لقروب حده اينن .. بس معروف لقروب انتي وحظج بس عادي يعني لو الناس اللي معاج مو زينين مولازم تطلعين وياهم طلعي بروحج انتي وريل .. وروحي سفريات السيد وسالي متى السفره ومنو القايد اللي معاهم اذا كان بالوقت اللي بتروحين اهوا بو محمد روحي معاه

 

[هندااا]

انا العام رحت مع السيد واااااااايد زينين وفنادقم حلوة وقريبة من الأماكن السياحية.....


يعني بسدني كان فندقنا يم المينا ويم الأكواريوم ....يعني نمشي دقيقتين....

وبجولدكوست كان فندقنا يم البرادايز يعني نمشي 5 دقايق.....


والقايد كان وايد زييييييييين ومرح وروحه حلوة

 

[ام أحمدووه]

انا رحت مع زوجي وخواتي سنة 2005 مع سفريات السيد
وكان القرووب يهبل على قلب واحد وخوووووش ناس الله يذكرهم بالخير
وفعلا استراليا فظيييييييييعه احلى ديرة زرتها من جميع النواحي

 

[أميرة الحلا]

lolo77

MissKaka

ام عبدالرحمن

ليلو

ام الحلوين

كويتية

هنداا

ام احمدوو

مشكووووووووووووووووووووورين ع الرد
بس انا جد محتاااااااارة

زين شنو احسن قروب والا انا وريلي بروحنا؟؟
واي احسن قروب ابي شي يونسج
ابي تقولولي من تجاربكم شنو عيوب وميزات كل سفريات

 

[MissChoco]

حبيبتي شوفي انا رحت ويا سفريات وايد مثلا رحت ويا الدبوس
اوروبا كانو وايد زينين الفنادق بس قايدنا كان مايعرف ولا شي
وكذا رحله تنلغي بسبب المطر وكنا اشويه وكانت السفره حلوه


بس انتي تقولين استراليا احنا رحنالها مع السيد صراحه وايد زينين
وقايدنا اسمه بومحمد وكانت وياه اخته اسمها مشاعل اثنينهم قايدين
وكان قروبنا وايد كبير يعني اكبر قروب يمكن كنا 90 شخص .. مع هذا كله
لقينالنا الغرف وماتعبنا .. والفنادق قريبه وفندقنا بقولدكوست كان جدامه
البرادايس وفندقنا بسنغافورا بوسط السوق وفندقنا بتايلند كان روعه
كان الهولدي ان وفندقنا بملبورن قريب وايد يم السوق مادري شسمه بس كان
فيه القهاوي الي بليل نقعد فيهم .. وسدني كان فندقنا قريب يم جسر سدني
وكانت محطة القطار بفندقنا نركب وثاني محطه اتوقع الي ننزل عند الجسر
وكان فندقنا روووووعه احلا فندق سكنت فيه بحياتي كلها لانه كبير وايد
والرسبشن يمكن فيه 7 صالات والرسبشن فوق يكون وعود حيييل والاصنصير
تحطين كرتج عشان يشتغل .. وكان القروب والرحلات روعه ولا احلاا صراحه
ولا تعب ولاهم يحزنون ......


فحبيبتي لا اجازفين ويا قروب ماتدرين اهما شنو, شوفي الناس وين راحو
ومع منو رتاحو وروحي نفسهم .. انا قتلج انه شفنا قروب الرابيه باستراليا
وكانو يذمون القروب حيييل يقولون فنادقنا تلوع الجبد ومن هالحجي ..

فانتي شوفي اي احسن .. بس السيد ترا من زماااان يسوون قروبات
يعني متمكنين بهالسوالف ويقدرون يقولولج منو وياج وجذي واي قايد
وجم مره راح .. لانهم مو 4 5 سنين طلعو .. لا اهما من زمااان موجودين



ونصيحه لا تروحون بروحكم ترا بتوهقون اذا ماتعرفون انقليزي
وحتن لو بتعرفون ماراح ادبرون حالكم وتتعبون وفوق هذا كل شوي
بتشوفون شنو الرحلات وماتدرون حلوه او لا وماتدرون اذا باجر في
مطر او لا .. ويمكن هالرحله ممله او لا.... وبعدين القروب اهما الي
يسوونلج شغلج ويرتبون الرحلات وانتي مرتاحه واهما الي يحزون
تيين الفندق الا غرفتج زاهبه .......وصدقيني القروبات التكلفه وياهم ارخص بوايييد من انج تروحون بروحكم .. لانه خالتي راحو بروحهم و وايد
ادفعو اكثر منا ابدبلات معنه احنا كنا 5 واهما 3 تخيلي يعني .. وبعدين وايد ناس راحو بروحهم وتوهقون لانه الفنادق الي كانو حاجزينها من السفريات
تكون مو ماكده و موهقينهم .. لا تقوليلي سفريات زينه اشوف ومايوهقون
لانه خالتي حجزو ويا كذا سفريات يعني مو وحده وثنتين حجزو ويا وايد
لمن يسافرون يروحون الفندق يقولولهم انتو عندنا بس ليله مو 3 ليالي
ويتوهقون ويدقون عليهم ويقولون احنا مالنا شغل ومادري شنو .. واهني
عاد والله توهقين عكس لمن ويا قروب يكون اهما الي حاطينج بفندق وماعليج
الا من اول مادشين الفندق الا تاخذين المفتاح بس

 

[أم@الحلوين]

حبيباتي اهيا قصدها عن القروب مو عن السفريات اهيا تبي قروب حلو






حبيبتي اهما يقصدون عن السفريات مو عن القروبات يعني يحجزون عن طريقهم .. بس مايدرون عن القروب وانا وحده رحت وياهم بالقروب والله روعه وقايدنا ييييهبل حيل .. بس مادري اذا في قايد مايعرف ولا شي ثاني مادري

هلا اختي انتي رحتي قروب حق ماليزيا معاه ؟ متى ؟ والسفريات اوكى؟ والقروب اللي معاي كانوا زينين ولا يبطون الجبد؟ ؟