السلام عليكم
يمكن اول مرة اكتب موضوع من افكاري واسلوبي لكن حبيت افيد الكل واكسب الاجر باذن الله
في شهر رمضان تابعت برنامج اجمل نظرة في حياتك للشيخ مشاري الخراز وطبعا برنامج جدا رائع
والشيخ اسلوبه سهل وبسيط ومحبب ومقنع واحب اتابعه من زمان البرامج الي قبل كيف تتعامل مع الله
وفي حلقة كان يتكلم عن الغيبة وانا تهمني هالحلقة كثير كوني استغفر الله واقعة بالغيبة اعوذ بالله واستغفره
منها والمجتمع الي حولي بعضه مايساعد على تركها
المهم الشيخ كان يتكلم طبعا عن عقاب المغتاب وانه شي موسهل وتكلم عن الشي المهم كيف نستغفر عن
الغيبة وقال مو لازم نروح نقول لكل واحد اغتبناه ترى اغتبتك سامحني لان هالشي يمكن يسبب عداوات
وحزازيات والشخص بيكرهني لكن الحل انه ندعي للشخص الي اغتبناه بالخير حتى يحصل حسنات
وطبعا الملك يؤمن ع دعائنا ويقول ولك بالمثل فانا فكرت بما ان حياتي مومستقرة في اشياء كثيرة
من دراسة وزواج وغيره ففكرت ان اكيد الغيبة سبب رئيسي هي وباقي الذنوب طبعا ففكرت بما ان يوم
القيامة راح تناخذ من حسناتي مقابل الغيبة واذا ماكفوا باخذ سيئاتهم فليش ما ابتدي من الحين اعمل لهم
الحسنات حتى ماياخذون حسناتي يوم القيامة فاخذت اكتب لستة بالي اتذكر اني اغتبتهم وطبعا ادعي لهم
الله يوفقهم ويعطيهم الي يتمنونه حتى لو كنت اكرههم وزيادة قلت خليني اعمل لهم حسنات مثلا اتصدق
عنهم اي مبلغ اقدر عليه واعمل استغفارات ثوابها لهم او صلوات على النبي صلى الله عليه واله وصحبه
وسلم ونفس الشي اقول هالحسنات لهم اول شي الهدف من هالشي ان بكون مرتاحة اني امنت لهم حسنات
وبكذا يبعدون عن حسناتي الباقية
ثانيا بحس بالتعب وانا اعمل هالاعمال فبحس شلون ان الغيبة ماتسوى اخسر هالحسنات عليها
صدقوني صرت احس ان هالاعمال تروح بلحظة طيش وكلام فاضي فصرت قد ماقدر امسك لساني
والله يثبتني ويفكني من الغيبة وان شاء الله بستمر عليها حتى ارتاح نفسيا وماخاف من الذنوب
والله يوفقكم ويوفقنا ونترك هالذنب والعادة السيئة واتمنى تعجبكم الفكرة وتطبقونها وتدعون لي :biggrinlo
يمكن اول مرة اكتب موضوع من افكاري واسلوبي لكن حبيت افيد الكل واكسب الاجر باذن الله
في شهر رمضان تابعت برنامج اجمل نظرة في حياتك للشيخ مشاري الخراز وطبعا برنامج جدا رائع
والشيخ اسلوبه سهل وبسيط ومحبب ومقنع واحب اتابعه من زمان البرامج الي قبل كيف تتعامل مع الله
وفي حلقة كان يتكلم عن الغيبة وانا تهمني هالحلقة كثير كوني استغفر الله واقعة بالغيبة اعوذ بالله واستغفره
منها والمجتمع الي حولي بعضه مايساعد على تركها
المهم الشيخ كان يتكلم طبعا عن عقاب المغتاب وانه شي موسهل وتكلم عن الشي المهم كيف نستغفر عن
الغيبة وقال مو لازم نروح نقول لكل واحد اغتبناه ترى اغتبتك سامحني لان هالشي يمكن يسبب عداوات
وحزازيات والشخص بيكرهني لكن الحل انه ندعي للشخص الي اغتبناه بالخير حتى يحصل حسنات
وطبعا الملك يؤمن ع دعائنا ويقول ولك بالمثل فانا فكرت بما ان حياتي مومستقرة في اشياء كثيرة
من دراسة وزواج وغيره ففكرت ان اكيد الغيبة سبب رئيسي هي وباقي الذنوب طبعا ففكرت بما ان يوم
القيامة راح تناخذ من حسناتي مقابل الغيبة واذا ماكفوا باخذ سيئاتهم فليش ما ابتدي من الحين اعمل لهم
الحسنات حتى ماياخذون حسناتي يوم القيامة فاخذت اكتب لستة بالي اتذكر اني اغتبتهم وطبعا ادعي لهم
الله يوفقهم ويعطيهم الي يتمنونه حتى لو كنت اكرههم وزيادة قلت خليني اعمل لهم حسنات مثلا اتصدق
عنهم اي مبلغ اقدر عليه واعمل استغفارات ثوابها لهم او صلوات على النبي صلى الله عليه واله وصحبه
وسلم ونفس الشي اقول هالحسنات لهم اول شي الهدف من هالشي ان بكون مرتاحة اني امنت لهم حسنات
وبكذا يبعدون عن حسناتي الباقية
ثانيا بحس بالتعب وانا اعمل هالاعمال فبحس شلون ان الغيبة ماتسوى اخسر هالحسنات عليها
صدقوني صرت احس ان هالاعمال تروح بلحظة طيش وكلام فاضي فصرت قد ماقدر امسك لساني
والله يثبتني ويفكني من الغيبة وان شاء الله بستمر عليها حتى ارتاح نفسيا وماخاف من الذنوب
والله يوفقكم ويوفقنا ونترك هالذنب والعادة السيئة واتمنى تعجبكم الفكرة وتطبقونها وتدعون لي :biggrinlo
