احسن مستشفى للولاده

[mona86]

بنات انا ودي اولد عند نجلاء الزعفراني زز و اهيا ما تولد الا برويال حياة .. بس محتاره وايد متخوفه من هالمستشفى .. ما سمعت عنه شي زين .. فيدوووني:bbbiu:

 

[rayaan]

المستشفى عجييييييب انا توني والده فيه وكنت متخوفه منه لاني كل ولاداتي بالهادي بس الحمدلله كانت تجربه حلوه وعنايتهم حلوه وكمامهم حلو
المستشفى حلو من كل النواحي

 

[اميره بكلمتي]

بلعكس المستشفى جدا راقي والعنايه ممتازه اختي توها والده عنايتهم ورعايتهم للام والمولود جدا مريحه

 

[baa6aa]

كل الحجي عن هالمستشفى ان سيء و و و و
وكنت متخوفه من هالشي ان محد مدحه
بس لان دكتورتي فيه فاضطريت اني اكمل و اولد عندهم
بس تبارك الرحمن اللي ذمه فيه بلا صراحه
لان من افضل المستشفيات عن تجربه
هدوء هدوء هدوء عكس باقي المستشفيات اللي تسمعين لويه الياهال و الصيحة
حيل هادي و السسترات من احسن ما يكون

باقي المستشفيات اذا دخلو يقيسون الضغط والحراره اتيي بدفاشه و تقعدج من النوم على خرعه
بس هناك يمه يمه عالادب ان دشت لقتج نايمه خلتج واذا نص ونص تعتذر منج ان لازم تقيس
ومايخلونج ابد ابد بس تنادينهم اييون

الله يتمم عليهم يارب

 

[بينك وورد]

ماجربت مستشفى رويال​

ولادتي كانت بالشفا ممتاااز ومريح وعنايه والسسترات حليوات

حبيت اشارك وارفع الموضوع​

 

[انتيكا]

رووويال حيااه تووب وعنايه وسنع و شي شي ماقدر اعبر

ولدت مرتين فيه كل مره احسن من الثانيه

المستشفى يشرح الصدر ونظاااااافه والسسترات وااي يهبلون يسوونج يادهينه لاتنكتين دلع دلع

تحبين الولاده من رعايتهم امي كانت معاي استانست كيفت ومسكينه تتحسر على ايامهم قبل تقول ماعندنا جذي

 

[3boor 88]

فولووو. . لتنظيم أحلى استقبال ولادة....

@Lulu_gift
@Lulu_gift
@Lulu_gift
[/PHP][/B]

 

[ashwaq1]

امبيه المستشفى تهبل انا كنت متخوفا منهم واضطريت اولد عشان دكتورتي راحت اشتغلت هناك
لما ولدت انصدمت بالعنايه والاهتمام وهدووووووووووووء واكلهم من دايت كير اينن وعندهم تلفزيون تشوفين بنتج او ولدج واهوا بالحضانه شسوون فيه والغرفه كشخه
وحزت الولادة من 2 الى 3 سسترات فوق راسج غير الدكتورة وغرفة الولادة تهبل جنها فندق وكل شوى يقزونج مسكنات ويهتمون حيل
انصحج فيه حيل وفوق كل هذا اييبونلج كيكه هديه حق البيبي ويحتفلون معاج بس لا تخترعين اول ما يدشون عليج يصرخون سربراااااايس وصفقون وغنون جنه فرايديز

 

[عناقيد الجنه]

بالنسبة لي تجربتي سيئة مع رويال حياة ما حبيت السسترات عنايتهم مو ذال الزود
أنا أجهضت هناك
حتى أذكر كنت طووول الليل أرن الجرس على السستر ولا يتني إلا الساعة 7 الصبح لما تغيرت شفتاتهم
بس للأمانة وايد ناس يمدحونهم
يعني انتي وحظج

 

[مستشاره قانونيه]

انا جربتهم بالاجهاض وتنظيفات لان دكتورتي منهم بصراحه شي راقي وراحه نفسيه واهتمام وهدوء
وحاليا اكمل مراجعاتي اهناك وان شاء الله ربي يرزقني وناويه اولد عندهم بعد لان دكتورتي زينب برويال حياة
ان شاء الله يارب

 

[الأميرة جوري]

دار الشااااااء وايد حلو

 

[مذهلة2013]

انا والدة بالسيف قمة النظافه و الهدوء مع انه دكتوري يطلع لكذا مستشفى بس انا اخترت هالمستشفى

 

[ام فوااز]

انا ولدت برويال من سنتين ونص اينن دكتورتي خالده وتهبل عنايه ورعايه ونظافه والسستر ماتهدج ولا لحظه حتى بالحمام تكرمين معاج وماتخليج يسوى كل فلس دفعته لهم

 

[انوار المحبه]

انا ما جربت رويال حياه بس وايد يمدحونه الله يسهل عليج حبيبتي