احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت :)

[منطلقة بطموحي]

السلام عليكم و رحمة الله و بركاته ..

هلا خواتي ..

الصراحة ودي اروح العب و اسبح في حمام سباحة ..

و كنت مشتركة من فترة طويلة في نادي مس شامبينز .. خوش نادي و حلو بس الصراحة احاتي وايد نظافة حمام السباحة و ما تدرين هاللي يطبون شنظافتهم ..

فا من فترة طويلة ما سبحت بحمام السباحة ..

و حديييييي ابي اسبـــــح بحمام السباحة لأنها رياضتي المفضلة ..

فا بليز خواتي ساعدوني .. شنو احسن مكان حمام سباحة ؟ .. مهما كان السعر ..

فيه ناس يقولون إيليزيوم نظيف .. شرايكم ؟؟ ..

(( اهم شي النـــظـــافة .. ))

مهما كان كبر الحمام ..

اتمنى انكم تشاركون ..


و السلام عليكم و رحمة الله و بركاته ..

منطلقة بطموحي

 

[sereen]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

بصراحه ماكو على البحر للاسف تبين شى نظيف توب صعب طبعا تغيير الماى انسى بس اللهم الكلورين ومشتقاته مع تنظيف الفلاتر الحين بعد تقنين الماى اللى هابين فيها اشك ان الماى اللى بالاحواض كلها يكون مطابق للمواصفات الصحيه ...... الااذا انتى تسالين بنفسج البلديه يمكن يفيدونج لان عندهم قسم خاص للتفتيش .......... اذا انتى من النوع اللى يوسوس ...... الله يوفقج حبيبتى

 

[عالي مستواها]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

انا كنت مشتركة بنادي الهلال الأحمر اللي بالصليبيخات قبل سنتين حلو ونظيف

بس ايامها كان توه فاتح

بس ترا فرع الشويخ يلوع الجبد أكثر من مرة يسكرونه البلدية من الخياس اللي فيه

 

[حنون المزيون]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

دخلي فيت التابع لجمعيه المعلمين بالدسمه بصراحه نظييييف حتى قبل يومين اشوفهم ماخذين عينه من ماي حمام السباحه والجاكوزي يحللونه

 

[منطلقة بطموحي]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـ

مشكووورين خواتي

سيرين

عالي مستواها

مون 14


على ردودكم الحلوة .. الله يعطيكم العافية ..

الصراحة انا قلت بالموضوع ايليزيوم على بو انه مافيه احد زود و غالي مو اي احد يسجل فيه .. فا اللي يدشونه يكونون محترمين نفسهم و نظاف ..


و على طاري البحر يا اختي سيرين .. انا متحجبة فا صعب اطب البحر لووول ..

 

[xxx]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

شامبينز حمامهم روووووووووووووعه

 

[jolie_q8]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

اليزيوم مختلط

شامبينز نظيف على طول ينزلون الماي وينظفونه

 

[موني موني]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

والله انه عجبني الصراحة حمام السباحة اللي بنادي فيت و نظيف و راهي

اما عن ايليزيوم .. يمدحونه بس شخصيا ما شفته ولا جربته ...

موفقة حبيبتي

 

[منطلقة بطموحي]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـ

تسلموووون خواتي

بنت الكويت

جوولي

موني موني

عالردوود الحلوة ..



اختي جولي ..
اللي اعرفه انه ايليزيوم حمام السباحة الحريم وقت و الرياييل وقت ثاني ..



و أما شامبينز و فيت .. انا خايفة منهم لأن وايد ناس يطبوون فا مادري احس مو نظيف يصير ..

انزين اهمة يغيرون الماي كل يوم ؟ ..

 

[الضاميه]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

يااختي نصيحه وخري عنج الوسواس الزايد

وبعدين حتى لو الحمام نظيف انتي تقولين تخافين من الناس اللي يطبون بالحمام يعني يمكن تشوفين حمام نظيف وتوسوسين من الناس


احسن حل تشترين حمام سباحه وتحطينه بسطح بيتكم وتطبين بروحج خخخخخخخ

اتغشمر ياقمر

 

[PearL]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

انا مشتركه بنادي فيت الدسمه وايد الحوض نظيف وحلو

 

[sHa6o0ra]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

ايليزيوم يحطون ماي البحر .. يعني مالح فا يكون انظف من غيره لان بعد النادي ماعليه دوس مثل الباجي

بس اذا تبين شي نظيف صج حطيلج حمام سباحه ابيتج صج والله ترى لو انظف حمام سباحه بالدنيا هم بيكون وصخ .. ترى الحريم اغلبهم افرازات
وحاله حاله وغير الي تنقط وغير وغير
يعني استحاله يكون نظيف

سوري لوعت جبدج بس هذا الصج وانا امي ماكانت تخلينا نسبح باماكن عامه تقول ماكو مره ماينزل عليها افرازات خاصه المتزوجات

وعلى البحر ترى صج انظف شي روحي بليل تسبحي .. و في بالعديليه الرياضي يبيعون مايوه اسلامي نايلون وسيع حق متحجبات مايضايقج كلش بالسباحه
واذا ماتبين احد يشوفج روحي بليل .. او روحي صوب الشاليهات كله حريم محجبات طابين (مومثل الواجهه كله ياهال فشله تطبين)

بس ترى هالمايو صج عجيب بشرم الشيخ تلاقين كل الكويتيات لابسينه وطابين

 

[منطلقة بطموحي]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـ

شكراااا على المشاركات الحلوة خواتي

الضامية

بيرل

شطورة



اختي الضامية ..
لووول و الله حدي ودي ..


اختي بيرل ..
صج و الله .. جان زين ..
انزين ما تدرين اشكثر يغيرون الماي ؟ كل يوم ؟ ..


اختي شطورة ..
لاااااااا .. شكلج كرهتيني بشي اسمه حمام سباحة لوووووووول ..
و عن المايوه الاسلامي .. لاااا ما احبه .. هم بيتلصق بالجسم فا مو ساتر ..
و جان زين احط حمام سباحة ببيتنا ..

 

[زيـنـه]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

منطلقه .. كل حمامات السباحه مهما كانت نظافتها ما توصل نظافة انه يكون عندج بالبيت حمام سباحه و تعرفين الناس اللي يطبون فيه و تثقين فيهم ..
بالنسبه للايليزيوم حمامهم يوم ريايل و يوم حريم و هالشي عندي اردى من لما يصير مخصص للحريم .. و مثل ما قالوا البحر احسن و احسن من المسابح .
و اذا خاطرج بالسباحه تركي الوسواس او روحي للبحر و اخيرا حطي مسبح لج بالبيت . هذه الحلول المقترحه

 

[@ الرسامة @]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

نادي جمعية المعلمين اللي بالدسمة شكله نظيف وراقي حيل
انا ما اشتركت فيه بس شفته
وحتى لانه غالي مافيه وايد ناس

 

[@بنت الكويت@]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

رفيجتي تمدح فيت اللي بالدسمة وتقول عنه رووووووووعة ونظيف

اهم شي حمام السباحة يكون نظيف موناقصين امراض اللهم ياكافي

 

[أم الطيب]

مشاركة: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

حبيبتي بنت الكويت
وين عنوانهم بالدسمة
وشلون الطريقة اذا بطب يعني لازم اشتراك

 

[flfoo6a]

رد: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

هلا والله
انا بصراحه جربت نادي شاتوفب حلووو
اللي على شارع الخليج جدامه نادي ضباط الجيش

 

[موني موني]

رد: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

حبيبتي ام الطيب انه بتليقف و بعطيج معلومات عن نادي فيت ... الصراح انه سويت جولة بكذا نادي واهو اكثر واحد عجبني و مستوى النظافة حيل ممتاز .. النادي راقي و اتحسين مو كل من هب و دب يشترك فيه .. والحلو ان عندهم شي اسمه العلاج المائي ... وهو ان يعرضون الجسم لقوة ضخ مائي مثل مال المطافي هههه هذا ياعد للتخسيس..
واسعارهم كالاتي
سنة 440 +5 جلسات مساج
6 اشهر 337 +3 جلسات مساج
3 اشهر 237 + جلسة مساج
شهر 120
اسبوع 60
يوم زيارة 15

وطبعا هذه الاسعار لغير المدرسات .. لان المدرسات لهم خصم فيه



وسلامتج سامحيني على اللقافة بس حبيت افيدج وافيد الكل اييييييييييييييييي وترى هذا عنوانهم و ارقام تليفوناتهم

مباشر 2526013 - 2570860

بدالة 820000 داخلي 175

جمعية المعلمين الكويتية الدسمة قطعة 3 - شارع كاظمة

 

[أم الطيب]

رد: احسن نادي حمام سباحة وين ؟ مهمااا كان السعر !! .. ابي انظف حمام سباحة بالكويـــت

مشكوووووووووووووره عمري موني يعطيج العافيه حبيبتي