احس الدنيا ظلمة بعيني...بنات زوجي يمكن في الايدز

[عصفوووورة]

سلام عليكم

بنات لي شهر تقريبا وانا مو على بعضي لاليلي ليل ولانهاري نهار

احس بقلق موطبيعي

كرهت الدنيا وكرهت كل شي يونس فيها

كرهت حتى الاكل والنوم والطلعات ماحس بشي ابد

قلبي مقبوض واحسة يبكي

ماعرف شنو اقول بس بغيت افضفض عندكم لاني تعبانة نفسيا

بنات انا متزوجة وماصار لي سنة..طبعا ماعندي عيال

زوجي يشتغل بالمستشفى وخاصة انة طبيب للامراض المعدية

وتجيهم حالات شكثر من الشباب الله يهديهم فيهم مرض نقص المناعه الايدز..لكن هو ياخذ تطعيمة ضد المرض

بس هذه التطعيمة تمنع المرض منه تقريبا 35% يعني مو اكيد وهم ياخذون احتياطاتهم من اللبس اللي يمنع العدوى وكل شي تمام

داائم يحكيني على المصابين ويتقطع قلبي عليهم خاصة بعضهم شباب 20سنة واقل واكثر

ويحكيني انهم مسوين لهم عزل عن العالم اللي حالتهم مستعصية جدا

ماتخيلت يوم من الايام بنوقع بالمصيبة

بنات قبل شهر زوجي اخذ اجازة من العمل وهيا اجازة رسمية كل سنة ياخذها بس اختارها هذا الشهر

انا استغربت منه سالتة قال برتاح..طبعا صاير لونة اصفرر..مايقربني ابد هذا الشهر ماجا بصوبي..وهم استغربت مومن عادتة

سالتة وحلفتة بربة يشكيلي همة

ذيك الساعه نزل علي ذكاء واتنبهت قلتله انت خائف انك مصاب بالمرض الله لايقولة

قال تبين الصراحة اي..ضمني وصار يبكي قطع قلبي ولكن وقتها خفت على نفسي لان مية مية انا مصابة مثلة

وللة يبنات حسيت كانة قطعه سودة قدام عيني مرت ماقدرت بشنو اعبر حسيت كان عزرائيل بالبيت معنا يارب رحمتك

اي نسيت اقولكم اول ماخطبني عرفنا انة يشتغل بالمكان الخطر ونصحوني اخذ تطعيمة فقط للامان وهيا تمنع عني المرض بنفس النسبة 35%

المهم انتظرنا حتى جاء يوم سادس العيد ورحنا سوينا تحليل لهذا المرض والنتيجة تتطلع بعد اسبوعين لانهم ارسلوها امريكا

ولحد الحين وانا على اعصابي

صح اني الحين بعيدة عنه ورحت بيت اهلي لان باخذ فترة نقاهه بالبيت احس بس كئيبة وافكر في النتيجة

ياعمري عليهم امي وابوي مايدرون عن شي بس امي كل يوم تسالني شنو فيك لان وجهي صاير لونة متغير والاكل واللة ماشتهية ابد طبعا مو من المرض من الوسوسة اكثر شي

خلاص ماقدر اعبر اكثر صدق ماني عارفة شنو اقول بس ادعولنا نتائجنا سليمة

بنات لو زوجي الف من غير شر طلع فية المرض كيف اتركة اولا؟؟احبة من قلب

واذا تركتة اكسر بنفسة لان ماراح احد يقبل فية

واذا جلست عنده اخاف امووت من الوسوسة وماعيش حياتي لان كل يوم اخاف المرض فيني

ياللة يارب رحمتك يارب :eh_s(11): طلعت نص اللي بقلبي لان حتى اهلي خواتي مايدرون اخاف امي تموت من الخبر يارب :eh_s(11):

 

[قلب غلاي]

ياارب يا كريم تطلع التحلييلااات سلييمه

والله كسرتي قلبي


وانتي ادعي ربج يسهلها عليييكم


امانه بشرينا اذا طلعت التحالييل

ولج مني الدعااء وبخلي الكل يدعييلج

 

[لوفيه]

ان شاء الله مافيكم شي هذه كلها وساويس الشيطان اعوذبالله

وانتي لا تشغلين نفسج فيج المرض ولا فيج بالعكس تناسيه لانه من التفكير فيه راح يقضي عليج

وريلج حرام ترى اهو ماله ذنب

وعشان ترتاحون من هالسالفه إذا طلعت النتايج سليمه ان شاءالله خل يغير مكان الوظيفه

 

[مس لوتس]

يابنت الحلال هدي بالك شوي احس من كلامك ملخبطه انتي قلتيها بنفسك وسواس يعني مو اكيد ان شاءالله تري الوسواس مرض فتاك لاتتعبين نفسك بالتفكير ادري شي خطير بس الجي لربك ادعيه باوقات الاستجابه وكثري استغفار وتصدقي بنيه ربي ينجيك وزوجك اهم شي ياعمري النفسيه والحمدلله زوجك لاقدر الله ماجاه المرض من لعب وطيش من طبيعه عمله بس نصيحه لاطلعت التحاليل خليه يغير مكان عمله وان شاءالله انه طيب تري الوسواس يشكك الواحد بنفسه.
وادعي ربك وقولي اللهم اني اسالك باني اشهد ان لا اله الا انت الاحد الصمد لم يلد ولم يولد ولم يكن له كفوا احد انك تكفيني شر هالمرض انا وزوجي اللهم اني استودعتك نفسي وزوجي اللذي لاتضيع ودائعه اللهم يامن امرك بين الكاف والنون يامن تقل كن فيكون احميني انا وزوجي من كل مرض واجعلنا سليمين البدن اللهم امييين.

وطمنينا عنك حبيبتي

 

[miss_whitemocha]

حبيبتي استهدي بالله..وتعوذي من الشيطان..
إنشالله مافيه إلا العافية..
استغلي وقتج بالأستغفار والدعاء عسى ربي يرأف بحالج إنشالله..
ولما تطلع النتايج يحلها ربج ساعتها..
​

 

[ايام وردية]

ياقلبي عليكم عورتي قلبي

حبيبتي ان شاءاللة وسواس مثل ماقلتي ونصيحة مني روحي مع احد من اخوانك وغيري جو ولو روحي عمرة لان الوسواس يموت ويجيب المرض

روحي عمرة وادعي وغيري جو ولاتفكرين ويارب سليمة يارب

 

[є 3 τ и α q]

ان شاء الله مافيكم الا كل خير
والله يجعل التحاليل سليمة وترتاحين


ربي يفرج همك يارب

 

[المرتاحة]

يارب يا كريم ان شا الله تطلع تحاليلكم ما فيها شي ويصير اللي في بالكم كله اوهام

ليش زوجج يعني اهو مسك عينه او جرحته عينه من المصابين؟ ولا بس جذي يوسوس

ترى في حاله سووا عليها دراسه وهو ان الطبيب يحس انه فيه مثل اعراض المرض اللي يعالجه وهو ما فيه شي بس نفسيا اهو يحس بجذي والحاله هذي سموها الام اس اس MSS (Medical Student Syndrome)

ان شا الله يارب يطمن قلوبكم و تبشرينا اهني

طمنينا عليكم لا تنسين

 

[سكني بروحك]

اسئل الله العظيم رب العرش العظيم ان يشفيكم
اسئل الله العظيم رب العرش العظيم ان يشفيكم
اسئل الله العظيم رب العرش العظيم ان يشفيكم
اسئل الله العظيم رب العرش العظيم ان يشفيكم
اسئل الله العظيم رب العرش العظيم ان يشفيكم
اسئل الله العظيم رب العرش العظيم ان يشفيكم
اسئل الله العظيم رب العرش العظيم ان يشفيكم





خلي ايمانج بالله قووووي ولاتنسين دعاء ثلث الاخير من الليل
قدرت ربج تسوي المستحيلات والمعجزات

اقري سوره البقره كلللللللللللللللللللللللل يوم لي وقت النتجه

هذا العلاج
عن أبي أمامة قال : قال رسول الله صلى الله عليه وسلم : ( اقرؤا سورة البقرة فان أخذها بركة وتركها حسرة ولا تستطيعها البطلة )

وادعي بالسجود وبعد انتهاء من الصلاه وثلث الاخير بخشوووع وكوني على ثقه بربج وقدرته


وان شاء الله باذن الله اذا مشيتي على الخطوات الي فيها استعانه بربج بفرج همج

وقل لن يصبنا الا ماكتبه الله لنا

وعسى ان تكرهوا شي وهو خيرا لكم

بالسلامه لج ولزوجج

 

[انوثتي غير وياك]

ياااارب العالمين تشفيه وتعافيه
شدي حيلج بقيام الليل وادعي وابجي لربج اهوا الوحيد الي قادر يغير كل شي
وانشالله مافيكم الا العافيه يارب ​

 

[sul6ana]

يابنت الحلال هدي بالك شوي احس من كلامك ملخبطه انتي قلتيها بنفسك وسواس يعني مو اكيد ان شاءالله تري الوسواس مرض فتاك لاتتعبين نفسك بالتفكير ادري شي خطير بس الجي لربك ادعيه باوقات الاستجابه وكثري استغفار وتصدقي بنيه ربي ينجيك وزوجك اهم شي ياعمري النفسيه والحمدلله زوجك لاقدر الله ماجاه المرض من لعب وطيش من طبيعه عمله بس نصيحه لاطلعت التحاليل خليه يغير مكان عمله وان شاءالله انه طيب تري الوسواس يشكك الواحد بنفسه.
وادعي ربك وقولي اللهم اني اسالك باني اشهد ان لا اله الا انت الاحد الصمد لم يلد ولم يولد ولم يكن له كفوا احد انك تكفيني شر هالمرض انا وزوجي اللهم اني استودعتك نفسي وزوجي اللذي لاتضيع ودائعه اللهم يامن امرك بين الكاف والنون يامن تقل كن فيكون احميني انا وزوجي من كل مرض واجعلنا سليمين البدن اللهم امييين.

وطمنينا عنك حبيبتي

نفس اللي بقووله...واهم شي الاستغفاار الاستغفار والدعااء
وتكفين لمن تطلع النتيجه بشرررررررررينااااا زين.....

 

[! هُوْ وِينِه !]

إن شاءالله مآ فيكم إلآ آلعآفيه

 

[طـفولية]

اهوا ما فيكم الا العافية وريلج موسوس لان اهوا المقروض ادرى الناس بان المرض ما ينتقل بالهوى وغير جذي " لا عدوى ولا طيرة " هذا حديث عن الرسول صلى الله عليه وسلم ، ربي اذا شال يبدئ فيكم المرض ، صلي وادعي توجهي لربح وخلينتقل من المكان اذا بتنقلب حياتكم جحيم

 

[كويتيه فرنسيه]

شدعوا النتايج اسبوعين وايد والله

حبيبتي اذا طلعت النتايج سليمه ان شاء الله خلاص خليه يغير مكان شغله حتى لو معاشه يقل اهم شي الصحه ترا العمر مو لعبه حتى الله يقول ولاتلقو بايديكم الى التهلكه

شنو فايدة الفلوس اذا النفسيه تعبانه

خليه يدور واسطه وينتقل مكان ثاني

وخليج متفائله ان النتايج ززينه ومافيكم الا العافيه

 

[مارشميلو..]

ان شالله مافيكم الا العافيه
طمنينا عنك

 

[njoy]

آن شـآء آلله مافيكم إلآ آلعـآفيه
إنتي لآ توسوسين بس

يـآرب تطلع آلتحـآليل سليمه
إنتي إدعـي ربج

طمنينا :***​

 

[جود المري]

حبيبتي بإذن الله الواحد الأحد مافيكم إلا العافيه .. انتي بس تفائلي وأحسني ظنك بالله ربك عند ظن عبده به فأحسني الظن ..

لا تخلين للشيطان عليكم مدخل

وأول ماتطلع النتاييج بشرينا ..


والله يطمن قلوبكم

 

[*الغاليه*]

ااالله يكوون بعووونج اختي

اناا اللي مالي اي دخل بالموضوع نزلت دموعي وقلبي عوورني عليج

علييييج بصلااة قيااام الليل وسورة البقره اقريها يوومياا لااتتركينها

واذا طلعت التحاليل سليمه اطلبيه يترك وظيفته ولا هالعذاب النفسي اللي عاايشه ومعيشج فيه

وان شااء الله ماارااح انسااج من دعااائي ربي يفرح قلبج
ويفررج همج ويسعها عليج من اوسع ابووابه

وانتي مؤمنه وربي ابتلاج بيشوف مدى صبرج لاتخلين لابليس مدخل عليج


​

 

[[[ عيون جابر ]]]

انشالله مافيكم الا العافيه

 

[تراتيل المطر]

عصفووره يابعد قلبي والله أنج عورتى قلبي حيييل

أنا اليوم صايمه اول يوم من الأيام اللي علي برمضان وأبشري بكل خير ياقلبي والله أنى بدعي لج انتى وزوجج قبل الفطور وعلى الفطور ،، عسي ربي يشافيكم ويعافيكم ويمن عليكم بالصحه والعافيه يارب العالمين ..

حبيبتى عصفوره مثل ماقالوآ البنات علييج بصلاة قيام الليل ترى فضلها فضلن عظيم وأنا أختج ،، ولا تقعدين توسوسين ..

بعدين تعالى أقول لج أنتى ألحين في بيت أهلج ومخليه زووجج ورآآج حرآآم علييج ياعصفووره هذا الوقت بالذات المفروض تكونين وآآآقفه بجنبه وتهدينه وتقومين الليل أنتى وياه مع بعض ،، المفرووض تعتكفين أنتى وهو مع بعض ألزمووآ الأستغفار وأنا أختج ،، ويوم الأثنين أول الأيام البيض صومي أنتى وزوجج الأيام البيض وأدعوآ ربي وألحوو بالدعاء وصدقينى الله عند حسن ظن العبد مادام العبد محسن الظن بربه ،، وتصدقوآ ياعصفوره ترى الصدقه تفرج الهم وتذهب غضب الرب ..

تكفين عصفووره ترى زووجج ألحين هو بحاجتج أكثر من أي وقت رآآح لا يوسس فييج الشيطاان وتقعدين في بيت أهلج وتخلينه ورآآج ،، وإن شاء الله لى طلعت النتيجه سليمه خليه أول شي يغير وظيفته وعلى طوول روحي أنتى وياه عمره ..

ما أدرى شقوول بس حيييل مصدوومه وبنفس الوقت كسرتى خاطري ،، ودي أساعدج لكن مافي يدي إلا الدعاء ..

أماانه عصفووره طمنينا وش يصير معاج ،، ربي يحفظكم ويحميكم ويبعد عنكم كل سوء وشر وبليه يارب العالمين ..