احس اني ضايعة والكل ماخذحقي وانا ساكتة

[وين الفرح]

السلام عليكم كيفكم
بنات والله لايعه جبدي من المكان الي انا فيه والله اداوم والعن اليوم الي انولدت فية بسبة هالناظرة
انا سكرتارية بروضة وقايمة بشغلي بامانة ومأدية الي علي بس الناظرة لاتقدير لااحترام وكل انت الغلطانة ماتعترف بالخطأ وطقت جبدي مااقدر اتناقش انا وياها كله اتصارخ وتطول صوتها وهذا غير الاحزاب والشلة الي مسويتها ربعها كل شاية غلطاتهم لانهم يتمصلحون عندها
وحاولت اقدم نقل بس ماقدرت كله مايمشي
وماني عارف شلون انقل من المنطقة التعليمية الالازم واسطة وانا ماعندي
اول كان ابوي الله يرحمه مشي اموري الحين احس اني ضايعة والكل ماخذحقي وانا ساكتة
شنو الحل للنقل السريع برايكم

 

[حورية بنت حواء]

وييي حبيبتي
عورتي قلبي عليج يالحبيبه

الله ينصرج عليهم
مالج الا الدعاء والالجئي لربج وانشاء الله بينصرج عليهم
بس اختى ليش ما تشتكين عليها بالوزاره وتطلبين نقل فعلي يعني تحاولين اكثر من مره وانتي اكويتية ما تقدر تسويلج اي شي
وبعدين قولي لاعمامج لاخوانج لخوالج لاي احد يقدر يوقف معاج
كلش كلش
وين عضو منطقتكم
اهم شي ما تسكتين عن حقج حبيبتي ولا تحرين عمرج ترى ماكو شي يستاهل حياتي

 

[واقعيـــة]

أكثري الاستغفار بنيّة تسهيل النقل .. ولا يفعل العباد ما يخالف أمر المعبود

الله وحده المنتقم .. ربي يوفقج ​

 

[جيتك تعال]

حبيبتي لا تقعدين عندهااا ... طلبي نقل اكثر من مرة

النوعية الي مثل ناظرتك الجهد معاها ضاايع