صباح/مساء الخير
شلونكم بنات ان شاااءالله اموركم تمام
وعسى الله يوفق كل وحده فيكم مع زوجها ويسهل امورها ويسررر حياتها يارب،،
بنات انا بشكي عليكم مشكلتي(همي) من بعد الله وابي منكم نصايح او تفيدوني اذا انتم بمكاني شنو ممكن تسوون وبنفس الوقت تنصحوني اذا انا غلطانه باللي سويته والالا
لان خلاص احس اني ضعت وتعبت ومليت بجي ومليت ضيق ومليت هم وموعارفه شسوي احس كل شي ضدي
بنات عفيه استوعبوا وياي نقطه نقطه والله محتاجتكم وعادتكم مثل خواتي والله العالم ،،
بنات انا ولدت تقريبا من مده وقبل ولادتي يعني وانا بالتاسع كانوا اهل زوجي يبنون تحت ديوانيه حق زوجي وحمواني،، ومتحمس زوجي حيل حق الدوانيه ويقول تصدقين اتمنى تخلص بأقرب واسرع وقت ودي الربع كلهم يتجمعون عندي ويقولون بنروح حق دوانيه فلان ( اللي اهو زوجي)ابتسمت وقلت له ان شاءالله يجي هاليوم يارب وتفرح فيها جان يبتسم ويقول راح اكون تحتج كل الوقت وموجود بالبيت من اقعد حتى انام واستانست قلت ان شاءالله حياتي يجي هاليوم ( بس للأسف كثررر ماانتظرت هاليوم الحين ادعي ياليته ماجا هاليوم )
المهم ولدت انا بالسلامه وكانوا يبنون فيها ويضبطون،، وعلى اخر نفاسي خلصت بس بقى الاثاث وطلعت من النفاس وسافرت على طول ،،، تصوروا بنات حتى وانا بالطياره يقول شنووو متحمس اشوف الديوانيه بعد ماخلصت،،
المهم رجعنا الديره وخذيت بنتي ورجعت بيتي ،،،طبعا تعرفون اول بيبي وحاسه مومستقره شوي لان كنت متعوده بروحي والحين صرت مسؤوله عالبيبي (اكيد حسيتوا بهالشي)خصوصا اللي ماعنده خدامه نفسي بعد ماقدمتها ماوصلتني،،،
والسالفه يابنات اول يوم نمت فيها (ادري بتقولون ليش تلقفين ) بس ياربي مااستحمل خذيت الاي فون ماله وقعدت اتعبث فيه واهوا نايم طبعا من غير مايدري لان ابدا ابدا مايرضى امسك تلفووونه والمصيبه يابنات طحت على برنامج الهوز هير عنده وحاااط نك ......،، قهررررني حيل بنكه حسيته يدور بنات واضح وطبعا كاتب تحت بالتعريف الشخصي انه يبحث عن فتاه من 18 لي 35 امبييييه شيبي بالخمس والثلاثين واهو عمره 26 بنات حسيت قلبي وقف والارض موقادره تشيلني وارجف من الصوره اللي كنت حاطتها ببالي عنه صدمني صدمني صدمني * واهوا اللي دايم يطق الشرف قدامي واذا شاف ناس موززينه علق وقال هذول مومتربين والا اذا قلت له سالفه عن فلانه زوجهاخانها تعالوا اسمعوا بس كلامه تحلفون انه رجال مضبوط وماعنده خرابيط ضابط الدور حيل، ولا لما قلت له ودي انزل برامج جديده بالاي فون جان يقول والله انتو هالجيل صعب شنو برامج يبا الاي فون او اي تلفون ثاني دقي واستقبلي ودزي رساله وواتس اب بس اما برامج ثانيه مالها داعي ،،، بالامانه مويقهررررر؟؟
والمصيبه الاكبر والعظمي لقيت افلاااااام اباحيه( اكيد فاهمين قصدي) لخليجيات واجانب ووووووووو...... اشياء واااجد
طبعا حزتها والله ماذاقت عيني النوم ولاذقت طعم الراحه حطيت بقلبي هالقهر وسكتت ،، ولما قعد من النوم ابدا مابينت للعلم ان ماجا الا متأخر الساعه 4 الفجرر تخيلوووا اول مره يسويها بحياته من تزوجت وعشان جذي قلبي نغزني وتعبثت بتلفونه
ومثل ماقلت لكم ابدا مابينت له قعد غسل وعلى طوووول نزل الديوانيه،، وهم مارجع الا 3 الفجر من الساعه 3 العصرر كان بالديوانيه لي 3 الفجرر تخيلوا،،
وبهالوقت كنت اشاور روحي ياربي اقوله واصارحه بس شلووون اصارحه وانا مايرضئ اتعبث بتلفونه قلت بسكتت وبنطررر عشان اشوف لي سالفه او طريقه يخليني امسك تلفونه واطيح عالبرنامج واواجهه وانا بيني وبينكم خفت لما اصارحه مايهتم ويقول اي شعندج وانصدم اكثر ومااطلع بالنتيجه اللي انا ابيها (فهمتوا قصدي) ،،،
المهم مروا يومين واهو ولاحاااس كله بالديوانيه تحت من يقوم لين يصعد يقعد معاي خمس دقايق ويروح ينام بس هذي حياتنا لااكثر ولا اقل،،
وبعداليومين قلت بمسك تلفونه وانصدمت انه مسح هالبرنامج مالقيته وحزتها تندمت قلت ياليتني فتحت وياه الموضوع الحين حطيت القهر بقلبي وسكتت شلون بصارحه ووين الدليل*
بس الافلام لي الدقيقه هذي واهيا موجوده بجهازه مامسحهااااا
وصاير كله ديوانيه وكله معصب وماله نفس بالموت جابلي خدامه طلعنا مشوار بوخمس دقايق خذينا هالخدامه وركض عالسياره مسكينه حتى الخدامه ركضت ويانا*
ليش كله هذا عساس رياجيل اول مره يزورون الديوانيه ولازم يقعد عندهم
بنات من يقعد ينزل ومايصعد الا الصبح يبدل وينام واذا كان عليه دوام يسهر تحت لين وقت الدوام يصعد يلبس ويطلع بسسس،
مليت صارلي يومين ساكته ومااسولف وياه اذا دخل بس اذا سولف وياي عادي اجاوبه بس مونفس قبل ضحك ووناسه لا صرت مااضحك واذا قال شي يضحك ابتسم له بس وكله يقول انتي شفيج في شي مضايقج اقوله لا بالعكس عادي شفيني يعني يقول انا حاس فيج شي ماتضحكين وماتسولفين صارحيني انا زوجج فيج شي قلت له والله مافيني الا العافيه قال قولي والله وحلفت له ونزل،،،(يسألني شفيني وياحظي مايقعد عندي غير ربع ساعه وينام وشلون يبيني اضحك واسولف بهالربع ساعه اراقوز يعني)
بنات من ولدت تغير تخيلوا بالنفاس مازارني الا مره وبعد حنه مني قلت عفيه تعال والله ضايق خلقي وتعرفون اكتئاب مابعد الولاده ودخل 5 دقايق. وطلع لانه موفاضي فاضي حق الهوز هير وانا كنت اقول ياربي شفيه لايزوني مثل ماخواتي يزورونهم رياجيلهم ليش انا غيرر للعلم بس انا بالبيت بروحي طبعا من غير امي وابوي يعني خواتي كلهم متزوجات ماله عذر انه يستحي او شي ومرات امي تنام عند خوالي واقعد اقط عليه نغزااااااااات اني برووووحي وهم ماكو فايده (يبي ياخذ راحته بالبرنامج والافلام وانا ياغافلين لكم الله كنت احط ببالي انه مشغول وهمه ربعه تفكييري كان بريئ)
ولما جا وقت التجهيز عساس خلاااص بطلع من النفاس تعرفون مرات احتاج اروح وياه عساس نشتري اغراض حق البيبي طبعا اسبوعين كاملين وكل يوم يقول لا اليوم صعبه اوديج مااقدر اعذريني اقوله شنو السبب طيب يقولي تعبان وبقعد بالديوانيه فكيني،،،،
واذا جا اليوم المعجزه ووداني والله من اركب السياره هووواااااش وزف وياللله خلصيني جم مكان تبين تروحين له وبسرعه ويطالع الساعه وحيل وحيل يوترني حتى لوبشتري اشتري اي شي واقوله اشفيك مستعيل ابي يوم اخذ راحتي تقول انا اليوم لج واخذي راحتج يقول يالله خلصينا اقول ليش اخلصك شعندك يقول والله بروح اقعد باليوانيه خوش قعده،،،
معقووووله بنات اربعين يوم ومااااشبع معقوله
شي يقهررر ويحيررر ،،،، شنو هالديوانيه وهالربع اللي ماتستغني عنهم لو جم ساعه بس اخلص اغراضي
بس قلت راح يتعدل اكيد اذا جيت شقتي بس يابنات كاني رجعت شقتي وانصدمت وكل وقته تحت بالديوانيه الحين توه قعد من النوم ونزل تحت ومايرد الا الصبح ييدل ويروح الدوام،،،،
بنات والله مايدخل الا البيت نظيف ومرتب ومهتمه بنفسي والبيت مبخر وهذا طبعي ،،
طيب،،، مولنا حق انا وبنته يقعد معانا ؟؟؟ انا شسوي بروحي مليت كل الوقت بروحي واذا حاجيت رفيجاتي كلش كلش الساعه2 سكروه ازواجهم دخلوا الشقه وانا اقعد مع نفسي وابجي؛؛*
ويقولي لما قطيت نغزات عليه شنو يعني انا وين رايح طلي تحت شوفي سيارتي اناقاعد بديوانيتي واكون لي رواد ديوانيه ،،، المفروض تفتخرين فيني موتهاوشيني وتقطين نغرات قلت على عيني وراسي تكون لك رواد ديوانيه ومن حقك بس تقعد كل الوقت حتى الفجر شهالرواد الللي مومحترمين هذول ،،،انا اعرف الناس اللي تحشمك وتوجبك تزور الديوانيه بوقت محترم اما السهر لي الفجر هذول ربع الميانه وانا اعرف بلا حذب جان يقول اوكي بس كلهم متزوجين شمعنى ماقالوا زوجاتهم ردوا تعالوا الا انااااا،،،
جان اقوله من داس لك على طرف من قالك تعال لا يبا اخذ راحتك وانا اعرف انه ديوانيه جديده اخذ راحتك هالايام،،، جان يقول نعم نعم شقصدج هالايام يعني بس ساكته هالايام وبعدين شبتسوين مثلا ،، يقول حتى برمضان ماراح ارجع الا بعد صلاه الفجررر،، تخيلوا يعاند والاشنوو،، انا سكتت عنه،،،
والحين اهوا حاس اني ضايقه عشان الديوانيه بس يستعبط ويحن علي شفيج والا اهوا عارف ومتأكد
بنات شسوي وياه شنو الحل بروحي مقهورررره من هالبرنامج الهوز هير والافلام وفوق هذا صاير مايقعد ولاشي فوق شينه وقوات عينه شسوي وياه وشلون افاتحه بالبرنامج والالا؟؟؟؟؟ مت وانا شايله بقلبي اكلني الهم والقهررر قاعده اقول ليتني فاتحته حزتهاوطلعت اللي بقلبي ،،،، والا افاتحه على هالافلام بس وشسوي مع الديوانيه صاير من يفتح عينه الين تغمض عينه واهوا تحت،،،بناات لحد يقول قعدي معاه وتفاهمي مايعرف التفاهم اهوا ،،، ابي حل ثاني يكون ردة فعل،،،
بنات معاي حق لمن شال خاطري عليه وبينت له انه فيني شي؟؟؟؟؟ والا انا غلطانه ومكبره الموضوع عفيه شوفوا لي حل انصحوني خلاص احس الامور كلها تداخلت مع بعض وتخربطت ياارب رحمتك ياااارب
ماني قادره شسوي احس اني ضايعه واستحي اشتكي لامي واالا لخواتي
تكفووووون بعدكم مثل خواتي وعلقووا اذا انا غلطت بشي وشنو ممكن اسويه. واللله واللله والله محتاجتكم واحس ان مخي خلاااااااص تعب من الصدمااااات ؛( ماقام يفكرررر
ادري طولت السالفه حيل حيل بس ابيكم تفهمون الوضع معاااي
واسفه عالازعاج ناطرتكم
اختكم فالله،،،،
شلونكم بنات ان شاااءالله اموركم تمام
وعسى الله يوفق كل وحده فيكم مع زوجها ويسهل امورها ويسررر حياتها يارب،،
بنات انا بشكي عليكم مشكلتي(همي) من بعد الله وابي منكم نصايح او تفيدوني اذا انتم بمكاني شنو ممكن تسوون وبنفس الوقت تنصحوني اذا انا غلطانه باللي سويته والالا
لان خلاص احس اني ضعت وتعبت ومليت بجي ومليت ضيق ومليت هم وموعارفه شسوي احس كل شي ضدي
بنات عفيه استوعبوا وياي نقطه نقطه والله محتاجتكم وعادتكم مثل خواتي والله العالم ،،
بنات انا ولدت تقريبا من مده وقبل ولادتي يعني وانا بالتاسع كانوا اهل زوجي يبنون تحت ديوانيه حق زوجي وحمواني،، ومتحمس زوجي حيل حق الدوانيه ويقول تصدقين اتمنى تخلص بأقرب واسرع وقت ودي الربع كلهم يتجمعون عندي ويقولون بنروح حق دوانيه فلان ( اللي اهو زوجي)ابتسمت وقلت له ان شاءالله يجي هاليوم يارب وتفرح فيها جان يبتسم ويقول راح اكون تحتج كل الوقت وموجود بالبيت من اقعد حتى انام واستانست قلت ان شاءالله حياتي يجي هاليوم ( بس للأسف كثررر ماانتظرت هاليوم الحين ادعي ياليته ماجا هاليوم )
المهم ولدت انا بالسلامه وكانوا يبنون فيها ويضبطون،، وعلى اخر نفاسي خلصت بس بقى الاثاث وطلعت من النفاس وسافرت على طول ،،، تصوروا بنات حتى وانا بالطياره يقول شنووو متحمس اشوف الديوانيه بعد ماخلصت،،
المهم رجعنا الديره وخذيت بنتي ورجعت بيتي ،،،طبعا تعرفون اول بيبي وحاسه مومستقره شوي لان كنت متعوده بروحي والحين صرت مسؤوله عالبيبي (اكيد حسيتوا بهالشي)خصوصا اللي ماعنده خدامه نفسي بعد ماقدمتها ماوصلتني،،،
والسالفه يابنات اول يوم نمت فيها (ادري بتقولون ليش تلقفين ) بس ياربي مااستحمل خذيت الاي فون ماله وقعدت اتعبث فيه واهوا نايم طبعا من غير مايدري لان ابدا ابدا مايرضى امسك تلفووونه والمصيبه يابنات طحت على برنامج الهوز هير عنده وحاااط نك ......،، قهررررني حيل بنكه حسيته يدور بنات واضح وطبعا كاتب تحت بالتعريف الشخصي انه يبحث عن فتاه من 18 لي 35 امبييييه شيبي بالخمس والثلاثين واهو عمره 26 بنات حسيت قلبي وقف والارض موقادره تشيلني وارجف من الصوره اللي كنت حاطتها ببالي عنه صدمني صدمني صدمني * واهوا اللي دايم يطق الشرف قدامي واذا شاف ناس موززينه علق وقال هذول مومتربين والا اذا قلت له سالفه عن فلانه زوجهاخانها تعالوا اسمعوا بس كلامه تحلفون انه رجال مضبوط وماعنده خرابيط ضابط الدور حيل، ولا لما قلت له ودي انزل برامج جديده بالاي فون جان يقول والله انتو هالجيل صعب شنو برامج يبا الاي فون او اي تلفون ثاني دقي واستقبلي ودزي رساله وواتس اب بس اما برامج ثانيه مالها داعي ،،، بالامانه مويقهررررر؟؟
والمصيبه الاكبر والعظمي لقيت افلاااااام اباحيه( اكيد فاهمين قصدي) لخليجيات واجانب ووووووووو...... اشياء واااجد
طبعا حزتها والله ماذاقت عيني النوم ولاذقت طعم الراحه حطيت بقلبي هالقهر وسكتت ،، ولما قعد من النوم ابدا مابينت للعلم ان ماجا الا متأخر الساعه 4 الفجرر تخيلوووا اول مره يسويها بحياته من تزوجت وعشان جذي قلبي نغزني وتعبثت بتلفونه
ومثل ماقلت لكم ابدا مابينت له قعد غسل وعلى طوووول نزل الديوانيه،، وهم مارجع الا 3 الفجر من الساعه 3 العصرر كان بالديوانيه لي 3 الفجرر تخيلوا،،
وبهالوقت كنت اشاور روحي ياربي اقوله واصارحه بس شلووون اصارحه وانا مايرضئ اتعبث بتلفونه قلت بسكتت وبنطررر عشان اشوف لي سالفه او طريقه يخليني امسك تلفونه واطيح عالبرنامج واواجهه وانا بيني وبينكم خفت لما اصارحه مايهتم ويقول اي شعندج وانصدم اكثر ومااطلع بالنتيجه اللي انا ابيها (فهمتوا قصدي) ،،،
المهم مروا يومين واهو ولاحاااس كله بالديوانيه تحت من يقوم لين يصعد يقعد معاي خمس دقايق ويروح ينام بس هذي حياتنا لااكثر ولا اقل،،
وبعداليومين قلت بمسك تلفونه وانصدمت انه مسح هالبرنامج مالقيته وحزتها تندمت قلت ياليتني فتحت وياه الموضوع الحين حطيت القهر بقلبي وسكتت شلون بصارحه ووين الدليل*
بس الافلام لي الدقيقه هذي واهيا موجوده بجهازه مامسحهااااا
وصاير كله ديوانيه وكله معصب وماله نفس بالموت جابلي خدامه طلعنا مشوار بوخمس دقايق خذينا هالخدامه وركض عالسياره مسكينه حتى الخدامه ركضت ويانا*
ليش كله هذا عساس رياجيل اول مره يزورون الديوانيه ولازم يقعد عندهم
بنات من يقعد ينزل ومايصعد الا الصبح يبدل وينام واذا كان عليه دوام يسهر تحت لين وقت الدوام يصعد يلبس ويطلع بسسس،
مليت صارلي يومين ساكته ومااسولف وياه اذا دخل بس اذا سولف وياي عادي اجاوبه بس مونفس قبل ضحك ووناسه لا صرت مااضحك واذا قال شي يضحك ابتسم له بس وكله يقول انتي شفيج في شي مضايقج اقوله لا بالعكس عادي شفيني يعني يقول انا حاس فيج شي ماتضحكين وماتسولفين صارحيني انا زوجج فيج شي قلت له والله مافيني الا العافيه قال قولي والله وحلفت له ونزل،،،(يسألني شفيني وياحظي مايقعد عندي غير ربع ساعه وينام وشلون يبيني اضحك واسولف بهالربع ساعه اراقوز يعني)
بنات من ولدت تغير تخيلوا بالنفاس مازارني الا مره وبعد حنه مني قلت عفيه تعال والله ضايق خلقي وتعرفون اكتئاب مابعد الولاده ودخل 5 دقايق. وطلع لانه موفاضي فاضي حق الهوز هير وانا كنت اقول ياربي شفيه لايزوني مثل ماخواتي يزورونهم رياجيلهم ليش انا غيرر للعلم بس انا بالبيت بروحي طبعا من غير امي وابوي يعني خواتي كلهم متزوجات ماله عذر انه يستحي او شي ومرات امي تنام عند خوالي واقعد اقط عليه نغزااااااااات اني برووووحي وهم ماكو فايده (يبي ياخذ راحته بالبرنامج والافلام وانا ياغافلين لكم الله كنت احط ببالي انه مشغول وهمه ربعه تفكييري كان بريئ)
ولما جا وقت التجهيز عساس خلاااص بطلع من النفاس تعرفون مرات احتاج اروح وياه عساس نشتري اغراض حق البيبي طبعا اسبوعين كاملين وكل يوم يقول لا اليوم صعبه اوديج مااقدر اعذريني اقوله شنو السبب طيب يقولي تعبان وبقعد بالديوانيه فكيني،،،،
واذا جا اليوم المعجزه ووداني والله من اركب السياره هووواااااش وزف وياللله خلصيني جم مكان تبين تروحين له وبسرعه ويطالع الساعه وحيل وحيل يوترني حتى لوبشتري اشتري اي شي واقوله اشفيك مستعيل ابي يوم اخذ راحتي تقول انا اليوم لج واخذي راحتج يقول يالله خلصينا اقول ليش اخلصك شعندك يقول والله بروح اقعد باليوانيه خوش قعده،،،
معقووووله بنات اربعين يوم ومااااشبع معقوله
شي يقهررر ويحيررر ،،،، شنو هالديوانيه وهالربع اللي ماتستغني عنهم لو جم ساعه بس اخلص اغراضي
بس قلت راح يتعدل اكيد اذا جيت شقتي بس يابنات كاني رجعت شقتي وانصدمت وكل وقته تحت بالديوانيه الحين توه قعد من النوم ونزل تحت ومايرد الا الصبح ييدل ويروح الدوام،،،،
بنات والله مايدخل الا البيت نظيف ومرتب ومهتمه بنفسي والبيت مبخر وهذا طبعي ،،
طيب،،، مولنا حق انا وبنته يقعد معانا ؟؟؟ انا شسوي بروحي مليت كل الوقت بروحي واذا حاجيت رفيجاتي كلش كلش الساعه2 سكروه ازواجهم دخلوا الشقه وانا اقعد مع نفسي وابجي؛؛*
ويقولي لما قطيت نغزات عليه شنو يعني انا وين رايح طلي تحت شوفي سيارتي اناقاعد بديوانيتي واكون لي رواد ديوانيه ،،، المفروض تفتخرين فيني موتهاوشيني وتقطين نغرات قلت على عيني وراسي تكون لك رواد ديوانيه ومن حقك بس تقعد كل الوقت حتى الفجر شهالرواد الللي مومحترمين هذول ،،،انا اعرف الناس اللي تحشمك وتوجبك تزور الديوانيه بوقت محترم اما السهر لي الفجر هذول ربع الميانه وانا اعرف بلا حذب جان يقول اوكي بس كلهم متزوجين شمعنى ماقالوا زوجاتهم ردوا تعالوا الا انااااا،،،
جان اقوله من داس لك على طرف من قالك تعال لا يبا اخذ راحتك وانا اعرف انه ديوانيه جديده اخذ راحتك هالايام،،، جان يقول نعم نعم شقصدج هالايام يعني بس ساكته هالايام وبعدين شبتسوين مثلا ،، يقول حتى برمضان ماراح ارجع الا بعد صلاه الفجررر،، تخيلوا يعاند والاشنوو،، انا سكتت عنه،،،
والحين اهوا حاس اني ضايقه عشان الديوانيه بس يستعبط ويحن علي شفيج والا اهوا عارف ومتأكد
بنات شسوي وياه شنو الحل بروحي مقهورررره من هالبرنامج الهوز هير والافلام وفوق هذا صاير مايقعد ولاشي فوق شينه وقوات عينه شسوي وياه وشلون افاتحه بالبرنامج والالا؟؟؟؟؟ مت وانا شايله بقلبي اكلني الهم والقهررر قاعده اقول ليتني فاتحته حزتهاوطلعت اللي بقلبي ،،،، والا افاتحه على هالافلام بس وشسوي مع الديوانيه صاير من يفتح عينه الين تغمض عينه واهوا تحت،،،بناات لحد يقول قعدي معاه وتفاهمي مايعرف التفاهم اهوا ،،، ابي حل ثاني يكون ردة فعل،،،
بنات معاي حق لمن شال خاطري عليه وبينت له انه فيني شي؟؟؟؟؟ والا انا غلطانه ومكبره الموضوع عفيه شوفوا لي حل انصحوني خلاص احس الامور كلها تداخلت مع بعض وتخربطت ياارب رحمتك ياااارب
ماني قادره شسوي احس اني ضايعه واستحي اشتكي لامي واالا لخواتي
تكفووووون بعدكم مثل خواتي وعلقووا اذا انا غلطت بشي وشنو ممكن اسويه. واللله واللله والله محتاجتكم واحس ان مخي خلاااااااص تعب من الصدمااااات ؛( ماقام يفكرررر
ادري طولت السالفه حيل حيل بس ابيكم تفهمون الوضع معاااي
واسفه عالازعاج ناطرتكم
اختكم فالله،،،،
