احس اني مسكينه بينهــم

[كفااايه]

حبيت افضفض لكم ​

طبعا رغم ان لي سنه تقريبا متزوجه بس احس اني مسكينه رغم ان السبب مو مني من زوجي عنده انعدام يعني مستحيل احمل الا اذا الله كتب لي الحمل وثقتي بالله كبييييييره انا احب زوجي واهو يحبني بس لاني اكبر خواتي فأبوي يقول ماكو بيبي واقوله يوبا ماابي اكبرك تو الناس عليك ويضحك ويسكت نظر عيني يدري اني اتضايق كل اللي تزوجو معاي قبل سنه ولدو الله يخليلهم عيالهم ويشهد الله فرحتلهم من قلبي بس سؤالي !!!!!!​

لمن تقعدين مع رفيجاتج والا عماتج وخالاتج وسوالفهم عن البيبي والولاده ومشاكلهم ماتحسين فيج شي ناقص شنو موقفج بينهم :eh_s(11)::eh_s(11):

وطلبي منكم يابنات اللي تعرف مره دكتور يعالج انعدام الحيوانات المنويه تقولي والله والله ادعيلها من اعماق قلبي​

 

[أجمل إنسـآنـه ~]

يـآقلبي انتـي..~.~ عسسى رببي يرزقج بألذريـه ألصـآلحه ويتشـآفـى زوجج.,,~,~

 

[بوح الحنين]

اب اب لرفع

 

[ماتغير شي]

نفس الإحساس تحسين بالنقص اللهم لا اعتراااض لا تقعدين حاولي تخلين زوجج يروح لأكثر من دكتور
طقي كل الابواااب واهم بااب الدعاااء بالحاااح
اللهم يارب ياكريم ياقادر على كل شي ارزق آختي كفااايه بالذريه الصالحهـ عاجلآ غير اجلآ

 

[الفهده...]

الله يرزقك ياقلبي
وربك كريم والله

 

[دلوعه ksa]

الله يرزقك ذريه عاجل غير اجل

 

[ليندى]

الله يرزقنا ويرزق كل محروم الذريه الصالحه عاجل غير اجل

 

[متغليه لعيونه]

انتي تحسين نفسك انك مسكينه وانت لك سنه بس ؟ انا لي 7سنوات بس الله كريم غيرنا جلسو ينتظرون الحمل عشرين سنه وناس ثلاثين
لاتقولين انا مسكينه قولي الحمدلله على كل حال
ربي لا تذرني فردآ وانت خير الوارثين
يارب ترزقني و ترزق كل محرومه عاجل غير اجل يا رب

هذي خلطات لزيادة الحيوانات المنويه وامانه اذا فادتك مابي منك الا دعوه بظهر الغيب
وصفة الشيخ ناصر الرميح

الوصفه يمكن ان يستخدمها حتى الشخص السليم لآنها عباره عن تقويه للجسم ......
(كـيلــو عسل سدر + 50 قرام لقاح النخيل + 15 قرام عكبر(بروبليس) موجود بمحلات العسل
+15 قرام غذاء ملكات )يخلط مع بعض ويستخدم مرتين في اليوم
ـــــــــــــــــ-______ــــــــــــــــــ
هذي خلطه ثانيه
ــــــــــــــــ______ـــــــــــــــــــــ
اختي جربي هذي الخلطة لأن كثير استفادو منها واتمنى تفيد زوجك
كيلو عسل ... يفضل أن يكون أصلي ...
2ملعقة كبيره حبة البركة مطحونة ناعم
2 ملعقة كبيرة حبوب اللقاح ...( موجودة عند أي عطار وفي بوادي النحل ممتازه جدا)
10جرام غذاء ملكات النحل ....(على نوعين بودرة وعادة مايكون مغشوش وسائل مثل الشحم ويحتاج
ثلاجة وهذا المطلوب ويأتي بالجرامات ولايباع الا بعلب صغيره عند
وادي النحل 10جرام ب50ريال وهي كافية جدا)
ملعقه كبيره مطحونه من كل من المكسرات بأنواعها ولكن يجب ألاتكون مملحة أو محمصة ... اطلبيها
نية وقل للعطار أريدها للطبخ ... مثال( فستق + جوز + لوز + كاجو + صنوبر ....الخ )

تخلط ويأخذ ملعقة كبيرة يوميا ثلاث مرات

 

[حبيh]

ووووووووينك عن صلاة اليل لاتتركينها واكثري من الاستغفار باذن الله ربي يرزقك وبعدين ليش تقولي مسكينه خليك واثقه من نفسك ويااااارب يرزقك الذريه الصالحه انتي وكل محتاج

 

[كويتية تكفي مية]

توج حبيبتي استانسي الحين المتزوجين يولون او سنتين او ٣ سنين مانبي عيال وانتي تقولين احس بالنقص !!

بطلي الافكار السلبيه والشعور بالضعف والانكسار حتى مع نفسج لا تسمحين لاي افكار سوده تسيطر عليج وتخرب حياتج

وكافي انه ريلج يحبج حبيبتي عيشي معاه وحبيه وارضي باللي الله كاتبه وصدقيني الله بيرزقج بس لا تفكرين ولا تحنين عليه

وسوري اذا جسيت عليج بكلامي بس لازم احد ينفضج يصحيج واحنا حسبة خواتج

 

[أأأميرة الورد]

الله يرزقج بالذرية الصالحة


لاتنسين الدعاء والصدقات والاستغفار

 

[كفااايه]

جزاكم الله خييير خواتي عالدعوات يشهد الله انكم خواتي

 

[كفااايه]

انتي تحسين نفسك انك مسكينه وانت لك سنه بس ؟ انا لي 7سنوات بس الله كريم غيرنا جلسو ينتظرون الحمل عشرين سنه وناس ثلاثين
لاتقولين انا مسكينه قولي الحمدلله على كل حال
ربي لا تذرني فردآ وانت خير الوارثين
يارب ترزقني و ترزق كل محرومه عاجل غير اجل يا رب

هذي خلطات لزيادة الحيوانات المنويه وامانه اذا فادتك مابي منك الا دعوه بظهر الغيب
وصفة الشيخ ناصر الرميح

الوصفه يمكن ان يستخدمها حتى الشخص السليم لآنها عباره عن تقويه للجسم ......
(كـيلــو عسل سدر + 50 قرام لقاح النخيل + 15 قرام عكبر(بروبليس) موجود بمحلات العسل
+15 قرام غذاء ملكات )يخلط مع بعض ويستخدم مرتين في اليوم
ـــــــــــــــــ-______ــــــــــــــــــ
هذي خلطه ثانيه
ــــــــــــــــ______ـــــــــــــــــــــ
اختي جربي هذي الخلطة لأن كثير استفادو منها واتمنى تفيد زوجك
كيلو عسل ... يفضل أن يكون أصلي ...
2ملعقة كبيره حبة البركة مطحونة ناعم
2 ملعقة كبيرة حبوب اللقاح ...( موجودة عند أي عطار وفي بوادي النحل ممتازه جدا)
10جرام غذاء ملكات النحل ....(على نوعين بودرة وعادة مايكون مغشوش وسائل مثل الشحم ويحتاج
ثلاجة وهذا المطلوب ويأتي بالجرامات ولايباع الا بعلب صغيره عند
وادي النحل 10جرام ب50ريال وهي كافية جدا)
ملعقه كبيره مطحونه من كل من المكسرات بأنواعها ولكن يجب ألاتكون مملحة أو محمصة ... اطلبيها
نية وقل للعطار أريدها للطبخ ... مثال( فستق + جوز + لوز + كاجو + صنوبر ....الخ )

تخلط ويأخذ ملعقة كبيرة يوميا ثلاث مرات

جزاااااااااااااج الله خييييييييييييييير مااااااقصرتي :eh_s(7):

 

[خطف قلبي]

حبيبتي روحوا راجعوا عند الفريق البلجيكي
يقولون يعالجون حالات الانعدام
الله يرزقج و يرزقنا انا صارلي جريب السنتين
متزوجه لي الحين الله مارزقني
الله كريم
ربي لا تذرني فردا و انت خير الوارثين

 

[كويتيه مذهله 87]

سنه وحده ومسكينه ؟؟

حبيبتي فيه بنات اكثر من 10 سنين ومايحسون بنقص لان هالشي بيد رب العالمين مو بيدنااااا
الله يمتحن صبر الانسان تالي يعوضه

لو مو ريلج جان قتلج استانسي تو الناس بس من الحين خل ريلج يعالج واختصروا العلاج وفكروا بالحقن المجهري لا تضيعون وقت

 

[بحر الذكريات]

الله يرزقج ويرزقنا

غصب عني احس بهالشعور مرات

 

[ابدا يالغالي مانساك]

ربي يرزقج ..,,
​

 

[الزيـــــ^^ـــــن]

حبيبتي قولي الحمدالله ع الصحه والعافيه غيرنا موحاصله
وبعدين هذا ابتلاء من رب العالمين لنا يعني احنا راضيين بقضاء الله وقدره
وبالعكس اذا الوحده سولفت عن عيالها وجذي هم اسولف عن عيال اختي
وعااادي مابي احسس احد اني مكسووره الخاطر لاني اقوى من هالشي
دامكم عرفتو الاسباب ابذلوووها وخل زووجج يتعااالج ولاييأس من رحمه ربنا
ترا كل شي بيد الله اذا اراد شيئآ قال له كن فيكوووون اهم شي التوكل ع الله واليقين باستجااابه الدعاااء
وان شالله يارب يتشافى زوجج وزوجي وكل اللي عندهم ضعف ويرزقنا بالحمل

 

[كفااايه]

مشكوووورين خواتي ماقصرتو

 

[برنسيسة2007]

باب الله طقوه واسجدوا قدامه هو افضل من دكاترة العالم كله وعلمائها هو الشافي المعافي سبحانه الرازق المعطي
نظفوا نفسكم من الذنوب والجئوله