احس اني مو بنت

[سعودييييه هع]

اول شي هلا هلا وغلا حياكم بموضوعي المسكين هههههههه

ثاني شي انا ابي اقولكم مشكلتي الي ضليت اتهرب منها ولكن .؟!َ

لآمفر ؟؟

انا قررت اكون صريحه مع نفسي ووصريحه شويتين معكم بمااني مااعرفكم ولا تعرفوني ؟؟

انا مااحس اني بنت ولااحب احساسي بالانوثه بعض الاحيان

ماادري ليييه وشش السبب بس احس اني الاقي نفسي بالعربجه اكثر ، حاولت كثييير اوازن بين

احساسي والمجتمع و .. مباديء الخاصه !

بس احس اني كأني واقفه بالنص لاني قادره امشي وان وقفت طحت !

موضوعي لايتحمل نقاش صغار العقول وضيقين الافق ..!

انا ماااتجذبني قصص الحب الي بين شاب وفتاه ؟؟! ولاا تجذبني الاحلام الورديه مالتهم ..!

فيني انوثه مفروضه علي اي نعم ، لــكن ماااقدر انكر احساسي بأن بداخلي روح "شاب"

انا موبويه ! مع اني من زمان كانت تراودني هذي الفكره اني اقلب بويه ، وكنت متأكده اني راح الاقي

نفسي اكثر بالستايل هذا والشخصيه هذيك ....

بس .. مااتخذت هذي الخطوه الجريئه مو عشان احد ..... عشان مبادئي الي انا حطيتها لنفسي .. ولان

الواحد بدون مبادئه ماايسوى !

انا مو متعرضه على خلقه ربي لي .. اللهم لاااعتراض ..

بس

مولاقيه نفسي بنت !ّ مااااحس كذاا والله مااحس

:eh_s(16):

ماااحب الميك اب ولااطيقه حاااولت اكثر من مرررره مااقدرت ، اشتري ميك اب واكسسوارات وارميها

بالتسريحه لييين ماااتغبر !!

مااحب اللبس الضيق ولااايدخل مزاجي سالفه الجسم الرشيق والشفايف المتفوخه ، احب نفسي

بدون كل هذا مااحب يكون لي صدر ولامكوه

:eh_s(22):

.. ولاتستهويني هالاشياء مع اني " حاولت وكذبت على نفسي " لفتره طوييييله

لـــكن الان تأكدت !!

بأنني عربجيه

انا انسانه عربجيه

هل هذه مشكله ياترى ؟؟؟

 

[أنوثه ملكيه]

لعن الله النساء المتشبهات ب الرجال
معنى اللعن الطرد والإبعاد عن رحمة الله يعني خالده مخلده ب النار من تشبهت ب الرجال

 

[Patcholli]

عشان ربج وآخرتج تحملي وجاهدي نفسج #_#

وان شاء الله لي كبرتي كل هذا بيتغير ..

 

[كتالونيه]

حبيبتي انتي تصلين ؟؟؟؟؟؟؟؟؟؟؟؟؟
انتي تصووووووووووووووومين ؟؟؟؟؟؟؟؟؟؟؟
صدقيني لو انج متقربه من ربج كان مافكرتي بهالاشياء
لعن الله المتشبهااات بالرجال
بعدين الله سبحانه وتعالى خلقج بنت
يعني منتي افهم من ربج بهالامووووووووور
كيفج اذا تبين نار جهنم صيري بويه
انا انصحج سمعتي النصيحه جزاج الله خير
اما اذا ماسمعتيها كيفج

تقبلي مروري

 

[مس قطريه]

رأيي من رأي النات

 

[صعب انسااك]

لعن الله النساء المتشبهات ب الرجال
معنى اللعن الطرد والإبعاد عن رحمة الله يعني خالده مخلده ب النار من تشبهت ب الرجال

معــــآآآآهـــااا:rerrerek:
وازيد الكلام استغفري ربـكـ وتقربي منـــه
والله يهديكـ ويهدي بنات وشباب المسلمين والمسلمات الاحياء منهم والاموات
آآممين يارب العالممين:yaaaaaarb:

 

[رانس]

عشان مبادئج ماتبين تصيرين بويه وربج مافكرتي فيه قوي قربج لربج وتنسين هالاشياء الله يهديج

 

[عسل سل]

لاتقوولين انا مو بنت طبيعيه قووووليانا مو بنت (دلوعه) ’’’’’’’’’’وهالشي مووعييييب
انتي تحبين تكوونين طبيعيه بكل شي وماتحبين التصنع
ف لاتحاولين تدخلين نفسج بسواالف بوويه ما بوويه

 

[VET-Nour]

اي عادي
جابلي المنظره وحطي مكياج و قولي امبيه مو سج انا دلوعه او ام جي اهبل ياااي ؛$ مع تكافخ الرموش بالسقف والقاع و البرطم الممتد ,,
و البسي نفنوف و حطي طرجيه واصواره و وخاطم وجي << ترجيه واسواره وخاتم
< اذا سويتي جيي
نقدر انقولج
مبروك آلأن اصبحتي بنت دلوعه










لآ اتغشمر
دوري البنت الي داخلج البسي اكشخي بس لاتتدلعين .. ابرزي جمالج .. ترى عادي اذا شكلج مو حلو بالمكياج فيه بنات واجد مو حلو شكلهم بالمكياج الطبيعي احلا عليهم او بس حطي مكياج خفيف ابححثيي ابحثيي دشي الاقسام الجماليه
< مادري اشقاعده اخربط بس ادري انه راح يفيدج هالكلام

 

[Combat]

مااشوفها مشكله
عندي صديقات نفس الشي مايحبون الميك اب ولا البس الانثوي وصرعات البنات
جوهم فونات
اخرشي نزل قيمز بلايستيشن
برامج مادري ايش عادي يعني
بس مو بويات
مااعتقد مشكلة هذي
وهذا كله مايمنع من الاهتمام بالنظافة والترتيب والشكل الخارجي يكون اوك

 

[أبله أريج]

تعوذي من الشيطان هالاشياء اتيي مع الوقت

 

[لمى الهاجري]

انتي بنت بس ماتحبين سوالف البنات ميك واب بس تحبين ستايل الكاجول العادي جينس وتشيرتات ملونه وتحبين بنطلونات عادي حتى انا انا يعني احب اللباس العادي وما احب التنانير احب الفساتين القصير والميك اب احب الناعم بس ما احطه يعني احب بس مرة بالسنة

 

[قمر بيت أبوها]

الله يهديك بس خلي عنك هالسوالف
وش حلاتك بنت تنقشين حناء وتلبسين تعليقة ذهب وتبخرين وتفكين شعرك مو مثل الولد جاف وماعنده ذوق ومايعرف الاتكيت وماتحسن ان يعرف الموضه ثوب وان خربها برموده ضيقه كانها بتنفجر عليه

 

[اخت خالتهم]

اختي انا شايفتلج جم رد الصـراحه مو شي

لازم تعدليـن اسلوبج ..
انا انصحج ترى ما اتهجم
هذا اول شي
ثـاني شي حسي انتي شنو قدمتي لربج
خافي شوي منه و قعدي بينج وبين نفسج
فكري بكل شي بحياتج
وهل هو قريب من ربـج

و صدقيني لما تلجئين له بتلقين الحل

 

[العينآوية]

مممممممممم لآ كبرتي بتتغيرين شووي شوي

الا جم عمرج

 

[el.mlkaa]

قآلووووولج البنآتتت

 

[blue ocean]

حبيبتي انتي بنت وستين بنت بعد بس متأثره بأمور بحياتج يمكن أثرت على شخصيتج

انتي مو قادره تفهمين نفسج .. اول شي قوليلي جم عمرج لأنه العمر يحكم ..

ثاني شي حبيبتي ترى مثل ماقالولج البنات مو كل بنت دلوعه عادي ومافيها شي

ادري انج تحسين ان اهتماماتج مو صوب البنات انا لما كنت مراهقه كنت مثلج

بس كنت احترم الانثى اللي بداخلي واللي ربي فطرني عليها ويكفيني حمد وشكرآ ان ربي خلقني

بنت ماني مشوهه ولاني معتله والا مو عارفه شنو انا .. حبيبتي من كلامج صدقيني

واضح انج بنوته بس مو فاهمه هالشي عدل نصيحتي لج قربي من ربج اكثر

ترى والله لما يقوى ايمان الانسان مايعود يفكر بهالامور والشي الثاني لما تكبرين

راح تحبين الانثى اللي فيج .. والله يحفظج ان شالله ويحميج​

 

[حاكمة القرية]

البنت تقول عندها احساس العربجة يعني حركات العيال وخشونتهم ؟؟ هذي مشكلة

 

[newchlin]

للاسف كلعاده تعسف وجهل في الردود على هالمواضيع

البنت مو متشبه واعتقد ذكرت هشي فمو من حق احد يقعد يلعنها

حبيبتي لازم تراجعين الطبيب ووتشوفين هل مشكلتج عضويه ولا نفسيه

الناس العاديين ماراح يفيدونج من هالناحيه

 

[تبسم لمغليك]

اختي انتي بنت ومستحيل تصيرين ولد لان ربي خلقك وكمل خلقك بكل الاانوثه يعني شوفي البويات لوشنو يسوووون مسنحيل يصرون رجال بالعربي لو شنو يسون تركيبتهم وخلقتهم الداخليه انثويه ولو حتى يسون عمليات وتغير بالاعضاء مراح يتم الي ببالهم ويصيرون اباء رجال لان ينحرمون الشي هذا والبويات نفسهم عارفين الشي هذا بس غبائم حرمهم الاعتراف بانوثتهم اختي انت ماشاءالله عارفه ان الشي هذا مايناسبك وانك فاهمه بس الي عليك تغيرين من نظرتك لنفسك تعطينها اهتمام اكثر واعتزاز بانوثتك وتعالي مولازم كل بنت دلوعه لا ماشفتي الحريم قبل لقالو عن مية رجل طبعا هذارمز انها يعتمد عليها اذا اسند لها امور وشنو البويه والله قرف وكل الناس تنظر لها نظره استحقار ولوماسوت سوت تبقى بنت بنت مو رجل هذا شي ويعجبني كلام قمر بيت ابوها وكلمه اخيره عززي الثقه بنفسك ومولازم تكثرين مكياج عادي خلي خفيف طبيعي لمسات خفيفه مو اور كريم خفيف مسكره وروج خفيف بالعربي انت ذوقك ذرب وناعم بالمكياج والاختيار يعني هذه موعربجه لا ويحق لك الحين بعض البنات مكياجهم ارفر والبعض ناعم طبيعي والبعض مايحبون المكياج بيحبون طبيعي اختي الناس اذواق واكد البنات اسالو عن عمرك لان العمر له اهتمام والله يوفقك