احلامكم !!

[تنـــاســـانــي]

ســـــــــلام ،،




كلنا لنا احلام يمكن متشابهه و يمكن مختلفه ،،


بس للاسف قلت احلام ،، ماقلت طموح ،،


و اللي اقصده اني و للاسف غسلت ايدي من تحقيقه ،، يعني يأست


بسبب ضروف معينه ،، بسبب قله وعي مني ،، بسبب رفض الاهل حق حلمي او المجتمع ،، بسبب تكاسلي عن تحقيقه،،

بسبب تحبيط الناس لي ،، بسبب تواكلي على الله و ليس توكلي ،، الخ الخ الخ


تتعدد الاسباب و المعنى واحد ،، (( ماراح يتحقق )) ​

عن نفسي //



كان حلمي اكون مهندسه كمبيوتر ،، بس للاسف كانت الاحياء و الكيميا عقدتي اللي خلتني ادخل ادبي ،،

يعني طار حلم الهندسه ،، لان راحت علي تخرجت ادبي و يااااااااااني ندمااااااااااااااااانه

كان حلمي اتبع رايي و طموحي و هواياتي ،، بس للاسف في قيد ع الحريه مع العلم مو شي حرام و لا عيب (( ترى ما اقصد السيكل لا حبايبي ،، بس في هوايات تنمي من قدراتج و طور من شخصيتج بس للاسف الاهل مو معترفين فيها ،،
يعني السبب اللي خلاني اقول عنها (( حلم )) تحبيطهم و عدم تشجيعهم

كان حلمي اكون مع الشخص اللي احبه ،، بس النصيب خلاني اقول (( حلم )) ​

​

===============================================


الحمدلل على كل حال


=============================================== ​

شنو كانت طموحج ،، و اهدافج اللي كنتي متوقعه انج تقدرين تحققينها بس للاسف صارت حلم و ماقدرتي تحقيقينها ،،

و شنو السبب اللي خلاج تتخلين عنها ؟؟ او تتنازلين عن هالطموح ؟؟ ​

 

[manhattan girl]

انا اول وحده تشارك ونااسه عن نفسي كان لي حلمين الاول اني اكون ممرضه بس ما صار لان بالثانويه عشان اتخصص انجليزي لازم اكون اوكي بالفرنسي مواد تساند التخصص و ما مشيت للأسف بالفرنسي و الحلم الثاني اني اكون مظيفه لاني احب السفر و ألف العالم بس ما صار حكم عاداتنا و تقاليدنا الله كريم و الحين حلمي اللي قاعده اسعى اني احققه و فعلا حققت جزء منه اني اكون بنت و زوجه و أم صالحه مشكورة حبيتبي على الموضوع جدا رائع و الله يوفقج .

 

[تنـــاســـانــي]

اهليييييييييييييييييييييييين ^_^


و ان شاء الله يتحقق الجزء الباجي من حلمج و يكتمل وتصير احسن بنت و زوجه وام صالحه و بالتوفيج حبوبه

 

[manhattan girl]

اهليييييييييييييييييييييييين ^_^


و ان شاء الله يتحقق الجزء الباجي من حلمج و يكتمل وتصير احسن بنت و زوجه وام صالحه و بالتوفيج حبوبه

وياج حبيبتي تسلمين لي دوم ياااارب

 

[vogue grl]

انا للحين مصره احقق طموحي وحلمي حتى لو تسكرت الابواب .
ومشكوره على طرح موضوع الحلو وانشالله تتيسر امورج ويصير لج مجال تحققين الي تتمنين

 

[tolay]

بعلق على حلمج

حلمج انج تصيرين مهندسه .... يمكن خيره !! يمكن لو انج دشيتي العلمي مايبتي نسبه ادخلج الهندسه !!! لانه الهندسه يبيلها نسبة قويه

وحلمج الثاني ... اعتبره قدر


انا عن نفسي ماحس لي احلام كبيره حلمي بسيط بس اتوقع الكل يبيه

حلمي اني اعيش مع الانسان اللي احبه ويحبني ونعيش بسعاده بس هذا اللي ابيه وللحيني قاعده احلم هالحلم بس ان شاءالله يتحقق لما تتعدل ظروفنا ونكون اقوى من القدر

 

[• قلبه نصيبي •]

انا حلمي الي مستحييل يتحقق !
اني اكون مصممه ازياء بخاطري هالشي من زماان !!

 

[Tutti-Frutti]

كـان حـلـمـي اتـخـصـص عـلـم نـفـس
وبـعـديـن اكـمـل مـاسـتـر ودكـتـوراه

واصـيـر دكـتـوره عـلـم نـفـس

لانـه احـب هـالـتـخـصـص .. ولانـي اجـتـمـاعـيـه بـطـبـعـي .. احـب اقـعـد مـع نـاس
واتـعـرف عـلـى نـاس وايـد
واسـمـع مـشـاكـلـهـم واحـلـهـا

بـس غـيـرت الـتـخـصـص .. امـي قـالـتـلـي مـالـه مـسـتـقـبـل ومـادري شـنـو
حـطـمـتـنـي :0bee2e8d89:

بـس يـالله خـيـره والـحـمـدلله عـلـى كـل حـال

 

[غاويـــة الإماراتـــ]

حلمي ؟ آآآآآآآآآآه بس خليها على الله ادري انه ما بيتحقق يعني اذا قلته ولا ما قلته نفس الشيء ،،،

 

[contessa]

بيييييييييييييييييه
انا احلامي وااااابد

اولهم ودي اكمل ماستر و دكتوراه بس شكله ماكو لانه انا الحين عمري 22 و سنه اليايه اتخرج
و تخصص اللي ابيه لازم بره و اهلي راضين بس امي تقول اذا سافرتي يمكن تعنسين لانج مو ياهل اللي كبرج متزوجين و معيلين
يعني عشان احقق خلمي يمكن اخسر حلم ثاني
وانا اساسن ادرس برا و كلام الناس يجرح و لو اقول هم ابي اكمل ماستر بره بجون حلوجهم و بقولون اي عاجبتها الغربه و انا والله لايعه جبدي بس شسوي طموحي تبيني اتغرب
والحلم الثاني ودي اخذ اللي في بالي بس من سابع المستحيلات بسبب اختلاف المذاهب و عقليات اهلنا و فوق انه نموت بعض بس شروطه بعد الزواج تعجيزيه ! يعني لو اخذه ما استغرب اذا تطلقت و فوق هذا كلا ما نقدر انوخر عن بعض ولا اقدر اخذ غيره

ما اتوقع اكو احد حاله
والله مرات اقول ودي اكون اصغر من هل عمر جان قدرت اكمل


سوررري قرقت وايد

 

[غلا رشرشها]

و الله اقول يا تناسانــي ...

حلمــي اني ــ اعيــش بصحة و عافية و حب و سعآآدة و اني اكــون ابلة تاريخ و انا اطمح له على الرغم اني لحتــى الان بالثانوي ــ و ان شاء الله يتحقق حلمي ــ و احلآمكم ــ يا ــ ربي ــ قولوا ــ يأآآآميــن

تقبلي مرور اخيتج بحووره

 

[تنـــاســـانــي]

يسلمووووووووو ع المرور ،،

مع العلم احلامنا صغيره و كان ممكن تتحقق ،، بس سبحان الله كل من ياخذ نصيبه

 

[mamanoonaa]

حامي اني اشوف اخوي معرس يارب
وشوف عيالي مرتاحين بحياتهم وحققو كل احلامهم

 

[تنـــاســـانــي]

ان شاء الله يتحقق حلمج ،،

بس بنات ترى فهمتوا غلط ،، هاذي كلها طموحكم ،، انا اقصد الطكوح او حلم حياتج اللي ودج يتحقق بس للاسف ماراح يتحقق لصعوبته و لاسباب معينه ،، يعني من الاخر الحلم اللي تخليتي عنه لانج يأستي منه او لان مستحيل يصير لاسباب معينه

 

[راحيل العبدلي]

..

حلمي كنت ابي اصير مدرسه تاريخ لاني احب التاريخ الاسلامي والمعاصر و من هالامور ..
بعدها بفتره بسيطه فكرت بدكتوره فالشريعه و اكون دكتوره فالعقيده و المذاهب المعاصره ..
لكن سبجان الله كانت فتره الاختبارات الثانويه العامه على حزة عرس اخوي و جان أزفت خوش تزفيت
بالدرجات .. و تلاشى هالحلم .. لكن كان فيه فرصه أخيره و اهي دخولي التجاري و ثم بعدها احول للكليه
و عالأقل أدش تخصص إسلاميه و جذي .. بس أخواني كان التجاري عندهم ممنوع و انا بعد ما كانت عندي العزيمه ..
يعني ماكو مكان يقبلي غير السكرتاريا و الحمدلله كاهو تخرجت منها و دعواتج بالوظيفه ..
.
كانت أحلامي جميله بس لو مع عزيمه أكبر جان كانت أجمل ..
بس ما أٌول غير اللهم لك الحمد ..

.

 

[Ms.PeRFeCT]

حلمي ( كان ) إني أصير دكتوره بس دشيت أدبي وضااع الحلم..

 

[غدآ القاك ..]

الحمد لله مافيه شي حلمت فيه وماتحقق لاني مااجعل احلامي تعارض مع واقعي ولااحلم بشي مستحيل يتحقق لاي سبب كان او احس اهلي بيرفضون تحقيقه لي بالعكس احلامي جدآآ واااقعيه
بقى حلم واحد واتمنى يتحقق وهو ليس على الله ببعيد(اللهم ارزقني شهادة بسبيلك)

 

[تنـــاســـانــي]

يسلمووو ع المرور ،، و فعلا الحمدلله على كل حال