احلل والا انتظر

[عروق التوت]

السلام عليكم
اليوم لي تاسع يوم من ترجيع الاجنه
ومن رجعتها مااحس الا بمغص بسيط واحيان خمول
وفي شي متغير في ملامحي من يوم الترجيع متغيره
يعني وجهي اصفر مدري الكل يقولون متغيره
بس انا ماعلمت احد اني مسويه عمليه الا اختي بس
بسألكم لو احلل بكره او الليله يبان التحليل الهرموني
ادعولي اكوووووون حامل
الله يرزقني عقب صبر خمس سنوات يارب ياكريم

 

[ba6re8a]

همممممم الدكتوره متى قالاتلج لازم اتحليليين؟؟

حللي هرموني وجربي


يارب وتفرييحنا بالحمل

 

[عروق التوت]

الخميس الجاي
بس بعييييييييد حيييييييييل هاليوم

 

[ba6re8a]

لانطري حبيبتي احسن

 

[حـنـيـن 20]

حياتي نصيحه لاتفكرين بالموضوع نهايئه

ولاتعطين نفسك امل بس كثري استغفار ودعاء نصيحه من اخت

انا عطيت نفسي امل حتى لما رحت للدكتوره عطتني امل واخرتها انصدمت ولكن قالت اللهم اجرني في مصيبتي

واخلف لي خيرا منها

حاولي تشغلي نفسك باااي شي

ويارب ياكريم يارحيم يفرح قلبي وقلبك وبشرينا تكفين

الله يسعدك بااحلى خبر يارب

 

[ba6re8a]

حبيبتي عند منو سويتييها

 

[عروق التوت]

عند الدكتور منصور العرف

 

[غزل بنات]

لما سويتي الترجيع في الم ولا لا ؟؟

 

[ana mo ana]

انا اقول انسي السالفه وعيشي حياتش طبيييعيي
لاتفكرين بهالموضوع حاولي تشغلين نفسش باي شي
واكثري من الاستغفار بنية الحمل والحي بالدعاء
وربش كريم لا تحللين الا صار وقت التحليل
ويااااارب ياااارب تفرحينا بخبر حمالش والله يرزقش ولا يضيع تعبش

 

[بخـــارى]

لانطري حبيبتي تو الناس

 

[دانة الدنيا144]

انا مع اختي حنين
وبالنسبه للتحليل نطري توه الناس واااااايد وماراح يبين معاج شي
كثري من الاستغفار
وان شاء الله تبشرينا

 

[@ام يوسف@]

Re: رد: احلل والا انتظر

ان شاء الله تبشرينا انج حامل يارب

 

[مواصله]

شغلي نفسك ولا تفكرين انك تحللين الا بعد 14 يوم من الترجيع لانه بدررري

الله يفرح قلبج

 

[الاحساس والطيبة]

يارب تكونين حامل

 

[(أم نونو)]

لا تستعجيلين حللي الخميس

وبشرينا ان شالله حامل

 

[دآنة آلرشآيده]

ان شاء الله حامل وتبشرينا
حللي ايبين

 

[ياسمين حياتي]

باذن الله حاااامل .. بس ممكن اسأل ارجاع الاجنة كان باي يوم؟؟
يعني باليوم الثالث او اليوم الخامس؟

 

[عروق التوت]

اول شي الم بس لما احاول اتحرك او انقلب فالنوم

والترجيع كان ثالث يوووم

 

[ودي الزمن يرجع]

انطري واشغلي نفسك والله يرزقك ويفرح قلبك يارب ترزقها بتوم ولد وبنت

 

[سعودية بالكويت]

أنتظري للموعد اللي عطتك الدكتورة لأنه لو

يبين قبل كان قدمت لك الموعد ..

ربي يفرحك بالخبر اللي تتمنينه ويبشرك بحملك

إن ربي على ذلك لقدير ..​