احلم بكوابيس دايما بفتره وراحت

[femmi]

السلام عليكم ورحمة الله وبركاته

انا من ملكت وانا دائما احلم بكوابيس.. احلامي مثل اني محبوسه بمكان ومو قادره اطلع منه او اني اطيح وافز من نومتي مرتاعه ومتضايقه ..الخ ومره حلمت حلم يخوف حيل ماذكره بس ويوم جيت اقوم من الحلم احس مو قادره اقوم احس اني ثقيله وايد ورجولي تهتز

وصرت وايد اخاف لدرجة اني انام والليت مفتوح

بس يوم سافرت اسبوع وماكلمت خطيبي ماجاتني هالاحلام الي تخوف ؟

الحين لي فتره ماكلمه ومرتاحه الحمدلله ماحلم بشي يخوف ولا اتضايق وحلمت اني سويت خلع من زوجي وكنت مبسوطه وايد بالحلم


مع العلم اني اقرأ اذكار قبل النوم من يوم انا صغيره ومايمر يوم بدون ماقولها مع المعوذات واية الكرسي واحيانا استمع للرقيه الشرعيه

جزاكم الله خير على مجهودكم يارب في ميزان اعمالكم :yaaaaaarb:

 

[الزهور الجبلية]

هلا الغالية
نصيحة مني لج تصلي الاستخارة يمكن هذا الشخص فال مو زين لج وهذي الكوابيس مثل التحذير عشان تنتبهي لنفسج
وربي يوفقج ان شاء الله وتزول عنج هالكوابيس

 

[femmi]

مشكوره حبيبتي
انا صليت استخاره كذا مره وحسيت اني ابي انفصل عنه مع ان الكل يمدح هالرجال ويقولون انه وايد طيب حتى اهلي مرتاحين له بس انا ليش مادري صار معاي هالتعب

بأنتظار المفسرات يفسرون لي هالاحلام

 

[مفسرة الاحلام]

غاليتي لا تستعجلين قد تكونين اصبتي بالعين والحسد من احد النساء على حصولك على هذا العريس

صلي صلاه الاستخاره مره ومرتين و10 حتى تصلين لمرحله انه خلاص انتخذتي قرارك

الاعراض الى قلتي عليها هذا جاثوم يعني انتي مهمومه من موضوع ويخليك ثقيله فى فراشك وتعبانه واحلامك كلها بالحبس والضيق ماله دخل بخطيبك عالجي نفسك بنفسك

اقرائي سورة البقرة لمده اسبوع يوم بعد يوم يعني يوم اقرائها ويوم لا واكثري الاستغفار وان شاء الله خير


اهم شي لا تستعجلين فكري زين وبالراحه لاتضغطين نفسك وتخلين هالموضوع هاجسك

والله يوفقك للي فيه خير لك