احلى اماكن بانكوك

[عمشه المنتفشه]

بنات انا بروح بانكوك يومين بس والباجي ماليزيا

عندي لسته كامله باماكن بانكوك بس ابي احين شي حق يومين بس مابي اضيع وقتي باماكن ماتسوى او مجمعات غاليه حيل

ابي تقولولي جم مكان حق يومين بس


ومشكووورين

 

[عمشه المنتفشه]

وينكم بنااااات

 

[خوخة الحلوة]

يومين حبيبتي ما راح يكفون حق شي بس يمكن السوق

 

[عمشه المنتفشه]

اي اوكي هاليومين وين اروح وشنو احسن الاسواق حق يومين

 

[خوخة الحلوة]

والله انا بكرة مسافرة
والبنات ما قصرو عندج الدليل السياحي حق تايلند
راح يفيدج

 

[عبق البنفسج]

اذا تبين تسوق واماكن رخيصة وحلوة فروحي سلوم نايت بازار مكان حلو ومافيه خرابيط مثل سوق الليل الثاني نسيت اسمه وشرح وايد المكان ..
وعندج مجمع ام بي كي حلوو ورخيص وايد

حي العرب لا تروحيله يلوع الجبد واستغفر الله ريحة وصخة بشوارعهم

وفي شارع يونس كلا محلات رخيصة بس نسيت اسمه بس هو صوب مجمع كلا شغلات الكترونية وكمبيوترات

 

[الكبر لله]

الله يوفقج

 

[^^ام ميمي^^]

انتي نفس سفرتي السنة اللي طافت كنت رايحة ترانزيت حق بانكوك يومين والثالث طايره حق استراليا وبما اني كنت رايحة السنه اللي قبلها بانكوك وبوكت فاعرف شنو الاماكن الحلوه وما اتعب نفسي واروح اماكن غاليه وما منها فايدة .

برنامجي كان

اول يوم الصبح طبينا بانكوك على طول رحنا تريقنا بمطعم شهرزاد بشارع العرب وعقب رحنا مساج ساعه علشان انريح من طريج الطياره وعقب رحنا تسوقنا ..

السوق :
1\ رحت حق مجمع طوكيو ( ام بي كي ) عبارة عن مجمع من 8 ادوار حلو بس اشوي اغلا من البسطات والحلو فيه ان المحلات الموجوده فيها اسعار محدده واخر دورين فيهم جناط رخيصة حق الصوايغ وشحاطات . قعدنا فيه لي الغدا وتغدينا عقب ردينا الفندق الساعه تقريبا 4.

ريحنا بالفندق وتسبحنا من عقب الرطوبة والخيسة

ردينا طلعنا تقريبا على الساعه 7 ورحت الله يسلمج البسطات اللي بالشوارع بره تلقينهم اكثر شيء موجودين عند فندق بايوك سكاي يعني ركبي التاكسي وقوليله ودني فندق بايوك سكاي ونزلي عندهم بسطات حلوه ورخيصة وتسوى الصراحة وجدام الفندق مجمع من دور واحد حلو حق الهدايا بعد ورخيص.

بما ان فندقنا قريب من شارع العرب غريس , ردينا وتسوقنا بشارع العرب و رحت شريت بخور عندهم اصلي ورخيص بس بما انج بتروحين ماليزيا اخذي من هناك لان اهما يايبينه من ماليزيا

عقب كانت تقريبا الساعه 10 تعشينا بالمطعم العراقي وردينا الفندق وكالعادة تسبحنا و غيرنا و ريحنا اشوي عقب العشا والشاي المخدر

طلعنا الساعه 12 تقريبا ورحنا سوق الليل البات بونغ ريلي خذاله عزكم الله جوتيين تقليد ماركة وايد حلوين ودلاقات و كبابيس وجنزات وقمصان و انا اخذت من عندهم ساعات و جناط لان ارخص من فريدة علي و غيرهم اللي بالمحلات لان سوق الليل مثل كشكات وعبارة عن سطرتين محلات وبالنسبة للي يقولون عنه وصخ انتي دشي ولا تلتفتين لا يمين ولا يسار خلي عينج على الكشكات بس . ولان صج يسوى تروحيله لان عندهم شغلات وايد ارخص من المجمعات .

في محل بشارع العرب جدام محل فريدة علي يبيع نعول تميمة الطبية نسائي ورجالي وعليهم شوارفسكي وايد حلوين واسعارهم مو رخيصة بعد يعني يطلع الواحد على 6 او 7 وفي بعضهم على 12 كويتي يبيونهم الحريم بضايع بالمعارض يبيعونهم على 25 و 30

وفي محل سألي عنه يبيع تميمة بعد ماركة مداس هذي تلقين الاماراتيات عندهم امش وقش لما رحت الامارات اطلعت عندهم ماركة ووايد غاليه توصل بالاميات كويتي و هناك على 10 دنانير . وايد حلوين ومريحين باللبس بس احسهم يصلحون حق حريم كبار وحق الريايل ماركة الفارس و غيرهم.

ويمهم صراريف و ملوت تلفونات دولي.

وثاني يوم كملنا مشاويرنا نفس الشيء

تلاحظين ان ما قعدنا كلش ولا ريحنا لانها يومين ونبي نستغل الفرصة بما ان استراليا سوقها غاااااالي وما اقدر اشتري منه صوايغ .

 

[عمشه المنتفشه]

ام ميمي حياتي مشكوووره وايد على هالتقرير

مشكورين كلكم

 

[منانا]

روحي دريم وورلد يمدحوونه حيل يوم ويووم خلييه حق المجمعاات السطره الي يم بعض سيام بارجوون ودسكفري وام بي كي وطوكيو كلهم يم بعض خلصييهم بيووم وااحد انا قاعده يوم ونص في بانكوك امس رحت خذيت جوله على هالمجمعاات شريت على خفيف واليوم بارجع اشتري من المحلات الي عجبووني امس

 

[بطاط مهروس]

يومين ما يسون شى .............. طولى اكثر

 

[دانة الروابي]

فيه مجمع اذا رحتي بتاكسي قولي له مجمع بلاتينيوم هذا فيه الجمله والمفرق واااااااااااايد رخيص وحلو وممتع حق الصوغات يهبل

 

[seller]

اببببببببببببببببببببببببببببببببببببببببببببب