احلى تجمع (( كروشات ديسمبر )) حياكم الله بنات

[أميرة طفولتي]

سهيييييييييييييييييييييييييييييييييييييييييييييييييييييله

امبي حبيييييييييييييييييييييييبتي شخبااااااااااااااااااااااااااااااارج ؟
شلون بنوتج ؟
عساج بخير ؟
طمنينا عنج ؟



فقوووووووده
تروحين وتردين بالسلامه انشالله

الحمد الله على كل حال
واشوا انج سويتي التحاليل عشان تطمنين
انشالله تنزل ومن بعدها تنضبط وماترد تتلخبط

بالنسبه حق بنووتج اي عادي
في يهال يحبون ويتاخرون بالتسنين وفي يهال العكس
فلا تحاتين من هالاحيه اهم شي صحتها وعافيتها كل شي تمام
باجي الاشياء تعتبر فروق فرديه بين ياهل وياهل

وراح تشوفينها تسنن مره وحده كل الضروس تطلع مع بعض

 

[فاقده حنان ابوه]

فديتج اموره الله يسلمج يا الغاليه الله يطمن قلبج ريحتيني كنت احاتي ليش ما سننت



مبارك عليكم الشهر جميعاا فديتكم هذي ثاني سنه ارمض مع بعض الله يخلينا حق بعض ونكون دوم مع بعض


الله لا يحرمني منكم

 

[أميرة طفولتي]

حبيبتي فقووووده ولو خيتووووووو

اييييييي والله ثاني سنه لنا مع بعض
عسى الله لا يفرقنا انشالله ةنظل سديييييقات على طول

ومبارك عليكم الشهر
وتقبل الله طاعتكم وصيامكم وقيامكم

 

[kunooz]

السلااااااااااااااااااام عليكم

مبااااااااااااااااااااااااااارك عليكم الشهر حبيباتي

شلونكم شخباركم؟؟

سهيله؟؟؟؟؟
معقوووووله انتي وين اختفيتي؟؟
حبيبي والله استانست لما شفن نك نيمج عاد مو تخلينا مره ثانيه
علمينا شخبارج و شخبار البيبي وانتي شنو يبتي؟؟

فقووووووووووده حياتي شلونج
لا تحاتين ان شاءالله تسنن قريب عادي ترى

اموووووووووره سديقتي شلونج حياتي
شخبار مهودي ؟؟
لوووووووووووول ياحلوه وياحلو حركاته جنه عبود جذي يسوي بعد

باقي البنات وينكم ياحلوين؟؟

بنات حق الفطور سويت معكرونه دياي والدرنك فيمتو طبعا و بس هههههههه
وانتووووووووووووو؟؟

 

[فاقده حنان ابوه]

هلا هلا انا ريلي دوام وانا عند اهلي

 

[بنت الوفا]

سلااااااااااام بنااااااااااااااااااات كل عام وانتووو بخير مباارك عليكم الشهر

ولاتنسون تدعولي للبنتي متلعوزها ماكلة الحساسيه اكللللللللللللللل



والمشكله اني شاكه فيني حمل مانزلت استغفر الله

منشغله ببنتي ونفسية زيرووو


ومااقدر اتحمل شي ولاصوت عيالي

نفجررر راسي منهم الله يصلحهم

احتي بنتي

لاحول ولاقوة الابالله

 

[Zen&7ala]

قوه بنات شخباركم مبارك عليكم الشهر ان شاء الله


ولهت عليكم والله لكم وحشه :**



بنات امي قطتني على صخر قالت بتسوي قرقيعان ديومه بس انشغلت و قالت ماراح اسويه



بنات مادري شسوي تكفون؟


ابي ابي شي مميز بس حق 7 اشخاص خالتي و حماتي و خالاتي بس !!


ابي مطبعه اطبع منها شريطه باسم ديومه و اكتب فيها قرقيعان ديومه وين احصل؟؟؟


و شنو احط داخل القرقيعان ؟ و شنو السله او العلبه بليز فيدوني والله مالي غيركم

 

[أمواج^الكويت]

كل عام وأنتن بخير حبيباتي ومبارك عليكن الشهر حلوة هذي أنتن وعليكن *ههههههه صج أبلة عربي 

شلونكم مع الصيام والبيبيات أذية طبعاً العام كانوا في بطونا هالحزة ومو شايلين همهم وهالسنة يشاركونا أجواء رمضان فديتهم 
*​

 

[أمواج^الكويت]

* سهيلة منورة التجمع حبيبتي خبري فيج وانتي تجهزين حق النونو الله يحفظه / ها ماندري إن كان ولد ولا بنت لأنج غطيتي فجأة 
بشرينا عنج ياقلبي شلونج وشلون البيبي!*

* فقوووودة خوش سعر محصلة والله يمكن لأن برمضان تروحين وترجعين بالسلامة حبيبتي وشدي حيلج هناك وبشرينا بالنونو اليديد *

وترى بنتي نفس بنتج لاتقعد ولاتحبي ولاتوقف حدها قلبة قلبتين وتعصب وتبجي .. وأسنان توه بس طالع لها ضرس صغيرون تحت وكل شوي تحط ايدها عليه تدزه بأظافرها وتعور روحها وتبجي 
*​

 

[أمواج^الكويت]

**إي والله صدقتوا فقووودة وأمووورة هذي ثاني سنة نكون فيها مع بعض الله لايحرمنا من بعض وناااسه راح نكبر ويكبرون عيالنا ويانا ياحلاتهم ..

* أمورتي الأمورة أم مهودي شلونج وشلون الكتكوت فديته أحسهم بهالسن حركاتهم عبيطة وتحر .. الله يحفظه ويخليه لكم يارب*
تذكرين العام نفس هالحزة تحوسين بالبلوكات علشان تدورين خياط حق بدلة العيد خخخخخخ ولا بسوق الكويت علشان تشترين جدور حق قرقيعان عمج وخالتج والله الأيام بسرعة اركضت صج بحزتها كانت ثقيلة مع النساة والحمل بس من نشوف عيالنا يكبرون جدامنا نحس إنها مرت بسرعة .. كله من عمرنا 
*
* كوكو يا كوكو شلونج فديتج ! وشلون البنوتات وعبادي حبيبي ! انتي نفسي مالي خلق المطبخ نهائي نطقطق أي شي لوووووول*
فطورنا يوم في بيت أبوي ويوم في الشقة*

* بنت الوفا حبيبتي الله يشافي بنوتج ويحفظها ويهدي بالج ويصلح حالج يارب*

* زيووونة العسوووولة *أم ديووومة الحلوة شلونج حبيبتي وشلون بنوتج الحلوة ! أنا ماعندي أفكار حق هالسوالف لأني ما اهتم لها كلش بتات البتة خخخخخخخ*
سويت مرة حق ولدي وحرمت لأني حسيت إن هالأشياء صار مبالغ فيها وكل وحدة تنافس الثانية وتقول ترى الزين عندي لدرجة إن خلونا نفقد نكهة هالأيام الحلوة بالتفلسف والفسق وصارت مصاريف زايدة عالفاضي ياحلات البساطة وأيام البخنق وتطقق البيبان وقرقيعان الحب والفستق والبيذان مو ألحين القرقيعان قام يوصل لي البيت وكل واحد باسمه ..*
سوري بس هذي وجهة نظري وأتمنى إني ماجرحت أحد فيها 

أحبــكــم كلياتكن 
*​

 

[أميرة طفولتي]

هلأ هلأ هلأ بالحبايب

مبارك عليكم الشهر
وعساكم من عواده

بنووووته
الله يشافي بنتج ويعافيها يارب
ادري الاكزيما مو هينه تنهش بالجسم
والحين حر بعداستغفر الله العظيم
حاولي لاطلعينها بالحر والرطوبه
وخلي المكان دايم يحوشه هوا
ورطبيها كثر ماتقديرن
والله يكون بعونج
انا مثلج بعد هم ويهه مسكين شاب عليه
الله يشفيهم انشاءالله

واااي حاسه فيج انا الدوره تاخرت علي يومين وقف قلبي ورحت شريت تحليل حمل
خفت عبالي حامل
بس اشوا نزلت
انشالله تنزل عليج
واذا حامل فاحمدي ربج وشكريه




زيوووووووووون
هلا حبيبتي

ويييييييي كلش مو خوش خبر
يلا ماعاليه اكيد الوالده لو تقدر جان سوته
اممممم
شوفي عندج
باتشي
شوكو دور الي بالسالميه بلازا
ربيلا
في محل بالصالحيه ماعرف اسمه
بس شغلاتهم راقيه
هالمحلات ماتحاتين شغلهم
على الاقل تدرين الككاو اليي حاطينه شنو
ومغلف وجاهز وخالص

بالنسبه حق الشريطه
بحولي متروووووس مطبعات
اي وحده فيهم تسويلج انتي ييبي الشريطه
واهمه يسوونه لج
او شوفي مركز الطالب اكيد يسوون



كووووكووووووو
هلا هلا بام العبد :*
لوووووووول والله ضحكتيني يحليلش ياسديقتي
الله يسلمج فطورنا خفايف ماكو ايدام
نوعنا ماناكل عالفطور كلللش لقمتين والحمدلله
بوسيلي سديق ولدي واااااااي مال تقرص


جوووووووجوووووووو
طبعا انا ردن على سؤالج
كيفكن ؟ << طبعن نون النسوه تعود علينا
لووووووول يعني بشرح القاعده ههههه

الحمدلله بخير
وامورنا طيبه عساج دوم طيبه حبيبتي
ايييييييييييييييييييه ذكرتيني بالسنه الي طافت
امبي لوووووووووووووووووووووووووووووووووووول
للحين تذكرين جووووجووووو
كنت اروح افرفر بالمباركيه على الجدور ههههههههههههه
وخياط البلوكات ذبل جبدييييي على ماضبط البدله ماكان عندي شغل طول رمضان غيره
من اخلص اكل لقمتي امسك الباب واطلع واروحله رمضت عنده ههههههههه

يا حلاتهم بيبياتنا واهمه معانا هالسنه عالسفره
سلم قلبهم ياااااااااااااااااي يهبلون بهالعمر الله يحفظهم


اي صج جووجوو بغيت اسألج
مبارك الكبير والقرين وصباح السالم تابعه اي منطقه تعليميه ؟؟

 

[أمواج^الكويت]

هالووووو بنات شلونكم ! وينكم مالكم حس غاطين توقعت أدش أشوف قرقة وايدة 

شمسوين مع الصيام ! أنا إذا قعدت امبجر أحس النهار طويل ومايمر بسرعة بس إذا قعدت الظهاري الوقت يطوف وما أحس فيه ..

وطبعاً هالسنة ماتابعت مسلسلات نفس العام كنت آكل وانسدح على سرير أمي ومسلسل ورى مسلسل ماكنت أطوف شي هالسنة هالنزغة حاكرة التلفزيون مع طيور الجنة وإذا نامت ما أقدر أعلي على التلفزيون على أقل صوت تقعد 

أمووورتي كل المناطق اللي ذكرتيها تبع محافظة مبارك الكبير ..

ناويه تنقلين ! ولا قدمتي عالنقل !

دريتي أبلة بدور بعد ما استقالت تفرغت حق سوالف المعارض هههههههه قبل فترة وصلني واتس أب مسويه معرض تبيع دراريع وشراويل وسوالف 

*​

 

[أميرة طفولتي]

هلا هلا هلا جووجووو
والله على طاري المسلسلات متابعه كل شي ههههههههه
لاني خلصت كل شغلي قبل رمضان
وتفرغت حق البيت
فماكو شغل مسلسل ورا الثاني
واذا طلعت خلصتلي جم شغله رديت تابعتهم تالي الليل
ولا اشوفهم بالنت

ونفسج انا اذا قعدت الظهاري بسرررررررره يطير اليوم
ومره وحده القاها 10 بليل

اي انا طلبت نقل خارجي بروح الاحمدي
وياريت يحطوني بمدرستي الميداني
مااااااااااابي ثانويه جووجوووووو تعب تعب تعب وااااايد تعب
وانا نوعي واااايدقلبي ينشغل مع البنات واحاتي فهموا ولا مافهموا
وهالشي مسببلي ازمه صراحه
وادخل الصف لازم اكون داااااااارسه جنه لمن كنت ايام الثانويه
كلش مايازلي الوضع معني حيل متحسفهعلى قسمي والابلات الي معاي
بس ماقدر صراحه ابي متوسطه
عاد انشالله 11-8 راح تداوم مراقبة الثانوي بروح اكلمها عشان تنزلني متوسطه
وانشالله توافق

اي يحليلها ابله بدور
وصلني البرودكاست
كان بخاااااطري اروح بس يومها كانت عندي عزومه ومارحت
والله زين تسوي تلهي نفسها بشي
الله يوفقها

 

[فاقده حنان ابوه]

شلونكم ياحلوين توني واصله من دبي والحمدالله شريت حق غلاتي حق العيد افتكيت والدوره ليلحين مانزلت ناطره والله يستر

 

[أميرة طفولتي]

الحمدلله على السلامه فقووووده حبيبتي
وتوها مانورت الكويت
وعليج وعلى غلوووويه بالف عافيه

تصدقين امس قاعده اشوف الاسعار ناويه احجز حق عيد زواجي
التذاكر عالجزيره واصله 168 شدعوووه حق ويكند @@

شفيهم الجزيره من دشينا 2011 اسعارهم ضاربه عكس العام رحت كذا مره لا وانا حامل!!
انا ورييلي 58 دينار
الله يرحم

 

[بنت الوفا]

شلوووووونكم شخبااركم زوجي يقول حللي يابردج وانا مالي خلق اقوول بعد العيد شخباركم مع رمضان

 

[أميرة طفولتي]

هلا والله بنت الوفا

بخير عساج بخير حبيبتي

شلونها بنوتج طمنينا عنها ؟
شلون الاكزيما معاها انشالله خفت ؟؟

اي والله يااااااااابردج
هذا شي ماينصبر عليه !!
ماشالله عليج شلون صابره

انا تاخرتي علي يوم قامت الدنيا عندي وماقعدت لووووووووول

بس الي الله كاتبه بصير
والحمدلله على كل حال

 

[أمواج^الكويت]

صــباح الخير ياحلــوات :eh_s(7):

شلونكم ! وشلون بيبياتكم !

شمسوين مع الصيام ​

 

[فاقده حنان ابوه]

شلونكم شخباركم اشوه عده القرقيعان علي خير وينكم مالكم حس

 

[أميرة طفولتي]

هلا والله جوووووجوووووووو وفقووووووووده

الحمدلله بخير والصيام حلو والله يعين الي يدوامون بهالحر
والحمدلله خلص القرقيعان واستانسنا وصورنا