احلى تجمع (( كروشات ديسمبر )) حياكم الله بنات

[kunooz]

هلاااااااااااااااا بنوتات شخباركم

زيونه
ايه والله حبيبتي حتى انا ودي التجمع يرد نفس قبل
البنات مختفين و صاحبة التجمع اموووره اختفت مره وحده

امووووووووووووره

ويه ويه بليز اشتقنالج ههههههههه

دربووووووووووووووله الف الف مبرووك لا استانسي و ضحكي هذا رزق من الله صدقيني اريحلج وناسه والله
انا كنت نفسج لما حملت ثاني مره كنت حيل مصدومه و مخترعه بس بالعكس تعالي شوفيهم الحين بناتي اسمله عليهم بينهم سنه و 3 اشهر كله مع بعض طبعا اهم بالضبط نفس توم و جيري هههههههههه 24 ساعه نجره بس يموتون على بعض جنهم توم و كله البسهم نفس الشي

بعدها عاد انتي ارتاحي جم سنه

صج تعالي وينها جوجو؟؟ ايهي بعد قوليلها ككوكو تقولج ويه ويه عطينا ويه شدعوه هههههههه ولهانه عليها حيييل و عل كل بنات التجمع

 

[Zen&7ala]

^
^
توني استوعب ههههههههههههه

حيااااااااااااااااااااااتيي دربوووووووولة والله سلم قلبج

مبروك يا عمري بالعكس ليش تبجين !! عساها خيره يا رب و رزق من الله

الله يتمم يا رب و يرزقج اخو حلو حق بنووتج او اخت حلوه تونسها


انا ناويه عن قريب بس اخفف الشحووم الي علي p:


كنووز مالج شغل فيهم هذول يتدلعوون خلينا انا وياج نيدد التجمع و نصحييهم

 

[أميرة طفولتي]

طااااااااااااااااااااااااااااااااااااااااااااط طااااااااااااااااااااااااااااااااااااااط طاااااااااااااط
غننن غننننننن ههههههههههههههههههههه

سلااااااموووووون علييييييييييييييييييييييييييييييييييييييييييييييييييهم


واااااااااااااااااااااااااي لالالالالالالا مومصدقه موووووووووومصدقه
سنفووووووووووووور صار عمره سنه اهئ اهئ اهئ اهئ

امبي والله ما استحي ههههههه
شلونكم بنات كلبوووووكم شخباركم
عساكم بخير يااااااويووووووووووه الخير والسعد

كووووكوووووووو
زيووووووووووون
دربووووووووووله

يا هلا ياهلا بالسديقات السدوووقات الحلوات المجكنمات ههههههههههه << الا زيون عشان تضعفين

انا ونتفتي بخير ويسلم على عيالكم ويبوسهم نفرا نفرا
طبعا للحين مايمشي بس يوقف خخخخ شكله مطول الحبيب

سويتله عيد ميلاد والحمدلله وايد استانسنا << موووووتووووووا حرررررره الي قاعدين يقرون ردي
سوري والله سديقاتي لو مو العذاااااال << الحجي لج ياجاره
جان نزلت لكم الحفله كامله ولكن اعتذر بسبب المتطفلين

دربوووووووووووووووووووووووووووووووووووووووووووووله

الف الف الف الف الف الف مبروووووووووووووووووووووووووووووووووك حبيبتي
وعسى الله يتمم عليج ويرزقج باخو حلو ومزيون نفس رورو :*
عاد دري بالج على نفسج وما اوصيج هالله هالله بالتغذيه السنعه وحبوب الفيتامينات والحديد
ومراجعتج اول باول ولا تشيلين شي ثقيل
ووينها جوووووجوووووووو والله ولهت عليها حدي مدي

انشالله نجدد التجمع مره ثانيه ورااااااااااااااااااااااده بقوووووووووووه
وراح اقولكم اخر التطورات والاحداث خلال الاشهر الي طافت

 

[kunooz]

و عليكم السلاااااااااااام هلاو هلاو امووووووووره هههههههههه

ولهت عليج سديقتي لووول .. شنو هالحركات بليز بعد لا تقاطعين التجمع

واااي حلات اللي سووا لهم حفله والله سلم قلبه .. عساكم دوووم مستانسين و عقبال ما تفرحين فيه معرس و تسوين له احلى دزه ههههههههه

اقولكم شسالفة الدزه
حماي الله يسلمكم وصاني انا اشتري و اجهز دزة مدامته لوول

عاد انا شعرفني بهالسوالف ماعندي اخوان و ياحسرتي ريلي من كثر ماكان مستانس راح سحب الفلوس و يابهم لنا على طوووووووول ما صدق هههههههه حتى اهله انصدمو!

المهم سويت سيرج و عرفت شييب ماييب و من المباركيه شريت الصندوق والعطورات العربيه و البخور الخ الخ لول

والا انا اللي اودي الدزه و مابغى ولا وحده من حريم حمواني يروحون الا انا احم احم كشخه حدي هههههههه

عاد بيني وبينكم عروسته حده دمها ثقيل ههههههههه بدا الحش لوول

بس ان شاءالله اكون غلطانه !!

المهم بنات عبود الدلوع للحين مامشى ولا يفكر خواف الولد و ماما ما سمعته منه الا مرتين 3 بس حتى بابا ماقام يقول بس يخربط وايد فديته

 

[بنت الوفا]

بنااااااااااااااااااااااااااااااااااااااااااااات ولهت عليكمممممممممممممممممم


شلوون بيبيتكم فديتهم


اللي عنده بن ترسلها اظيفهم فديتكم

 

[بنت الوفا]

اي وبنتي دلووعه وعوووووووووووبه بس تتقررص وتحذف نفسه علي الارض تززززعل تبين اشيله


وتررفس وتعصب خخخخخخخ وبس اتشوفني كفوووووف علي وجهي وتخمش وجهي

 

[Zen&7ala]

اهلييييييييييييين


هلااااااااا والله ام مهوووووووووووووووووووووووووديييييييي شخباااااااااااااااارج والله ولهاااااااانه حدي عليييج


كل عام و مهوودي بخييييييييييير ان شاء الله و تشوفيينه معرس يا رب

***


أهليين كنووز كششششششششششششششششخه والله المره السنعه هههههههههههه

و عبود مثل دودو ما تمشي بس توقف و تمووت من الضحك لما تستوعب انها واقف فتطييح ما تمشي

***


أهلييين بنت الوفااااااااااااا شخباااااااااااااااارج

يا حلوووووووو البنووته والله الله يحفظها

للأسف انا مو بلاك بيري انا ايفون

 

[أميرة طفولتي]

هلا والله هلا وغلا
كوووكوووووووووووووو

وانتي بخيرحبيبتي وعئبال عندج ياحببجي
يه يه يه يه شووو هيدي الحركات بالمبارك والله يتمم عليهم
عاد عسى خذيتي كل شي من الزين ؟
اكيد دامه ذوقج غصبن عن دمها الثقيل يعجبها ههههههههههههههه
لالا انشالله تطلع حبوبه ومرباااايه على قولت اخوانا السوريين

وسلمقلب الصبيان ياحلوهم
عادي كووكوو ياهل عن ياهل يفرق
تلقينه مره وحده يبدييقولكلمات ويمشيبسصبريعليه للحينه ماكمل سنه

وشولنج مع السواقه ؟
قوى قلبج ولا للحينج خوافه ههههههه


===================================

زووووووووووووووووزووووووووووووووووووو

ياعمري شتاقتلج العافيه وانا اكثر والله *
وانتي بخير وصحه وسلامه والفال حق العروسه الاموره تفرحين فيهاويبلغج فيها عروس
شخبارالدراسه معاج ؟ انشالله ماشيه والامور طيبه؟
واهممممممممم شييييييييييييييييييييييي
الرجيييييييييييييييييييييييييييييييييييييييييييييييييييييييييييييييييم لوول
شخباره ؟ هاااناويه على نفسجبتقضبين عمرج ولافالتو ؟؟



==============================================


بنووووووووووووووووته
ياهلاوغلا
شخبارج حبيبتي ولهت عليج:*
شخبارها بنوته انشالله صارت احسن الحين ؟
خفت الاكزيما عنها ؟
انا انصحج بدكتور سلامه جبر ممتااااااااااااااااااااااااااااز خبببببببره ويعطيج العلاج المناسب
الحمدلله ولدي طاب من بعد كريماته واذا تشافت فربي لك الحمد


بنات اليوم كانت اولجلسات مساج التخسيس
بلشت بس بفخوذي قلت اجرب اذا في نتيجه بكمل ظهري وبطني
6 جلسات ب 60 دينار 3مرات بالاسبوع
بمعهد ريكفوري الصحي بالجابريه وبعد الجلسه تخليج تشربين روزماري tea
صج المكان صغيرون شوي بس حده نظيف
واوافيكم بالاخبار اول باول انشالله

 

[Zen&7ala]

اهلييييييييييييييييين امووووووووووره

والله االدراسه الحمد الله واايد زيييين بس كالعاده لازم تطلعلج عره بهالدكااتره


و الرجيييييييييم امبيي زايده 5 كيلو

يعني الحين وزني زايد 20 كيلو من قبل لا احمل @@ و لي الحين ما نزلت شي

الحمد الله و الشكر كل ماله امت تعبت والله ساعدوني بلييز

الكل يشوفني يقولي انتي حيل متنانه

 

[monmoon85]

صباح الخيرعليكم كلكم . . شلووووووونكم وشخباركم والله لكم وحشه من غير شر كلكم فاقدتكم وخاصة بهالوقت. .
راح اعطيكم الموجز المعتاد:eh_s(15):

اولا. .
ياحلووو سوالفنا نفس هالوقت السنه الي فاتت مع الثقل وانا طبعا لم الحين ماتغير علي شي لاني دخلت شهري دعواتكم لي :yaaaaaarb:

ثانيا. .
حمادي رب يحفطه بيكمل سنه في 22- 12 وطبعا ما لاداعي اقولكم عن الشطانه والعياره


ثالثا. .
اتوقع وزني صك 90 صرت بطه بطه بطه من بعد الرشاقه والوزن الي مايتعدى 65 الحين اقووول سلملم على 60 ويالا بالارقام العجيبه لاني حملت على متن:eh_s(11): والحمدلله عدت الأشهر وراح اييب ان شاء الله عبدالله اخوو حق حمادي وبعدها بتفرغ حق نفسي عدل برد ايام الرشاقه بس خايفه من البلاوي الي بجسمي من المتن


رابعا. .
انا اراجع عند دكتورةمعصومه الي بدار الشفاء طبعا غيرت دكتورتي فوزيه القطان الله يسامحها وان شاء الله عاد تطلع اوكييييك الله يسخرها لي يارب


خامسا. .
ادعولي اعيد مع ريلي وولدي وبعدها اولد لاني اخر موعد لي 23 - 11 يعني قرب قرب الله يسهل ان شاء الله
والله هالايام وايد اسهر من قرب الموعد وانا مزاجي كله زيروووووووو :eh_s(2):


والى اللقاء القريب بأذن الله:eh_s(7):

 

[Zen&7ala]

اهليييييييييييييييين موووووووووووون شخبااااااااااارج


يا حيااتي الف الف مبروووووووووك مشاء الله ان شاء الله الله يسهل عليج يا رب و تولدين بالسلامه

و نشوف احلى عبود يا رب :**


لا تقطعيين

 

[طموحه بزياده]

يارب تضعفون بصحه وعافيه

 

[فاقده حنان ابوه]

سلام عليكم اشتقتلكم

شلونكم شخباركم اموره العمر كله سنفور فديته الله يخليه لج يارب

انا هالشهر انشالله ٢٧-١١ غلاتي تكمل سنه طبعا راح اسوي انشالله عيد ميلادها
طبعا ولا ضرس ليلحين وماتمشي بس تحبي وتوقف وطيح

وانا لما طلعت من الاربعين كليت حبوب دينا ٢٦ لمدت تقريبا ٤ شهور اول شهرين اوك والدوره منتظمه بعدين تخربطت اخر شهرين عاد قطعتهم ورحت الطبيب فحطني سونار داخلي قالي كل شي سليم الحمدالله طبعا قبل لايفحصني سويت هرموني ماكو شي حمدالله وطبعا وحياتكم صارلي ٤ شهور ماشفت رقعت وي الدوره مادري شسوي شكلي بروح مره ٢ الطبيب لعبت فيني الحبوب لعب

 

[فاقده حنان ابوه]

مبروك دربوله و الف مبروك الله يتمم عليج انشالله لا تزعلين اليهال زينه الحياه


مون مون الله يسهل عليج انشالله




بنات شرايكم ننقل هالقروب بالايفون بالوتسب واايد احسن راح نكون ويا بعض كل يوم الي موافقه ادزلي رقمها بالخاص عشان اسوي القروب

 

[أميرة طفولتي]

السلام عليكم


كل عام وانتو بالف خير حبايب قلبي
وتقبل الله طاعتكم وصالح اعمالكم
وعيدكم مبارك


شلونكم وشلون بيبياتكم
عسى الكل بخير وصحه وعافيه

فقوده
هلا فيج حبيبتي
وانتي بخير ياعمري
اي عادي الحلو الي عندي جريب سنه وشهر وللحين مايمشي بس يوقف
ولازم متسند على شي مايوقف بروحه شكله مطول وايد

شخباركم مع الاجازه الحلوه ؟ والجو البديع
الناس يا مسافره يا كشته البر ولا شاليهات
الديره فاضيه

 

[Zen&7ala]

اهلييييييييين امووره شخبااارج

والله العيد ماشي حاله

بين المزرعه و بين الشاليه قزرناها عطله طويله و الناس مشاء الله يا مسافره يا حاجه الله يرزقنا الحج السنه اليايه


اذا ما كنا حمل p:.

 

[kunooz]

السلاااااااااااااااااااااام عليكم

هلاااااااااا هلا سديقاتي لوول

شخباركم حبيباتي كل عام و انتو بالف مليوون خير ولو انها شوي متاخره !!

عيالنا كلهم كساله (( حتى عبادي مامشى حده خواف)) بعد بيطلعون على منو اكيد علينا والا شرايكم خخخخخخ


موووووووون
حبيبتي الله يسهل عليج يارب و تفرحين بشوفة عبادي يارب

 

[عشيقه زوجي]

مرحبااااااااااااااااااااااااا حبايب البي
شخباركم اشتقتلكم حييييييييييييييييييييييييييييييييييييييييل
بناتي يسلمون عليكم وعلى عيالكم


طبعا بناتى وحده توقف وتخطى وتطيح والثانيه لا حياه لمن تنادى زين تقعد
والله بنات ولهت عليكم

مبروك اللى حملوا وبروك اللى بيولدون

بنات قام وزنى يزيد ماادري شسوى تعبت من الشحوم

بنات زوجى يحن يبي ولد وانا والله مافينى حيل الكبيره سنتين والصغار بعد جم يوم سنه
طبعا وحده حنااااااااااااااااااااااااااااااااااااااااانه 24 ساعه تبجى والثانيه دلوعه تبي الشيل

دربوله مبرؤووووووووووووووك ومون مون الله يهون عليج والباجى اذا بتحملون قولولى عشان يمكن نصير بنفس التجمع




كنووووووووووووووز مبروك السواقه والله يعطيج خير السواقه ويكفيج شرها
فقوده راجعى لاتخلين نفسج

اموووه ياالله دايم انتى اللى مستفتحه كل شي يالله انوى الحمل ونحن من ورائك لووووووووول

 

[عشيقه زوجي]

بنت الوفا بنتج نفس وحده من بناتى الله يخليها لج

زيون لازم نخفف هالشحوم وان شاءالله تضعفين ونشوف اخو لديومه


الله يخليكم عيالكم وتشوفونهم متخرجين من الجامعه

 

[أميرة طفولتي]

يا هلا ومرحبا



شخباركم بنات عسى الكل بصحه وعافيه
وانشالله كل البنات والصبيان بخييييير الله يحفظهم لنا

=====================================

امبي قمت اررررررد ااااااااااكل بلعه بلعه بلعه مادري من الجو ولا من شنو بالضبط !
كل شي جدامي لازم اذوقه واكله ماكنت جذي ؟!
صارلي على هالحل فوق الاسبوعين
وامي تقولي انتي الحين مستانسه تبلعين بس فجاه راح توقفين عالميزان تشوفينه
طامر 5 6 كيلو
لالالالا مو متخيله نفسي ارد امتن
بس صايره ماكو كنتروووووووووووول كلش كلش
الككاو ذاااابحين اكله بشكل خيالي ومن غير سنع

ابي شي يوقفني ويخليني ارد اضعف مره ثانيه

محد فكر يسوي حلقة او تحويل او تكميم ههههههههههه
ام عبودي خليج على جنب يالعصله هههههههه
بس تحويل مسار مني لج اهداء لووووووووووووووووول

عشوووووقه
هلا حبيبتي
ولهت عليج العافيه
واحنا اكثر ياقلبي
وي سلم قلب البنات والله
اي عادي لازم تلقين في فروق بين بناتج شي طبيعي بس الله يكون بعونج
لالا انا ما افكر نهائيا بالحمل الحين بنطر لي بعد سنتين او 3 باذن الله الواحد الاحد
ما انصحج تجازفين وتحملين الحين نصيحه توج من سنه والد
ويبيلج فتره ترتاحين فيها وعلى ما البنات انشالله شوي يكبرون على لا يصير تعب على تعب
لي حملتي الحين ماتقدرين تشيلين وتحطين فيهم واهمه اسم الله عليهم بمرحله حدهم محتاجينج


والراي طبعا الاول والاخير لكم انتوا
بس مجرد راي