رد : احلى تجمع (( كروشات ديسمبر )) حياكم الله بنات
*جوجوووووو مبرووك حبيبتى الاجازه*
ناس تخاف ما تختشيش ههههههههه ما يمشون الا بالزف !!
و سلامة فروحتى حبيبتى ما تشوف شر*
و سالفة الخدامه الله يعينج حبيبتى ان شاء الله تتعوديت عليها مع الوقت بس المشكله انه خلاص تحسين انج ماراح تقدرين تاخذين راحتج في بيتج
ساعات خاطري البس قصير والا مشخلع هههههه بس ماقدر لين تنام عاد بعدها اقدر البس اللي ابيه*
الله يبارك فيج ياقلبي مع إني مو مستمتعة فيها كلش كله من عيونهم علبالهم ماخذتها راحة واستجمام وفوق هذا ضايعة كلها بعطلة الربيع ..
الله يسلمج غلاتي .. كوكو فيني فقر نوم موطبيعي متى تعدي هالفترة وتنتظم نومة الياهل ! بس تعبنا *
إي والله يا كوكو حده حكرة باللبس والحركة والسوالف وكل شي أحس نفسي متقيدة وطريقة شقتي ماتصلح إن يكون عندي خدامة.
استغنيت عن حمام ولدي وعطيته ياها ومقعدتها بداره وإهيه في البداية ماكان عاجبها تبي غرفة بروحها وكانت منيشنه على غرفة التبديل مالتنا انا وزوجي مسوينها كلها كبتات لي الطوفة وفيهم مرايا كبت حقي وكبت حقه تقولي انا حطي جنطة فوق وسرير في هذا دار قلت لها انا بيبي ماقعدته اهني بابا مايرضى ..*
والمشكلة إن الأوتي بهالدار وأنا غلطانة قاعده أخليها تدشها وتكوي فيها وريلي يقولي حدها حكره ببدل وهذي كل شوي قاعده تكوي يقولي حطي الأوتي بغرفة الولد اللي إهيه فيها .. وأنا موعارفه شلون أقولها !
المشكلة إن غرفة الماستر حاطتها حق ولدي لأن كان فيها كبتات بالطوفة ماقدرت أحط أثاثي فخليت الغرفتين اللي قبال بعض لنا اللي أهمه غرفة النوم وغرفة التبديل وبينهم الحمام والبياخة إن الحمام مجابل الصالة وباب الشقة يعني حتى بالحمام مو قادرين ناخذ راحتنا
حلاته تكون غرفة الخدامة صوب المطبخ علشان حوستها تكون بمكان واحد هذي ألحين حوستها صارت بكل مكان ماعدا غرفة النوم مو مخليتها تعتب عندها حتى لما تنوم بنتي اخذها منها وانا احطها بسريرها ماخليها تدش الغرفة ..
انا قلت حق زوجي الله يهداه قبل لاتوصل الخدامة حط باب يفصل جناحنا بروح علشان آخذ راحتي .. يقولي الباب مقوس وصعبة يسوون القصة مالته وحتى لو يسوونها يكلف وايد بس قصة الخشب السنديان ب ٣٠٠ دينار *
وعندي غرفة تطل عالصالة بس صايره جنها صالة ثانية طبعا إحنا مسوينها أجواء سينما إضاءات خافتة وسماعات استيريو كبار فيها ضخامة صوت تعيشكم أجواء السينما ونقعد فيها نطالع أفلام فيديو .. الصراحة أتحسف أقلبها غرفة حق الخدامة *
حسافة شابكة من الآيفون ولا جان صورتها وحطيتلكم ياها .. ماعندي انترنت الواير لس لغاه زوجي يوم ولدت لأن كان فيه خلل وقاعدين يحسبون الاشتراك علينا ..*
صج صج صج حسيت إني ودعت أيام الرومانسية بوجود الخدامة بينا *
ماني عارفه شنو الحل !
