احلى تجمع (( كروشات ديسمبر )) حياكم الله بنات

[أمواج^الكويت]

وأخيراً طعمتها كنت مطوفتها 10 أيام

المسكينة اكسرت خاطري ياخي كل اللي يحطونهم حق التطعيم مصاروه عمالقة وإيدهم ثقيلة على الياهل بطت جبدي غزتها وماحطت معقم أو شاش ولا شي وطلع من إيدها دم حبيبتي بجت بجي عاد مشيت الدم بالكلينكس جان تزفني عاد صرخت عليها وأخذت بنتي وطلعت تقولي ماتحطيش عليها حاجه قلتلها اخلي الدم ينزل يعني :bbbiu:

ارفعت ضغطي :rgewrg:


هذي ثاني وحده كريهه تصادفني ليش مايحطون هنديات حق التطعيم أحسهم حنونين أكثر على اليهال من هالمصريات


بنوووته عطيتها أدووول قبل لا أوديها

لوووووووووووووووول حياج تعالي أنا كل يوم العصاري أو المغربيات بممشى رميثية


حروووومة فديتج شخبارج حبيبتي وشخبار حوريتج العسولة ! وينج غاطة عنا طول هالمدة مكانج مبين ومبروووووك زواج أخوج والله يهنيه ويسعده يارب :yaaaaaarb:

​

 

[أمواج^الكويت]

رد: رد : رد: احلى تجمع (( كروشات ديسمبر )) حياكم الله بنات

هااااااااااااااااااااااااااااااي

شخباركم بنات؟؟؟


جوجو بنتي مثل بنتج حيل عسره وتبجي على طول تبي أفتر فيها البيت كله وإذا مسكتها إدزني يمه منها
حدهااااااا عيااااااااااااااااره
وتخيلي أمي الله يهداها خربت بنتي وخلتها تتعود على صدري وألحين ماتبي المميه كلش وتبي تنام على صدري
وظهري يعورني طول الليل وهي تمص ع الفاضي

هالووووووووووووو أم لطووووفي والله حاسه فيج حبيبتي صج الياهل الحنّان مشكلة .. أنا جربتها في ولدي كنت أستانس على اليهال وحتى كنت بتخصص رياض أطفال بس من يبت ولدي وشفته شلون يحن كرهت اليهال كلهم خخخخخخخخخخخخخ

وبنتج عيارة وعصبية نفس بنتي .. تدزني بإيدها إذا مزاجها غلط حتى ذيك المرة استنفرت عليها جان أقول وأنا معصبة هذا اللي ناقص حتى هالنزغة صايره تتحكم فيني جان ريلي يضحك علي ولي يومج هذا يعايرني خخخخخخخخخخخخخخخخ يقولي اشمعنه تطقج انتي وماتطقني ولا تطق الخدامة :eh_s(14):

بنات والله الأمومه صعبه وربي للحين مو متأقلمه ع الوضع
قبل كله أطلع وأتمشى وأغير جو وألحين ما أقدر كلشششششششش
أخاف على بنتي من الأمراض
وربي طفشت وأمس قعدت أبجي عند أمي
حاااااسه بكآبه مو طبيعيه

وكل مابي أطلع مكان أحاتي بنتي تسوي إستنفار وتفضحني جدام الناس


بنات والله طفشت
صارلي فتره مو نايمه نومه سنعه
كل شوي أقعد وأسهر معاها طول الليل
والمشكله قبل أختي كان إتساعدني شوي بس ألحين عندها دوام بالجامعه
وماترد إلا الساعه 5 الله يعينها
ومشكلتي ما أحب الخدم يشيلون أو يمسكون بنتي فيني وسواس من كثر ما أسمع عن بلاويهم الله ياخذهم
أدري طولت عليكم بس شسوي مالي غيركم من بعد الله أشكيله

أكيد الأمومة صعبة ياغرووور ولا ماصارت الجنة تحت أقدام الأمهات بالساهل

شنسوي ياحياتي هذي سنة الحياة ولازم نتحمل .. واليهال كل مايكبرون نقول بنرتاح بس يزداد همهم مع كبرهم ..

الله يهديهم ويخليهم لنا ويكونون سند وعون لنا بالمستقبل ..


كلنا جذي حبيبتي ماكو نوم وإرهاق وأرق بس يمكن إنتي علشان قاعده تحسين بضغوطات من كل صوب فنفسيتج تعبانة شوي ميخالف ياقلبي طولي بالج كلها جم شهر وتتعدل نومتها ويصير الوضع طبيعي بس لازم تكون عندج خدامة خاصة فيج على الأقل تساعدج وخليها دوووم تحت أنظارج ولا جذي بتتعبين ..

إنتي تداومين !

أنا كنت مثلج مو متقبلة فكرة الخدامة بس الحمدلله ربي رزقني بوحده حنوونة على الياهل طبعاً مافي وحده كاملة بس شي أحسن من شي .. على الأقل تجابلها وقت دوامي لأن ماعندي أحد يمسكها بهالفترة ..

أمس وديت بنتي المستوصف وكان عندها التطعيم الأول
ثلاث أبر عورني قلبي إقعدت تبجي ليما إختفى صووووووووتها
واللي غزتها إيدها ثقيله

ياحياتي والله كلهم جذي ياغرووور يذبلون الجبد :eh_s(14): وإيدهم ثقيلة على الياهل

وترى هذا التطعيم الثاني مو الأول .. الأول طعموها بالمستشفى يوم ولدتي ..

عاد هالتطعيم بايخ يعور حرام 3 إبر مرة وحدة :eh_s(16):

واليوم قرعتها وقضيت أذونها (مت من الضحك على شكلها أحس غلط وموراكب تراجي مع القرعه)
بس حسيت بالذنب لأني سويت كل هذا بيوم واحد
وصايره تخترع من كل شي
وإذا سمعت أي صوووت تقعد تبجي وترجف ياحيااااااااااااااتي

واااي حرام عليج كل هذا سويتيه فيها انتي أم مجرمة ههههههههههههههه

حتى أنا فرووحة صايرة تخاف وايد وكل شوي تفز على أقل صوت أحس من يوم قضيت أذونها لما كان عمرها شهر صارت فيها هالخرعة لأنها كانت نايمة وفزت على خرعة كله من مالت الصيدلية كنت بقعدها من النوم قالت لا خليها عادي علشان لاتعافر وتأذينا قلت لها أخاف تخترع جان تقول لا عادي

أحس وايد صفات بلطوووفة موجودة بفروووحة انتي متنسيه على شنو ههههههههههههه

ونسيت أقولكم دهنت مكان الإبره بفكس والحمدلله ما إنتفخو ولا صار فيها حراره

زين سويتي بس أنا ألحين حق إبرة الدرن ما أقدر أحط شي لأنها راح تطلع قيء ووصاخة

بنااااااااات ببجي وزني زايد ومابي أمتن أحس مو لايق علي كلش
وأحس شهيتي منفتحه وبالدقيقه إمبطله حلجي وآكل

موقادره أمسك نفسي

أنا بعد شهيتي انفتحت شوي بعطلة العيد الوطني بسكر حلجي بس قاعده أحس باليوووع بس كل ما أحس إني ودي آكل أروح أشرب جاي أخضر علشان أنغث ههههههههههه

بالشكل أبين ضعفانة بس الوزن ثابت مو راضي يتحرك ريلي يقولي عادي لأنج قاعده تمشين فالعضلات تاخذ وزن بالبداية وبعدين راح تنزلين نزله قوية ​

 

[أمواج^الكويت]

امواج بخصوص الراس والرقبه اي بنتي تتحرك عادي

انا ما امهدهاااا احسن هم راسهااا يرقل لوول متي يثبت راسهااا ما عندكم فكره

بنوووته وفقووودة شوفوا هالتقرير

v

v

مراحل تطور الطفل: (( التحكم بالرأس ))


التحكم بالرأس

يولد الأطفال بقدرة ضعيفة للغاية على التحكم بالرأس وعضلات الرقبة. تنمو لديهم هذه المهارة الأساسية على مراحل خلال الأشهر الستة الأولى من العمر، وتكون الأساس في جميع الحركات التي تلي ذلك مثل الجلوس والمشي .



متى يحدث هذا التطور؟

تصبح عضلات الرقبة لدى معظم الأطفال قوية بما يكفي لحمل رؤوسهم في عمر الستة أشهر تقريباً.


كيف يحدث ذلك؟

المواليد الجدد

لأن عضلات رقبة طفلك تكون ضعيفة جداً عند الولادة، يعتمد عليك في إسناد رأسه وعنقه على الأقل خلال الشهر الأول تقريباً. ربما تكون هذه هي الطريقة التي تمنحك بها الطبيعة فرصة التفاعل مع طفلك وجهاً لوجه. عندما تحملينه بين ذراعيك، استمتعي بفرصة النظر إلى عينيه، فيساعدك ذلك على تكوين الرابطة الوثيقة معه وجعله يشعر بأنه محبوب.


من عمر الشهر حتى الشهرين

مع نهاية شهره الأول، يستطيع رفع رأسه للحظات وتحريك رأسه من جانب إلى آخر حين يستلقي على بطنه. عند بلوغه ستة إلى ثمانية أسابيع، ولو كان يتمتع بالقوة اللازمة، سيرفع رأسه عند استلقائه على ظهره. حين تحملينه على كتفك، سيتمكّن من رفع رأسه بترنّح ولفترة قصيرة. كما يمكنه رفع رأسه عند الجلوس في مقعد السيارة المخصص للأطفال، أو حمّالة الأطفال، لكنه لا يكون قادراً على ركوب عربة الأطفال للتنزّه أو حمله في حمّالة الظهر. انتظري حتى يستطيع حمل رأسه باعتدال من دون مساعدتك لتتمكّني من استخدام هذه الأدوات. أما الآن، فتستطيعين وضعه في كرسيه الهزاز ليرى العالم من حوله.


من عمر الثلاثة إلى الأربعة أشهر

في هذا الوقت، ستلاحظين تحسناً ملفتاً في تحكمه برأسه. يمكنه الآن حمل رأسه بزاوية 45 درجة عند الاستلقاء على بطنه وإبقائه مرفوعاً لفترة. كي تساعديه على تقوية عضلات رقبته وتتسلّي معه أيضاً، ضعي طفلك على ظهره واجذبيه من يديه ببطء حتى يصبح في وضعية الجلوس، ثم أرجعيه ببطء إلى أسفل في وضعية النوم على الظهر وكرري التمرين. في هذا السنّ، يمكنه حفظ رأسه متوازياً في خط مستقيم مع بقية جسمه عند جذبه. قد يكون طفلك مستعداً لركوب عربة الأطفال للتنزه في سنّ الأربعة أشهر، شرط أن تلتزمي بالسير على الرصيف في هذه الفترة.


من عمر الخمسة إلى الستة أشهر

في عمر الستة أشهر تقريباً، يستطيع طفلك تثبيت رأسه مستقيماً، ويحنيه إلى الأمام عند جذبه إلى وضعية الجلوس .


ما هو دورك؟

لا يوجد الكثير لتقومي به كي تشجعي عملية تطوّر التحكم بالرأس، باستثناء أن تتوخي الحذر. في الشهور الأولى على وجه الخصوص، سوف تحتاجين إلى إسناد عنق ورأس طفلك بكفّ يدك عندما تحملينه خارج مهده أو تتنقلين به بين الغرف. من وقت لآخر، ضعيه على بطنه ليرفع رأسه وصدره بهدف أن يراك أنت أو لعبه ويقوم بذلك بتقوية عضلات رقبته.

بين الشهرين الثالث والسادس، قد تحتاجين إلى وضعه جلوساً في كرسي أو على السرير (لكن تأكدي من أنه ليس قريباً من الحافة وأنك معه طيلة الوقت). هذا أمر صحيح طالما أن رأسه وعنقه مسنودان جيداً. ستؤدي الوسائد هذه المهمة على خير ما يرام، أو يمكنك وضعه في حضنك بحيث يكون رأسه مسنوداً إلى بطنك. اجعليه يجلس في مناطق مختلفة من البيت حتى يتغير المشهد أمامه كل مرة ويرى أشياء مختلفة. تأكدي فقط من أنه في مكان آمن، بعيداً عن حافة الأريكة (الكنبة) أو أي مكان آخر قد يسقط منه.


متى يستدعي الأمر القلق؟

إذا بدا لك أن طفلك يجد صعوبة في رفع رأسه ولو قليلاً في سنّ الثلاثة أشهر، اعرضي الأمر على طبيبك في الزيارة المقبلة. تنمو قدرات الأطفال بشكل متفاوت، فالبعض منهم يكتسب المهارات أسرع من البعض الآخر، ومهارة التحكم بالرأس ليست استثناءً. قد يتأخر الأطفال الخدّج (المولودون قبل أوانهم) في اكتساب هذه المهارة وغيرها مقارنة مع أترابهم من المرحلة العمرية ذاتها. اسألي طبيبك إذا كنت قلقة في هذا الشأن .. ​

 

[أمواج^الكويت]

مرحبا شلونكم
شلون بيبياتكم



شدعوه بنات كاتبتلكم كلام شطوله ولا وحده ردت لو بكلمه

بقى 5 ايام واطعم بنات ثاني تطعيم وانا لي الحين امهدهم اذا ناموا اما اذا قاعدين على طول ابطلهم تقريبا جم ساعه باليوم قثاعدين بدون مهاد بس ومنقوع التمر اعطيهم من طلعت من الاربعين والحمدلله شحلاتهم عليه صحتهم تهبل عليه واي بعد اعطيهم ينسون لى الحين والحمدلله نومتهم تعدلت بس يقعدون بليل اذا يبون حليب يعنى الساعه 3 و 7 بس والحمدلله

اي بعد اصرفوا لبناتى حديد وفيتامينات ووقفته عنهم لان ذبحهم ببطونهم بالمغص وبرجعه لهم بس انطر جم يوم لين اطعهمهم

هلا وغلا بأم البنوتات الحلوات شلونج عشوووقة والله لج وحشة يالغالية :hjy5jewf: بس والله ماتنلامين أكيد البنوتات ماخذين وقتج والله يعينج على غيرة الكبيرة !

والينسون أنا أسويه حق فروووحه وأعطيها كل يوم وايد زين يريح بطنها بس منقوع التمر ماجربت قلت خل تكمل تقريباً 4 شهور بحاول أعطيها إنشالله

ونومتها عافسه حياتي ومكرهتني عيشتي مو راضيه تتضبط كل يوم على هالحالة أسهر وياها من 10 بالليل لي 6 الصبح يالله تنام

مادري اشبسوي لي داومت .. شكلي بعفس نومة الخدامة وأخليها تجابلها هههههههههههههه​

 

[بنت الوفا]

هلا امواج الله يعينج انا بنتي اشوه خفت بس تدرين لازم مصاصه بدون المصاصه ماتسكت شكله ادمنت خايفه تتعود عليها

 

[أمواج^الكويت]

بنوووته أنا بنتي ماكانت تبي المصاصة أنا اللي عودتها علشان أفتك من حنتها هههههههه وهم علشان لاتتعود تحط إيدها


أنا صايره تحاول تمسك الممية وأنا أشربها الحليب حلاتها تحر لما تسوي هالحركات ​

 

[أمواج^الكويت]

بنات اللي تسوون رجيم شربوا ماي وايد

وصلتني هالمعلومة من الواتس أب إن إذا شربتي قلاصين ماي بعد ماتقومين من النوم يساعد على تنشيط الدورة الدموية

وإذا شربتي قلاص واحدقبل الوجبة بنص ساعة يساعد على الهضم

وإذا شربتي قلاص واحد قبل لاتاخذين شاور يساعد على خفض ضغط الدم

وإذا شربتي قلاص قبل النوم يساعد على تجنب السكتة أو النوبات القلبية بعيد الشر عنا وعنكم ..​

 

[Almas_q8]

صباح العسل لاحلى بنات سكر نبات شلونكم وشخباركم وشلون بيبياتكم

كنت لاهيه شوي وما دشيت اعذورني ما قريت اللي طافني حبيت اقول لكم شنو سويت

بنات اولت امس رحت الصالون حفيت و شلت شيره و حمام مغربي و بديكير ومنيكير وصبغت اظافري و مساج اخييييه شنو ارتحت
واستشورت شعري ب حسافه ما عندهم قص ورجعت البيت و قصيت قذلتي ههههه مو اول مره بس شكلي تغير

وسويت تاتو حواجبي نسيت اقولكم بس يبيله بعد تضيبط وحفافتي قالت لي وايد حلو اهم شي ريلي عاجبه النيو لوك


وامس وديت بنتي طعمتها والحمدالله ما فيها شي بس معاها اسهال خفيف يعني طبيعي


وامس وصلولي دايت كير اول يوم لي امس وطبعا بدا الجد والحين بلشت اروح النادي وان شاءالله راح التزم فيه ادعولي

 

[بنت الوفا]

اموواج يسلمو علي التقرير اي والله خايفه تتعود علي طول بحلجه بس اذ دشت نوم عميق اطيح


سمالله عليها كل يوم تحلي وتزين سلم وجدوووان لامهاااااااااااااااا هههههههه فصلت


غرورررر امس بالليل مدري شفيني قمت افكر بقرعت بنتج جيت بجرب بنتي وامسح شعرها وخدمتي مااتبيني احلق شعرها تقوول حررام بعد ماروح كيفج بس الحين ماما لاالا خرام بيبي مسكين سوت فلم ههههههه

حتي زوجي ماشجعني بس ماينقال عني يمكن اسويها واذني بنتي للحين ماقضيتهم مريحه النتفه

واليوم مشتهيه اطلع زوجي يحب قعدت البيت وانا العكس اهي اهي اهي



بحاول اقنعه بروح لمرح لاند او الاحمدي فاصله تهبت من قعدت البيت واختي اختي الله يسماحه ماتحس تسافر وترد ولا تعلمني ماابي اكمل خلوه علي الله

 

[بنت الوفا]

بنتي ادمنت علي الرهش مدري شفيني حاشتني مجاعه يمكن علشاني ارضع وخايفه علي حليب

 

[أميرة طفولتي]

مساكم الله بالخير بنات

انا بالدوام موديه اللاب معاي
ناطره بعد شوي الساعه 1 عشان ارجع البيت
جنه جنه ماشالله تعدلت نومت مهودي اسم الله عليه اخيرا قام ينام 5 ساعات متواصله بس المشكله الوحيده
ان ينام متاخر شوي يعني على 3 الير ينام ويقوم 7ونص 8 الصبح ابدل حفاضته واشربه حليب ويرجع ينام لي الظهر
ماشالله صارله اسبوع على هالحال وامس حاولت ماينام ونومته على على ال12 وقعد 4 وربع تقريبا شرب حليبته ورجع نام
طلعت انا رحت الدوام دقيت على خدامتي قالت قعد 7 شربته الحليبورجع نام
يعني الحمدلله وايد احسن من قبل وشوي شوي انشالله خلاص تتعدل وينام لو على الاقل على ال12 بليل ويقوم الصبح معاي

لموووووووسه
يه يه يه شنوووووووو هالحركااااااااااااااااااااااات
مبروووك عليج النيو لوك حبيبتي وزين سويتي وناسه لمن تروحين الصالون وتسوين كل هالشغلات بيوم واحد
مجربه هالشعور ههههههههه

جوووووجووووووو
وااااي لحقي علي خربت ام الرجيم امس واليوم الابلات مسويلي بوفيه حق ردتي بالسلامه الصراحه ماقصروا
بس خربوا رجيمي
اي وانا قاعده اعطي حق مهودي الحين منقوع التمر الحمدله قاعد يشربه ومتقبله حاااابه وايد انتي نطري على فرووحه
تكمل انشالله 4 شهور وعطيها انا على الاسبوع الياي راح ابدي اعطيه عصير برتقال بعد فرش اخففه بالماي

عشوووووووقه
هلا هلا بام البنوتات الحلوات
شلونج حبيبتي لج وحشه والله :*
انا بعد عشووقه قاعده اعطيه منقوع التمر بلشت من اقل من اسبوع تقريبا ماشالله قاعد يشربه
بس انتي جم مره تعطينهم باليوم ؟؟
انا مرتين مره الضحى تقريبا
ومره بليل

احط التمر واصب فوقه ماي حار واحاول اهرسه واخليه شوي لمن يدفى واصفيه مرتين مو مره وحده
اخاف من القشر الصغير صح الطريقه ؟؟

 

[أميرة طفولتي]

بنت الوفا
لوووووووول ضحكتيني على سالفة الرهش يحليلج خخخخخ
اذا ريلج موحاب يقرعها خلاص خليها عادي اهوا الشعر بروحه يطيح ويرجع يطلع

غرووووور
نعييييييييييييييييييييييما قرعه مقيرعه ههههههههههه << يعني حق بنوته الاغنيه خخخخ
سلم قلب البنات والله لبسيها بلسوت وكاب بالمقلوب وصورها والله تطلع زووووغه
انا انشالله اليوم عندي استقبال بكشخ وبروح مع ريلي وباخذ مهودي نروح نصور
حبيبي للحين ماصورته بالمصور

 

[أميرة طفولتي]

يلا بنات اشوفكم على خير
انا بشيل قشي الحين عشان اروح البيت
سي يو اوووووول

 

[أمواج^الكويت]

عليج بالعافية البوفيه أموورة والله يعينج على هالسوالف .. ربع الدوام مايساعدون ويخربون الرجيم مرة وحده

وزين تسوين روحي غيري جو وصوري مهودي وياج .. أنا بعد ليلحين ماصورت فروحتي خو هذي كله معصبة ومزاج مادري متى تكون رايقة هههههههه


ومنقوع التمر بحاول أعودها عليه بعد أسبوعين جذي ..

والحمدلله إن انتظمت نومة مهودي .. أنا والله ليلحين قاعده أعابل فيها ماكو فايدة إذا بتنام تحن ومزاجها يصير غلط ما أقدر أخليها تقاوم النوم ​

 

[أميرة طفولتي]

هلا والله جوجو

الله يعافيج حبيبتي
اي حدهم مايشجعون حلو رايح وحلو ياي وقهوه والزي منه
ماعليه جوجوو فرووحه اسم الله عليها للحينها صغيره وكل مانامت اكثر بهالعمر الي اهيا فيه المخ يستفيد اكثر
انشالله من تصر 4 شهور تبتدي نومتها تتعدل وتقعد فترات اطول وتتصير غفوانها 3 مرات باليوم او 4 ليمن شوي شوي
خلاص الخ يبرمج عندها على نومة الليل وقعدة الصبح

 

[أمواج^الكويت]

يه يه يه لموووسة شالحركااات يا أم النيووو لوك يا إنتي هههههههههههههههه

إنشالله تلتزمين بالرجيم والنادي وتنزلين بصحة وعافية يارب ..

وين صاير ناديج لموووس ! تخيلوا بنات كلنا نشترك بنادي واحد ونتعرف على بعض ونحمس بعض ونااااسة :eh_s(9):


وأي صالون سويتي المساج أنا بخاطري أسوي أبي أريح جسمي قبل الدوام :eh_s(11):


أنا اليوم رحت حفيت وقزيت شويه لووووووووووووووول أحس وناسه لما طلعت بروحي ردت روحي شويه

من زمان ماطلعت بروحي من حملت كل مشاويري مع ريلي ساعات الوحدة تحتاج تطلع بروحها بدون ريل ولا يهال و حنة هههههههههه​

 

[أميرة طفولتي]

جوووووجووووووو
قيمتج على المعلومات الي حطيتيها عن راس البيبي متى يثبت ويتوازن وايد استفدت
تستاهليييين

 

[أمواج^الكويت]

بنت الوفا انا نفسج لما كنت أرضع أدمنت على الرهش بشكل موطبيعي بس يومين ما أكلته نسيته .. أهوه اللي خلاني أمتن بزيادة الصراحة ..

وبنوتج لاتقرعينها حرام ترى الشعر يصير خشن لي طلع بعدين ..


وطلعي حبيبتي لاتحطين شي بخاطرج اخذي اليهال والخدامة وقزي ههههههههههههههه خو الرياييل كله مالهم خلق ​

 

[أميرة طفولتي]

زيييييييييييييييين تسوييييييييين جووووجوووووو
على قولتج والله الوحده لازم تطلع بروحها وخصوصا طلعت المشاوير احبها ههههههه
والاحلى لمن ارجع البيت واكون مخلصه كل المشاوير ومسويه الي ابيه بالضبط

اي صح لموووسه وين ناديج ؟

تصدقين جوجوووو يبيلنا نتعرف على بعض
عاد انتي مو صعبه العصاري اروح ممشانا وادورج هههههههههه
عرفتي الي لمن تطبين ديره بالمطار لمن تطلعين من البوابه تلقينهم واقفين ماسكين لوحه عليها اسمج واسم الفندق
لوووووووووووووووووووووول
بسويلج جذي بوقف عند فرع 24 ساعه وبمسك لافته عليها جوووووجوووووووو وتحتها منتدى كويتيات خخخخخخخخخخخ

 

[أمواج^الكويت]

ثانكس أمــورتي :eh_s(22):


إي صح نسيت هذا ممشاكم لوووووووووووووووووووووووووووووووول ضحكتيني تخيلي عاد وقتها أنا أييلج وأقولج منو أمووورة يحليلج والله ماتوقعتج جذي كنت راسمتلج صورة ثانية بخيالي


ونااسه يبيله على يوم نتيمع ونتعرف على بعض


شلون كان الاستقبال إنشالله استانستي .. وهاليومين بالدوام في طالبات ولا الغياب وايد !

يعني قاعدين تشرحون ولا لأ !

يابولكم رئيسة قسم ولا ليلحين ! ​