احلى تجمع (( كروشات ديسمبر )) حياكم الله بنات

[حرم سي السيد]

شلون رفيقات دربي اشتقتلكم

لموسه عليج بالف عافيه النيولوك

اموره يبيله مهودي صوره انا حوريتي للحين ماصورتها بالعاده عيالي اوديهم المصور بس هالنتفه مصورتها

جوجو شلون فروحه المزيونه

بنت الوفا اخذي اليهال وقزي قز
وباجي البنات شخباركم كلكم

 

[حرم سي السيد]

امس بنات وديت بنت السلام عشان تعبانه اسم الله على عيالكم
وتذكرت انا وريلي ان بنت عندها سونار حق الحوض وسويته

وطلع بريلها اليسار ارتخاء موخلع وقالي استمر لمده شهر حفاضتين

امبيه نفسيتي من أمس تعبانه عشان حوري وخايفه عليها

 

[حرم سي السيد]

ياهلا ومسهلا نورتي المنتدى فديت قلبج دربوله شلونج وشلون روري

تخيلت شكلها وشكل شعرها فديتها بوسيها

 

[أميرة طفولتي]

بنات مشاركاتي ليش ماتطلع

 

[أميرة طفولتي]

مايصير جذي رديت عليكم كلكم
وين ردي

 

[أميرة طفولتي]

اطالب وبشده ان ردودي ترجع
موبي موبي

 

[أميرة طفولتي]

حرووووووومه
شلونج حبيبتي ؟
سلامات ماتشوف شر بنتج
سلامات من شنو صار جذي ؟؟
من اول مايبتيها ولا توه يعني ؟

 

[أميرة طفولتي]

غروووووور
هلا حبيبتي شلونج ؟
اي تصدقين للحين ماصورته
انا مستغربه من نفسي اموت على التصوير
وقبل كله ناقعه عند المصورين بس مادري شفيني الحين
افففففف قطيعه المدرسه ماخذه كل تفكيري
مادري ليش وايد شايله همها وبالتحضير والناظره
ريلي يقولي خلاص انسي انتي الحين ويك اند استانسي ريحي ليش تفكرين
بس والله مو بيدي مادري شنو الي قاعده احاتيه

 

[أميرة طفولتي]

بناااااااااااااااات قبل شوي جفنشي الصالحيه دازيلي مسج
عندهم خصومات لي 65%
ترى حلو تاخذون بوك او جنطه حق امهاتكم او خالاتكم هديه حلوه حق عيد الام لاتنسون 21-3
واحلى شي فيهم ان يسوون خصم حتى على الكوليكشن اليديد
بس نطروا خل اروح انا اول لاتخلصووووون المحل هههههههههههههه

 

[أميرة طفولتي]

هاااااااااااااااااااااااي دربووووووووووووله حبيبتي شلونج شخبارج ؟
واااااااااااااي سلم قلب البنات والله
ليش قنزعتوا شعرها وقعدتوا هااااااااا لووووول
تعالي صج شلون السوق عندكم في اشياء تشوق حق البيبيات ؟؟
وبوسيها لنا

 

[أميرة طفولتي]

بنووووووووته
يه يه يه شنو هالحركاااااااااااااات الكفر يشوق ماشالله وعليها بالعافيه بنوتج :*
واشوه الحمدلله لقيتي ولدج انتبهي عليه المره اليايه اكثر اسم الله عليهم الصبيان حركيين
ومن شويه تلفين ويهج الا فالتين الله يحفظه انشالله

وهالكمادات موجوده بكل الصيدليات ؟ وجم سعرها ؟؟

 

[أميرة طفولتي]

لموووووسه
يه يه يه ضبطييييييينا بتصيرين رشيييقاااااا ههههههههه
شتبين بعد ريلج وماشالله حده مشجعج ماعندج عذر ترى عشان تخربين رجيمج


عشوووووووقه وسفوووووووره وقوووووشتا وام خلووووووود وبااااربي وزيووووووووون وكوووووكوووووووو
لكم وحشه وينكم !!!!

 

[أميرة طفولتي]

بنات خل اقولكم شنو بخاطري

ودي اروح البلوكات وادوري خام حق تريننق ودي افصل واحد
لان الي بالسوق كلش موعاجبيني ابي شي يديد وسبشل
بخاطري لون اخضر او كحلي بس احسه غامج حق صيف الكحلي اممممم مو مشكلة اللون عادي تنحل
وو ابي اسوي الجاكيت الي فوق طويل طبعا لي تحت الشسمونه عشان لا البس بعد تحته قميص
ابي يكون مسكر ومن جدام ودي اسوي في حركه يمكن رفلز او شي جذي
والجاكين نفسه ابيه طبقات لووووووول ببدع فيه
ومن ورا تحت الرقبه هالمنطقه كلها يا اطرزه او اشتري كلف غريبه واحطها او خامات اقصصها الوان واشكال واحطها
لان احتمال نروح الشاليه بعيد الام بنحتفل هناك فابي شي حلو وغريب محد شايفه مابي جينز وتوب
بخاطري تريننق

اممممم
ودي عقب هالدوره
اي صج ماقتلكم الدوره يوم الخميس بليل يتلي عقب مارجعت من الاستقبال وظهري حده يعورني ماتهنيت بهالعطله
المهم عقب هالدوره بسوي حمام مغربي وبقص شعري وبصبغه مره ثانيه مليت من لونه مع ان حلو...
ماشالله شعري رد طال تقريبا لي اخر ظهري برد اقصره لي النص وهالمره مو بس بواسيه لا ابي اقصه قصه حلوه

اممممم
ابي اضعف وهذا اهم شي عندي لااااااازم لااااااازم اضعف 6 كيلوات غصب طيب
وانشالله هالمره خلاص ماراح اخرب الرجيم

 

[أميرة طفولتي]

بناااااااااات انا شاريه فلات من دبي لاكوست فيرووووزي عجييييييب
توني ذكرته شرايكم شنو لون تريننق ماشي معاه ؟
حلو اسوي ابيض ؟ جنه غريب شوي ماكو تريننقات بيضه وايد ؟؟
هاااا شنو رايكم ؟

 

[أميرة طفولتي]

ولا رمادي ؟؟!!

 

[فاقده حنان ابوه]

بنات شلونكم شخباركم

اليوم رحت صبغت شعري وسويت بدكير منكير واستشوار باجر اول يوم دوام ويييع من قلب

بنات رحت لافندر على اساس ابلش مسجاات التخسيس والصدمه



























قالولي ما يصير لاني قيصريه ياربي


قالتلي بعد سنه

 

[Almas_q8]

قووووووه بنات يا سكر نبات شلونكم وشلون بيبياتك


الصبح اليوم رحت النادي و تمررنت وخلصت جان اروح السوق شريت صدريات حق ربابي صايره وايد تسعبل

وبغيت اشتري حقي بس قلت لا لمن اضعف اروح اشتري بس شريت بجامات حقي وحق امي


واليوم كلهم متيمعين عندي واي قهر قاعدين ياكلون حلو و يحروني ههههههههههه وانا احرهم باكلي الصحي ههههههه

و مسوين كيكه ايس كريم ككاو والثانيه فانيليا وفيها فواكه :eh_s(16): وانا اطالعهم والله حتى ما ذقتها لازم اقاوم واتحدى نفسي يارب اضعف:yaaaaaarb:

 

[Almas_q8]

بنت الوفا
عليج بالف عافيه الطلعه وزين سويتي طلعتي وغيرتي جو وي شلون ضاع ديري بالج وعسى ربي يحفظه لج
خوش فكره سالفت الكمادات عاد انا عندي مال بدي شوب حق العين يصير استخدمه يسلمووو بنوته وعليها بالعافيه الكفر وايد حلو
حبيبتي فديتج تسلمين على التشجيع ان شاءالله باذن الله راح استمر حسافه والله وناسه ترى النادي زين دام بتشترين جهاز تمريني بالبيت
انا قبل كنت امشي بالبيت نص ساعه و تمارين جورج كروز تحصلين الكتاب بمركز السلطان او مكتبة جرير والله ضعفة عليه وجسمي صار حلو
احب ككاو بنجووم هههههه اي ذكرتيني بفروحه الحلوه
بنوته لازم تخففين وتنظمين اكلج كلنا اهني عشان نساعد و نوقف معاج وان شاءالله ترجعين احسن من قبل قولي يارب





فقووووده
بخير وانتي شلونج يا حياتي مسكينه الله يشافيها زين غيرتي الحليب انا ربابي بعد حاشها اسهال بس لاحظة
انه بنطنها بدا يصير احسن لانه عزج الله خروجها كان زيتي والحين بدا يصير اصفر بس اذا وايد موزين وديري بالج لا تنصلخ
على طول غسليها و حطيلها كريم وسلامتها ما تشوف شر غلاوي





غروووووووور
عسى دوووم بخير انا بخيردامكم بخير حبيبتي والله تسلمين يا ورده انتي ولطوفه





حروووووومه
هلا حبيبتي شلونج انتي وشلون حووريه
سلامات ما تشوف شر حوريه وان شاءالله تتحسن لا تحاتين و انتي ديري بالج عليها
بس اول مره اسمع بارتخاء اللي اعرفه خلع وماكو الا العافيه
الله يعافيج حبيبتي تسلمين يا غلا






امووووووره
هلا حبيبتي شلون مهوودي سلم قلبه حده قهر لمن ينمسح كل اللي كتبتيه
صج مسوين تنزيلات عاد انا ابي بوك هههههههههههههههه انزين انطر روحي و قوليلي شنو في حلوه اوكيييييش
والله مستانسه من تشجيعكم لي و دعواتكم معاي وريلي بعد ما اقدر جذيه وفدييييييييتكم كلكم والله
وان شاءالله راح انزل وبقول لكم اشكر نزلت بالشهر
امووووره حلوه الفكره تسوين تريننق بس شكلج راح تبدعين فيه عاد كلش ما احب الخياط وان شاءالله يطلع شي حلو
ايوااا ايوااا امووووره حلو طول شعر لي نص الظهر ماشاءالله و نعيما مقدما ودام عليج الدوره كثري من الدارسين والزنجبيل عشان تنزل عليج عدل و تنظفين
اي عفيه عليج لا تخربين الرجيم وانتي قدها اكييد
امووره حلو الابيض انا امي كانت شاريه تريننق ابيض مخمل من لندن حده عجيب الابيض بس ترى الابيض يمتن ودايما الغامج يضعف
رمادي الغامج حلو وعلييج بالعافيه حبيبتي تتهنين فيهم و حلو لون الفيروز

 

[حرم سي السيد]

هلا أمورتنا الحلوه لا من الولاده قالولي يبيلها سونار

امبيه انا نفسج اموره ردودي مادري وين تروح واتعايز اكتب مره ثانيه

 

[حرم سي السيد]

الشر مايكم يالغاليات