احلى تجمع (( كروشات ديسمبر )) حياكم الله بنات

[DrabeeL]

رد : احلى تجمع (( كروشات ديسمبر )) حياكم الله بنات


















































تيااااااااااااااا:eh_s(9):

سلااااااام عليكم :eh_s(7):
شلونكم احلى امهات شخبااااااااركم فرداً فرداً

واااااااي حدي حدي اشتقت لكم والله

والحين اكلمكم من البلاد الاوربيه

والله كلش ماكان عندي وقت كل شي صار بسرعه بسرعه
وكنت اقرى ردودكم بس كل ماارد رورو تبجي والا بتنام والا حفاضه فما اكمل الرد

لين الحين شبكتمن اللاب توووب

يه يه طافتني اخبار وايد

اول شي عشوووقه حمد لله على سلامتج وناااااسه التونز يووم عيد ميلاد هههه يلا طلبي لج اللي تبينه :eh_s(9):

اموووووره شالمفاجات لوووووول تعودت عليج ام حسوونكه بس هم مهداوي حلوو الله يحفظه لج ان شالله

 

[DrabeeL]

رد : احلى تجمع (( كروشات ديسمبر )) حياكم الله بنات

غروووور حبيبتي شلونج وان شالله مو قاعده تاكلين كشري مع الرضاعه حق الغازات

شفتي هالكرسي امس شرينا نفسه حق رورو صج يونس ويخليها ريلاكس لحد الحين امس نامت عليه ههههه

ودي انا اقعد داخله صج انصح فيه :eh_s(15): بدال لا نقعد نهزهم ويحوشنا شد عضلي ههههههه

 

[غرووووور]

رد : احلى تجمع (( كروشات ديسمبر )) حياكم الله بنات

هلااااااااااااا والله بأم رورو
والله لج وحشه

وبالنسبه للكشري أم فصلت وكليت صحنين :eh_s(4):
واليوم ذبحني بطني


وهالكرسي حده رووووووعه شريته لبنتي وإرتحت من حنتها في موسيقى كلاسيك ويهز البيبي بروحه
حده ونااااسه










فقووووده شريته من سنتر بوينت

 

[DrabeeL]

رد : احلى تجمع (( كروشات ديسمبر )) حياكم الله بنات

حبيبتي اختي والله حتى انا مشتااقه لكم :eh_s(11):
يلا هانت ان شالله الله يخلي الوتس اب :eh_s(22):

الباند اللي سويته ماادري صدفه حست بالمنتدى عضوه اسمها ام الفناتك

بس انا توقعته صراحه احلى من جذي بصورها كان احلى هههههه بس هم حلو

انا ماال رورو على كلمة كويت صورته لكم

 

[DrabeeL]

رد : احلى تجمع (( كروشات ديسمبر )) حياكم الله بنات

 

[DrabeeL]

رد : احلى تجمع (( كروشات ديسمبر )) حياكم الله بنات

بنات انا حدي متضايقه:eh_s(16): يبيلي 13 كيلو تقريبا عشان ارد وزني قبل الحمل:eh_s(11):

وانا ليلحين قاعده اعطي بنتي رضعه او رضعتين من صدري باليوم ومابي حليبي يوقف صراحه احس بتأنيب ضمير لان انا ما وراي دوام ولا شي

بس احس يبيلها الرضاعه راحه واكل زين والله يسلمكم ذيك اليم ريلي طالع زندي جان ينصدم يوم دقق يقولي شنو هذا زندج يمشي عليه التيس:eh_s(16)::eh_s(16)::eh_s(16):

بعدين يوم لاحظ صوب فخوذي يقولي شنو هذا صاير دبل وانا حدي متحبطه :eh_s(2):كان يقولي وانتي حامل مو جذي
وانا اقوله اي الكرشه كانت خاشتهم
:bbbiu: واي حدي متحبطه

والمشكله ايووع ابي اكل واهوه بعد حاطلي سلتين ككاو انا رايحهوراده عليهم شلون اضعف يعني وهم ابي اكمل رضاعه

عاد اليوم قالي انتي شكلج بعد لي جم ياهل تصيرين المتن ويفت ايده لي اقصاها

عاد انا الحين مطنقره قلت خلاص ماراح ارضع وانت شرب بنتك حليب قواطي:krkrkr:
فانا بالغرفه وهادته عنده ويابها يقولي يلا رضعيها جان اقوله ماكوو ماعندي حليب راح اقطع حليبي عشان اصير رشيقه واسوي رجيم :rgewrg:
:eh_s(2):وانا قلبي محترق ههههههههه وحدي يوعانه مو ماكله شي واهوه شاريلي صمونة شورما لذيذه ههههههه ابي اكلها بس ماقدر يعني زعلانه

شسوي انقذوني:eh_s(4):
:eh_s(16):

 

[غرووووور]

رد : احلى تجمع (( كروشات ديسمبر )) حياكم الله بنات

دربوووووووووله

لووووووووووووووووووووووووووووول

أنتي إكلي الشاورما ألحين وبعدها طنقري عليه

والله حتى أنا يبيلي 10 كيلو
والحمدلله ماعندي زوج يحبطني:d

إنفصلت عن زوجي

 

[أميرة طفولتي]

رد : احلى تجمع (( كروشات ديسمبر )) حياكم الله بنات

صباح الخير

اصبحنا واصبح الملك

دربوووووووووووووووووووووووووووووووله
هلع هلع هلع سلاااااااااااااااااااااااام :eh_s(8):
شلونج حبيبتي وشلون ايرلندا :eh_s(7):
لووووووووووووووول
ضحكتيني على سالفة الشورما خخخخخخخخخ
على قولت غرووور انتي اكليها الحين وبعدين طنقري :eh_s(14):
والله بصراحه مادري شقولج المتن يختج يسوي احباط موطبيعي بالوحده بس هم بنفس الوقت حراااام دام للحين فيج حليب
لاتقطعين والرضاعه يبيلها تغذيه عشان تستفيد بنتج اذا ما تغذيتي عدل ماكو فايده فانتي وضمريج :bbbiu:
بس الي تقدرين تسوينه انج توخريييييييييييييييين عن هالخرابيط :rgewrg:
وتشيلين سلات الكاكاو وتخشينهم وتاكلين اكل مفيد خضره وفواكه وعصاير فرش وتمر جان عندكم
منها رجييييم وتضعفين ومنها اكل مفيد وحليبج ماينقطع وترضعينها وترى الرضاعه الطبيعيه اهيا الي تخلي الجسم يرجع
اسرع ويدخل البطن << هذا الي قالوه مادري انا وحده مارضعت
الضغط كان عامل عميلووووو فيني خسبقني ومارضعت :eh_s(4):

وموووووووو تقاااااااطعيييييييين شبكي كل ماقدرتي وقوليلنا اخر اخبارج ووووو لووووووف يووووو هههههههه

 

[أميرة طفولتي]

رد : احلى تجمع (( كروشات ديسمبر )) حياكم الله بنات

غروووووووووور
الله يعوضج انشالله بلي احسن منه مليون مره ويعرف قيمتج ويستاهلج
عليج بالاستغفار والدعاء دااااااايما والله يستجيب دعواتج انشالله

سوري على اللقافه
بس اهوا من حقه الحين يشوف بنوتج ؟ ولا الحضانه لج ومايصير يشوفها :eh_s(10):

 

[أميرة طفولتي]

رد : احلى تجمع (( كروشات ديسمبر )) حياكم الله بنات

اي صج غروووور
انا بعد شريت كرسي من سنتر بوينت بس مو هذا
لا كان بالويه اول مارحت في منه لونين ازرق ووردي
خذيت الازرق وفي تحت مكان تحطين بطاريه ويهتز وحده مكيف عليه اسم الله عليه قام يعرف من احطه
بهالكرسي يناقز بمكانه ههههههههه ويتلفت يدور التلفزيون خخخخخخخخ
احطله براعم يقعد يطالع
وشنو القناة الثانيه الي كله بنات كوووكوووو يطالعونها :bbbiu:
قاعده احاول اذكرها جنه فيها شي جنه :eh_s(10):

 

[DrabeeL]

رد : احلى تجمع (( كروشات ديسمبر )) حياكم الله بنات

افا عليكم كليتها هههههه لا اهوه راضاني يقولي انا قصدي عن جسمج بعد كوكش يهال :-@هههه طبعا رضيت عشان اكل لاني كتت ميته يوع خخخخخ ولابعد تعشيت بعد

اموره يعني مثل شنو اكل شي خفيف لمه اكل خفيف ماكو حليب احس لازم شي دسم خرفان دياي لوووول

انا بعد الكرسي خطير حاطه فيه رورو الحين وقاعده تخزني اسم الله عليها حبيبتي

اموره كنت بوريج صدريات رورو بنت خالي تسوي شغل تطريز على اي رسمه وشكل تبين وتسويلج تيشرتات وبلايز حقج او حق ريلج

انا سويت حق ريلس تي شيرت الخام نفس خام بولو على قولتج لوووول شحلاته على شعار النادي اللي يحبه

خل اشبك من اللاب واوريج التطريز واحط لج صفحتها بالفيس بوك

وتعالي الكوكيز ليش صخر امبي صج الناس أذواق انا ماكان صخر مع انه مو فرش وريلي حده استانس عليه الزايد كلينه وباقي بعد بس حسافه نسيته بالكويت
اهوه اول قرمه تخسينه يابس شوي بعدين لذيذ

اتوقع ابالج الكوكيز الترف اللي يصير جنه كيك هذاك صعب ينرسن عليه ويتلون لان لازم ينخبز بالفرن

 

[DrabeeL]

رد : احلى تجمع (( كروشات ديسمبر )) حياكم الله بنات

طيور الجنه ههه

 

[أميرة طفولتي]

رد : احلى تجمع (( كروشات ديسمبر )) حياكم الله بنات

هلااااو دربوووله
اي حطيلي الرابط بليز خل اشوف
عرف اسم الخااااااامه بالبلوكات يسمونها لاكوست خخخخخخ
بس هم نوعين واحد ماسك نفسه شوي والثاني لا موشي تحسينه ترللي
امممم الله يسلمج على الكوكيز انا قلت جذي اول لقمه يمكن بس يابسه بس لاااااا وااايد واايد كان ناشف زياده عن اللزوم
يعني لمن تفتت جني قاطه صخر بحلجي لووووووووول امبي لا ماكان صج خخخخخ

يااااحياااتي رورو اسم الله عليها الحين بعد كل ماتكبر تصير حلييييوه وتزنس اكثر :eh_s(9):
تالي صج دربوله جم وزن بنتج الحين ؟
انتي الي كانت ضعيفه اسم الله عليها ولا زيييون :bbbiu: تخربطت بينكم !!
منو الي كانت تقول ضعيفونه ولازم تزيد :eh_s(10):

 

[أميرة طفولتي]

رد : احلى تجمع (( كروشات ديسمبر )) حياكم الله بنات

ايييييي صح طيور الجنه :eh_s(9):

هذا نفسه بو100 مسوي قناة :bbbiu:

 

[أميرة طفولتي]

رد : احلى تجمع (( كروشات ديسمبر )) حياكم الله بنات

اففففففففف واااااايد واااااااايد مضااااااايقه استغفر الله العظيم ياربي
مادري شنو هالغلقه الي حايشتني جود ان مابقى شي على دوامي ورا عطلة العيد الوطني راح اداوم :eh_s(16):

ابي اسوي شي بس ماني عارفه شنو :eh_s(2):
من امس مو نايمه نمتي ساعتين وقعدت
بحاول انام بعد شوي وبقوم العصاري ابي اروح اسوي حمام مغربي جود تتعدل النفسيه :bbbiu:
ابي ارد اقص شعري مو عاجبني احس مافيه حركه طول واحد بس قذلتي الي حلوه
اممم ودي اغير لونه بس مليت منه ابي شي يديد
ابي اغير رسمة حواجبي
ابي اضعف
ابي اروح السوق اخمط واشتري نفس قبل
ابي اسوي ضروسي شفت موضوع وحده من البنات واحتريت :eh_s(2):
ابي وايد اشياء :eh_s(11):

 

[أمواج^الكويت]

رد : احلى تجمع (( كروشات ديسمبر )) حياكم الله بنات

صباح الخير كروشات :ch12:

واااي المووود موصج مع هالدورة

وعع بنات وأخيراً انزلت علي الدورة بس الصراحة الدم اللي قاعد ينزل مو طبيعي نافووورة مايمديني أغير وأحس ساعات نفس القطع تنزل يوم قلت حق أمي جان تقولي يمكن مانظفتي عدل وقت النفاس :eh_s(11):

عيل أدوية أم خالد شنو فايدتها :bbbiu: مع إني كنت ملتزمة فيها حييل بس صج أنا حسيت بس أول أسبوع بالنفاس اللي كان ينزل مني دم غامج بعدين مال للبني لين صار وصخ أصفر .. سوري لوعت جبودكم على هالصبح بس شسوي من النفسية الزيرووووووووووو والمزاج الخايس ..


يه يه يه اختي منورة التجمع :hjy5jewf: وحلاتها رورو اشتقت لها واشتقت حق بجيتها آآآ لووووووووووووووول بنات بجيتها تونس تمد الألف ثلاث مرات ورى بعض خخخخخخخخخخخخخ فديتها الخايسة
ومالج شغل الرياييل كلهم جذي حق الإحباط زاهبين اكلي وبلعي على كيفج بس سوي كنترول على نفسج يعني وخري عن الككاو والأكلات اللي مالها داعي .. أنا عكسج ماسكه نفسي بس اللي عندي مايشجع على الرجيم يقول أغلب الناس رجيمهم غلط بغلط يقولي أهم شي الرياضة والمشي مع الأكل المعتدل علشان الواحد ينزل بصحة مو على مرض .. بس أنا كله أعانده هههههههههههه​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

أمواج أنا كنت أعطي بنتي حليب نان بس بطنها حيل متفوخ من الغازات وغيرته
لحليب نافيلاك لحالات عسر الهضم والحمدلله صارت أحسن

هلا هلا هلا بأم لطوووف حياتي ..

يمكن الحليب ما مشى وياها على حسب كل ياهل وطبيعته مع إن ريلي يقولي أحس فروحه مو متقبلة هالحليب ماتشربه كله غيريلها ياه أقوله لأ هذا أحسن من غيره الباجي غازاتهم وايده .. وزين الحمدلله إن مشى عليها

وماتشوف شر فرووووحه
يااااااااااحياتي كل هاذي أدويه :bbbiu:
الله يعينها

الشر ماييج حبيبتي المسكينة صج اتعبت وليلحينها تحن وتبجي بالذات بالليل يزيد عليها ..

وهالكرسي حده رووووووعه شريته لبنتي وإرتحت من حنتها في موسيقى كلاسيك ويهز البيبي بروحه
حده ونااااسه

عليها بالعافية لطوووفه الحلوة .. بس بغيت أسألج غروووور شريتيه من سنتر بوينت أي فرع شكله يونس

والله حتى أنا يبيلي 10 كيلو
والحمدلله ماعندي زوج يحبطني:d

إنفصلت عن زوجي

ياعمري إنتي والله ضيقتي خلقي حاسه فيج والله أكيد تعبتي وايد بالذات وانتي حامل .. بس الحمدلله على كل حال ربج ماينسى عبده وإنشالله تكون هالسنة فاتحة خير عليج وعلى لطوووفي ويعوضج ربي باللي أحسن منه​

 

[أمواج^الكويت]

رد : رد: احلى تجمع (( كروشات ديسمبر )) حياكم الله بنات

جوجو ما تشوف شر فروحه مسكينه

جوجو حيااتي ماتشوف شر فروووحه بعد قلبي كسرت خاطري امانه بوسي خشمها قولي لها من خالتج باربي ​

الشر ماييكم حبيباتي :eh_s(7):

وفرووحة تقولج ثانكس خالتي باربي على البوسة :eh_s(22):​

 

[ام نيوفي]

:yaaaaaarb:الله يحفظ لي زوجي توه الحين سافر لمصر
يقول الاوضاع مستقره
يا حياتي فروحه ما تشوف شر
صج تعالي جوجو ترى فروحه صغيره على الطلعه
لما خذيتها على البحر اكيد حاشها برد يعني اذا بتطلعين واهي معاج وديه للمجمعات المصكره

 

[أمواج^الكويت]

رد : احلى تجمع (( كروشات ديسمبر )) حياكم الله بنات

أهلين هلا وغلا بأم نيوفي ..

شلون حبيبي راكان العسوول

الله يحفظلج ريلج ويرجعه لكم بالسلامة وإنشالله ماكو إلا العافية .. الحمدلله استقرت الأوضاع هناك ..

أم نيوف أنا ما وديتها البحر بس مره طلعتها ووديتها المارينا وكنت ملبستها عدل ومغطيتها والمجمع داخل ومسكر ..

بس إهيه مناعتها ضعيفة من أول ما ولدتها وبسرعة تستبرد ..​