احلى عياده تبييض اسنان

[_T A L A_]

صباح الخير بنوتات


وين سويتو اسنانكم وابي احسن عياده مع السعر

ولكم احلى دعوه

ناطرتكم :eh_s(7):

 

[*عيون مغليها*]

الموضوع جا في وقته حتى انا ابي

عفيه بنات الي جربت تقولنا

 

[ليالى الحنين]

انا ابى تكفؤن بنات لاتقصرؤن

 

[حولة مركزة]

اب اب لعيونكم ي حلوات خخخ

 

[مس جولاي]

شوفوووو انا بنصحكم بشي والله يشهد انه من تجربه

تبييض الاسنان اكو انواع ..

1. التبييض اللي يصير بجلسه وحده >>> تبيض زووم او تبييض ليزر .. او له اسامي يديده المهم انه مره وحده و بس
2. تبييض القوالب او ما يسمى التبييض المنزلي

شنو الفرق .. الاول يسوونه بجلسه وحده بالعياده و تصير اسنانج بيضه .. ولـــــكــــن تاكدي ان اسناانج راح تصير حسااسه
عااادي رااسج يصدع من كثر الحسااسيه و اي نسمه هوا تحسين بتتكسر اسنانج ...
و تاكدي ان اي سوائل (لونها غامج) مثل الشاي او القهوه او البيبسي راح يخليها تصير صفره
صفففففره اكثر من ما كانت عليه قبل التبييض
طبعا مو من مره مرتين شرب جاي او قهوه ...
اقدر اقول ان هالنوع الميزه الوحيده فيه انه سريع .. يعني بسرعه تبيضين اسنانج
بس تذكري ( اللي يجي بالساهل يروح بالساهل) ( ايزي كام ايزي قو )

النوووووع الثاني ... القوالب
هذا النووووع انصح فيه وانا مجربته
و اهوه انج تروحين العياده يفصلون لج قالب بلاستك على شكل اسنانج و يعطونج مثل جل ..
هالجل تحطينه بالقالب تلبسينهم لمده اسبوعين .. اول يوم ساعتين بعدين 4 و باجي الايام 6 ساعات باليوم
اسناانج تصير بيضه بيااض حلووو وطبيبعي والله الكل لااااااااااحظ علي و قالي ما شاء الله حيل صاروا حلوين
طبعا ماراح اجذب عليكم ... هم ما لازم تشربين سوائل غامجه ..

بس شنو الحلووووو .. اسنانج ما تصير حساااسه .. و اذا صااار انج شربتي قهوه وايد و اسناانج هاااااه جنها بدت تصفر تقدرين تلبسين القوالب على كيفج و ترد تصير بيضه



العياداات ..
بتكلم عن تبييض القوالب او التبييض المنزلي ..

بكل العيادات نفس الطريقه و المنتج وااحد تقريبااا ( اقصد جل التبييض)
انا عيادتي اسمها نيو سمايل دنتل سبا بالسالميه ورا مستشفى السيف على طول

اكو عيادات حلوه مثل تيجان و بيان لطب الاسنان و فرجينيا ..

اسعار هالتبييض ما بين 50 الى 100 دينار
طبعا غير فتح الملف و التنظيف .. لازم تسوين تنظيف قبل التبييض ..
و هالتبييض ارخص من تبييض الزوم لان يعتمد عليج انتي اهمه بس يسوون لج القالب و يعطونج الجل الباجي عليج


و بسسسسسسسس ان شاء الله اكون فدتكم .. و مبروكين :**

 

[m6eria zoOo'3a]

ماشالله الاخت مس جولاي ماقصرت كفت ووفت وانا عن نفسي استخدمت القوالب وااااايد نتيجتها حلوووه بياض طبيعي وواضح واليزر كلللبش موقاعد ينصحوون في وانا سويت القوالب بعياده اسنان حييييييييل حلوووه

 

[baby qa6wa]

Upp

 

[&موناليزا&]

عزيزتي رفع لعيووووووونج

 

[Miss Eteket]

آلقوآلب آحسسن ششي ,,

 

[Patcholli]

عيادة الؤلؤه بالجابريه وسعرهم زين ماذكر جم بس جنه 80

 

[ماركة انثى‘]

نصيحة من آخت آخذي لصقآت تبيض آسنآن آرخص و آحسن

 

[كويتية كيووت]

حبيبتي انصحج بالقوالب حييل حلوه وسويتها لما كنت عروس
الكل عجبته وشلتي بالكليه اغلبهم سووها من بعد مشافوا النتيجه الحلوه
وسويتها بمستشفى الهادي عند دكتور نضال فتحت الملف ب10 والقاولب ب40
كلها كلفت علي 50 دينار فقط لاغير وتجينيهم اليوم باجر تستلمينها
ويعطونج 8 ابر بعلمج اي منهم تستخدمينها اول الايام واي منهم اخر الايام
تاخذ باستخدامها منج اسبوعين بالكثير وتظل نص الابر عندج ما استعملتيهم
لاحسيتي انج ودي بعد 3شهور تبيضين اسنانج ردي استخدمي اللي عندج مره ثانيه
وموفقه حبيبتي

 

[خلطات المذهله]

اااااااااااااااااااااااااب

 

[برستيج دلع]

الدكتوور نضاال مستشفي الهاادي


ومووفقين حبايبي :*

 

[_T A L A_]

مشكورين والله يجملكم بعين ازوااااااااااااااجكم يارب ويوفقكم

والي عندها تجارب بعد تحط

شرايكم بالميدان؟

 

[منال2012]

بنات حصة اللوغاني شنو مسوسة يسنانها ليزر ولا قوالب ةمتي اسويها قبل عرسي بجم شهر