احلى منج توافقين والا ترفضين؟؟؟؟

[نينا12]

السلام عليكم... اتمنى من خواتي صاحبات الخبره والحكمه انهم يساعدوني


انا تقدملي واحد من العايله اهو خوش واحد وماعليه كلام كلش ماشالله ,,,, بس صراحه اهو
احلى مني بوااااايد حتى اهله محسسيني بهالشي واهو بشهادة الكل يستاهل وحده بمستوى جماله
ومرت اخوه حلوه وبيضا وكل كلامها عن بياضها وجمالها عاد انا محتارة :eh_s(10):بس اميل للرفض كله افكر شلي بعوار الراس وخصوصا ان الثقة بالنفس :eh_s(1):ميييييييييييييح عاد اهو يبيني بس انا اقل منه جمالا والمشكله انهم وايد يحسسون:0bee2e8d89:ي بالهشي هذا وقبل الزواج شلون بعده ؟؟؟؟

عاد ساعدوني ارفض والا ؟؟؟؟؟ احس اني ضااااااايعه

 

[ام شووووق]

وافقي دامه اختارج انتي يعني شايفج احلى وحده بعيونه

 

[سحـورة]

بالعكس لازم ما تكونيين جيه !!
تزدادين ثقه اكثر ... شكو انتي ف حرمة اخووه !!
لا تقارنين نفسسج بحد , كل واحد ونظرته
أهم شيء ابتعدي عن هالوسساوس !!
اللي لا تودي ولا تيب


استخيري
و توكلي ع ربـج ووافقي

 

[احساس النعومه]

توكلي على الله ووافقي
دامنه اختارك فأكيد عاجبته وماعليك من كلام غيره

 

[غمزه وإبتسامه]

استتتتتتتتتتتتتتتتخيري احسن

 

[*بنت غير*]

أحسن حل أستخيرررري ربك والله يوفقكـ

 

[iLLuMinaTion]

استخيري

 

[الأميرة كيرارا]

إذا الريال ما في عيب توكلي على الله
هم الي خاطبينج ومو عاجبتهم ما أعتقد
هذا بس احساسج و إذا حبج بيشوفج أحلى وحدة

 

[ايمان بنت مشرف]

المزيووون

فارس احلام ..لكل بنت ..ليش ترفضين
بعدين فكري بعيالج وبناتج يطلعووون حلوووين

 

[MISS-_-FLOWER]

الناس اذواق انتي اتشوفين نفسج عاديه اهوو يشوفج غير

 

[لاتكابر غلطتي]

شكووو
شهالكلام حبيبتي ؟
دامه خاطبج رسمي .. يعني شايفج ومقتنع فيج
ووالله الحب مايجي عالجمال
الحب عالروح والشخصيه والطيب والاحترااااااااااااام ..
بلا وساوويس وبلا خرابيط ..

.
.

ودايم حسسيهم انج اجمل الجميلات عشان يشوفونج جذي يعني هالشي بيعكس عليهم
وووو

موفقه حياتووو

 

[LuLiTa]

دام انه اختارج يعني يشوفج احلى وحده و الانسب له ,,, و ما عليج بكلام العذال ,,, و على قولة البنات المزيوون فارس احلام كل بنت فـ اكيد محترين منج لانه نقاااج من بين الحريم عشان اتكونين مرته و ام عياله ,,,

 

[*الجود*]

اولا استخيري
ثانيا يكفي ان اختارج من بد كل البنات عشان يعيش معاج
ثالثا شكثر بنات حلوين بس من كثر ما تجوفينهم تحسين ان جمالهم صار شي عادي و الجمال ما يدوم و حلاة الانسان باخلاقه
رابعا لا تقارنين و خلج دايمان واثقة من نفسج
خامسا ما في وحده مو حلوه اذا اهتمت بنفسها و جسمها و ستايلها و لبسها
و الله يوفقج و يسعدج و يكتبلج اللي فيه الخير لج يارب
و ترا في وايد بنات تتمنى تكون في مكانج لا تضيعين هالفرصة

 

[عـِرۈۈق قلبــه]

الله يوفقج
​

 

[روحي زوجي]

حبيبتي وافقي واتكلي على ربج

وماعليج من احد يمكن فيج ملح اكثر من الزين

في مزين ومافيهم ذرة ملوحه وماتتقبلينهم وفي العكس


الله يوفقج يارب

 

[xprincessx]

انتي بنظر نفسج مو حلوة
بس بنظرة ملكة جمال و لا جان ما تقدم لج
استخيري و توكلي على الله

 

[انا لحبيبي .]

الجمال مش كل شي ، على مدار السنين بروح حبيبتي

وهو مدام بدو ياكي اكيد شايفك احلى وحده

نمي ثقتك بنفسك وما بهتمي بهالشي

الله يتمملك على خير