احنا ليش عايشين !!

[Kitty^_-Kat]

سوري بنات بس في اشياء موفاهمتها تقدون تعلقون على كيفكم

احنا ليش عايشين

ليش نشتغل ليش انيمع فلوس ونصرفها شنو الهدف

انزين صلينا وبعدين صمنا وبعدين


ماني عارفه شنو الهدف من حياتي

عندي بيبي بس مادري عنه اشتغل وايد ارد البيت اكونتعبانهمعني مشتاقه حق ولدي بس مالي خلقه ولا لي خلق ريلي

ابي اطلع بروحي ماحب احد معاي مقاطعه الكل

وهالاسئله كله في بالي :/


قبل لااتزوجماكنت اهتم لحد الا بس انا والحين يوم تزوجت ماتغير شي ليلحين احس انا اهم

ماعندي اولويات حياتي خربوطه مادري شلون صايره


اصلا اذا هالاسئله موفي بالي ماكو شي ثاني في بالي يعني احس اني فاضيه

وجسمي كله تعبان كله متضايفه تغيرت وظيفتي وهم خايفه من التغيير

خايفه من حياتي بعدين شنو بيصير احس اني تغيررت بس مادري شاللي تغير

سامحوني قاعده افضفض اذا في شي ثاني بقوله

 

[miss t]

مافهمت كلامج بالضبط ياقلبي
والي تبين توصلين له

بس فهمت ان ماعندي شي تسعين له مثلا ولا مو عارفه شنو هو؟؟

في ناس هدفها تكون بأعلى المراكز بتخصصها ووظيفتها وتسعى جااهدع لين توصل للي تبيه

ناس تسعى تكون اسرة وتخليها مثاليه وتتعب على نفسها وبيتها وعيالها لين يكونون اسرة مثاليه وتبربي عيالها وتكبرهم وتعلمهم

وناس تسعى انها تساعد فئة معينه او عامه من الناس
وتحاول تصلح امور من تقدر تصلحهم

وناااس وناااس وناااااااااس

واذا على كلام انج دوم تشتغلين ومالج وقت لولدج وريلج فأنتي غلطانه
على قولتهم العمر يخلص والشغل مايخلص
انتي تشتغلين حق منو
مو عشان مستقبلكم ومستقبل ولدج
وانا اشوف حاجته لج يمه اكثر من حاجته من الماده
الي ممكن توفرينها بدون ماتضغطين كل وقتج بالعمل

والله يوفقج
واسفه اذا جاوبت عكس تساءولاتج

 

[ام سعود ديكسون]

انتي نفسيتج تعبانة يوم كتبتي الموضوع

والا هذا احساسج كل يووووم

 

[manhattan girl]

مادري شقولج حبيبتي بس احنا عايشين و نسوي كل هذا لانه اساسا حياتنا اختبار لنا من رب العالمين لازم تعطين و تسويين لاخرتج احنا عشان جذي عايشين و بعدين ضروري و راح تتحاسبين عليه لازم تعطين وقت و اهتمام و حنان و تربيه لولدج و زوجج بعد رب العالمين راح يسألج شنو عطيتيهم و شنو سويتيلهم ؟؟؟ و الامور الثانيه الدنيويه مالها اساس هم اهي مجرد اختبار لنا و عشان نفسيتج طيعيني اقري سورة البقرة كل يوم و انشالله بتحسين بتحسن

 

[Kitty^_-Kat]

لا جاوبتي عدل

يعطيج العافيه اهوا تقدرين تقولي كلامي ملخبط لاني قاعده اقول اللي افكر فيه ف مومنسق

بس صج والله احس الماديه اوكي الحمدالله بس وين اوديها على شنو تنصرف
مكياج ملابس اكل

مادري يختج اهو اكتئاب ولاشنو

الاسره المثاليه شنو

انا عندي المثاليه اني اكون اشتغل حيل واتعب بس ارد البيت مبتسمه واكون حلوه جدام ريلي وادخل المطبخ واطبخ بس هم اطلع حلوه ولي خلقهم ههههههه

بس انا العكس :/

ارد البيت بجامه البلوزه غير عن البنطرون ولدي يبي يلعب اقوله طلعوه الحوش او خل ينام ريلي يبي يقعد معاي كله مالي خلق تعبانه
طبعا هذابالبيتبس اذا قال طلعي شوي تتعدل نفسيتي مادري يمكنمن البيت مادري عين مادري شنو

بس اللي اعرفه اني موعدله وسنعه
معني اهتم بس مادريشفيني هالايام

 

[ام سعود ديكسون]

شوفي الظاهر انتي حايشج شي هاليومين ملل ضيقة الله يهون عليج يمكن يبي لج تشغلين سورة البقرة يمكن اثاث بيتج يبيله تغييربالمكان تجديد
والا شنو معناته ان انتي كل ما طلعتي من البيت تتجدد نفسيتج عيل بيتج يحسسج انج مخنوقة
روحي قصي شعرج صبغيه جددي مكياجج لو ان شاء الله تشترين لون واحد لب ستيك لونه غريب ما عمرج فكرتي تحطين هاللون هذا بحدد ذاته تغيير
مو شرط المصاريف الزايدة عشان تجددين
بس صدقيني جو الشتا اييب الخمول الله يعينج الظاهر الجو اهو السبب

 

[manhattan girl]

مو مشكله حبيبتي هالامور تصير عادي انتي فيج ضييجه بنفسج و بقلبك عليج بسورة البقره ما اقولج على طول بس لين تتحسنين و هم ظلي شوي لو مره بالاسبوع تقرينها انا اقولج عن تجربه و الله وحده يعطيها ألف عافيه و عسى ربي يوفقها دوم انا كنت مثلج و اخس تخيلي حتى الصلاة كنت احس بخنقه لمن اسمع الآذان لي هالدرجه بس الحمدلله انصحتني اني اختم سورة البقره في اسبوع احاول اختمها على الاقل مرتين او ثلال و الحمدلله شوفيني الحين ما تركتها بالاسبوع مره على الاقل اقراها

 

[Kitty^_-Kat]

اتضايق من القرأن هني المشكله
احسه ثقيل

 

[manhattan girl]

حاولي تعالي على نفسج انا توقعت هالشي عشان جذي ذكرتلج اللي صار فيني ما يخالف رددي بنفسج حبج لرب العالمين اللي عطاج كل شي حلو بالدنيا و عطاج زوج و لا احسن منه و ولد روعه بصحه و عافيه و حاولي كل يوم لو بس تبلشين بقراءة كلمه او كلمتين شوي شوي حبة حبة و انشاءالله بتدعينلي بعد ما تتحسنين

 

[Kitty^_-Kat]

راح احاول ان شاء الله

يعطيج العافيه

 

[miss t]

مادري حسيت من كلامج ياقلبي حاسه بذنبج انج مقصره شوي مع بيتج

وهم جايز مليتي من روتين حياتج

ممم قبل فترة كنت مثل حالتج تقريبا مااااله من كل شي

اهلي مااطلع لا اشوف احد
نوووم اكل نت وبس

قلت لهم يااسااافر ياانتحر لووول

واحس نفسيتي تحسنت

سوي برنامج غيرررر عن طبيعتج
لو ماتقدرين تسافرين

لو ماتحبين مثلا النوادي دشي بو جم اسبوع نادي طلعي سولفي استاانسي
عيشي حياة بنت ام عشرين سنه

مادري سوووي اي شي لوووول

ولا تعالي انا اونسج هههههههههااي

وشغلي ببيتج القرآن على سورة البقره
افتتحي صباحج كل يوم بدعاء بصوت قارئ هادئ ومحبب للقلب

 

[happy&single]

حبيبتي كل وحده تمر بمرحلة من حياتها تعيش بحالة احباط اليوم مثل امس مثل الي قبله
عندها كل شي بس مو حاسة بأي شي ،، هذا شعور طبيعي جدا لكن الفرق بينا كل وحده اتعامل معاه بطريقة مختلفة
والشي الحلو فيج انج سألتي لأنج حاسة انها مشكلة ولازم تنحل ..

اولا الله سبحانه خلقنا وبرمجنا على الوصول للاهداف والاماني اللي تساعدنا على انها تشبع حاجات فينا
مثل ايام الدراسة تفكرين اشلون تدرسين وتاخذين الشهادة ، مثل اذا تبين سيارة معينه تفكرين اشلون تشترينها وجم قسطها واشلون بتدفعينه على جم سنه ...الخ ، ومثل الاشياء البسيطة اذا يوعانه اي مطعم تروح وشنو مشتهية وهكذا

يعني لازم تحددين لحياتج اهداف عشان تمشي صح والهدف مو عيالي يكبرون ولا زوجي مرتاح لأ هذي اهداف مرحلية توصلج لهدف اعلى واهو رضـــــا الله ... معاي؟

الحين حطي ورقة وقلم وكتبي شنو تبين ؟؟ شنو ودج تصيرين كتبي كل اهدافج ، امنياتج ، مواهبج ، هواياتج
اللي تشوفينها بنفسج ولنفسج حقج انتي مو للي حوالينج
اوكي كتبتي ؟
الحين فصليهم في اهداف كبيرة وتحتاج مدة عشان تتحقق مثل أكــون لي ثروة
وفي اهداف مرحلية احتاجها عشان احقق هدفي الكبير مثل يكون عندي شهادة ، اشتغل بالتجارة ، اكون لي معارف في هذا المجال وهكذا ..
وبعدين حطي لج خطة زمنية عشان تسوين هذي الاشياء مثل اربع سنوات دراسة وبعدها اشتغل بمؤسسة تجارية بالقطاع الخاص ممكن من خلالها احصل راتب كبير واتعرف على ناس في هذا القطاع ويكون لي خبرة بمجال التجارة وراح اشتغل بهذي المؤسسة 4 سنوات وهكذا امشي على كل هدف وحددي له خطة

واهم من كل هذا عرفي نفسج شنو مواهبج وهواياتج شنو تحبين تسوين وحاولي ان تطورين موهبتج هذي سواءا رسم او طبخ او اي شي تحبينه لان احلى الاعمال الاشياء التي تشعرنا بالسعادة والرضا عن انفسنا وانا فعلا اشخاص مميزين

مع زحمة الدنيا انتي نسيتي نفسج شوي ردي الحين دوريها وعامليها أحلى معاملة ودلليلها لانها تستاهل الدلال انتي مخلوق من اجمل مخلوقات الله انثى ،، مخلوق جميل له مشاعر رقيقة واحاسيس له جسد مميز له عقل ماكر وعاقل معا
انتي الجنة تحت أقدامج !!.. تخيلي ممكن برضاج اتدخلين اطفالج الجنة بأمر الله !!
في اجمل من هذي النعمة هذا التميز ..

ونصيحة القلم والورقة اجعليهم اصدقاؤك المقربين دائما وراح تبهرج النتايج صدقيني كتبي كل شي في بالج وراح تنفتح لج آفاق واتييج افكار ما خطرت على بالج من قبل ودايما كوني ايجابية مبادرة متحمسة ولا تخافين من المجهول من اتكل على الله ما خاب

تحياتي لكل انثى هذا المخلوق المميز وآسفة على الاطالة .. :eh_s(6):

 

[hatoona]

حبيبتي الي فيج كله سببه ضعف ايمانج صج تصلين وتصومين بس هالشي ما يمنعانا فيج ضعف ايمان وعدم الرضى بحياتج قعدي مع نفسج بحالة صفا وفكري بلي عطاج رب العالمين وقارني مع غيرج بتشوفين انج احسن من غيرج الحمدالله تشتغلين وغيرج يدور الوظيفه والحمدالله متزوجه وغيرج تتمنى ريحة الريل والحمدالله عندج عيال وغيرج يتمنى الذرية ما تشوفين هالاسباب شي قوي انج تكونين راضيه عن نفسج وقانعه بحياتج وماتشوفين انه من حكمة رب العالمين يخلقج ويختبرج ويشوف صبرج على نفسج وشكرج له اتمنى انج تفكرين بكلامي وتعيشين حياتج مثل مانتي تبين

 

[Q8NONA]

كلنا اتييلناا الضيقه بس انتي لا تستسلمين حق هالوساويس لانها راح اتعبج
كثري من الاستغفار واقري المعوذات وايه الكرسي
واقري قرااان والله راح ترتاحين واايد
وجابلى زوجج وقعدي مع ولدج ولعبي معاه والله ضحكته بتنسين همج كله
والله يعطيج ان شالله الطمانيه وراحه البال

 

[Kitty^_-Kat]

يعطيكم العافيه بنات ماقصرتو

 

[Kitty^_-Kat]

حبيبتي كل وحده تمر بمرحلة من حياتها تعيش بحالة احباط اليوم مثل امس مثل الي قبله
عندها كل شي بس مو حاسة بأي شي ،، هذا شعور طبيعي جدا لكن الفرق بينا كل وحده اتعامل معاه بطريقة مختلفة
والشي الحلو فيج انج سألتي لأنج حاسة انها مشكلة ولازم تنحل ..

اولا الله سبحانه خلقنا وبرمجنا على الوصول للاهداف والاماني اللي تساعدنا على انها تشبع حاجات فينا
مثل ايام الدراسة تفكرين اشلون تدرسين وتاخذين الشهادة ، مثل اذا تبين سيارة معينه تفكرين اشلون تشترينها وجم قسطها واشلون بتدفعينه على جم سنه ...الخ ، ومثل الاشياء البسيطة اذا يوعانه اي مطعم تروح وشنو مشتهية وهكذا

يعني لازم تحددين لحياتج اهداف عشان تمشي صح والهدف مو عيالي يكبرون ولا زوجي مرتاح لأ هذي اهداف مرحلية توصلج لهدف اعلى واهو رضـــــا الله ... معاي؟

الحين حطي ورقة وقلم وكتبي شنو تبين ؟؟ شنو ودج تصيرين كتبي كل اهدافج ، امنياتج ، مواهبج ، هواياتج
اللي تشوفينها بنفسج ولنفسج حقج انتي مو للي حوالينج
اوكي كتبتي ؟
الحين فصليهم في اهداف كبيرة وتحتاج مدة عشان تتحقق مثل أكــون لي ثروة
وفي اهداف مرحلية احتاجها عشان احقق هدفي الكبير مثل يكون عندي شهادة ، اشتغل بالتجارة ، اكون لي معارف في هذا المجال وهكذا ..
وبعدين حطي لج خطة زمنية عشان تسوين هذي الاشياء مثل اربع سنوات دراسة وبعدها اشتغل بمؤسسة تجارية بالقطاع الخاص ممكن من خلالها احصل راتب كبير واتعرف على ناس في هذا القطاع ويكون لي خبرة بمجال التجارة وراح اشتغل بهذي المؤسسة 4 سنوات وهكذا امشي على كل هدف وحددي له خطة

واهم من كل هذا عرفي نفسج شنو مواهبج وهواياتج شنو تحبين تسوين وحاولي ان تطورين موهبتج هذي سواءا رسم او طبخ او اي شي تحبينه لان احلى الاعمال الاشياء التي تشعرنا بالسعادة والرضا عن انفسنا وانا فعلا اشخاص مميزين

مع زحمة الدنيا انتي نسيتي نفسج شوي ردي الحين دوريها وعامليها أحلى معاملة ودلليلها لانها تستاهل الدلال انتي مخلوق من اجمل مخلوقات الله انثى ،، مخلوق جميل له مشاعر رقيقة واحاسيس له جسد مميز له عقل ماكر وعاقل معا
انتي الجنة تحت أقدامج !!.. تخيلي ممكن برضاج اتدخلين اطفالج الجنة بأمر الله !!
في اجمل من هذي النعمة هذا التميز ..

ونصيحة القلم والورقة اجعليهم اصدقاؤك المقربين دائما وراح تبهرج النتايج صدقيني كتبي كل شي في بالج وراح تنفتح لج آفاق واتييج افكار ما خطرت على بالج من قبل ودايما كوني ايجابية مبادرة متحمسة ولا تخافين من المجهول من اتكل على الله ما خاب

تحياتي لكل انثى هذا المخلوق المميز وآسفة على الاطالة .. :eh_s(6):

تقريبا مثل ماقلتي زحمه الدنيا نستني نفسي

هوايتي شلون اعرف شنو هوايتي انا احب المكياج ادخل دوره يعني ؟
احب الرسم بس ماعرف ارسم
بس هدف مادري شنو هدفي يعني يمكن اذايبت بيبي ثاني اصير خوش وحده


كلامج ريحني بحاول اسوي اللي قلتيه يعطيج العافيه حبوبه

 

[المكسيكيه]

حبيبتي كلنا نتعرض لضغوطات نفسيه بس حبيبتي نحاول نتخطاها
انا قبل والله لا تشوفين شنتو يصير فيني
بس الحمدالله من قكن اقرا سورة البقره يوميا وسورة يس واكثر من الاستغفار والله حالتي تعدلت 80 من الميه
الله يعينج ياقلبي

 

[happy&single]

تقريبا مثل ماقلتي زحمه الدنيا نستني نفسي
هوايتي شلون اعرف شنو هوايتي انا احب المكياج ادخل دوره يعني ؟
احب الرسم بس ماعرف ارسم
بس هدف مادري شنو هدفي يعني يمكن اذايبت بيبي ثاني اصير خوش وحده
كلامج ريحني بحاول اسوي اللي قلتيه يعطيج العافيه حبوبه

عساج مرتاحه دووووم
اولا: اشلون اعرف هواياتي يعني وقت فراغج شنو اول شي يخطر على بالج تسوينه !؟ في ناس تقرأ وفي ناس ترسم وفي ناس تطبخ هذي الهواية
تحبين الرسم روحي اخذي دورة تعلمي ترسمين يمكن عندج هالموهبة بس ما تدرين عنها ويا كثر دورات خدمة المجتمع بالجامعه او التطبيقي واسعار رمزية خصوصا اذا كنت طالبة او خريجة روحي وسجلي منها اتعلمين شي جديد ومنها اتعرفين على ناس يدد
ونصيحه لا تفكيرين اتييبين بيبي الحين انتي بمرحلة تكتشفين ذاتج من جديد فلا تشغلين نفسج بحمال وولادة وبيبي الحين
اكتشفي السعادة وجدد حياتج ودللي نفسج لأن بالنهاية بتحسين بالسعاده اللي تنعكس عليج انتي بصحتج و بيتج وعيالج

الانســــــــــــان السعيــــــــد
انســـــــــــان منتـــــــــــج ومفيـــــــد لنفســـــــه ولمن حـــوله:lolo:

 

[ملآمح يوسفية]

وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ..

صدق الله العلي العظيم

 

[mamanoonaa]

الله يعينج ياقلبي ويشيل الهم من قلبج