... احنا ما نصوت حق .... ؟

[sara_kw]

السلام عليكم

انا لاحظت وايد ناس مو شرط رياييل
رياييل وحريم يقولون احنا شفنا اداء المرأه في المجلس فمستحيل انصوت حق مره الحين

السؤال هو: طول السنين واحنا نشوف اداء الرجال في المجلس!!!!!


هل رأيتم علم الكويت على سطح القمر؟؟ ( تشبيه بليغ ) لكن وصل المعنى أتوقع




شنو رايكم في الموضوع ؟؟

 

[ام محمد بن علي]

موضوعج صحيح يااختي في بعض الحريم البيت اصلح لهم من المجلس

 

[*+ قـــمـــر +*]

عدل كلامج
جنس النائب ماله علاقه بالموضوع

بس بعض الناس نظرتهم ليلحين عنصريه للإسف
*

 

[am_kshaa]

قال رسول الله صلى الله عليه وسلم: (ما أفلح قوم ولو أمرهم امرأة).

 

[حجيه هيونه]

المشكله الحريم هالمره حيل هببوها عشان جذي الناس خذت منهم موقف

 

[sweet.sanfoora]

حبيبتي يمكن قصدهم اللي وصلو المجلس واداءهم صج ماكان حسب المتوقع

يعني الوحيدة من النائبات السابقات أسيل العوضي اللي تستحق الصوت
بس الباجي اسمحيلي

 

[Asrarie]

الجنس ماله علاقه بالأداء , ومو عشان النائبات كان ادائهم مش ولا بد على قولتهم معناته كل الحريم نفس الشي

اصابع ايدج مو نفس الشي

امممم اتوقع هالمجلس عدد الحريم راح يقل لأن المرشحين وايد والأسامي اللي نازله بالدوائر قويه

حريم والا رياييل الله يكتب اللي فيه خير للكويت

 

[ii DareeN ii]

صحيح ان اداء النساء بالمجلس كان سيئ ماعدا اسيل كانت افضل السيئ لكن هالشي ماله شغل في مره او ريال هالشي سوء اختيار الناخب للمرشح بالعموم المجلس كان سيئ وفاسد

 

[law love]

يعني الرياييل اللي فالحين

 

[*+ قـــمـــر +*]

ولا تنسون قانون المرأة الاسكاني اللي قدمته الدكتوره معصومه مبارك (رئيسة اللجنه التشريعيه) ووافقوا عليه
اللي يكفل حق الكويتيه المو متزوجه و الأرملات و المطلقات والمتزوجه غير الكويتي الاستفادة من القرض الاسكاني

هذا اهم قانون او بالأصح القانون الوحيد اللي اقر لصالح المرأه بالفصل التشريعي السابق

أهي الوحيده اللي فكرت بهالفئه من الكويتيات ودرست الموضوع وأصرت عليه ليما تنفذ مو بس حجي فاضي نفس باجي النواب

كفوو عليها بصراحه


*

 

[sweet.sanfoora]

ولا تنسون قانون المرأة الاسكاني اللي قدمته الدكتوره معصومه مبارك (رئيسة اللجنه التشريعيه) ووافقوا عليه
اللي يكفل حق الكويتيه المو متزوجه و الأرملات و المطلقات والمتزوجه غير الكويتي الاستفادة من القرض الاسكاني

هذا اهم قانون او بالأصح القانون الوحيد اللي اقر لصالح المرأه بالفصل التشريعي السابق

أهي الوحيده اللي فكرت بهالفئه من الكويتيات ودرست الموضوع وأصرت عليه ليما تنفذ مو بس حجي فاضي نفس باجي النواب

كفوو عليها بصراحه



*

اي صح كفو

 

[اريج الجوري]

٣ من اصل ٤ حريم بالمجلس وقفوا ضد كادر المعلمين ومكافاة الطلبه ،،،

وما شفنا منهم شي للاسف ...

 

[سياسيه]

والله يحزني اشوف ناس ليلحن ضد مرأه والا داء اهم شي وبالعكس اسيل العوضي موقفها مشرف وتستاهل صوت

 

[سياسيه]

٣ من اصل ٤ حريم بالمجلس وقفوا ضد كادر المعلمين ومكافاة الطلبه ،،،

وما شفنا منهم شي للاسف ...

واذا صوتوا ضد كادر هذا مو مقياس .. انا وحده ضد الكادر ومكافاه نبي تنميه نبي تطور نبي بنيه تحتيه مانبي مكافأة

 

[blue ocean]

عدل كلامج اختي مايصير نحصر أداء النائب فقط بجنسه

اذا النائبات خيبوا ظننا , هذا مايعني انه مافي نساء قادرين على عمل شيء وقلبهم عالبلد ويقدرون يعطون في البرلمان

بس المسأله بزمننا هذا ان الخير يخص والشر يعم والبرلمان بكبره صار موقع مخيب للامال الا مارحم ربي​

 

[نور مغليها]

صح كلامج
بس في نواب سابقيين ( من اكثر من مجلس واهما موجوديين يعني مو جديدين ) شفنآ لهم انجازات
او ع الاقل شفنا مطاالب بإنجازات .. بس الحريم الاربع ‘‘ بمجلس واحد ماشفنا الا انهم بكل قرار واقفين ضده !!
حتى اسيل العوظي يعني كذا قرار كانت واقفه ضده .. انا بسرراحه ما اصوت لـ حرريم ابدا

 

[Hello_kitty]

ولا تنسون قانون المرأة الاسكاني اللي قدمته الدكتوره معصومه مبارك (رئيسة اللجنه التشريعيه) ووافقوا عليه
اللي يكفل حق الكويتيه المو متزوجه و الأرملات و المطلقات والمتزوجه غير الكويتي الاستفادة من القرض الاسكاني

هذا اهم قانون او بالأصح القانون الوحيد اللي اقر لصالح المرأه بالفصل التشريعي السابق

أهي الوحيده اللي فكرت بهالفئه من الكويتيات ودرست الموضوع وأصرت عليه ليما تنفذ مو بس حجي فاضي نفس باجي النواب

كفوو عليها بصراحه


*

اذا عرف السبب بطل العجب ما اهتمت بهالموضوع الا لأنها متزوجه غير كويتي!!

الأرامل المطلقات المو متزوجات ما عليه بس المتزوجه مو كويتي بعد شكو تبي قرض الإسكان واللي متزوجته شنو مو قعه من الإعراب ديكور مثلا؟؟ بالشرع والقانون اهو المسؤل عن النفقه والسكن والمراه تتبع ريلها واهو المسول عن نفقتها ونفقه اعيالها الا عندنا اهني بالكويت كل شي معكوس تتزوج الوحده من برا وتبي الدوله تتكفل بريلها واعيالها تبي يجنسونهم ويوظفونهم وتبي سكن ونفقه حقهم؟؟دولتهم متكفله فيهم تصرف عليهم الكويت مو ملزومه الا بعيالها وبالكويتيين فقطّ!!

 

[Hello_kitty]

واختي صاحبه الموضوع معاج حق الرياييل صارلهم سنين وبنين بالمجلس شنو شفنا منهم غير انتخابات فرعيه
ورشاوي والصوت الأعور وهوشات وسب وصراخ وعدم احترام الأسره الحاكمه والحين بعد سالفه القبيضه وسالفه نواب الشوارع اللي كل شوي نازلين بالشارع مسوين هيصه وختامها مسك اقتحام مجلس الأمه وتكسير وتخريب ويرقصون هوسات بقاعه الشيخ عبدالله السالم@@ والله لو حرمه كانت ورى اقتحام المجلس كان قامت الدنيا وما قعدت!!

لكن للأسف تعودنا دايما ننتقص من حق المرأه ونقلل من قدرها مع ان بالكويت نساء بالف رجل نفخر فيهم انجازات وشهادات
ومواقف ترفع الراس كافي الشهيدات والأسيرات ارجل من 100 ريال انحاشوا وقت الأزمه
الكفاءه والإنجاز ما ترتبط بجنس ترتبط بشخصيه الإنسان وعلمه وثقافته واخلاقه ودينه وتربيته بغض النظر ذكر او انثى

 

[عبير-الشرق]

اي والله صح كلامج ادائهم سي وماافكر اصوت لمرأه

 

[بنت النوخذا]

للأســــــــــف
الموقف سئ
و الوضع يزاد ســوء​

وموقف الحكومه لا يبشر بخـــــــــير​

............. هذا الواقع و الشمس لا يغطيها المنخل ​