اخترنا نتغدا في المطعم اللبناني المياس في منتجع شيك البدع

[*LATOOFA*]

​

مطعم المياس

رقمه 25738089


مطعم لبناني أرمني يتميز بالخدمة الراقية افتتح مطعم المياس في 1-3-2008 جاءت كلمة المياس من الميس وهو نوع من الأشجار ذات الأوراق العريضه المطعم صاير بمنتجع شيك وره صالون رشا شيك هادي ونظيف والستاف اللي يشتغل كله رياييل مره ييج واحد بقميص وردي ومره ازرق ومره اخضر طبعا الخدمة اعطيها 5نجوم خدمتهم وايد حلوه بس طبعا بفلوس مو ببلاش وحاطين اغاني فيروز وهذي صورتها

هذي القعده اللي برا حلوه بس كان الجو ما يساعد رطوبه

الحين نيي للمطعم من داخل

 

[*LATOOFA*]

دور الأكل



اول شي صبولنا الماي ويابو لنا المنيو

طلبنا وخلصنا وقالو كل ما يجهز شي ننزله على طول فكان الاكل فريش من المطبخ إلى المائدة :dddds:

أول شي البيبسي

سلة فيها صمون حار متفخ وسلة فيها خبز محمص

التبوله

 

[*LATOOFA*]

ورق عنب

بطاطا حره

كبة برغل الحبة بدينار كلش ما عجبتني موحلوه

حمص باللحمه والصنوبر


عرايس لحم كان لذيذ

كباب بالكرز غريب حامض وحلو ال3 حبات ب5دنانير

وعقب ما خلصنا طبعا لازم نحلي طلبنا عصملية المياس مع شعر بنات

واهني نصب الشيره عليها

يتبـع​

 

[*LATOOFA*]

وعقب ما خلصنا اكل نروح ناخذلنا جوله بالحمام

حمام الرجال

حمام النساء

المغاسل

الحين يي وقت الحساب وهذي الفاتوره

وقبل لا نطلع وزعو علينا حلاو

 

[*LATOOFA*]

وطبعا سويت بحث عنه بالنت ولقيت بعض الصور

فريق مطعم المياس

حمص

هذا الطبق اسمه راس العصافير قطع دياي صغيره

طبق المانتي

فته حره

بسطرمه

تم بحمد الله ناطره تعليقاتكم وانشالله اكون كفيت ووفيت

 

[sweet lady]

مشكووووره ويعطيييج العافيه عالمجهود الرائع

 

[منورة الكويتية]

قهر مو طالعة لي ولا صورة الا اول صورتين :/

يعطيج الف عافييية

 

[Black Dawn]

حسافة أكثر الصور مو طالعة
بالعافية

 

[زهورة]

عليكم بالعافية

شكله حلو

 

[صلاتي-حياتي]

حسافه معظم الصور مو طالعين

عالعموم تسلمين يالغلااااااااااا

 

[xxx]

*LATOOFA*

مجهود راااائع

عليكم بالعافية

:tek:

 

[سكون الروح]

شكله روووووووعه
دش بخاطري واحب اجرب كل شيء
يسلمووووووووووووو وعوافي يارب

 

[يميزني سمو ذاتي]

مشكوووورة حبيبتي

و بالعاااافية عليكم

بس ما اذكر ان صوب رشاشيك في مطعم لايكون عند كافيهات البدع

عفية نبي مكانة بالضبط

 

[*LATOOFA*]

مشكورين على مروركم جربو مره ثانيه عدلت على الصور

 

[*LATOOFA*]

اي مكانه شفتي كافيهات البدع دشيله من ورا من صوب رشا شيك تلقينه على طول

 

[jolie_q8]

مشكوره خوش صور

عاد هالمطعم ولا مره دخلته

عليكم بألف عافية

 

[al7anona]

التقرير حده فضيع

وبصراحه هاليوم كان خوش يوم يعطيج العافيه لطوفه تسلمين على هالتقرير الحلووو تسلم ايدج:ggdw:

 

[أحلى ريماس]

عليكم بالعافيه .... لازم اجربه

 

[جارة القمر]

كان في مطعم

أسمه البرزكان



صكر ولا هذا أهو بس تغير ألأسم


وعلييييييييييييييكم بالعافييييييييية

 

[~*~الملكة~*~]

علييكم بالعافيه

تسلمين على هالتقرير