اختكم طالبه جديده بلكويت محتاجه فزعتكم

[فلوري]

السلام عليكم خواتي
انا طالبه جديده من السعوديه بسجل في جامعة الخليج للعلوم والتكنولوجيا وماني عارفه كيف ادور سكن بلكويت جامعتي في غرب مشرف -مبارك العبدالله. علما باني بنت وبروحي في اي مكاتب توصون فيها او سكنات للطالبات في هذيك المنطقه شكرا لكم

 

[Shade]

حياك الله بعد قلبي

سامحيني ما أعرف بس ان شاء الله البنات يفيدونك

 

[wa7da bent wa7ed]

هلا فيج بديرتج الثانيه حبيبتي انصحج تشوفين جريدة الوسيط احسن متروسه اعلانات اجار و انصحج تدورين بجنوب السره (الزهراء - الشهداء - حطين- السلام ) او حتى بغرب مشرف نفسها منطقه يديده و راقيه و عندج مشرف بعد بما ان الجامعه بغرب مشرف لان الطرق زحمه حييل باوقات الدوامات و الله يوفقج واذا تبين اي شي احنا خواتج و حاضرين

 

[نعم كويتية]

حاولي تدورين سكن بنفس المنطقة منعا للزحمة وشوفي مكاتب العقارات اذا عندهم ايجارات شقق

بس شلون تسكنين بروحك ؟؟؟؟؟

عموما اهلا وسهلا فيك حبيبتي بديرة الخير والأمان الكويت الغالية فديتها .

 

[Un-6be3iya]

حيآج الله بـ ديرتج ~
و حيآج الله بجآمعتي

 

[Un-6be3iya]

وبالنسبة للسكن عندج منطقة جنوب السرة ( الزهراء - حطين - السلآم )
منآطق هآآآدية و قريبة من الجآمعة ~

 

[sunshine22]

رد : اختكم طالبه جديده بلكويت محتاجه فزعتكم

بروحج!!!

اشلون بروحج سوري مافهمت

يعني وحيده بالكويت ماعندج ابو اخو ام

 

[hotchocolatee]

حبيبتي سالي عن سكن الطالبات اللي تابع لجامعه الكويت

 

[Un-6be3iya]

بنآت شفيكم عآدي وايد بنات يدرسون يسافرون بروحهم ع الاقل اهي اهني بين اهلها ماكو فرق بين الكويت والسعودية :\
ويمكن البنت كبيرة مو عشان قالت بتدش الجامعة قلتو صغيرة يمكن اهي كبيرة وحآبة تكمل : \

 

[ليتني مـآ كبرت]

ماعرف والله إن شاء الله أهل الخبرة يفيدونج

و حياج الله زارتنا البركة

 

[nono93]

شلون بروووووووووووووووجح ما فهمت يعني ؟؟

 

[متجولة *]

ياهلا فيج ماادري رفع لعيونكم

 

[Om_Ksha]

ياما بنات يدرسون بره اب اوروبا و مادري وين بروحهم شفيها يعني @@ اهيا بالكويييت ديره امان مافيها شي مو اب غربه !! و عموما حياج الله بالكويت ديرتج الثانيه و شوفيلج شقه اب غرب مشرف تكون قريبه من الجامعه ولا اب جنوب السره .. و للأسف مافي سكن طالبات للجامعه او بالمنطقه هاذي لانها جامعه خاصه .. موفقه ياارب

 

[فلوري]

مشكورين خواتي كان لفتره مؤقته لان عندي اهل بلكويت بعدين زي ماتفضلو الاخوات انا بين اهلي بديره الامان وقريبه احسن من دول برا