اختكم من الامارات حايه تزور الكويت وعندها كم استفسار ممكن تساعدونها

[أحبكم فـ الله]

السلام عليكم ورحمة الله وبركاته ،،
صبحكم الله بالخير ،،:eh_s(7):
شحالكم؟
اختكم من الامارات ،، :ggdw: ققرنا انا واهلي نزور الكويت بشهر 4 باذن الله 10-4 لين 14-4،، بس عندي كم استفسار ياليتكم تساعدوني ،،!

شو احسن شقق فندقيه ؟ :rerrerek:
واسعارها تكون زينه ؟ :eh_s(10):
فاي منطقه تنصحوني اسكن ؟:eh_s(1):
كم المبلغ الي تحسونه بيكفيني خلال فتره زيارتي للكويت ؟ :eh_s(8):
وشكرا

​

 

[noor salam]

هلا و غلا في بلدج الثاني الكويت....... وحياج الله
بالنسبة للشقق الفندقية ما عندي فكرة كبيرة عنها الي اعرفه الفنادق

عندج فندق ibis بجانب سوق السالمية و مركز سلطان ومذركير وغيره
فندق مارينا بجانب مارينا مول
فندق كوستا ديل على شارع الخليج

والمولات المارينا في السالمية
المثنى في الديرة
سوق شرق بشرق
الافينيوز بالري
الكوت و المنشر بالفحاحيل

الاماكن السياحية
المركز العلمي
المدينة الترفيهية

وحياج الله لاي استفسار

 

[أمـ مبارك]

والله اختي ماعندي فكره عن الشقق والفنادق


وحياج الله ياقلبي

 

[أحبكم فـ الله]

مشكورين حبيباتي

اب اب اب

 

[طيبه قلبي]

حياج الله يالغاليه بديرتج الثانيه
اولا بالنسبه للسكن سواء فندق اوشقه لازم يكون في الديره افضل السالميه احسن لج

بالنسبه للمطاعم والتسوق وراح تحصلين فيها مطاعم متنوعه واسواق شعبيه ومجمعات راقيه

وبالنسبه للفلوس يعتمد منو ياي معاج جم يوم راح تقعدون واذا انتي حاطه في بالج هدايا وصوغات لاهلج بدبي

لانج راح تحصلين الهدايا باكثر من سعر وخلج راهيه بالفلوس علي اساس لاينقصج شي
هذا اللي حبيت اقوله عساني فدتج بشي

وياااااااهلا وياااااامرحبا ببنت الامارات

فدييييتج

 

[أحبكم فـ الله]

طيبة قلبي حبيبتي والله ماقصرتي يزاج الله خير

 

[3washen]

يا هلا و مسهلا و مراحب مليوووون

بالنسبه للسكن اهلنا من الامارات لمن اييون الكويت دايما يسكنون بالسالميه ابوي يحجزه لهم بس مادري شسمه اسأل ابوي و اقول لج

اذا انتي من النوع المحب للسوق اشوف انه 400 دينار او 500 ينفع يعني بالنسبه لكم يعتبر 6000 تقريبا بس انتي حره

و اذا تبين تعرفين مولاتنا

عندنا الافنيوز و 360 و الحمرا بالديره و سوق شرق و المرينا و الفنار و وااايد مجمعات بالسالميه

بس شوفي بقول لج شغله..اهلنا دايما لمن اييون الكويت يروحون الاماكن اللي فيها دراريع و اكلات كويتيه و هالشغلات

فعندج المباركيه فيها كل شي يطري في بالج و الفروانيه وايد فيها دراريع و في مجمع منيره بالسالميه و واااايد أماكن

و لو تبين تعرفين عن المطاعم او اي شي انا حاضر راسليني عالخاص و ان شا الله اقدر اخدمج باللي تبينه

بس بغيت أسألج انتي من اي وين بالضبط؟؟ اخاف اخر شي تطلعين من اهلنا ��

 

[3washen]

عفوووووا كتبت بدليه

حاضره***

 

[أحبكم فـ الله]

حبيبتي عوشان ،، يزاج الله خير ،، هي ابغي هالاماكن ابغي دراييع واشيا حلوه ^ـ^
انا من دبي بس ما جد يت الكويت فاطمني مب من اهلج هههه
ماقصرتوا بس ممكن ترشحون لي فندق مناسب عبارة عن شقق ؟
​

 

[dubai girl]

يبالي زياره للكويت مممم

 

[مذهلة2013]

شو احسن شقق فندقيه ؟
ممممم شوفي بالسالمية احسن يم السوق
واسعارها تكون زينه ؟
على حسب حبيبتي
فاي منطقه تنصحوني اسكن ؟
السالمية
كم المبلغ الي تحسونه بيكفيني خلال فتره زيارتي للكويت ؟
حبيبتي الاسعار هني مو هينه وعلى حسب الي تحتاجينه يعني يفرق اذا بتشترين ماركه او شيء عملي بس ييببي معاج مبلغ كافي يعني تقريبا 400 دينار
تنورين حبيبتي

 

[أحبكم فـ الله]

مذهله يزاج الله خير حبيبتي ،، منوره باهلها

بنت دبي يلا شدي حيلج وروحي ههه

 

[3washen]

حبيبتي عوشان ،، يزاج الله خير ،، هي ابغي هالاماكن ابغي دراييع واشيا حلوه ^ـ^
انا من دبي بس ما جد يت الكويت فاطمني مب من اهلج هههه
ماقصرتوا بس ممكن ترشحون لي فندق مناسب عبارة عن شقق ؟
​

حبيبتي والنعم فيج و بأهل دبي كلكم حبايبنا اهل الامارات انا اهلنا من دبا و راس الخيمه

سألت ابوي عن الشقق قال في بالسالميه ريتز و بودل و رؤوم ان <<اسمه جذي
قال اسعارهم ارتفعت شوي عن قبل يعني صارت 60 دينار و اكثر في الليله يعني تقريبا 800 درهم في الليله معاهم ريوق و في اللي ارخص منهم بس يعني يحتاجون بحث ...انصحج بموقع booking يعرض لج كل شي محتاجه تعرفينه عن الفنادق و الشقق

اما بخصوص السوق في مول محدد بالفروانيه ما شا الله تشوفين الاماراتيين فيه وايد اسمه العربيد مول كله دراريع و في يمه الحمرا مول غير عن برج الحمرا اللي قلتلج عنه قبل هذاك كله ماركات

اما الاكلات الكويتيه مثل الرهش و الدرابيل و البقصم و هالاشياء الغالب انها موجوده بالمباركيه
و في محل بالديره اسمه الكواكب في وايد اكلات حلوه و حتى محل الشمالي اشهر من نار على علم
ما انسى الغريبه شي لذيييذ لا يقاوم

اما المطاعم ما راح احدد لج وايد لان شكثرهم عندنا بس اللي فيهم اكلات كويتيه فريج صويلح دايما زحمه عنده و في مطعم الستينات و السبعينات بعد و في فاست فوود من اعمال الكويتيين

و اي شي زياده قوليلي و ان شا الله اقدر اساعدج :eh_s(7):

 

[M!SS.LOBY]

فندق مارينا

 

[أحبكم فـ الله]

عوشان حبيبتي ماقصرتي والله
واذا عندي اي استفسار بكلمج عالخاص اذا مافي ازعاج


شكرا حبيباتي هذا العشم فيكم

 

[العاطفة الهادئة]

الله يعافيك انا جايه الكويت اخر الاسبوع هذا ابي جدول حق ٣ ايام

 

[بنوته كوووول]

ياااهلا ومرحبااا والله حياج الله حبيبتي بديرتج الثانيه الكويت
ما حبيت ادش الموضوع وما ارد علا الاقل بلي اعرفه وانشاء الله افيدج
والله انا ما اعرف بالسكن والشقق بس فندق سقير الرقعي واااايد راااقي وفخم
انشاء الله سعره ما يكون غالي بس اتوقع غالي لانه راقي حيل
اما الاماكن الي انصحج فيها
مجمعات ::
اول شي روحي لسوق شرق لانه مطل علا البحر ومكاانه وايدحلو علا البحر
والافنيو واااو هذا يبيله يوم كامل اتفرين فيه لانه كبييييير وحييييل فخم وحلو ومليااان كافيهات ومحلات وماركات عالميه ومطاعم اشكاال والوان
عندج العربيد حق الدراريع وايد حلو
هذا الموضوع انشاء الله يفيدج
http://www.q8yat.com/t989397.html

 

[العاطفة الهادئة]

بنوته كول
مشكوووووره ( يابعد جبدي )بالهجة الكويتيه الحين ماينخاف علي اقدر ازوركم ميته ازور الكويت خاصة انها اول مره

 

[sho-sho_93]

بالنسبه للشقق ما عندي فكره

بس اول شي الافنيو عندج واااااااااااااااايد مميز وكبيييييير كبيييييير ممكن تتعبين وما تخلصينه

اذا تبين سوق شعبي و سوالف تقعدون مشويات وجاي عالفحم روحي سوق المباركيه

عندج برج الحمرا بس تسوقه ماراكات وعندج 360 درحه هم حلو

عندج الفروانيه العربيد بلازا والحمرا مول هم وايد يمهم اسواق شعبيه

عندج مرينا مول وسوق شرق ومجمع المهلب

عندج مدينه المعلم او سوق السالميه او هم يسمونه ستي سنتر (اهو كل واحد يسميه شي ) هممم اغلبه سوق بو 100 فلس وسوالف ملابس بيت شيلات

عندج مجمع الفنار




هذا الي ع بالي الحين أي استفسار حياج عالخاص