هلا حبيبتي
انا بروح بعد شهر لدبي
اول مرة اسافر برا السعودية
بجلس حول 10 ايام
فماادريوين الاماكن الحلوة
ماابي افوت شي
وابي تدليني ياقمر على شقة او غرفه اجارة رخيص للنوم فقط
لان مزانيتنا قليله حول 4 الالاف ريال
ابي محلات شناط تقليد رخيصة
هل دخول برج خليفة يسوى نحط فيه تذاكر
ولو تقدرين تسوين لي جدول مده 9 ايام بحيث بنسكن في دبي
اسفة اذا طولت عليك
مرحبا بج في بلدج الثاني الامارات
اول شي لا تفوتين القريه العالميه وخاصة انها فتره وبتنتهي
دبي مول (( اكبر مول في العالم وفي تقريبا اكثر من 1000 محل من ارقى الماركات العالمية يعني الشي الي بتاخذينه بيكون مميز وفريد )) حوض اسماك فيه اندر الاسماك والكائنات البحرية – كيدزانيا حق الاطفال – النافورة الراقصه - سوق البحار ويضم سوق البحّار 100 متجر تقريبا
برج خليفة اكبر برج في العالم وشي بداخله مطاعم عالمية بس لازم بالحجز المسبق واذا كنتي في دبي مول تقدرين توصلين البرج مشي واذا تبين تركبين البرج خلال دقيقة اتكونين في اعلى قمه في العالم وبتشوفين دبي كلها وتدفعين 100 درهم تقريبا للشخص الكبير والاطفال 75 درهم وتحت السنتين مجانا
ابن بطوطه مول وها السنتر حلوو وهادى يوضح ملامح العمارة لستة بلدان مختلفة و هي الصين و مصر و تونس و بلاد فارس و الهند و الأندلس
وافي سنتر كله ماركات عالمية وبجانبه شي مجمع بس للسينما اسمه سيني بليكس – (Cineplex )
وعلى نفس الشارع بتلقين لامسي بلازا : ويتكون من خمسة أدوار، كل دور متخصص لشيء معين كالملابس، والأدوات الإلكترونية، وصالة ألعاب للأطفال مميزة
- الامارات مول " سكي دبي "
- تايمز سكوير " الكوفي الثلجي " ,
مردف سيتي سنتر " فيه مكان لليهال حلوو فوق "
العربي مول على شارع الخوانيج
الفيستيفال سيتي وبرع السنتر تقدرون تتمشون في النهر بالقارب وتتعشون في المطاعم الخارجية
اب تاون مردف شي محلات وشي مطاعم وكوفيهات خارجية والعاب للاطفال وهي منطقة مفتوحة جي مثل اوروبا
مركز مريكاتو في منظقة جميرا وهو مبني على الطريقة الإيطالية، ممتع في طريقة التسوق.
آوت لت: وهو مجمع كبير يقع باتجاه طريق العين على اليمين، وهو شوي بعيد عن المدينة ويحتوي على جميع الماركات العالمية والبيع بأسعار رخيصة يوجد به ركن للمطاعم، وصالة ألعاب للأطفال
حديقة الخور حلوه وما تتفوت وفيها مدينة الطفل وعروض الدلافين والتلفريك –
وبجانب حديقة الخور حديقة وندرلاند وهي حديقة تدفعون رسوم رمزية وتلعبون العاب كهربائية وبالعدد الي تبونه
حديقة زعبيل فيها عالم النجوم –
ذي والك "الممشى في منطقة المرسى"
شارع الرقه والمراقبات شي مطاعم وخاصة الحين عندنا مهرجان دبي للتسوق
شارع السيف حاليا فيه فعاليات
انصحج تجربين المترو ^^ ارخص عن التاكسي والزحمة وتوصلين بسرعة المكان الي تبينه
اما بالنسبة لايجار غرفة واتكون رخيصة انصحج اتدخلين موقع بوكينق وتختارين الفندق على حسب ميزانيتج
وان شاء الله استفدتي ورحلة سعيدة واي استفسار فالج طيب :eh_s(9):
