اختكم مهمومه ساعدوني

[سميتك وليفي]

مسااء الخير ويسعدلي مساكم كويتيات
حابه افضفض و اخذ رايكم ، عرسي بعد 4 اشهر وعندي موضوع مضايقني

زوجي عنده حساب بالانستغرام ودخلته وشفت شي مايسرني سوالف وضحك مع البنات وميانه قويه وغير هذا صوره
اغلبيتها حزن ومفارق وغياب ، واااضح انه يحب وحده ومشتاقلها وخلته يعني شي يضيق الخلق حيل
والله تكدرت وتمنيت اني ما تملجت مع اني حابته من ملجنا و اقول ما يترس عيني الا ان شاءالله زوجي حبيبي
والله حاطتله مكانه كبيره بقلبي وناويه اصونه واحفظ بيته، تعرفون شعور ان هالشخص لج وتحاولين
تسوين كل شي يسعده صراحه حبيته لكن انصدمت باللي شفته وخايفه يكون توقعي انه يحب وحده وانه مغصوب علي صحيح
وغير هذا خايفه هالمغازل والسوالف مع البنات يستمر لي بعد الزواج

والله متكدره حيل ومالي خلق اكمل جهازي حتى ، شسوي انصحوني خواتي الله يفرج هم كل من تساعدني علما اني فكرت اني اوصل هالامر لاهلي
ويشوفون تصرفاته مع هالبنات بس ما قلتلهم

ساعدوني فديتكم وسامحوني ع الاطاله

 

[N.o.d]

المفروض بمجرد خطبج هالخرابيط تنلغي من حياته
اسمحيلي عادي جدا يكمل معاج بعد الزواج بوجود هالبرنامج
بس بعرف شغله اهو معطيج الاكاونت ولا انتي طايحه عليه !!

مادري شنية ريلج وبالمقابل لا تحكمين ع زواجه غصب ويحب ومادري شنو

ليش ما تناقشينه بهالموضوع

 

[فوفو22]

بعطيج اياها كاااش

معظم الشباب ،،،،،قلت معظم مش كل انتبهوا

لهم علاقات ،،،،، وتجارب ،،،،، وقصص

ولكن بعد الزواج

ينشغلوا بزوجاتهم. وعيالهم وتصير هالامور ذكريات

بس القصه مش

on.
ثم.
Of

يعني اليوم يتزوج بكره يسكر الحساب

بطريقتج باسلوبج بذكاءج

تنسينه الانستغرام وجد الانستغرام ،،،،،،


فوفو

 

[الغضى]

انا بعد اشوف غالب الشباب عندهم حساب بالاستغرام
وكله صور وضحك وعادي مو شرط كلهم سيئين
بعد الزواج والعشرة والأبوة يصير وقته كله لج ,,, موفقه يارب

 

[أم حسوون]

السلام عليكم ، الله يهداج وسعي صدرج ، اللحين بعده ما تزوجج ولا عرفج ، اللحين الشباب يغازلون الا ما رحم ربي ، بس شوفيهم بعد الزواج ، وبعدين نصيحة يا قلبي لا تجسسين عليه سبحان الله ما شفت مرة تجسس الا ربي بلاها لأنها ما أحسنت الظن بالله ، وبعدين السالفه يبيلها صبر . مو ثاني أسبوع من زواجج تقولين له يلغي الحساب وهالخرابيط لأنه حتى لو طاعج قدامج يمكن يلعب من وراج ، بالعكس اكسبيه وإن شا الله ربي بيهديه.

 

[عبوه]

نـــصيييييحــــة ... لآتغفلين عنهآ ..


بمآ آنك عرفتي هالشئ قبل لا تتزوجينه ..


لاتمشين له هالاشيآء الي يسويها ، سواء حساب بالانستغرام آو الواتس آب ... الخ


كــ بدآىه ناقشيه بالموضوع .. قولي له هالوضع مآيعجبني انك فررري و ميآنه مع البنات ..


شوفي ردة فعله ، كيف راح يتفاعل معك ؟ .. هل رآآح يترك الكلام و الضحك مع هالبنآت .. خذي منه رد جدي

على الموضوع ..


و على حسب ردة فعله حطي آهلك بالصورة بعدهآ ..


و آهم شي البنات الي يقولون بعد الزوآج غير ! وش يضمن لها انه يترك هالحركات ! يعني تآخده و تتمرمر

بعدهآ و تموت غيره و قهر !

صعبة تغآمرين مو كل الرجآل نفس بعض ..


فترة الخطوبة هي الي تكشف الرجل على حقيقته ، لكن آغلب البنات يكونون طايرين بالزواج و سوالفه و

لا يركزون على هالشغلات المهمه .. بس البنت الذكيه هي الي تنتبه ..


حآولي توزنين الامور في عقلك كويس ..


و تخيلي لو هو الي شآف حسابك و فيه هالاشيآء .. تتوقعين راح يتمسك فيك او يناقشك حتى ؟


كل الي يمشي عليك يمشي عليه بعد ..



ربي يسسهل آمووورك .

​

 

[Patcholli]

:|

ملجه يعني زواج يعني عقد نكاج رسمي يعني اذا انلغة تصيرين مطلقه
حبيبتي لازم تشوفين حل
كيفه عاد مواجهه ولا نغزات بس لاتسكتين
شناطره بعد متى بيترك هالسوالف اذا عقب الملجه ماقدر متى بيتركها بشهر العسل يوم يومين وعقب يرد لما يشبع منج ؟
حبيبتي هالامور ترى حيل تأثر وماعليج من الي يقولون يتغير مو مقياس ولا قاعده
اللي متعود على هالامور ومو خايف ربه ولا يعرف العيب صدقيني ماراح يخاف من زوجته
يحط رقم سري عالجهاز ويسوي الي يبيه
بس لازم حد للموضوع قبل الزواج

 

[shak!shoka]

صح انا مع البنات الي قالو صارحيه

وفترة الملجه هذا الهدف منها تتعرفون ع بعض عن قرب و شوفي شنو يصير وياج


بس ضد مبدأ اني بصير مطلقه و اخاف و ابلع موس و اسكت لاااااااااا


صفي امورج من الحين و دشي الحياه الزوجيه بقلب مرتاح و واثق


صارحيه باسلوب حلو و دلع مو دفاشه وماله داعي اهلج يدرون



موفقه والله يكتبلج الخير

 

[Um Tuki]

معذورة تخافين ..
المفروض توه معرس طير فيج و يترك كل شي .. مو شيو شوي ينسحب

المفروض الأكاونت يتسكر خير شر

والله ان هالزمن ردي ! والناس أردى !!
كلميه لا تسكتين

تفاهمي معاه

قوليله صدمتني شنو هذا

واذا قال عادي قوليله خلاص عيل اسويلي اكونت مثل اكاونتك الحلو .. يمكن اعيش تجربة حلوة و تونس لما اعيش و اجرب الوضع واعذرك

قوليله شكلي بأخر العرس في اشياءس ليحين ماعرفتها فيك

قوليله هذي مو حياة يوم يومين .. هذي عمري كله .. مابي اعيشة مع اي احد !

ابي اختياري لأبو عيالي يكون سليم

 

[Royof]

حبيبتي

اغلب هالرياجيل له، نزوات قبل الزواج بعضهم لا تزوج مسح كل هالسوالف و طار بزوجته وحياته. و بعضهم يبيله تسحبينه صوبج تحاولين تملين عينه بكل شي يحبه لين يستوعب ان عنده كل شي ليش يلجا لهالسوالف يمل منهم ويرده عقله لج و والله مافي شي يتم على حاله لا تصيرين متضايقه وحالتج حااله خلج شاطره فكري شلون تحلين الموضوع

 

[طيبة83]

شفتي كل الكلام اللي كتبتي فوق قوليله اهو

بس بهدوء وبدون عصبيه

وشوفي شتكون ردة فعله

 

[سميتك وليفي]

يعطيكم العافيه حبيباتي ولا خلا و لا عدم
والله كل وحده ردت علي دعيتلها من كل قلبي الله يجزيكم خير

تدرون وبن المشكله حبيباتي ؟؟؟

ان انا وياه مانتوااصل مع بعض لان يقولون اهله هالشي مو من عاداتنا .واغلب ردودكم تقولون كلميه
لو اتواصل معاه يمكن قدرت احل المشكله
المشكله نهائيا مابينا تواصل

مادري شسوي وربي محتاره وخايفه اذا كلمت احد من اهلي اكبر الموضوع

 

[M!SS.LOBY]

لا حول ولا قوة الا بالله

 

[M!SS.LOBY]

لا تحاتين اختي ان شاءالله بعد الزواج يتعدل كل شئ

 

[قاهره عذالي]

الافضل تواجهينه وتقولين له ع اللي شفتيه

وشوفي شيرد عليج

كلميه كلام صريح

دام توج ملجه

قبل لا يطيح الفاس بالراس

ع الاقل للحينج بنت ما خسرتي شي

حتى لو انفصلتوا ملجه

تظلين بنت

 

[قاهره عذالي]

يعطيكم العافيه حبيباتي ولا خلا و لا عدم
والله كل وحده ردت علي دعيتلها من كل قلبي الله يجزيكم خير

تدرون وبن المشكله حبيباتي ؟؟؟

ان انا وياه مانتوااصل مع بعض لان يقولون اهله هالشي مو من عاداتنا .واغلب ردودكم تقولون كلميه
لو اتواصل معاه يمكن قدرت احل المشكله
المشكله نهائيا مابينا تواصل

مادري شسوي وربي محتاره وخايفه اذا كلمت احد من اهلي اكبر الموضوع

كلميه بالانستغرام

بالاول لا تقولين انتي زوجته

شوفي شيرد عليج

واسئليه تحب وحده ؟ ليش كله غرام وفراق صورك

؟

ليش كله بنات عندك ؟

وشوفي شيرد عليج وعقب عاد اذا بتعترفين انج زوجته كيفج

 

[ملامح بريئة]

اختي منو ماعنده انستجرام وتويتر وبعدين رجل وشاف انستجرام ولقا بنات يضيفونه اكيد بيرد عليهم ًوبيعلق ومو كل شي ينحط واقعي وموكل صورة تعبر عن الحال طنشي وسوي نفسك ماتدرين حتى اذا تزوجتب انشالله ماتدرين عن نوعيته يمكن مايحب سوالف النت او يمكن فري عادي عنده هالسوالف فنصييحة طااااااااف والله ماادري زوجي شنو حسابه ولا يعرف حسابي لان يسوي نفسه ثقيل مايحب هالسوالف فانا نفسه ومو مهتمه بهالامور والانستجرام والله اطيح على بنات اعرفهم عدل يحطون صور جريئة ويعلقون وبس فضفضة وفراغة لاحول ولاقوة الا بالله يعني لو بغير من هالاشكال اكون ضيعت وقتي لانهم مالهم اي تاثيييير والظاهر اللي يحب هالسوالف اتوقع عاطفي وانشالله تملين عليه الجو يارب وتتوفقييين معاه