اختي بتتزوج وانا متوهقه

[الحلا-81]

السلام عليكم حبايبي اختي ان شالله بتتزوج شهر 9 /2012
وانا حدي متوهقه اقولكم ليش
اول شي اختي الله يسلمكم عندها كذا مشكله ولاني اختها الكبيره ودي تطلع احسن عروس وبصراحه كاسره خاطري ودي اسنعها قبل لاتروح لحمولتها وودي تصير حلوه بعين زوجها لان بنت الحلال عاديه مو شينه بس مو جميله (اشدعوه جمالي مسكت .... الحمد لله ع النعمه ) ادري الاهم جمال الروح واهي ولله الحمد والمنه رازقها الله من صفاء النيه والطيبه بس هم مايضر لو نجملها اكثر
والله ادعيلها من قلبي ان ربي يوفقها ويرتاح بالها مع زوجها
مشاكلها:
1- ضعيفه
2-شعرها خفيف ومو ناعم
3-بشرتها مو صافيه وفيها حب شباب بس قليل
ودي ابدا من الحين اسويلها برنامج وانا ابي اتابعها لعل وعسى احصل نتيجه حلوه

​

بدعيلها بظهر الغيب اللي ترد علي والله يجزاكم خير

 

[Q 8 Y A t]

مشاكلها:
1- ضعيفه
2-شعرها خفيف ومو ناعم
3-بشرتها مو صافيه وفيها حب شباب بس قليل
ودي ابدا من الحين اسويلها برنامج وانا ابي اتابعها لعل وعسى احصل نتيجه حلوه

بدعيلها بظهر الغيب اللي ترد علي والله يجزاكم خير

بالمبارك ياااارب


ولا تعقدون الامر ترا سهالات


بالنسبة للشعر انا شعري خفيف بس ناعم وقدرت العب فيه لعب من خلال السبراي الرش بعد الزواج

لكن اعلمج على انبولات تساعد الشعر الصغير انه ينبت وانتي سئلي الصيدلاني عنه

اهو انبولات اكرينال



.........


شعرها مو ناعم راح تلقين رد انها تسوي شعري كيراتين

لكن الكيراتين ما ينفعها بشي بتقط فلوووووووووووس وبالاخير يرجع مثل ما كان


ممكن تستخد السيراميك من الجوثن ماركات بيببلس الي يكون اسود والكتابة بالاحمر

...........


نجي للبشرة

اشتري صابونة نيتروجينا بالصيدلية او الجمعيه
راح تخفف لج الحبوب اختاري حق البشرة الحساسة ولحب الشباب

وخليها تخفف كاكاوات

....

 

[Q 8 Y A t]

ضعيفه ... عاااااااااااااااااااااااااااااااااااادي

لا تلعبين في جسمها

لانه اعرف وحده من صديقاتي ضعيييييييييييييييييييييييفه

وعندها ست عيال ماشاء الله

والى الحين ضعيفه

وطبعا مو صغيره عمرها 36



هاااه اشرايج ؟؟؟


اله يعافيج لا تلعبين بجسمها بحبوب التسمين والخبال

خليها على ربج


بعد الزواج راح تمتن اشوي

 

[الحلا-81]

حبيبتي كويتيات من ناحيه ككاوات صاجه اهي مدمنه ككاوات بخليها تخففوالانبولات بسأل عنها واذا اقتنعت بتجربها انشالله

 

[Q 8 Y A t]

خلاص

انا متابعه معاج

وممكن اعطيج اسامي دكاترتي

لكن مشكلتي ازلية

محد فادني

 

[Q 8 Y A t]

عسى الله ييتمم لها على خير

والدعاااااااااااااء

اهم شي لا تنساه


وبالمبااااارك

 

[أتقهوى عذابك]

الله يوفقها يارب
ويتمم عليها
خليها تسوي جلسات للشعر وتنظيف للبشره
وخليها تشرب الحلبه حيييييييل تنفع وانا مجربتها
دعواتج يالغلا

 

[Hi--class]

بالمبارك حبوبه
ولا تعقدينها من ناحية الضعف اللهم خل تاكل اكل صحي وعادي وبس ما يحتاي تمتن لان راح تمتن بعد الزواج
اما بالنسبه لشعرها
خل تقصه مدرج وروحي وياها الصالون تقصلها قصه يكثف لها الشعر
اما من ناحية الحبوب مادري والله ..اخذيلها موعد بالجلديه اختي كان فيها حبوب و مشالله عطوها علاج واغلبيتهم راحوا
الله يوفقها :eh_s(17):

 

[منال $]

اول شي مبررررررررررررررررروك لاختك
بما انة زواجها ب 9-2012 يعني لسا قدامهاااااااااااااااا وقت ممكن تهتم بنفسها فية
بالنسبة لشعر وحب الشي=باب اكييييييييد تراحع دكتور جلدية افضل وراح يعطيها العلاج المناسب
وبالتوفيق

 

[الحلا-81]

حبيبات قلبي الله يبارك باعماركم كويتيات وانا ببلغج اول باول واشكرج ع ذوقج
اتقهوى عذابك الحلبه معروفه فوايدها بس اهي تدرس بالكليه يعني مالي امل تشربها بتعاف ريحتها بحاول اقنعها
هاي كلاس ومنال بشوف لها دكتور جلديه بس محد في بالي للحين

 

[عباير ديزاين]

الله يوفقها ويتمم عليها انشالله
بالنسبة للضعف والله ماعندي خبره بس افضل انها لاتخربط لاحقه على المتن
الشعر الخفيف والله عن تجربه عليج بالسدر ينبت بشكل خيالي ماوراها شي بالاسبوع تعجن 3 قفشات سدر مع كوب ماي فاتر وخليه نص ساعه تالي تفرك قمة راسها وتخلي الكميه كلها على الفروه بس وتلبس الطاقيه وتم 2-3 ساعات وتغسل بماي بس اذا شهرها نظيف واذا لا شامبو خفيف على الشعر عندج فاتيكا واين زين وطري الشعر
والنعومه الله يخلي الستشوار واذا ردة شهرعا كبيره خليها تسوي ريلاكس موكيراتين ولاتمليس ولا حنه تنعيم
اهم شي تهتم بنظافه بشرتها وتقشيرها وتغذيتها كل اسبوع​

 

[*الليدي نوني*]

عسى الله يبااااااااااااركلها بزواجهاا

وعقباااااااالج يارب اذا مومتزوجه

 

[Pearla & Ribbons]

الله يوفقها ان شاء الله ويسخرلها زوجها الضعف راح ينفعهت لما تلبس الثوب الابيص اللي يخلي الوحدة غول ويمكن زوجها يحب المتن واذا ملزمة تمتن مالها الا الحلبة وككاة باونتي والمعكرونة

 

[الحلا-81]

عباير ديزاين بالنسبه للسدر صاجه عن تجربه وكان رايح عن بالي الله يذكرج الشهاده قولي امينحبيبتي الليدي نوني الله يبارك بعمرج وبالنسبه انا متزوجه ادعيلي بالذريه الصالحه
لمسه انوثه بجرب لها الحلبه وان شالله تقتنع
تسلمون حبايب قلبي