اختي بتنتقل من الصحه الى التربيه بس ..

[:: Diva ::]

السلام عليكم



اخواتي



اختي شهادتها بالطب النووي
دراستها كلها فيزيا و كيميا و رياضيات طبعا باللغه الانجليزيه

تعبت من الخفارات
و تبي تحول عالتربيه
تبي التربيه باي طريقه اما بالنقل
او الاستقاله



المشكله وين ؟
بجهل بعض موظفين وزارة التربيه
مسك شهادتها ما عرف شنو مكتوب فيها ولا عرف المواد رفض يعطيها الاستماره
يقول ما عندنا تخصص جذي

مع العلم ان الدول الي بره
تخليهم يدرسون كيميا + فيزيا + علوم للمستويات الدنيا + انقلش للمستويات الدنيا + رياضيات بالكليات مو بس بالثانويه !!!


شنو الحل ؟

نبي واسطه
لان البنت مدرسه بالفطره لوووووووول
و تحب التدريس
و تخصصها نادر




شلون تتصرف
اهي تدري عن غثا التربيه لان خواتها مدرسات مسطرات لووووووووووووووول
و كل زواره حنه و تحلطم
بس راضيه لان الخفاره تعبتها






عندكم واسطه ؟:eh_s(9)::eh_s(9):

 

[oyoon al maha]

رد : اختي بتنتقل من الصحه الى التربيه بس ..

والله حرااااااام

لا تجي التربية - خل اتجرب و تحول اي مكان ثاني

يمكن الجامعة يقبلونها معيدة او مساعدة باحث؟

ماشاء الله عليها تخصصها حلو ونادر

او اتكمل دراستها واتسوي بحوث .. ما ادري

ديفا انتي مدرسة واكيييييييد شايفة مهنتها اشلون صايرة ..؟؟؟؟؟؟

حسافة على تخصصها :bbbiu:

 

[:: Diva ::]

رد: رد : اختي بتنتقل من الصحه الى التربيه بس ..

والله قلت لها و شرحت كل شي و اهي اصلا معانا اول باول
بس الخفارات و حامل و بنتها بالبيت بروحها
و خطورة لاصابه بالسرطان وارده على اقل خطأ طبي !

 

[:: Diva ::]

رد: رد : اختي بتنتقل من الصحه الى التربيه بس ..

<<<<<<<<<<<<<<<<<<<<<<<<<<<<<<<<<<<

 

[أبلة إنجليزي]

رد : رد: رد : اختي بتنتقل من الصحه الى التربيه بس ..

مالكم إلا تطلبون نسخة بالعربي من شهادتها و تعطونها لموظف ولا موظفه ثانيين و تشرحون لهم والله يوفقها يا رب :yaaaaaarb:​

 

[:: Diva ::]

رد: رد : رد: رد : اختي بتنتقل من الصحه الى التربيه بس ..

حبي مترجمه و بالعربي
و فيها كل المواد الي ماخذتها
بس اهو قرا المسمى الوظيفي و رفض

 

[احلا السمر]

نسخة عربية من الشهادة
او تدرين شلون خل تروح التوجيه العلوم وتعطيهم شهادتها
وهم راح يدقوون عليها تعبي طلب .... ((كنت اشتغل هناااك))

وبعدين شلهااااا بالتدريس والغثى .. يعني اذا صارت ابلة راح تتفرغ لبنتها وحمالها

 

[cuta english]

رد : رد: اختي بتنتقل من الصحه الى التربيه بس ..

دخلوا على أحد عود بالوزاره احد من الوكلا دوروا واسطه قويه شوي و دخلوا بس امانة تروح اي مكان ثاني اهون من التدريس ما انصحها تعب

 

[يارا1980]

رد: رد : رد: اختي بتنتقل من الصحه الى التربيه بس ..

يصيرتبدل اروح مكانها هاهاهاي اتغشمر بس نصيحة اشتبي بالتدريس واللة احس احنا انكتب علينا مدرسات لاننا خريجات تربية يعني بمعتقل اهي خليها حرة شتبي بدوخة البال يمكن خيرة علشان لاتتعب بالتدريس

 

[moony77]

رد: رد : رد: اختي بتنتقل من الصحه الى التربيه بس ..

والله حرام انتي شايفتنا بروحنا قعدين ندور واسطات عشان ننحاش من التربية لا تخلينها تروح التربية نصيح اخت والله العظيم ترا ان دشت التربية ما عاد تقدر تطلع كل يوم قرار وكل قرار اخس من الثاني

 

[:: Diva ::]

رد: رد : رد: اختي بتنتقل من الصحه الى التربيه بس ..

والله ما ادري
طبعا التربيه مالها مستقبل ولا طموح
و اهم كل سنتين تزيد معاشاتهم و اعمال ممتازه
و مسميات و ترقيات سريعه و دورات بره


بس المشكله ان رفيجتها انكتت عليها ماده مشعه و صار فيها سرطان
و واحد معاهم انكسرت ابرة الاشعاع بجيبه وما يدري و صار فيه سرطان