اختي تبي تنتحر بعد وفاته ابوي

[لوجين الكويتيه]

السلام عليكم ​

يابنات ابدش بالموضوع على طول
انا عندي اخت علاقتها بابوي حيل قويه
توفى ابوي الله يرحمه ويغمد روحه الجنه:yaaaaaarb:
ومن بعد وفات ابوي صارت حزينه وكئيبه
وبس تجلس لحالها ودمعتها ع خدها
حتى الاكل صارت ماتاكل
جلست معها لمدته ساعتين وحنا نتناقش واخيرآ
طلعت الي بقلبها وكان كصاعقه بنسبه لي:eh_s(11): ​

اختي تفكر بالانتحار بعد وفات ابوي:eh_s(2):!!!!​

تقول
انتم قدرتو تتعايشون مع الوضع اليديد ونسيتو ابوي
وانا ما اقدر انساه صورته بس بعيني مافارقتني
انام واشوفه جدامي اصحى القاه جدامي ما اقدر انساه
ابي اموت معه مابي اعيش من بعده لحالي
حزنت عليها وخفت منها شلون تفكيرها يوصل جذي
نصحتها وبينت لها عقاب الي يموت منتحر بس
المشكله انها كاره الحياه
وجتني بعد ساعه قالت كل الكلام الي قلته لج جذب :eh_s(10):
قلت لها انتي الجذابه شلون تفكيرج يوصل جذي
قامت تبجي وتضحك بوقت واحد انا خفت منها
شسوي معها شورو علي يابنات​

انا علمتها اني ابنزل مشكلتها وراح اخليها تقراء ردودكن
يمكن تتعظ وتشيل الفكره السيئه من عقلها
وتغير رايها بسبت وحده منكن
بنات الي ترد جعل ربي يفتح باب الخير والرزق بويهها:yaaaaaarb:
ويبعد عنها كل مكروه وسوء ويسخر زوجه لها ويزوجها اذا مو متزوجه
امييييييييييييييييييييييييييييين يارب​

 

[• قلبه نصيبي •]

الله يهديييها
هذا يومه بعد شنو بتسوووي مفروض تطلب له رحمه ماتبجي عليييه ! الله يرحمه ان شاءالله ويغمد روحه الجنه !
هذا حلقه نبيل العوضي عن الانتحار طلعته لها خل تسمعهاا عدل !

http://www.youtube.com/watch?v=G7vTe1JhdeY

http://www.youtube.com/watch?v=lk1rNrHfdtA

http://www.youtube.com/watch?v=q-URWP_YEgU

http://www.youtube.com/watch?v=MhWhrUC7dtE

http://www.youtube.com/watch?v=TC7PGpn5qqI

خل تسمع هالحلقه رتبته لها وماراح ياخذ من وقتهااا !
ربي يهديها لا تخسر دنيتها واخرتهاااا

 

[BomCHekaWawa]

اول شي انتي تحبين ابوج صج ؟؟
تحبينه صح ؟ تدرين ان الميت يعرف اخبار اهله ؟
حبيبتي انتي بدال ما تدعيله و تسوين اعمال خير لأبوج تنتحرين ؟
تبين تدشين النار ؟
ليش عايشه جذي بكآبه ؟ آنا ما اقولج انسي و استانسي
هالشي مو بايدج .. و آنا مالومج كلش
بس بدال ما تسوين جذي ، سوي خير لأبوج
انتي لو ابوج الله يرحمه مو متوفي جان الحين مستانس لما يشوفج جذي ؟
يا حبيبتي انتي تعوذي من ابليس
و كل ماتفكرين بالانتحار تعوذي من ابليس ..
اقري سورة البقره كل يوم ، بصلاتج و انتي ساجده ادعي لأبوج و ادعي ان الله يخفف عنج الهم
تبين تشوفين ابوج ؟
تدرين ان في امل انج تشوفينه ؟
بالجنة ان شا الله !
بتشوفينه بالجنة ان شا الله
اذا انتحرتي منتي داشة الجنه !
صبري على بلاء ربج ..
استغفري ربج ،
حبيبتي انتي آنا حاسه فيج
مو شي سهل انج تفقدين انسان غالي و عزيز ..
اذا صج تحبين ابوج و غالي عليج لا تنتحرين و ادعيله و تصدقي له و سوي سبيل له
هذا شي الله كاتبه .. كل واحد له يوم ..
بعدين ابوج الحين عند ارحم الراحمين ، عند الله سبحانه و تعالى
قولي آمين ..
عسى الله يرحم و يغفر لأبوج و يجعل مثواه الجنة ، عسى االله يصبر قلبج و يزيل عنج كل هم و غم
عسى الله يجمعكم بجنات الفردوس ، عسى الله يهدي قلبج و يريح بالج ..

 

[سآق نملة]

الله يررررررررحمه ويسكنه فسيح جنااته يارب ..

الرسول عليه الصلاة والسلام مات ..

وهذا الدرب كلنا ماشين فيه ..

اذا تحبه وتغليه خليها تدعي له بالرحمة والمغفرة له لانه اهو الحين محتااااااج الدعاااء اكثر من اي شي ..

واذا انتحرت هذا مو معناته بترووح عنده يمكن تحرم نفسهاا من شوفته بالاخره .. لان الانتحار حرااااام ..

خليها تكثر الدعاء له وان الله يجمعها بالاخرة عنده بالجنه يااارب ..

 

[Miss April]

ربنا يصبرا ويقويها ويعينها

 

[الغاليه ام احمد]

الله يرحم ابوج ويجعل مثواه الجنه

حبيبتي اختج لانها متعلقه بابوها مو قادره تعيش من غيره وهذي ردة فعل من الحزن بس ما توصل للانتحار

ليش تنتحرين عشان تلحقينه لا حبيبتي راح تدشين النار

بالعكس اطلبيله الرحمه واطلبي من الله انه يجمعكم بالاخره

وانتي الحين هالتفكير يعذب ابوج واهو في قبره لانه الميت يحس باهله

حبيبتي انا مريت نفسج بهالموقف لما مات ابوي الله يرحمه لاني وايد متعلقه فيه

وكنت افكر شلون بعيش بهالدنيا وهو مو معاي والله حتى مكانه اللي متعود يقعد فيه ما ارضى احد

يقعد فيه بس نهائيا ما فكرت انتحر بالعكس كنت اصبر نفسي بالدعوه له بالرحمه وتعمرت له وختمت القران له

وتصدقت له ومشت الايام صح ما نسيته وللحين اذا ذكرته تدمع عيني لانه ابوي

بس كل ماتذكرته زدت بالدعاء له

فحبيبتي وخري هالفكره عن راسج وتعوذي من ابليس وادعيله بالرحمه والايام كفيله انها تخفف

عليج

 

[بنوتة كول]

اقوى شي عالانسان فراق غالي وخصوصا الام او الاب
لكن سالفة الانتحار ضحكتني مو قصدي استهزأ فيج لا مو جذي
تدرين ليش؟؟؟
تتوقعين لو ابوج حي راح يرضى انج تنتحرين
انا اتوقع اول واحد راح يوقف بوجهج ابوج
وما يرضى ان احد من عياله يموت والسبب ما يقدر يعيش من دونه
لا ما اعتقد الابو يتمنى هالشي لاحد من عياله
انا لو مكانج جان رفعت راس ابوي حتى و لو ميت
يكفي يقولون بنت فلان سوت وسوت وسوت
وانا اتوقع ان ابوج يتمنى يشوفج بالجنة ما اتمنى يشوفج بالنار والسبب غفلة و ووسوسة ابليس
انا لو مكانج جان سويت المستحيل علشان بس ابوي
واتمنى لو التقيت فيه يكون فرحان فيني
فكري فكري عدل
لا يقصج عليج ابليس
انتي عبالج ان الموت راحة
لا حبيبتي اذا انتحرتي اول من راح يتعب امج
نسيتيها وفكرتي بنفسج لا تصيرين انانية وما تفكرين الا بنفسج
فكري بغيرج
انا من يوم كنت صغيرة وانا ما افكر بنفسي افكر بامي وابوي واهلي ومستعدة اضحي واتنازل عن اشياء واجد علشانهم لانهم يستاهلون وانا تحملت اشياء واجد
والله الظروف الي صارت تشيب الراس لكن في شي اسمه عزيمة واصرار
وقدرت اتخطى كل مشاكلي بشكل مو طبيعي
على فكرة ترى انا خريجة وهذا اخر سنه لي
يعني مو انسانة كبيرة وتعطيج النصيحة وبس
لا حبيبتي انا ابي لج الخير
ما اقول غير الله يهديج ويثبتج

 

[الحــــياة]

تبين الصج انا كنت نفس اختج بس ماكنت افكر نفس تفكيرها انتحر

قاعده اقرآآ موضوعج ودمعت عيني انا كنت نفسها متعلقه في ابوي حيل حيل بشكل ماتصورينه احبه حب موطبيعي

والله يوم جاه السرطان كنت امشي برآآ بيتناا وابجي بجي وارفع راسي فوق للسمااا واقول يارب اخذ صحتي وعطها ابوي

تخيلي من غلاته عندي

يوم وديته مكي جمعه انا واخواني احس بحرة وقهر داخلي مابيه يتألم ولا يقول اه ودي اقطع نفسي لدرجة اطيح عليه واقول تكفآآ بس

سافرت معاه لندن شهور وتعلقت فيه زيآآده

موته قطعتني وكسرتني وتعبت نفس اختج لدرجة احذ دشداشتة واشمها مع ان الحين صآآرله سنتين ونص والله مانسيته ولا تناسيته ادعيله واتذكر كل شي حلووو فيه وارفع راسي يوم حي ويوم مات اني بنت الرجال الطيب الحبيب الي معروف بدينه والتزامه وطيبة قلبه ورحمته..

هذآآ قضاء الله وقدر اللهم لا اعترآآآض..

خليها تقوي قلبها وقوليها هذي مشيئة الله مايجوز تعترضين عليهاا وهذا درب ماشي ماحد خالد وباقي بهالدنيآآ الا الله سبحانه..

 

[عيش و مرق]

مافى مشكلة كلنا نمر بضروف ان شخص نحبة ويمووت وديها حق دكتور نفسي يمكن ترتاح لى تكلمت

 

[عبير العنزي]

حبيبتي تذكري ان اغلى انسان بالوجود رسول الله صلى الله عليه واله وسلم مــــــــــــــات

رب العالمين قاله انك ميت وانهم ميتون

ابوج الله يرحمه ويغمد روحه الجنه اغلى من رسول الله؟؟ ابيج تجاوبين

ابوج الله يرحمه اذا تحبينه وتبين تعيشين معاه بالحياة الابديه لاموت ولافراق بالجنه

حافظي على دينج واكسبي اخرتج

صلي وادعيله وتصدقي له وخلي ذكراه الجميله عايشه معاج

النبي صلى الله عليه و اله وسلم قال: إذا مات الإنسان انقطع عنه عمله إلا من ثلاثة،إلا من صدقة جارية، أو علم ينتفع به، أو ولد صالح يدعو له. والمقصود بالولد الصالح الولد المؤمن،

اللي يدعيله ويطلب من الله المغفره ويطيع رب العالمين ويسوي الاعمال الصالحه

مو يفكر بالانتحار؟؟؟؟؟؟؟؟؟؟؟؟؟؟؟؟؟؟

الانتحار هو قتل النفس واليأس من رحمة الله

ادري الفراق صعب؟؟ بس منو منا ماراح يموت منووو؟؟

ابوي وابوج وامي وامج وانا وانتي كلنااا نهايتنااااااااااا المــــــــــــوت

الله يرحم ابوج ويسكنه فسيح جناته ويلهمكم الصبر والسلوان

ويجمعكم في جناته امين يارب

 

[أميرة-]

اهو وقت ويعدي

بس خل تعرف انه المنتحر مخلد بالنار ..

وكلنا بنموت والحياة ماشيه ماراح تتوقف على احد

الله يصبركم ويرحم موتانا وموتاكم

 

[الغلا كله لبوي]

يالغاليه تعوذي من الشيطان هذي وسواس الشيطان
ابوج يبي الدعوه منج والصدقه
الله يصبر قلبج ويرحمه ويرد عقلج لج

 

[عسل سل]

لو ابووج عااايش تتوقعين رااح يرضى جي تكون نفسييتج؟
طبعاا لااااااا ماايرضا سوي الشي الي تتوقعين انه يرضي ابوووج

 

[classicyah]

لآ انفكر بالموت بطريقة مأسآويـه . .

صح بنفقد صورتهم ، و شوفهم ،

بس فكروآ بهالطريقه ،

هم السابقون و نحن اللآحقون ،

و انـآ لله و انـآ إليه رآجعون . .

يعني اليوم و لآ بآجر ، كآنوآ بيتركونـآ ،

و نحن كلنآ مآشين بهالطريجْ . . !!

.

أنـآ أبويه متوفي ،

و حآسة فيهآ يعنيْ ،

بس مآ توصل بموضوع الإنتحآر . .

خل تنشغل بدينهآ ،

و يـآ رب ، ينفرج همهـآ ،

و عسآ ربي يصبرهآ . .

 

[كويتيه مذهله 87]

الله يرحمه ويغمد روحه الجنه
عقااب الانتحار مو شي هين
قوليلها تري الميت يحس بكل شي خصوصا المؤمن قوليلها ابوج قاعد يتعذب لانج قاعده تبجين عليه لي الحين خل تقرا له الفاتحه وأطلع شي بأسمه احسن لها من البجي علي الاقل تريح ابوها اذا تحبه

 

[هذا مزاجي]

الله يرحمه ويغفر له

بس حبيبتي شنو يعني بتنتحرين :eh_s(10):

انتي للدرجه هذي مشتاقه للنار وعذابها :eh_s(2):

تعوذي من ابليس وتأكدي ان ابوج لو انه عايش

مراح يرضى بهالشي ادعيله بالرحمه والمغفره

وعسى الله يشرح صدرج ويبعد عنج الشيطان ووساوسه :eh_s(7):

 

[عادت ذكرياتي]

لا حول ولا قوة إلا بالله العلي العظيم

الله يصبر قلبها


ياما فقدنا ناس واشتقنالهم وهم تحت التراب بس الدعاء لهم أفضل شي نملكه

 

[منو انت]

1- الله يرحمه
2- لو كل من مات له احد عزيز انتحر كان حصلتي موباقي بالدنيا بشر لان كل بيت في له عزيز ميت
3- لو انتحرتي غير انج راح تكونين خسرتي الدنيا ولاخره راح يكون ابووووووووج خسران تدرين ليش (( لان الانسان بعد مايموت يبقى له ولد صالح يدعي له وان شاءالله انج من الصالحين اللي راح تترحم عليه ليل نهار تدفع صدقه عنه ))

بعدين انتي مات ابوج وانتي كبيره الله يعين اللي مات ابوهم واهم صغار بالعمر والله يعين الامهات اللي يموت لها ولد في عز شبابه والزوجه اللي يموت زوجها وتكون بوقت واحد ام وابو حق عيال ترى ماافي احد مرتاح بس قولي يارب ترحمه وتخلي لج باقي اهلج يارب

عسى الله يعوضكم خير يارب ويبارك لكم في بعض ويبعد عنكم الافكار الشينه وكل مكروه يارب

 

[نوووور الشمس]

اللة يرحمة ويغفر له

بس ابوج هذا يومة و وقف بس انتي اذا تحبينة صج تصدقي عنة ادعيلة وعيشي حياتج مثل ماهو

كان يحلم ويتمنى لج وتقربي من عائلتج لانهم يعانون مثل ما انتي تعانين

 

[رواضي قطر]

الله يرحمه ويغمد روحه الجنه الله يصبر قلووبكم على فرقاااااه
يعني حاااولووووو تغيررون لها جووو ودوهاااا العمررررره خل تطلع لا تقعد بروحهااا
ودايم خل تتذكررر عووقبه الانتحااار وهذا كفرررر والمفرووض تدعي له بالرحمه والمغفرره وتسوي له صدقه جااااريه لان هوووو يحس فيكم