اختي قاهرتني

[احساس غالي]

السلام عليكم
بنات انا بدش بالسالفة علا طول قبل اسبوع جاو ناس يخطبون اختي المهم الصبي خوش صبي مصلي وبشوش ووسيم وامه حبوبه وطيبه المهم الاخت طلعت مبوزه ويلا شوفوا العيوب شهادتة ثانوي وراتبه قليل وبيسكني وياه اهله قالولها الولد قاع يكمل بكالوريوس الحين وراتبه بعد البكالوريوس بيعلا وبنطلعج بيت بروحج المهم وتسكت وخالتي وامي طايرين من الوناسه المهم ماصدقت يخلص العيد جان تروح تمسك ابوي وتقول شوف امي شراح تزوجني الله واكبر عليها خلت الصبي كله عيوب مسكينه امي منقهرة يننتنا ولما تهاوشت ويها تقولي انت شاللي حاشرج بالنص وتطنز اهي مو صغيره عمرها 26 ونفس الشي اللي قبله قالت عنه جيكر واللي قبله قالت عنه تو قاعد يدرس والحين صار دكتور بالجامعه قاهرتني يابنات تقولي مالج شغل شلون مالي شغل واهي خربت علي لاني كانوا بياخذوني لااخوه بس الحين خلاص طيرت رزقنا حسبي الله عليها المشكله ابوي اللي معطيها ويه والله حدي متضايقه الشكوى لله

 

[ياغفور اغفر لي]

لا حول ولا قوة الا بالله
شوفي شنو السبب اللي مايخليها توافق اختج رافضة مبدا الزواج مو رافضة الولد
الله ييسر امرج وامرها استغفري حبيبتي والله يرزقج بالرجال الصالح عاجل غير اجل

 

[سكوتي بذوقي]

هي مو صغيره علشان ترفض

معقول كل واحد يتقدم لها مايعجبها وفيه عيب

الله يسهل عليكِ يارب ويرزقك بالزوج الصالح

 

[بنوته كيكه]

اختي اختج ماتبي اتزوج عجبها حياتها وصدقني بجي يوم اتحسف فيه كبير مو صغير ولا توقفين رزقج عليها
ودعي الله يهديها ويصلح حالها

 

[احساس غالي]

مادري شتبي بالضبط امي تقولها ترا باجر بتاخذين شايب ولا مطلق وعنده عيال تقول على الاقل يقدر يعيشني جذابه والله اصلا كل ماسمعنا عن وحده انخطبت ضاق خلقها وقالت عقبالي واهي تطير واحد ورا الثاني وربي مراهقه وتفكيرها على قدها وكل يوم تراويني شرايج بااخو فلانه وشرايج بهذا حلو صح ياالله صج موشي

 

[روانتي 12]

مو معقوله كل ماجاء واحد رفضته

اتوقع وراها سالفه ولا شي

لان تصرفاتها مو طبيعي ..

 

[3115]

مو معقوله كل ماجاء واحد رفضته

اتوقع وراها سالفه ولا شي

لان تصرفاتها مو طبيعيه ..

انارايي من رايج

وانتي الله يكون في عونج ويكتبلج النصيب ازين انشالله

لازم اتفهمين ابوج وتكلمينه عدل واخذيه بسيايسه يعني سايسيه يعني فهميه لييش اختج قاعد ترفض الي ايونها اكيد في سبب
وحتا لو مافي خل يشد عليها علا الأقل
قوليلا ترا كثره الدلال مايفيد بطيح بجبدنا بعدين
وانت مو دايم لها مردها حق زوجها واحسن لها خل تاخذ الزين برضاها لا تنقصب علا واحد شين وكبر ابوها

 

[LoLaTi]

كيفها ماتبي تتزوج وزواج اختج مو مرتبط عليج انتي متى ماياج نصيبج وافقي ماعليج من اختج اهم شي تنصحينها وبس
باجر لي تزوجت واحد تحت تأثيركم وماعجبها راح تطلق وانتو السبب خلوها براحتـــــــــــــــــــــــــــــــــــــها هذا شي راجع لها القرار اول واخر راجع لها

 

[بحر الرمال]

اختج ما ادري شنو حالتها بس اذا اهل الولد يبونج حق اخو الولد المفروض يتقدمون لج ما يحطون شرط ان اما انتي و اختج او ماكو
كلمي امج شوفي شنو تقول

 

[قسوة الزمن]

هاي مو عيوب بيكمل بكالرويس ويدرس خلها تصلي استخارة

 

[مياسه الحساسه]

الله يسخرلكم الازواج الصالحين حبيبتي ..

 

[المرتاحة]

مو شرط الريال تكون فيه عيوب.. ترى يمكن نفسيا ما حبته ولا ارتاحت له.. من رايي انها اهي حره باختيارها

ولا تتحسبين عليها اهي ما ضرتج بشي.. واذا انتي تبين تتزوجين قولي لامج هالكلام ولا تربطين مصيرج بمصير اختج

 

[Queenleo]

حسبي الله على ابليسج ضحكتيييني
حلوووه سالفه طيرت رزقي!!
والله لو يبوونج ولو الله كاتبه لج سواء اخذوا اختج او لا بياخذوونج
ووشلج بزواج الاخوان
كله مشاكل
اذا صار شيء بين اختج وريلها حموولتج بيشيشون عليج
وووبتتعققج علاقتج مع ريلج
وورزقج موجود ان شاء الله رربج حافظه
خلي اختج على راحتها اذا بتزوج او لا
ماتسوى تتزوج واهيا مو مقتنعه وووتطلق ووتحط على قلبها ياااهل

 

[Queenleo]

مادري شتبي بالضبط امي تقولها ترا باجر بتاخذين شايب ولا مطلق وعنده عيال تقول على الاقل يقدر يعيشني جذابه والله اصلا كل ماسمعنا عن وحده انخطبت ضاق خلقها وقالت عقبالي واهي تطير واحد ورا الثاني وربي مراهقه وتفكيرها على قدها وكل يوم تراويني شرايج بااخو فلانه وشرايج بهذا حلو صح ياالله صج موشي

جدا عادي
انا جذي وي اتزوج وويكون عندي عيال
بس من اسمع احد يايلي يضيق صدري ووانقمت
مو مني من القصص ووالسوالف الي اشووفها
ووالرياييل بالسوق وبالشغل
احس تعقدت
ووصرت متردده
ووارد
فيمكن المووضع نفسيتها تعبانه
مو متعمده هالشيء

 

[a7la_7b]

يمكن ما أرتاحتله ترا مو غصب تدبس نفسها بواحد عشان أخوه ياخذج ولا تتحسبين على اختج

 

[بطوووطة$بيضة]

ياسلام اتزوج واحد عشان اختي تاخذ اخوه...واذا طلقني بعد اخوه يطلق اختي....انا عمري ٢٦سنه واخر خاطب واحد اكبر مني ابسنه وشهادته ثانويه ويبي يكمل ....وانا اشدراني ان صج بيكمل ...واذا مامشى ابدراسته شلون يعني...وانا الحين بكمل ماستر ...هالزواج مافيه تكافؤ كلش...حتى امي يوم قالتلي ان بيون استحت اتقولي شنو شهادته ...اهيا ماتبي بس قالت يمكن نصيب...لا واطلعوا من بيتنا وموعاجبتهم بالطقاااااق...هذا زواج والبنت حرة

 

[الحللللوه]

الله يختاار اللي فييه الخيييييييييييييييييييييررر

 

[FeShinGoOo]

ليش تتحسبين على اختج ..؟؟
كيفها ماتبي تتزوج اتوقع من حقها تختار الريال الي يدش قلبها وترتاح له شنو السالفه خذوه فغلوه ..؟؟
وبعدين صج شنو شهادته ثانويه وياي يخطب ..؟؟ وبيقعدها مع اهله ..؟؟
ترى صج هالشيين مو هينين ومو كل وحده تتقبل تعيش ويا واحد جذي
وبالله خذاها وبعدين ماطلعها من البيت وقالها ماعندي وماقدر وستين الف عذر ..؟؟
وترى اهي ماضرتج يعني مو معقوله توافق على واحد مو عاجبها عشان انتي تظمنين الريل
شالتفكير ..؟؟
واستغر الله اللي يقولون وراها سالفه تجنبو ظن السوء انا من عمري 17 كنت انخطب وسحان الله ماوافقت الا لما صار عمري 22 وياني نصيبي اللي اهو زوجي الحين وهم ناس مايستحون على ويوهم وحسبي الله عليهم ظلموني وقالو اكيد وراها بلى اكيد تحب او فيها عيب وماتقدر تتزوج حسبي الله ونعم الوكيل كلشي قسمة ونصيب مو عشانها كبيره لازم تقط روحها وتغصب روحها والشكل مو كل شي يمكن اسلوبه ماعجبها خو الامهات كلشي يعجبهم اذا البنت صارت كبيره ويبون يزوجونها
وحرام عليج تتحسبين على اختج ترى ماضرتج ولا يت صوبج ولا سوتلج شي هاذا مستقبلها وحياتها واهي حره فيها ..!! وصدقيني لو يبونج ولو انه نصيبج بياخذج

 

[bellaa]

الله يرزقج بالزوج الصالح ويرزقنا وياج عاجلا غير اجلا يارب العالمين:yaaaaaarb:

 

[Tom ♥ Jerry]

,


و عليكم السلام و رحمه الله و بركآته : ) !

حبيبتي انتي قلتيها اهيه مو صغيره ماشالله عمرها 26 سنه !
و من حقها تتزوج الشخص الي تبيه عن قناعه
و ترا هاذا مآ يوقف نصيبج انتي ، مآ يندرا يمكن انتي تتزوجين قبلهآ
وآيد بنات يتزوجون قبل خوآتهم الكبار مافيها شي ,،
يعني مآله علاقه بـ نصيبج انتي .!

آهيه صج تفكيرها مآدري شلون .!
و وآيد تتشرط يمكن بس هم كيفها هاذي قناعه و اهيه مآ تبي تاخذ اي وآحد :**


الله يهديها و يوفقها و يوفقج و يرزقكم الزوج الصآلح :eh_s(22):