اختي وخطيبها

[انثى لا تتكرر]

السلام عليكم بنات شخباركم شمسوين انشالله بخير
بنات انا اليوم بعرض مشكلتي اختي مع خطيبها الي عقد القران ولهم سنه ونص ومايمر اسبوع ولا شهر الا ومتهاوشه معاه والسبب اهله وامه باالذات كله مشاكل الولد صغير كلمه توديه وكلمه تجيبه عمره 22واختي عمرها 20 وهو من النوع الي يسمع كلام الناس وامه تشيشه على زوجته لدرجة يابنات اشترى لزوجته خاتم ذهب والمسكينه اختي ورته امه وخواته وقلبوا الدنيا عليها ودق على اختي وهزاءها وقالها انا ماشريت لك خاتم وقلت حق اهلي اني ماشريتلك خاتم ذهب وصلت اهاادرجه واكثر دايم يعايرها واهي تعبت منه هو عنيد وهي عنيده كنهم بزارين وتبي تطلق منه انا احس انو اختيً يبي لها زوج كبير وفاهم وعنده اسلوب وخبره في الحياه انتوا شرايكم بنات شنو الحل بنظركم

 

[@ام ضاري@]

رفع

 

[بوح الحنين]

توهم صغاااااااااار

 

[Patcholli]

فعلا توهم صغار ومو ناضجين حرام والله

 

[ماني من الناس]

الله يعينها

Welcome

للحياه الزوجيه

اكيد بيصير لها جذيه لانهم اول سنين مايعرفون اطباع وشخصيات بعض

فهذي فتره صدمات خخخ

 

[قنــــــــــوت]

الحين الشباب بهالعمر 22 والــ 20 .... عقلياتهم صغيره وموقد مسؤوليات الزواج ...

توهم صغار ...

 

[لمى الهاجري]

مافهمت شرا لها خاتم مافيها شي زوجته

 

[دندون ام عبود]

يبيلهم دورات في كيفية التعامل مع الزوجين

 

[*آسوومه*]

ياخي مب عن ياهل @@
هله شكووووووووووو
يشتري لها خاتم يشتري لها فيلا ان شاء الله يشتري لها جزيره
الله ياخذهم هم شكووووووو !
مرته حلاله و هو شاري بفلوسه !
و الله انقهههههههههر انقهههههههر من الاهل الي جي حسودين حقوودين اعوذ بالله
و اذا على اختج من كلامج مبين انه خيخه و مخدي كلمه تيبه و كلمه توديه
لو هو كلمته وحده و طيب معاها ممكن نقول تصبر و تعطي هله القشران طاف
لكن لا منهم ولا منه
اختج ضايعه بين النطيحه و المترديه
خلها تستخير اول و عقب تسوي الي يريحها
و على فكره 22 بزر ياهل
الريايل ربي لك الحمد ما ينضجون الا عقب ال 25 : )
فتشوف لها واحد عمري 25 ولا 26 احسن
و الله يوفقها و يسر لها

عصبت ع فكره xP

 

[نـعـومـه]

لاااااا لاتنفصل لانه زوجها صغير وراح يتعدل مع الوقت

موتقولين طبع فيه !! لاااا

هذي نتيجه صغر سنه وعدم خبرته

انا مع راي الاخت اللي قالت يبيلهم دورات صج خلهم يدورون عن الدورات او يروحون عند استشارين

 

[أعشقه]

عاد فيه كثير ناس اهلهم كذا
ويدققون ع الولد وش جاب وش شرى وش عطاها ومن هالكلام
خل هي تعرف وتنتبه ولا توري احد وش يجيب لها وش يسوي لها
هو شكله حابها ووده يفرحها بشي بس اختك ماتعرف تتصرف حاولو تجلسون معها وتعلمونها
ترى الزواج مسوؤليه وفهم مو لعبه وهواش طول الوقت وهذا توهم مابعد يتزوجون

 

[عاشقة الدوحة]

الله يعينه .. بس الطلاق مب شيء .. تستخير وتشاور امها وابوها

 

[عروسَة زوجي]

استغفر الله
لا اله الا الله

 

[عروسَة زوجي]

استغفر الله
لا اله الا الله وحده

 

[om Firas]

الله يهديهم ويسخرلهم لبعض وحرام تنفصل
ان شالله مع الوقت يتغيرون
ومو العمر اللي يحدد التفكير
ناس اعمارهم ب 30 وتشوفين التفكير ربي
لك الحمد واختج بايدها كل شي
تاخذ دورات للحياة الزوجيه وان شالله تقدر
تمشي حياتها للافضل الله يهديهم يارب *

 

[nano]

وجع شهالناس يعني عشان هداها خاتم غارو عمى جد واجد اهل من هالنمونه فرحو لولدكم لاشفتوه مبسوط مع اللي يحبها تمنو له الصلاح وعيشه هنيه مو تغارون من مرته يالهي قسم بالله هالمشكله شفت منها كثير الناس ماعاد بها عقل ابد

 

[كويتيه شماليه]

لازم تفهمه وصديقيني ماراح تفهمه الا اذا عاشت معاه اما الاهل ماراح يتغيرون اذا تحب زوجها تتحمل والله يعينها ويوفقها

 

[frozntouch]

والله شكل اهل الصبي قشران و مو راح يخلونها بحالها قطع شكلهم يبطون الجبد