اختي وذهبي

[english muffin]

قوة بنات
انا متضايقة وايد وايد وايد
قبل شهرين كان عندنا عرس عاد اختي قالت لي تبي طقم ذهب حق تلبسه عاد عندي طقم ذهب وايد ناعم وفيه الماس شريته بمبلغ غالي يعني مب رخيص خاصا والذهب عندنا واايد مرتفع سعره بس انا احب الذهب فخذته
المهم قلت حق اختي بعد العرس عطيه حق يدي يخليه في التجوري مع شبكتي وباجي ذهبي قالت اوكي هالحجي قبل شهرين
عاد امس قلت لها اختي ابي خاتم الطقم وينه ؟ قالت لي في حجرتي قلت لها ماعطيتيه يدي قالت لاا راح عن بالي (اختي كانت مسافرة اسبوعين توها رادة)
المهم رحنا غرفتها فتحت علبة الطقم
الااااااااااا يابنات مااااااااااافي ذهب
بس خاتم
مافي سويرة ولا سلسلة ولاتراجي
انا واهي شاكين بخدامتنا لانه لها سوالف
بس ماقدر اظن سوء فيها واحط بذمتي
شاسوي اخاف اقول حق ريلي
اهي قالت لي بعطيج فلوسه عاد سكت ماعلقت
بس ودي اقول لها اي محتاجة الفلوس او عالاقل تاخذ لي طقم ناعم بداله حتى لو ارخص
وانا واختي مابينا كلافة كلش بس كنت ابي الخاتم حق ابيعه لاني محتاجة المبلغ
اقولها اوكي تعطيني فلوسه ؟؟ والا عيب ؟
اهي قهرتني لانها ماحافظت على ذهبي

 

[أماني عمري]

مو تحريض بس اي احد ما يحافظ على أمانة غيره ملزوم يعوض صاحبها لا ضاعت بمثلها

 

[كويتية زوغه]

حبيبتي هذه اختج والحق حق ,,, ومافيه عيب
الامانه لازم الواحد يحفظها ,,, خل اقولج موقف :
انا ورفيجتي عشره عمررررررررررررررر مره عطتني شاحنها وفجاه انكسر مني وشريت لها يديد لازم الواحد يحفظ امانه غيره
وشكرا

 

[قمر كويتي]

حبيبتي عادي دامها خذت منج الذهب المفروض تحافظ عليه وانتي الله يهداج شهرين ماسألتي عن الذهب
المهم اهي الي اهملت وماحافظت خليه تتحمل وخل تدفع واذا ماتقدر مره وحده خليها على دفعات راعيها مهما يكون هم اختج

 

[عويتقة]

الله يعوض عليك والله الامانة غااالية ولازم الواحد يحافض عليها المهم انك تاخدين المبلغ الي يلزمك الحين

 

[LoLaTi]

خل تعطيج فلوسه عادي مافيها عيب ولا احراج لان اهيه ما حافظت على الامانة
و فتشو غرفه الخدامه عدل نفضو اغراضها نفاض بما ان لها سوابق من قبل وبو طبيع مايوز عن طبعه اكيد اهيه

 

[english muffin]

انا متفشلة الصراحة
عمره ماكان بيني وبين اختي فلوس وتراها اصغر مني عمرها 20
وشهرين ماسألت عنهم توقعت انها عطتهم يدي

الله بروحه يدري شكثر محتاجتهم ان شاء الله بيعوضني

 

[اميره1980]

اختج ما حافظت على الامانة و ملزومة ترجع قيمتها على الاقل
مو مشكلتج ضيعت الذهب
على الاقل تعطيج المبلغ اللي انتي محتاجته و الباجي بعدين على دفعات

 

[ام كوثر2007]

ما فيها شي لا عطتج قيمته

انتي امنتيها مو ذنبج انها ما تحمل مسؤوليه الامانه

 

[english muffin]

ماقدر قلبي مايطاوعني

انا ادري الخدامة باقتهم استغفر الله افف مابي اشك بس لها سوالف
شلون اصيدهااااا

 

[^LILY^]

في حل لان انتي شاكه بالخدامه
اتفقي انتي واختج وخلي وحده منكم
اللي تعرف تفتش تصعد لغرفتها والثانيه منكم
تلهيها يعني تخليها تنظف الغرفه ولا تمسح او اي شي
وان شاء الله تلقونها
واذا ما لقيتيها انا بحط نفسي مكانج
بالغالب اتوقع اختي تشتريلي واذا ما شرته شسوي بسكت

 

[english muffin]

^^
اانا احس عطتهم السايق وباعهم
ماعتقد بحصلهم في غرفتها

اختي ردت قالت لي بتدفع لي قلت لها لا بس اذا خاطرج اخذي لي بدلهم خاتم

 

[معزوفة عشق&]

اب اب اب

استغفر الله ,,

استغفر الله ,,

استغفر الله ,,

 

[ام الدرر]

حبوبة قدر الله وماشاءالله فعل
بس ليش ماتبلغون الشرطة
يمكن تحصلون بصمات للخدامة
ياخذونها الشرطة يغسلون شراعها وتعترف
واختج اذا بيطلع شي منها بروحها على راحتها لاتغصبينها
وان شاءالله ربي يعوضج بدال اللي فقدتيه ​

 

[Tom ♥ Jerry]

,


دوروه عدل مني منآك .. و روحو دار الخدآمه فتشوو
يمكن بايقته ، دوروه عدل !

 

[mf6nt el3lat]

دوروا عدل وان شاء تلقونه ، بس اختج مفروض تشتري لج بداله نترى شيء عادي اكيد هي ضيعته هي تدفع ثمنه هذا حققق ، م فيها فشله ؟ واختي وما اختي طبعاً هذا اذاااا كانت متوظفه وعندها بيزات يالله تطلبين منها ،
* وفي حل ثاني تنسيينه وتخلصين *

 

[صادقة بكلمتي]

ما ادري ان بعض الظن اثم بس شلون اختج شهرين عندها وما فكرت تردهم والعلبه جدام عينها ولا فكرت اطالعهم وشلون تسكتون عن الخدامه ما بي اشك باختج ولا ابي اشك بالخدامه لان الظلم ظلمات بس الحق حق لازم تبلغين احد كبير امج ابوج يدج ويخوفون الخدامة بالشرطة وان اهي يبين وان اختج لا قدر الله متصرفه فيه راح يبين عليها بصراحة لان ظلم تشكك في الخدامه بعد واي اخذي حقة حبيبتي ما فيها شي الله ما يرضى اصلا بهالاهمال هذا ولا بالسرقة ان كان في وتقبلي

 

[احب المنتدى]

ما ادري و الله
الله يعوضج
هي مافيها شي لو تعطيج فلوسه
بس لو انا مكانج و ضاع منها استحي اخذ منها فلوسه
مع انه ارد و اقولج مافيها شي لو تعطيني
بس همن اهي راح تخسر لان ضايع منها هي بعد

موقف محرج

 

[غرامي كويتي]

لازم تعطيك فلوووسه لانو اماانه عندها وفروض حافظت عليهاا
حتى لو اختك مو مشكله الامانه امانه

الله يعينك

 

[بدون أسم أحلى]

الحق الحق وأنا أختك خذي حقك يالغلا..
وهذا نتيجة الاهمال منك ومنها معليش اسمحيلي انتِ لك فترة ماتسألين عن ذهبك وهي اهملته

والمفروض كل بعد تلمحين لها عن اغراضك عشان تركز عليها..

والله يعوضك ويعوضها خير

بهذا الزمان الواحد مايضمن حتى نفسه!!!!!