اختي ومشكلتها

[« shό8 άlзyόn »]

السلام عليكم بنات شلونكم
بنات اختي من قبل فترة صرت الاحظ عليها وايد أتأتأ بكلامها قبل ماكانت جذي
اول تسولف من سالفه لي سالفه ماتسكت ابد ومن فترة صارت ماتبي تكلم احد
ابيتنا تسولف عادي بس هم أتأتأ بس عادي اما اذا طلعنا ماتسولف ابد ابد بس اسمع منها تمام الحمدلله
وين الحمام الله يعزكم وانتو شلونكم وبسسسس اذا طلعنا ما اسمع الا هالكلمات
حتى اهلي ملاحظين عليها يقولون شفيها ماتسولف قبل ماتخلي سالفه ماتسولف فيها
صارت فاشله بالدراسه أتأتأ بكلامها مالها خلق احد ماتسمع حق احد كلش
مرة قلت لها شفيج ومن هالكلام بس ماخذتها بحنيه يعني ماكنت همجيه معاها
قلت لها شفيج صايرة أتأتأين صاير لج شي
شرايج اعالجج واوديج حق دكتورة نفسيه عصبت يمكن انا مااخترت الاسلوب الصح عشان اقنعها
قلت لها الكل يقول متغيرة وصايرة ماتسولفين وحسج مايطلع تقول مالج شغل وماعلي من الناس بالطقاق :bbbiu:
قلت لها لايكون عشان انج أتأتأين ولا تقول لي ماهموني الناس بالطقاق بس انا احس انها تتألم داخلها
تأتأه + انطوائيه + انقطعت علاقاتها برفيجاتها ماتبي تكلم احد + مالها خلق الدراسه للعلم عمرها 18
تتوقعون ليش شفيها شنو علاجها
ويزاكم الله خير :eh_s(7):

 

[قــل مـا تـشـاء]

أتوقع في أحد قط عليهآ كلمة في المدرسة والآ أي مكان
خصوصآ أن عندهآ تأتأة لأن هالعمر وااايد حسآس
وحتى لو مو متكلم عليهآ أحد ممكن تفسر النظرآت من اللي حولهآ بكيفهآ
وأنتي بعد أسلوبج ماكآن أوك معآها ,,
والتأتأة اللي عندهآ كان عالجتوهآ من قبل أتوقع فيه علآج له ,,
بس عالعموم لو أنج تتواصلين مع مستشآر والإ أخصائي نفسي عشان يقول لكم شنو الحل أفضل ,,
الله يعآفيهآ و ترجع مثل أول وأحسن بعد ,,
أبـ إن شاء الله البنات يفيدونج

 

[المرتاحة]

شوفي اختي انا ولد اخوي جذي يتأتأ مع انه كان لسانه طليق ومع الوقت التأتاه قامت تخف

بس نصيحة

لا تسالينها شنو فيج او شنومضايقج سؤال مباشر او تقولين لها ليش ساكته؟ ليش ما اتحجين مثل اول؟..اذا بتعرفين شنو فيها حاولي بطريقة غير مباشرة..وبيني حبج لها وانج تثقين بقدراتها و بيني لها انه ما فيها شي غلط و عززي ثقتها بنفسها

خليها تكتب بورقه انجازاتها و ركزوا على انجازاتها حتى لو شي بسيط قعدوا مدحوا فيه بس عاد مو بشكل مبالغ فيه

مثلا يابت درجه زينه مدحوا علامتها و اذا حسيتوا ان العلامة مو زينه لا تنتقدونها بالعكس قولوا لها شي طبيعي ان الواحد ما اييب درجات زينه من اول مره و المره اليايه بتصير درجاتج احسن لانج بتتعلمين وين الاخطاء و تصلحينها.. عطوها ثقة بنفسها ولا تنتقدونها كلش

اذا رحتوا حق ناس حاولي انج تقولين لهم شي اختج انجزت فيه زين ومدحيه ورزيها بين الناس

انا اسوي جذي لبنت اخوي جدام مدرساتها وتكون اهي تسمع تعالي شوفي اشلون اتشقق و تشد حيلها

ان شا الله مشكلة اختج محلوله بس يبيلها طولت بال و صبر و شوية حب و ثقة

و نسيت اقول لج لا تبينين لها ان كلام الناس شي نخاف منه او نهتم له بالعكس مثل ما قالت احنا اشعلينا من الناس

 

[روح مغليهاM]

الله يشفيها ويخليها لكم
حاولي تشوفين وش فيها اساليها مدام تغيرت فجاه وهذي موشخصيتها اكيد فيها شي متضااايقه او بمشكله
او يمكن تعبااانه شي اساليها واحتويها لاتتركينها لين تعرفين وش فيها
وطمنينا عنها ي عسل

 

[chakletaA]

الا العافيه
ربما صدمه داخليه وشعور ربما انا واجهت مثل هكذا
الحل دعوها لا تحسسون ان خطر لان الامر اصبح عادي
مررنا فيه انها الصدمات التي يواجهها الانسان نفسه

 

[عشق الدلال]

لازم تقعدين وياها وتتكلمين احسن من دكاتره وخرابيط واذا ما قالت لج .. يمكن هذا اكتئاب بسيط ويروح ان شاء الله مع الوقت . اهم شي لا تقعد وايد بروحها كله قعدوا وياها ...