اخذت ابرة تفجير ومانفجرت البويضة

[mashroma]

بنات شخباركم
منو صار معاها نفسي وشنو سوت ؟؟؟

آنا أخذت كلوميد كالعادة ورحت سويت سونار لقيت عندي 3 بويضات جاهزة للتفجير
أخذت إبرة التفجير ولكن بعدها بيوم صار معاي نزيف
وظل هذا النزيف 10 ايام ما خف
رحت للدكتور سوالي سونار طلع عندي البويضات موجودين بمكانهم ما انفجروا وسبب خلل هرموني
عطاني ابرة تفجير ثانية والحين ناطرة النتيجة

منو صارلها نفسي ؟؟؟؟ واشلون تصرفت ؟؟؟

 

[بمبرة]

:klhfl:
حياتي عسى الله يفرحج ب 3 توائم
والله ما عندي فكره

 

[pink-rose]

والله ما عندي فكره الصراحه ؟؟؟

(( يارب يرزقج ان شاء الله بالذرية الصالحه ))

 

[mashroma]

بمبرة مشكورة يا قلبي الله يسمع منج ويرزق الجميع

pink-rose مشكورة على اهتمامج حبيبتي

 

[.>حــــــــ(و)ـــراء<.]

عسى الله يرزقج الذريه الصالحه عاجل غير آجل

و يعوض صبرج ب 3 توائم حلوين ياااااااااااارب

 

[q8ya-barby19]

حبووبه ماعندي فكره والله يرزقج ويرزقنا كلنا

 

[فوق السحاب]

الله يرزقج يا قلبي

انا الشهر هذا خذيت الابرة التفجيرية و ما حملت

الله يرزق الجميع ان شاء الله

 

[&رعبوووبه&]

منو دكتورج ؟؟ بعضهم ما يفتهمون ترى ديري بالج

ماصار معاي هالشي الحمد لله

الله يفرح قلبج بتوائم انشالله يزعجونج ليل ونهار واسكت يا فلان واقعد يا علان

هههههههه لا اتغشمر الله يعطيج الذريه الصالحه انشالله

موفقه

 

[*-زينه-*]

حبيبتي انا خذيت كلوميد و صار عندي 3 بويضات و عطتني الدكتوره ابره تفجيريه بس للأسف ياتني الدوره بس لمدة 4 تيام و بعدين نقطعة و باجر الدكتور بسويلي سونار و أشوف شنو صار

ياااااااااارب الله يرزقج بثلاث توائم قولي أمييييين

 

[@@@ام حمووودي@@@]

ماعندي فكره
الله يوفقج

 

[mashroma]

كويتيه_دلوعه مشكورة حبيبتي والله يسمع منج .. إدعيلي دايما هالدعوة الحلوة

q8ya-barby19 الله يرزقج ويرزق كل محرومة ياااا رب

فوق السحاب ياارب الشهر الياي تبشرينا بحملج

&رعبوووبه& حبيبتي آنا راراجع بالمواساة .. بس شكلي بغير الدكتور وأخذت موعد الاسبوع الجاي عند ناهدة العلي
الحمدلله ماصار معاج هالشي والله لا يراوي أي أحد .. يارب الله يسمع منج وأنزعج من عيالي التوائم هيهيهي راضية ما انام ولا دقيقة ... أدعيلي

*-زينه-* الله يرزقج الحمل الشهر الياي وما تشوفين الدورة لي بعد 9 شهور وتييبين 4 توائم مو ثلاثة هيهيهيهي

@@@ام حمووودي@@@ مشكورة حبيبتي على إهتمامج

 

[Wa7da_Cute]

حبيبتي mashroma انا اخذت حبوب كلوميد مع ابره تفجيرية وماصار حمل والشهر اللي بعده رحت اراجع عند دكتورتي (ناهده العلي) وكان زحمة عندها فمادخلت عندها كلمتني السكرتيره وقالتلي الدكتوره تقولج اخذي كلوميد هالشهر وماراح تعطيج الابره لانها بتسافر بعد اسبوع هالجي كان شهر 6 وهم ماصار حمل وهالشهر مارحتلها لان ريلي كان مسافر
اذا ماصار حمل هالشهر بروحلها والله كريم
بس بغيت اسالج يصير اخذ كلوميد من غير ابره تفجيرية؟؟؟لان اكو وحده قالتلي شلون تعطيج حبوب من غير ابره لان جذي البويضات تصير اكياس ماي على الرحم!!!!!!!!!!!!!!!!!!!!
بصراحة خرعتني ووايد تضايقت وهالشي خلاني مااروحلها لما يتني الدوره اخر مره

 

[m e m e]

حبيبتي mashroma انا اخذت حبوب كلوميد مع ابره تفجيرية وماصار حمل والشهر اللي بعده رحت اراجع عند دكتورتي (ناهده العلي) وكان زحمة عندها فمادخلت عندها كلمتني السكرتيره وقالتلي الدكتوره تقولج اخذي كلوميد هالشهر وماراح تعطيج الابره لانها بتسافر بعد اسبوع هالجي كان شهر 6 وهم ماصار حمل وهالشهر مارحتلها لان ريلي كان مسافر
اذا ماصار حمل هالشهر بروحلها والله كريم
بس بغيت اسالج يصير اخذ كلوميد من غير ابره تفجيرية؟؟؟لان اكو وحده قالتلي شلون تعطيج حبوب من غير ابره لان جذي البويضات تصير اكياس ماي على الرحم!!!!!!!!!!!!!!!!!!!!
بصراحة خرعتني ووايد تضايقت وهالشي خلاني مااروحلها لما يتني الدوره اخر مره

حبيبتي الابرة التفجيريه تطلع البويضه من المبيض بوقتها

يعني اذا انتي عارفه متى تبويضج و دورتج منتظمه ماتحتاجينهه الا في حالة عمل انابيب او تلقيح صناعي عشان يضبطوون الوقت


مشرووومه البويضه مردها اب تنزل فا لازم الدكتور يراجع وياج بالسونار
بس اللي اعرفه ان يعطون هالأبره لما حجم البيوضه يكون مناسب للتلقيح


لايضيق خلقج انشاء الله تنزل
طبيبعي و تحملين من غير شي يا رب

 

[Wa7da_Cute]

مممممممممممممممممم me me بصراحة مافهمت (
ممكن توظحين اكثر

 

[Q8stylle]

ماعندي فكره
الله يوفقج

 

[m e m e]

مممممممممممممممممم me me بصراحة مافهمت (
ممكن توظحين اكثر

الابره التفجيريه عباره عن هرمون الحمل ( عشان جذي يقوولج لالتحليلن الا بعد سبوعين بالضبط من بعد الأبره ) و هالهرمون يعمل على اخراج البويضه من المبيض الى قناة فالوب

ليش يعطونج اياها الدكاتره ؟ عشان يتبعون التبويض يعني مثلا في حريم

دورتهم مو منتظمه فا مو شرط يكون التبويض يوم ١٤ لأن تختلف الحسبه على حسب طول الدوره

فا هالبره تجبر البويضه انهه تنزل عشان تتلقح
ا
الدكتور ما يعطيج هالأبره الا لما تكون البويضه بحجم ١٨ و فوق

و هالحجم مناسب للتلقيح سواء طبيعي او صناعي

في طريقه تخليج تتبعين التبويض عندج باستخدام تحليل

منزلي يبينلج متى تنزل البويضه عندج

الابره هاذي فايدته مثل ما قلت ان تنزل البويضه

و ياريت اكون وضحتلج :tek:

 

[Wa7da_Cute]

الحين فهممممممممممممممممممممممممممممممممممممممممممممت
يسسسسسسسسسسسسسسلمو حبيبتي m e m e
بس يعني مايضر لما عطتني الدكتوره الحبوب من غير الابره؟؟؟؟
(الله يعينج على اسالتي )

 

[m e m e]

الحين فهممممممممممممممممممممممممممممممممممممممممممممت
يسسسسسسسسسسسسسسلمو حبيبتي m e m e
بس يعني مايضر لما عطتني الدكتوره الحبوب من غير الابره؟؟؟؟
(الله يعينج على اسالتي )

لا مايضر وايد حريم مايعطونهم الابره

بدال الابره تعدلج الدكتوره اب اي يوم يكون في جماع قوولي من يوم ١٢،١٣،١٤،١٥ اب هالأيام لازمم يكون جماع ( كل بنت حسبتهه غير على حسب طول الدوره ) اذا انتي عارفه حسبتج و دورتج منتظمه عيل مو مشكله

 

[m e m e]

اي حبيبتي و حطي اب بالج الحيوانات المنويه تعيش ٣ ايام ( عشان جذي ينصح الجماع قبل و بعد التبويض ) و البويضه من تطلع من المبيض سواء ابرووحهه او مع ابره تعيش بس يوم واحد
< يعني اذا صار جماع يوم او يومين قبل التبويض مو مشكله

 

[mashroma]

Wa7da_Cute آنا أخذت في البداية كلوميد بدون إبرة لمدة 3 شهور .. بس الدكتور قالي آخذ حبة وحدة باليوم مو حبتين وللأسف ماصار حمل .. عشان جذي لجأت لأبرة التفجير

m e m e مشكورة حبيبتي على هالمعلومات الحلوة

Q8stylle الله يوفق الجميع مشكورة