اخر اخبار الكادر اللي ما اقرووه .. لوعتوا جبدنا والله

[zqertya]

السلام عليكم

كالعاده ننطر الحكومه توافق على الكادر والله جنه انطر منهم طراره :rgewrg:


الخبر من جريده الوطن

الكادر ومكافأة الطلبة على خطى الـ 50

http://alwatan.kuwait.tt/articledetails.aspx?id=119225


الى متى ياااااااااااااااااحكووووووووومة

 

[كرز حالي.]

يقصدون بعلى خطى الخمسين ان النواب وافقوا عليها والحكومه رفضتها اكثر من مره ولكن رغم هذااااا تم اقرارها وصرفها
واحنا فعلا على خطاها لان النواب يقرونه والحكومه ترفض لكن ان شاءالله نكمل الخطوه ويتم صرفه

 

[zqertya]

انشالله الله يسمع منج

 

[يمه فديت نفسي]

انا زهقت من هالكادر

 

[قطوه وجذابه]

لااااااااااعت جبدي :"""(

 

[هجوره 2009]

الله يسهل الامور ان شاء الله
الله كريم

 

[(كويتيه عسل)]

ههههههههههههههه ايه والله لعووا جبدنا مايسوى علينا هالكادر الكل حاط عينه عليه

 

[أم أنور]

لوووول ضحكني العنوان

 

[ساندريلا]

الي يخون من النواب فينا راح يحترق كرته خلاص احنا نمثل اغلبية الشعب الكويتي
وهالمره وقفتنا جديه والجمعيه ماشالله عليهم شادين حيلهم الله يوفقهم
يابنات صرت اشوف متعب العتيبي براد بيت لووول والله صار بطل بعيني حبيته ههههههه

 

[هجوره 2009]

الكادر الحين في ملعب الحكومه والنواب ما قصرو
ماتدرون شنو صار في اجتماع الوزراء؟؟؟

 

[@ نجمة العطااا @]

والله من عيون الناس علينا ما راح نحصل الا الفلس!!!!!
الله يعينا والله ما كان في وظايف معاشاتهم ١٠٠٠ ودوامهم اخف منا
وفي ناس معاشهم مثلنا ودوامهم بيتهم نووووم

 

[zqertya]

مارا افكر فيه كلش لي شهر 9 بحسب ان مالنا كادر واللع تعبنا يونسونا وبعدين يضايقونا لعبوا بنفسياتنا

شكرا على مروركم

 

[*قفشة عسل *]

عاد انا وحده اتمنى ما يقرون هالكادر حنا نبيه نعمه وهو بيصير علينا نغمه من ارتفاع الاسعار والغلا في الدوله
ومن الحين العيون عليه :eh_s(13):

 

[شمعة الدنياا]

أنا عن نفسي لاعت جبدي من كادرهم كل يوم حارقين باعصابنا كادر الا ما كادر وعيون الناس مبققة علينا جنه مافي معاشات الا معاشات المدرسات والله يا بنات اهم شي الصحة والعافية يا ربي لك الحمد وتكفينا من عيونهم لا يصير فينا شي ما نبي منتهم ذلونا بالكادر. رقصونا مالت عليهم وعلى كادرهم الخايسين وزرائنا النصابين

 

[جِراحُ الغَرام]

اخخخخخخ على وزارة التربية وعلى مهنة التدريس
تخيلوا كلما اقرا موضوع عن كادر المعليمن - وهالكلام مو من الحيم من شهور الى هاليوم- كلما اقرا عنه لازم اييون ناس يعلقون تعليقات مثل ويوههم
اللي يقول شكو تزيدونهم واللي يقول شيبيله التدريس
ليت واحد منهم ايي يداوم مره مكان المعلمين بعدين يتفلسف
كرااااااااف
يعني جدول مليان شغالين 4-5 حصص باليوم وتحضير - واللي يقول مكنهج ما تغير فنفس التحضير خل يستريح لأن كل موجه له اسلوب بكيفه حق التحضير- و مراقبة امتحانات وتصحيح كتب وامتحانات وسوي اوراق عمل ووسائل وحصه نموذجيه حق التقييم ولازم نشارك بالانشطه ومشروع ومناوبة الصبح والفرصة وتعالي تعاملي مع 4-5 صفوف x كل صف فيه 26-30 طالبه وفوقعهم مدرسات قسمج اللي كل وحده لها نفسيه غير عن الثانيه ورئيسة قسم تستغلج وبعدين لما يزفونها تحط حرتها فيج وعندج ادارة وكيلا وناظرة وا خصائيات تشوفين منهم العجب والله وفوقهم موجهه اغرب منهم كلهم ما عندها مانع تبجي اللي جدامها ما كأنها معلمه
ونرجع البيت نبي نجابل الزوج وتدريس العيال ونخلص شغل المدرسه اللي مايخلص وبعدين يقولون ليش تزيدونهم ؟
انا اشتغلت 3 شهور وكرهت التدريس كره من اللي شفته ...لا ونييب لهم قرار طبي تخفيف عمل بس عندنا لا يعمل به ماكو تخفيف عمل
يارب اجر كل معلم ومعلمه صاحب ذمه يتعب ويكرف ومو لاقي التقدير