اخر موعد لي 28-11 وماولدت :( شنو الاجراء؟؟؟

[غادة الكاميليا]

قوة يا حلوات يا حوامل والي مو حامل وعندها خبر

انا حامل بطفلي الثاني والدكتورة عطتني موعد 28-11
المشكلة الحين عدا هالموعد صاررلة يومين وماكو بوادر مع اني امشي .. اللهم الحين احسن بعوار كأنة عوار بداية الدورة خفيييييف حيل ..
هل الموعد الي حددتة الدكنورة غلط ولا انطر شوي واروح لها؟؟
انا بصراحة ماودي يلعبون فيني ابي يجيني الطلق من الله مابي طلق صناعي وخايفة اكون قاعدة اضر البيبي ..
ومشكوورين يا بنات
ناطرة ردكم

 

[@سيدة نفسي@]

رد : اخر موعد لي 28-11 وماولدت شنو الاجراء؟؟؟

اذا وزن البيبي زين مو فوق ال4 كيلو نطري شوي شكلج بادي وياج الطلق بس

على خفيف .. والمفروض تسإلين دكتورتج اهي أبخص بحالتج

الله يسهل عليج وتولدين بالسلامة ان شاءالله...

 

[om-3abodey]

ترى مو زين اطولين وايد انا في بنتي جذي نطرت على راحتي بعدين كل احس بصداع رحت الطبيب زفوني قالو موزين يصير تسمم ودخلوني وحطولي طلق صناعي
روحي خلي الطبيبة تشوفج احسن والله يسهل عليج يارب

 

[دآنة آلرشآيده]

ماعندي فكره
بس روحي خل يولدونج مو زين تطوليين

 

[كويتيه مذهله 87]

الله يهون عليج يارب وسهل عليج ولادتج

 

[LiL MaMa]

رد : اخر موعد لي 28-11 وماولدت شنو الاجراء؟؟؟

الله يهون عليج و يرزقج الذريه الصالحه

 

[ام - وهابي]

الله يهون عليج حبيبتي وتقومين بالسلامه انشالله

 

[جذابه بنت ذيابه]

رد : اخر موعد لي 28-11 وماولدت شنو الاجراء؟؟؟

الله يهون عليج ياقلبي


بس روحي جيكي اذا وزن البيبي اكثر من 3 ونص


اولدي بطلق صناعي


والله يسهل عليج يارب

 

[sweet cake]

ماعندي علم بس اللي اعرفه ان يختلف من وحده لوحده
امي داااايم تاخذ فوق شهرها جم يوم زياده وبوحده من خواتي عدت 10 ايام وبعدها راحت قالت لهم يولدونها لأنها خافت لا يصير تسمم بالبيبي
بس عموما كلنا خذت فوق شهرها
دام عديتي بس يومين عادي بس يستحسن تكلمين دكتورتج وكل ما بعدتي عن الطلق الصناعي يكون احسن لأن مو زين عالمبيض >> سمعت هالكلام من دكتوره

 

[أحلى الألماس]

نفسي بالضبط طااف موعدي وقالتلي البيبي 3 وزياده
وعطتني بس يومين اذا ماجاني الطلق اجيها تولدني
مع العلم اني مفتوحه 2 سانتي بس ماكووو اي بوادر ولاده
خفت تكون تبي الفكه مني تبي تولدني
رحت حق دكتوره اراجع عندهاااا بس ماتولد حبوبه
وتنصح سوتلي سونار وبالفعل قالت طايف موعدج
ولازم خلال يومين تولدين لان مو زين يطول البيبي اكثر من جذي
نطرت اربع ايام وتوكلت على الله ورحت ولدت بطلق صناعي
صج الطلق الصناعي يموووت بس شنسوي اجر انشالله

 

[غادة الكاميليا]

بنات انا اتصلت على دكتورتي قالت حدج لي تاريخ 4 - 12 وتعالي موزين اكثر من اسبوع من موعدج اطولين

انا بنحاش من الطلق الصناعي مابيه ,, قالتلي شربي خروع بس الخروع يعصر البطن عصار (انا مو مجربتة بس هذا حجي خواتي)
الحين بطني يابس ... اي نسيت اقولكم ,, قالتلي الدكتورة انتبهي على حركة البيبي مفرووض ماتقل عن عشر مرات حركة يوميا ..
وبيني وبينكم من قبل امس كل ما بغيت اروح امشي بالافنيوز اشووف البنك بيري جدامي اروح اطلب منه اكل وارد البيت ))
لا تلوموني انبطت جبدي .. مشيت مشيت ماكو فايدة
وشكرا على ردودكم

 

[مشموشته]

الله يقومج بالسلامه حبيبتي

 

[غادة الكاميليا]

وانتي الله يهون عليج وراج مشواار طويل الله يعدية على خير )))

 

[LA TROO7]

حبيبتي رووحي اخذي طلق صناعي انا مجربته مايعوور ترا عادي

والخرووع ديري بالج منه تراا يحمي الطلق والرحم مسكر يعني يسبب انفجار سم الله عليج

الله يهون علي وعليج ونفتك

 

[قنــــــــــوت]

رد : اخر موعد لي 28-11 وماولدت شنو الاجراء؟؟؟

مادام تقولين بدا معاج عوار خفيف مثل الدورة ...
هذي ان شالله بوادر الفرج .. وعلامات لقرب موعد الولاده ...
وانتظري لموعد 4 - 12
وان شالله يجيج الطلق وتولدين طبيعي قبل هالموعد ...
كثري من الجماع ... والمشي ... روحي الممشى افضل من الافنيوز ..عالاقل تتنفسين اكسجين نظيف ...

ان شالله نسمع بشارة ولادتج بالسلامه قريبا جدا ..

 

[الصعيريه]

رد : اخر موعد لي 28-11 وماولدت شنو الاجراء؟؟؟

الله يهوون عليج وتولدين بالسلاااامـه

انا بعد بولادتي الثانيه طفت شهري ب5 ايام وماولدت الا بطلق صنااعي
مع اني كنت شاربه خرووع وماخليت شي الا وسويته ومآكوو فايده


ومالناا الا الاجر إن شاءالله

 

[om la6ofa]

الله يقومك بالسلامة بس لاتطوفين العد

 

[اوراق التوت]

رد : اخر موعد لي 28-11 وماولدت شنو الاجراء؟؟؟

حبيبتي ان شاء الله مافيك الا كل خير انا مثلك صار معاي في ولادتي الثانية
الدكتورة عطتني موعد على اسا 1 مايو السنة هذي وعديت موعد الولادة بكم يوم وخفت بالال مثلك ولكن كثير انصحوني امشي
كثير ومعليش ولو فيها جراء شوي الجماع يساعد على الولادة انا كنت عايفة الشغله هذي في نهاية شهري بس انصحوني بها وبالمشي
والحمدلله بعدها بكم يوم جاتني الالم الولادة وتقريبا انتي اليحن بدات فيك الالم الطلق قومي كلي كم تمرة وشربي قهوة تراه زين يساعد وايد
ويارب نسمع كل زين
وي نسيت اخبرك اني ولدة في تاريخ 4 مايو وجبت احلى ريتاج ربي يحفظها هي واختها وجميع اطفال المسلمين

 

[Brounzi_girlly]

رد : اخر موعد لي 28-11 وماولدت شنو الاجراء؟؟؟

روحي الطبيب تأكدي جم مفتوح الرحم اذا فيج ولادة ممكن تسويلج توسعه وعقبها يبدي الطلق وربي يهون عليج
مع التحية..........

 

[*دانة الخليج*]

الله يهون عليج يارب وسهل عليج ولادتج