(((( اخصائيـات رياض الاطفال ابيــكم بكلمـة رأس ))))

[αlωαяdн]

السلام عليكم

شلوونكم صبايا ؟؟

هالموضوع موجه لاخصائيات رياض الاطفال كما هو واضح بالعنوان ..

استفسار بسيط .. وأتمنى القى الجواب عندكم يا عزيزااتي :eh_s(22):

استفساري .. اهو عن طبيعة عمل الاخصائية بالروضة ؟ وهل اهو نفس شغل الاخصائية بالمدرسة أو يختلف ؟ واذا يختلف ياريت اعرف شنو الاختلافات ؟ وبغض النظر عن ان الطلعة من الدوام 12 ظهرا هل عمل الاخصائية بالروضة مريييح او مكرووفه ؟:eh_s(10):

ياريت القى اجابات لتساؤلاتي وتسردون تجاربكم الخاصة من غير ذكر اسامي روضاتكم منعا للاحراج

ومشكوووره مقدما كل وحده ترد علي:eh_s(7):

 

[Angel_store]

اب اب اب

 

[ام بنتها]

امي كانت اخصائيه بثنويه بعدين انتقلت راحت رووضه هالحجي من زماااان
تقوول كانت بقمة الراااحه و ليلحين تعاتب الي خلااها تنتقل و ترووح الروضه تقول كراف و جنها الشغاله و كل شي عليهااا حتى الأبله احسن منهااا و الراتب كان حييل شويه
الحين مادري شلوون الوضع و ان شاءالله البنات يفيدوونج

 

[αlωαяdн]

حياكم الله حبيباتي ومشكوورين ع الرد

ام بنتها صدمتيني هههه يعني نفس الحجي الي سمعته من رفيجتي ان مكروفين!!:eh_s(4):

سلمي ع الوالده والله يعطيها الصحة والعافيه:eh_s(7):

 

[دخون ازرق]

حسب الادارة والله اخصائيتنا ماعندها شي بس قاعدة تسوي رحلة واجتماعات واللي يدفع الابلات ييبون القهوة والحلو وباقي السنه يا قاعدة تقرق يا طالعة وين الكرف خخخخخ

 

[αlωαяdн]

لوووووول دخون

صاجه والله حسب الادارة

يلا وين الباجي ؟؟؟؟

اتمنى تفيدونا بنات الي عندها رد لا تبخل علينااا

 

[nero]

حسب الادارة

+ انتي قارنيها بعدد الطلبه

الروضة فيها عدد اطفال اقل والشغل يكون اخف والله اعلم

 

[قصــب سكــر]

بالنسبه للوضع في روضتنا

ماشوفها تسوي شي حتى الحالات الخاصه بالروضه ماتكلف نفسها واتابعهم

تاخذ الاسامي بدايه السنه فقط

واذا حصل وودينا طفل حاله خاصه لها سواء حركي والا يبجي مايمديني ارد الصف الا مطرشته لي وبيده لعبة من بو 100

وتسوي ندوه مره بالسنه مو لنا طبعا لاولياء الامور

للاسف المفروض الاخصائيه دورها فعال بالروضه توزع نشرات عن اساليب التعامل بدايه السنه

او تنظم محاضره للابلات عن خصائص الطفل

تجي تسأل الابله اذا في ملاحظات او شكاوي

اصلا اخصائتنا حتى شكاوي الامهات تخشها عنا ماندري الا بالصدفه ان مشتكين :rgewrg:

 

[Eva-SS]

قصب السكر قلتي اللي أبي أقوله


والله اخصائيتنا ما عندها شغل كلش اصلا ما تقعد بغرفتها اما مع السكرتاريه ولا مع بنات التغذية تتقهوى وتسولف واذا بغيناها نقعد نحوس بالروضة ندورها وفوق كل هذا ما تتابع الحالات الخاصة حنا نروح لها ونحن على راسها وهم ماكو فايدة واللي يبط جبدي لما اودي لها ولد شيطان عندي ولا هايبر اكتف واكون تعبت منه ومن اهله ماكو فايدة فيه ابيها تتعامل معاه شنو تسوي .. والله اقل من 5 دقايق الا مرجعته لي معاه حلاو وهدية من بو امية يعني الحين مكافئته على شطانته قمت ما اودي لها احد كلش ولا ابلغها عن شي

صراحة لازم الاخصائية بالروضه دورها اكبر من جذي

 

[αlωαяdн]

اي شي !!

ابييييه صج هذولي قاع يشوهون سمعت مهنة الاخصائي الاجتماعي :/

اصلا شنو شغلة الاخصائية غير الحالات واهم شي اهي بشغل الاخصائي

طبعا الحالات الفردية / الصحية / الاقتصادية .. الخ

والمتابعة مع المعلمات اول باول ..

يعني الاخصائية مو تقعد بقهاوي وتسولف وتحش !!

الله يسامحهم الصراحة .. بعد الوحده وضميرها

مشكوورين بنات ع المشاركة