اخـــــاف من كلام النـــــاس :(

[Laidy n3ooma]

السلام عليكم ..

بنات احس بضيقه :eh_s(2): .. يعني الواحد يفكر الف مره بمستقبله عشان كلام الناس ..

انا بتخصص قريب بالاعلام (ادعولي ) ..

المهم .. وطبعا خلال دراسي بشارك بدورات بالتلفزيون وبالاعلام بشكل عام ..

حتى مسجله بجهازي وين باخذ الدورات وشباسوي يعني صج صج احب هل مجال لاني احب كل شي جديد .. مو من النوع اللي اقعد بمكتب ويلا يخلص الدوام واطلع

البنات دايما يحبطوني يعني شتبين بالاعلام ومسخره !!!

وفي وايد ناس بتنتقدج واشاعات وغيره ..

ومحد بيتقدم لج كونج تطلعين بالتلفزيون !!!! لان محد يبي وحده جذي وتدرون طبعا بمجتمعاتنا شلون خصوصا اني متحجبه ..

وعندنا احيانا الاباء يتدخلون مايخلون عيالهم الشباب يقدمون بالتلفزيون او مجرد يكتبون بالصحافه فما بالكم ان بنت اللي تطلع

بيقولون جريئه وفريييي !!! مادري شدخل فري بالموضوع عندهم ..

بنات مابي ردود تحبط .. ابي حد يشجعني :eh_s(2):

 

[نهى الأحمد]

عزيزتي

مو شرط اللي تدرس اعلام تطلع بالتلفزيون


سوي الشي اللي يريحج

هذا مستقبلج مو مستقبل الناس

لا تعطين اهمية لكلام الناس اللي مارح يقدم شي ولا يأخر

بالتوفيق ياقلبي

 

[ام ميميتو]

حبيبتي مو كل وحده اطلعت بالتلفزيون تكون مو محترمه البنت هي الي تفرض احترامها و الوحده تقدر تمشي بالطريج الغلط بأي وقت و بكل مكان مو ضروري تكون مذيعه ولا ممثله عشان تغلط اذا كنت حابه هالمجال توكلي على الله و اهم شي رضى امج و ابوج

 

[منو انت]

اذا اهلج موافقين ليش لا

حلو انج تسوين شي تحبينه واعتقد اهم ماعليج اهلج غير جذي مو مهم

 

[بنت السنافر]

لازم تشتغلين بمكان تحبينه وماعليج من الناس
بتوفيق

 

[OM-TURKY]

الي محترم باي مجاااال كان بيفرض احترامه على كل الناس او وااااايد ناس بالتلفزيووون سنعيييين بالعكس الظليمه شينه. شوفي انتي شاوري اهلي او شوفي شقولون او مو شرط تلفزيون لو ما رضوا . كل شي على كتبة ربج انتي تخرجي اول او احلها الف حلال. ادعي ربج او الله بيسر امورج​

 

[om_dodo]

موفقه

 

[lady 33]

صدقيني الي ينتقدون تخصص الاعلام لو بناتهم قالوا نبي انسجل اعلام بيوافقون يعني بناتكم عادي بنات النااس لا !!! اشهالتناقض وهاذا الشي انا شفته بعيني
غير الي بس قاعده و تنتقد بنات الناس و اذا بناتها سووا هالشي عسل على قلبها وعااادي و ياويلكم اذا تكلمتوا
ماعليج من حد وتخصص الاعلام مافيه شي اذا انتي واثقه من نفسج و عارفه ان انتي محترمه و ماتسوين شي غلط

بالتووفيق

 

[zenxena]

إذا وايد هامج كلام الناس من الحين شلون بيكون ردت فعلج باجر لو طلعتي بال- tv والناس يابت سيرتج أو قالو شي عنج مو صحيح أو يجرح ونتي أكيد ما راح تقدرين إتحطينهم عند حدهم لأن الكمبيوتر موجود ول تيفي في كل مكان ول كل بيشوف وبيحكم وبيقول ؟؟ حبيبتي عمرج ما راح تقدرين ترظين كل الناس ما عليج إله من ربج وهلج ونفسج وبس إذا ما في شي غلط ونتي واثقة من نفسج وهلج وربج راظين عليج انشالله ما في شر بييج
واذا عل زواج لاحقة يا عمري عيشي حياتج ونصيبج بيج لو شنو
وبالتوفيق

 

[love_q8]

موفقه ان شاء الله و اذا اهلج موافقين اكيد بيكونون معاج

 

[YA B3DHUM]

يبط جبدي هل تفكير
انا ان شاء الله لمى اتخرج بدش
الاعلام ولا لي شغل باي كلام

مو كل من دشت الاعلام صارت مو زينه
وعساني ما تزوجت دام مو عاجبته :/
حبيبتي دام اهلج راضيين انتي شلج بكلام الناس
ترى الحجي ابلاش وما همهم غير القيل والقال
ومو كل الشغل الي بالاعلام لازم تلفزيون
انا نص العايله موسيقيين وبالاعلام ووممثلين
ك تزوجو شدعوه لووووووول

يلا عشان تصيرين زميلتي بالاعلام

 

[gmar al-kuwait]

صلي صلاة استخاره
وعسى ربي يكتب لج التوفيق يارب

 

[ما كو اسم]

ويانا بنات بالدوام تخصصهم اعلام وطبعا شغلهم بعيد كلية عن الاعلام . اما اذا كنتي تبين تصيرين مذيعه اكيد مجال الاعلام في الكويت ما يدخله اي احد طبعا تتكلمين وانتي بعيده بس ان دخلتي راح تشوفين اشياء عجيبه والناس ما تتكلم من عبط واعرف وحده مذيعه وابوها اعلامي كبير ومن قبل 15 سنه كانت مذيعه وكان يوقف على راسها لمن تقدم ريله على ريلها .. وهو ادرى بالمكان اللي هوه فيه فما بالج الوقت الحين

 

[أأأحبه]

اذا كانو اهلك راضين
واذا كنتي من النوع الى تتحمل اشاعات الناسسس وخرابيطها
واكلهم بللحمك ,,,
واذا كنتي تحبين المجال وراح تلتزمين بحجابك وواثقة انك ماراح تغيرين المسار الى شي ثاني
تكونين في النهايه مغنية ههههه امزح معاك طبعا

ادخلي وانا اول وحده اشجعك

 

[اخصائية سوالف]

مابي اردانتي قلتي مابي ردودتحبط

 

[MzMzq8]

لووول دام ما تبين ردود تحطمج كيفج ههههه

بس شوفيها حتى من الناحيه الدينيه وقرري؟
وهالمجال كلش مو نظيف حتى الرياجيل ينحاشون منه


بالاخير اتس اب تو يوو

موفقه

 

[MiSsY HottY]

ما عليج منهم سوي اللي يريحج وتبينه وخلاص احسن من انج باجر تتحسفين ما سويتي اللي بخاطرججججج​

 

[Laidy n3ooma]

عزيزتي

مو شرط اللي تدرس اعلام تطلع بالتلفزيون


سوي الشي اللي يريحج

هذا مستقبلج مو مستقبل الناس

لا تعطين اهمية لكلام الناس اللي مارح يقدم شي ولا يأخر

بالتوفيق ياقلبي

اي ادري مو شرط بس انا بعد حابه اني اطلع احب الظهور الاعلامي بس مادري مادري اوووف ..

حبيبتي مو كل وحده اطلعت بالتلفزيون تكون مو محترمه البنت هي الي تفرض احترامها و الوحده تقدر تمشي بالطريج الغلط بأي وقت و بكل مكان مو ضروري تكون مذيعه ولا ممثله عشان تغلط اذا كنت حابه هالمجال توكلي على الله و اهم شي رضى امج و ابوج

اي اكيد بس الشر يعم والخير يخص

اذا اهلج موافقين ليش لا

حلو انج تسوين شي تحبينه واعتقد اهم ماعليج اهلج غير جذي مو مهم

اهلي مشجعيني عادي .. ماتكلمت معاهم بخصوص التلفزيون والاذاعه بس بشكل عام هم مخليني على راحتي .. يعني اول وتالي انا اللي بدرس وبشتغل

لازم تشتغلين بمكان تحبينه وماعليج من الناس
بتوفيق

مو انا عايشه بين الناس

الي محترم باي مجاااال كان بيفرض احترامه على كل الناس او وااااايد ناس بالتلفزيووون سنعيييين بالعكس الظليمه شينه. شوفي انتي شاوري اهلي او شوفي شقولون او مو شرط تلفزيون لو ما رضوا . كل شي على كتبة ربج انتي تخرجي اول او احلها الف حلال. ادعي ربج او الله بيسر امورج​

امييييييييين

موفقه

اميييييييين

صدقيني الي ينتقدون تخصص الاعلام لو بناتهم قالوا نبي انسجل اعلام بيوافقون يعني بناتكم عادي بنات النااس لا !!! اشهالتناقض وهاذا الشي انا شفته بعيني
غير الي بس قاعده و تنتقد بنات الناس و اذا بناتها سووا هالشي عسل على قلبها وعااادي و ياويلكم اذا تكلمتوا
ماعليج من حد وتخصص الاعلام مافيه شي اذا انتي واثقه من نفسج و عارفه ان انتي محترمه و ماتسوين شي غلط

بالتووفيق

اي هذا اللي حر .. لو يشوفون بنت ناس ناجحه ومحترمه طلعوا فيها الف عله وعله .. وبناتهم هم المحترمات واللي مافي مثل تربيتهم

إذا وايد هامج كلام الناس من الحين شلون بيكون ردت فعلج باجر لو طلعتي بال- tv والناس يابت سيرتج أو قالو شي عنج مو صحيح أو يجرح ونتي أكيد ما راح تقدرين إتحطينهم عند حدهم لأن الكمبيوتر موجود ول تيفي في كل مكان ول كل بيشوف وبيحكم وبيقول ؟؟ حبيبتي عمرج ما راح تقدرين ترظين كل الناس ما عليج إله من ربج وهلج ونفسج وبس إذا ما في شي غلط ونتي واثقة من نفسج وهلج وربج راظين عليج انشالله ما في شر بييج
واذا عل زواج لاحقة يا عمري عيشي حياتج ونصيبج بيج لو شنو
وبالتوفيق

مو وايد هامني .. بس انا بمجتمعي وبقطر بالاخص وايد متمسكين بعادات قبل خصوصا الشباب وانا عندي اخوان ( طبعا كل الشباب من تحت لي تحت وعادات وتقاليد ومادري شنو وهو لين راح برع يسوي الالعن ) ... وخصوصا مجال الاعلام واسع يعني لو مديره بشركه ودايما سفرات وخلط اهووون عند الوحده لان مو كل الناس تعرف ان فلانه الفلانه تسافر مع الدوام وتروح وتيي وخلط .. لاكن مجال الاعلام الكل يعرف ان انا بنت فلان وان انا بهل مجال وانه خلط وان شغل مو مستقر بمكان واحد لان احيانا الموضوع فيه سفر وانا ماقول هل كلام لاني بسوي شي غلط بس هذا تفكير الناس

موفقه ان شاء الله و اذا اهلج موافقين اكيد بيكونون معاج

امييييييين

يبط جبدي هل تفكير
انا ان شاء الله لمى اتخرج بدش
الاعلام ولا لي شغل باي كلام

مو كل من دشت الاعلام صارت مو زينه
وعساني ما تزوجت دام مو عاجبته :/
حبيبتي دام اهلج راضيين انتي شلج بكلام الناس
ترى الحجي ابلاش وما همهم غير القيل والقال
ومو كل الشغل الي بالاعلام لازم تلفزيون
انا نص العايله موسيقيين وبالاعلام ووممثلين
ك تزوجو شدعوه لووووووول

يلا عشان تصيرين زميلتي بالاعلام

الوحده مهما اشتغلت وسوت وراحت وجت بعد تحب ان يكون لها زوج بالمستقبل وانا ماعرف بالكويت شيصير بس بخصوص قطر مستحيييييييل واحد ياخذ وحده بهالمجال وهي تشتغل بياخذها وهي تدرس ممكن لاكن لما تشتغل مستحيل يفكر فيها حتى لو هي سمعتها زيييينه ومحترمه

وان شاء الله تكونين من زميلاتي بهل مجال ^_*

ويانا بنات بالدوام تخصصهم اعلام وطبعا شغلهم بعيد كلية عن الاعلام . اما اذا كنتي تبين تصيرين مذيعه اكيد مجال الاعلام في الكويت ما يدخله اي احد طبعا تتكلمين وانتي بعيده بس ان دخلتي راح تشوفين اشياء عجيبه والناس ما تتكلم من عبط واعرف وحده مذيعه وابوها اعلامي كبير ومن قبل 15 سنه كانت مذيعه وكان يوقف على راسها لمن تقدم ريله على ريلها .. وهو ادرى بالمكان اللي هوه فيه فما بالج الوقت الحين

امبييييه خرعتيييني يعني لهدرجه مجال وصخ !!! ياربي ليييش انزين متى تتحسن هل نظره ..

اذا كانو اهلك راضين
واذا كنتي من النوع الى تتحمل اشاعات الناسسس وخرابيطها
واكلهم بللحمك ,,,
واذا كنتي تحبين المجال وراح تلتزمين بحجابك وواثقة انك ماراح تغيرين المسار الى شي ثاني
تكونين في النهايه مغنية ههههه امزح معاك طبعا

ادخلي وانا اول وحده اشجعك

هههههههه لا شدعوا مغنيه .. يعني حتى البرامج الوحد ينقيها مو برامج طقطقه واغاني ومسخره !!! في برامج مفيده وهادفه

مابي اردانتي قلتي مابي ردودتحبط

خخخخخخخخ ردج هذا احبطني لووووول

لووول دام ما تبين ردود تحطمج كيفج ههههه

بس شوفيها حتى من الناحيه الدينيه وقرري؟
وهالمجال كلش مو نظيف حتى الرياجيل ينحاشون منه


بالاخير اتس اب تو يوو

موفقه

 

[Laidy n3ooma]

ما عليج منهم سوي اللي يريحج وتبينه وخلاص احسن من انج باجر تتحسفين ما سويتي اللي بخاطرججججج​

تهقييييييييييين

 

[♥ SWeeRa ♥]

فكري بمستقبلج عدل

الله يكتب لج اللي فيه الخير