اخـــــــووي الكبير وبنت خالي ؟؟؟؟

[رزان العتيبي]

السلام عليكم
بدخل بالموضوع على طووول
اخوي عمره 18 سنه وبنت خالي كبره
السنه اللي طافت قالت لي بنت خالي انها تحب اخووووي وقالت لي تكفين يارزان قولي حق اخوج اني انا احبه قلت اووك
لما قلت حق اخووووي سكت وماقال شي ومرت الايام وجاني وقال ترا انا بعد احبهااا
وقال انا ودي اخطبهااا قلت اخطبهاا اذا انت تبيها وهي تبيك
ومرااات لما ادق على بنت خالي تقول اخوج وينه اقول مثلاا طالع تقوول اهاا وتسكت
وبعدين تقول يععع اخوج مووحلوو بس بقلبهاا تحبه حيييييل مرات تقول احبه ومرات تقول لااا مااحبه
واخوووي يبي يخطبهاا وانتوا شرايكم اخاف تطلع ماتحبه ؟؟؟
تكفوون ساعدوني

 

[RmRom]

مدري شقولج .. ما عندي خبرة بالعلاقات العاطفية

هههههههه

خيتو السالفة من أولها غلط كان المفروض ما صرتي مرسول الغرام

وبعدين لا قالت لج أخوج وع .. قولي لها : زين قلتي لي عشان أقول لأخوي يهون عن الخطبه

عشان تتكلم عدل مثل الناس :eh_s(15):

وبيني وبينج الله أعلم بالقلوب تحبه أو ما تحبه .. هذا علمه عند ربج

إذا البنت أخلاقها زينه خلي يروح يخطبها

 

[غـرامـي أنـت]

حبيبتـي تووهـم صغـار ومشاعرهـم كل يووم شكل

 

[رزان العتيبي]

مدري شقولج .. ما عندي خبرة بالعلاقات العاطفية

هههههههه

خيتو السالفة من أولها غلط كان المفروض ما صرتي مرسول الغرام

وبعدين لا قالت لج أخوج وع .. قولي لها : زين قلتي لي عشان أقول لأخوي يهون عن الخطبه :d

عشان تتكلم عدل مثل الناس :eh_s(15):

وبيني وبينج الله أعلم بالقلوب تحبه أو ما تحبه .. هذا علمه عند ربج

إذا البنت أخلاقها زينه خلي يروح يخطبها

ههههههههههه فديتج والله تسلمين على المساعده ياقلبي

 

[رزان العتيبي]

حبيبتـي تووهـم صغـار ومشاعرهـم كل يووم شكل

اي ادري والله بس اخووووي خايف اتروح من ايده :d

 

[جوري 2007]

خل يخلي امج تكلم امها وتوعدها بالزواج لين يتخرج علاقل وعقب ياخذها واذا اهيا تبيه راح تنطره

 

[إحسسسآس]

اذا صج يحبهآ عادي قولي لأمج خل تكلم ام البنت
تقول ابي بنتج لفلان ..
بس المشكله بالبنت اذا كانت تستعبط وماتحبه ؟؟

الله يهني سعيد بسعيده

 

[أعشقه]

توهم صغااار وش له يفكرون بالزواج من الحين ..
خل يعطون نفسهم فرصه .. بكرى اذا مشى فيهم العمر كلن بيغير رايه ..
بس اذا هو يبيها ومصر عليها خل يحجزونها له لين يكبر ويخطبهاا

 

[عاشقة الاسلام]

صدقيني توهم صغار ولما يكبرون مشاعرهم راح تتغير

 

[cute lovly girl]

اذا تبين نصيحتي اطلعي من الموظوع ومالج شغل فيهم عشان ماتنلامين بعدين ...

واذا هم فعلا يحبون بعض اخوج يعرف اهلها ويعرف ايش المفروض يسوي ... وانتي ريحي راسج

 

[ابدا يالغالي مانساك]

ذكرتيني
بنات خالاتي قبل نفس بنت خاتج وقصتهااا مع اخوي
ولله الحمد تزوجت وتغيرت حتن علينا كلنا تقولي مدري وش فيها الحمدلله يعني تزوجت ولاتغيرت علي زوجهااا بعد
وسببت مشاكل مالها بدايه وانهايه
فانصحج نصيحه اتدخلي بينهم كلش ولاتقولي فلانه تحبك وماتحبك

 

[*მէօ0օომ ~❥]

لا يمعدة اخوج هذا لايستعيل توهم صغاااااااار حتى لو خطبة نو نو نو

والله امر بنت خالتج غريييب انا شاكة انها معجبة وماتحبة عيل اكو وحدة تقول انا ماحبة وتيي باجر تقول احبة وبعدها ماحبة !!!!!!!!!!! شنو هذا؟؟؟؟؟؟؟

والشي الثاني يمكن اه فيها غموووووووض يعني بو شخصيتين ( جدامكم ( الكل ، العالم) شخصية) بين وبين نفسها شخصية ثانية لاني انا اعرف وحدة جذييييييييي

وانصحج اختي قولي حق اخوج انه لايستعيل يمكن يندم وخل يصبر ليييين يتخرج من جامعة .. يمكن اهي ماتحبة والله انا ساكة انها ماتحبة والله اعلم

بس خل اخوج ينطر

 

[samyah a.o]

وراعييييييييييييين سالفة ورعااااان
يعني جهاااااااال

 

[أم خشم]

سوالف مراهقة ,, و تو الناس على مواضيع الحب و الزواج
يتراوالي حتى اهلج ما راح يتقبلون الموضووع .. اثنينهم صغار ,, و غلطانة رحتي قلتي له ,, مو حلوة البينة تبلش بالتصريح بمشاعرها
خليهم يجابلون دروسهم و مستقبلهم ,, احسن
لا تستعيلون فديتج

 

[RAHAF Q8]

الله يهدااج شكو قلتي له الحيين صدق هذي سالفة االمراهقه

منو مامرت بهالسالفه آنا وبنات عماتي طبعاً كلنا عندنا اخوان أكبر
بعمر 20 -25

وكانت كل وحده تقول حق الثانيه أخوج حلو لوووول

ترا بس جذي الحيين نضحك ع روحنا

 

[بنت حظوظ]

ههههههههه خل يخطبها اذا تبيه بتوافق ما تبيه بترفض وبس انتهى الموضوع

 

[عاشقة هواك]

البنات ما قصروا

 

[عادت ذكرياتي]

توهم صغار حيييييييييييييييل

 

[أحلى البشر]

والله مادري الله يوفقهم

 

[سارونه الامورة]

اصلاً ياحبيبتي اهلك رااح يرفضضضون الخطبه لانهم توهم صغااار ويمكن رااح يقبلون انهم يخطبونها يمكن مش اكيييد واذا قبلوا​

يخطبونها عاااد اهي كيفها توافق يكون الزواج بعد الجامعه بعد مايكبرون ويعقلون وش دراكِ يمكن بعدين يندمون ويحصصل طلاق​

ترى تصير . . المهم اذا تبيه بتوافق واذا بترفضه بتقول لا وترى يمكن اهي نفسس بعض الناااس اللي يقولون للناس شي وداخلهم​

شي ثااني . .​