اخلاقيات المهنة ... منو فيكم تاخذ فيها 10 من 10 !

[عهود الحب]

السلام عليكم بنات


شلونكم



اليوم جمعة والمنتدى نايم بالعسل ومريح ومروق شوي


في موضوع صارلي من جم اسبوع


واستغربت منه حيل حيل حيل ........ الخ الخ




ابي شنو مفهومكم بنات لكلمة { اخلاقيات المهنة } < الي تكون بسجل الكفاءة


بنات انا من اول اسبوع داومنا حضرت لي موجهتي وخلصت من خبرة الاسلام ديني خلصت
انا اول مدرسة بروضتي تحضرلها الموجهة والحمدلله خلصت ملصت من همها خلاص



ولكن ..



هل معنى هالكلام انه احنا ما نشتغل عشان اطفالنا



تخيلوا انا يوميا اشتغل بصفي وارتب اركاني يوميا
يوميا
يوميا
ولما اقول كلمة يوميا اعنيها بمعنى الكلمة



الاركان وضعت للطفل مو للموجهة والناظرة والوكيلة والمشرفات


معقولة ماتهتمون باركانكم دام خلصتم ؟؟؟؟؟؟؟؟؟؟؟
شنو يستفيد الطفل اذا الاركان جامدة ومافيها شي جديد للخبرة { جديد مو معناته مكلف لا معناته يرتبط بالخبرة


خلصتي من الموجهة شحقه لابدة بصفج ومجابلة عيالج عطيهم طاف خلاص الوضع ريلاكس عالاخر ووناسه }
هذا كلام زميلة لي شرايكم بكلامها ؟؟؟


خلصتي من الموجهة شحقة مجابلة اللاب وتسوين مثيرات لعيالج من صجج
قص ولصق يخب عليهم } هذا كلام نفس الزميلة بيوم ثاني كنت اسوي مثير لدرسي بعد نهاية الدوام بدقائق لانه مامداني



خلصتي من الموجهة وشكبر بطنج وشايلة هالاجياس رايحة رادة ليش هالعباله } كلام زميلة مادري شسالفتها


خلصتي من الناظرة والموجهة والمشرفة شبعت من وجهج وترست دفترها

شحقه معورة قلبج وقاع تشيلين هالفلين وهالوسائل } معقولة هالكلام




امانة بنات ادري طولت السالفة وهي قصيرة
بس ابي رد وافي وكامل
اذا انتم خلصتم منهم
خلاص
تدحون بريك
ماتشتغلون يعني ؟؟
هل انتم جذي


اوكي انحاتي الموجهة لأنه لها زيارة واحدة طوال الكورس وودج تحضر لج وانتي درسج شيق ومتنوع وتطلع من صفج
وهي مادحتج وشاكرتج وقاطة الورد فوق راسج بعد ما وووووووودج جذي



بس
لا الموجهة بتحاسبج عقب بالقبر
ولا الناظرة بتنفعج ولا المشرفة بتوقف بصفج


في حسيب رقيب معاج بالصف من اول خطوة لاخر خطوة بنهاية الدوام

ربج حسيبج طوال الدوام
حطي ببالج ترضين الرب قبل ترضين عباده !

ما ودج رب الكون يحلل معاشج ؟
انتم تستلمون فوق الــــــــــ 00000 ماني قايلة ههههههههههههههههههه
معاشاتكم راهية مومثلنا اول ماتعينا معاشاتنا تضحك ولله الحمد الله يزيد عليكم النعمة
لكن شفيكم بنات مومهم الطفل بنظركم ؟

الطفل الي قاطينه اهله امانة باعناقكم تسائلون عنه يوم القيامة شنو درستوه اليوم شنو تعلم منكم
شنو استفاد مجابلكم نهار كامل واخر شي بس اقعد بس اسكت ولاكلمة لاتتحرك لاتسوي لاتوقف
ترى اهله مايبونه ينسجن
يبونه يتعلم


انتوا ماعندكم عيال ؟؟؟؟؟؟؟؟؟؟
ماقطيتوهم بالمدارس
شلون تبونهم يتعلمون وابلاتهم يدرسونهم وانتم عملكم ماتؤدونه بذمة وضمير

شلون تبون عيالكم يدرسونهم ابلاتهم وانتوا نفسكم ابلات مع وقف التنفيذ !
مثل ماتسوين راح يسوون بعيالج الدنيا دين يا بنات صدقوني
انا كثر ما ادرس واتعب الاقي تعبي ببناتي عسى ربي يسخر لهم قلوب ابلاتهم


وبعدين شلون تبون ربكم يبارك لكم بمعاشاتكم وانتوا قاعدين بس تقزرون الدوام بغرفة الابلات وقرض وحش بهالعالم
وان صار عليكم شغل قمتم تأففون ليش يعني الحش احلى شي بالدوام وانا والله اعرف مدرسات
يداومون عشان ينامون ....نص وقتها نايمة بغرفة الابلات معقولة جذي
وين تصحصح لعيالها هذي !
والكارثة المثير مالها طول السنة صندوق هدايا وبس
وان بدعت قطت لغز عالاطفال < تعبت روحها ترى



زميلة ثانية لي شتقول تقول اصلن احنا ماندرس لأنه الرياض اطفال فاشلة
خلاص شحقه اعور راسي اقول الي عندي والباجي طاف
شحقه اعور راسي شدعوة في منهج !!!
اصلن احنا نمسكهم الين يجون اهلهم ياخذونهم بالهدة وبس مومهم شنو تعلموا لانه ماعندنا شي يتعلمونه




ابي بعد سالفة التمييز بالتعامل بين الاطفال
ولد فلانة رزوه ولد الناس خ يولي < ليش يمه !!!


و بعد سالفة الغياب الي عمال عالبطال <ليش شنو الحكمة بحب النوم والغياب
يعني عشان صاروا يخصمون خلاص ماقمتم تحاتون ؟ ولا السالفة مالكم خلق للشغل
عندي حلقة بستأذن عشان تطوف عني
عندي لاصفي بنحاش استئذان ولا غياب
عندي حركية اوف مايبيله بنحاش عرضي اريح لبالي < ليش ؟؟
جدولج جذي ياقلبي حرام ترى ربكم يحاسبكم بعدين !!!



غير الاحزاب بالرياض شدعوة داشين حزب البعث على غفلة
!!!
كل ماله تصير هالسوالف بحجم كبير وتخرب على نقاء الاجواء وتحبط المعلمات المنتجات


انا كله كوم و المشرفة الفنية عندي كوم ثاني
شي غريب انه اكثر المشرفات الفنيات يفضلون بنات معينات مايعطون مجال لغيرهم يبدعون
ترى الكل محاسب
حتى انتي يالمشرفة ماتستحقين 10 من 10 بالاخلاقيات دام لج تخشش وسوالف تحت الطاولة !

المشرفة تطير ناس وتطيح ناس ليش؟ ماتحاتون باجر بالقبر تطيحون وربي يطيحكم بسابع حفرة بالنار
ترى المشرفة هي عيون الادارة هي الكل بالكل تشوف الي ماينشاف
ليش تغمض عيونها عن ناس وتفتحهم اربع اربع على ناس !!!
مو حرام ؟؟؟؟
ادري ثقلت العيار عليكم مشرفاتنا بس من الواااااااااااااه الي فيني بسبة مشرفتي !!!!!


شاكرة لكم وادري محد قاري كل كلامي
بس حبيت ابط الجربة لي جم مضغوطة من هالسوالف وفضفضت وخلصت

:klhfl:​

 

[nero]

والله عهود كلامج صحيح

الكل الحين جذي

ما تشرح الا وقت الحضور

لا وفي ناس يبلغونهم قبلها بفتره ترا باجر حضور عليج جهزي نفسج والمديح كله لهم لا وتكون عايده الحلقه 43948 مره وياحلووها ويازينها على قلبهم ويرفعونها فوووووووق

وفي ناس يكرفون ويبدعون بحلقاتهم وما تطوف حلقه كله ينشرح بضمير وبالعاب ووسايل تينن بس ما يعجب وقت الحضووور


الله فوقهم

انا ما اشرح عشان اعجب ناس

ما انطر مشرفه .. ما انطر ناظره موجهه .. ما ابي التقرير

انا وحده .. اشوف ربي فوقي .. واشتغل

وراي حساب وعقاب

وانا اخذ معاش عشان هالشي

ابي احلل معاشي وربي يباركلي فيه وبدنيتي .. ابي ضميري يرتااح ..

ابي اذا ربي رزقني بعيال يسخر لهم ناس يهتمون فيهم ويجابلونهم بضمير مثل ما نجابل عيال الناس


التحضير والتجهيز للدروس متعه .. والشرح حلوو .. والمتعه الصج لما اخر الدوام تسمعين من اطفالج كلمة تدل على ان الشرح وصل لهم

واكتسبو منج كلمه ... معلومه .. حرف .. قيمه ..

بس وين الي يشوفون ربهم ..

 

[miamy]

صبااااااااااااااح الخير يا ابلات المجتهدات

كل مكان فيه الزين وفيه الشين

في ناس عندها ضمير

وفي ناس ما تخاف من ربها

شلونج عهود ولهت عليج

 

[عهود الحب]

صدقتي يا نيرو
زميلتي الي بالصف احط لها اغراض المثير بنفسي ابيها تشرحه للاطفال تقول اووووووه مولازم مالي خلق
وتصرخ عالاطفال 24 ساعة
مادري ليش اقولها حرام شسوولج سببتي لهم رعب
قالت شدعوة يحسووووووووووون




بالنسبة لاعادة المثير هم يقهرني هالشي
قبل كنت مع مدرسة تحضر طوووووووول الخبرة الاسبوع الاول درس والاسبوع الثاني درس ثاني
وطول الاسبوع ترد تعيد فيه اليييييين يحضرون لها فيه والقلم الماسح شغال
وتضطرني ابدل تحضيري وانا والله منقهرة صج صج

ولما اقولها بس تقول من صجج كل الروضة جذي
وانتي معورة قلبج كل يوم حلقة غبيه انتي ماعندج سالفة



نفس الابلات الي جذي مايراعون ربهم يحاتون ناس ضعيفة مثلهم بحاجة ربهم مثلها
كلنا تاليتنا قبر وحساب وعقاب لكن شتقوووووولين
واللي يقهرني المشرفة الفنية تشوف الدرس ينعاد كل يوم عالسبورة ولاكأنها تشوف
والموجهة لما تبيهم قبل يوم يدرون شلوووووون !!

اهم شي انتي ضميرج مرتاح مالج شغل بغيرج
صيري احسن منهم
وعسى ربي يبارك لج برزقج ويعطيج الذرية الصالحة ويسخرلهم عباده يارب



بالنسبة لاخر الدوام
انا استانس حييييييل اذا جتني ولية امر وقالت لي تصدقين امس درستوا عن كذا وكذا
استانس حيييييييل حيل احس انجزت شي
واحلى شي لما نرد لهم اغراضهم اخر السنة واعبي لهم كيس كامل كله تلوينهم وتطبيقاتهم
يستانسون الاهل


مشكووووورة يانيرو
عسى ربي يعطيج وينولج كل ما في بالج:klhfl:​

 

[عهود الحب]

صبااااااااااااااح الخير يا ابلات المجتهدات

كل مكان فيه الزين وفيه الشين

في ناس عندها ضمير

وفي ناس ما تخاف من ربها

شلونج عهود ولهت عليج

صباح الورد والتوت والمنجا والكريز ياهلا بميامي حيا الله هالوجه
شلونج شخبارج شمسوية وينج كبر راسج علينا ههههههههههههههه افا بس افا
اكيييييييد كل مكان فيه اشكال وارناق على قولتهم
بس اتمنى يكون الزين اكثر من الشين اتمنى
انا بعد ولهت عليج عسى فالج طيب يارب
مشكورة حبيبتي
لاتقاطعين عشان ما ازعل عليج
وعسى ربي يسخر لج قلوب عباده ويرزقج امانيج ويحنن قلب من تحتاجين له عليج قولي امين :klhfl:
حبيبتي والله انتي:klhfl:​

 

[طيرشلوا]

واللة صاجة ياعهود فية ناس لها درس واحد ومثير واحد للموجهة \الناظرة
انا مرة حصلت زفة من وحدة كانت معاى لانى ما اكتب بالقلم الماسح اكتب بالجاف

 

[miamy]

انا يكبر راسي عسل المنتدى عهود!! نووو ويييي

والله عهود ماتدرين شكثر لااهيه بالبيت واليهال

كل ما كبروا كل ما زادت مسؤلياتهم احس اني على حصان يركض والله

مو ملحقه والوقت بسرعه يخلص

ادش النت على السريع واطلع

ونتي والله علبااالي

انشالله يايتج مني رساله بالطريج (بالمراكب يا فندم) نطريني بشوق وحنيه لول

 

[كربونها]

حبيبتي ابى انصحج انتي حللي معاشج وتذكري انه الله فوقج وانه اليهال مالهم ذنب والا اهم من الموجه الى العامله كلهم كذب ونفاق لا ويقولون المصداقيه يا ابله واهم ما يعرفون شى فيها بس شنو انقول غير حسبى الله ونعم الوكيل فيهم

 

[شيري]

اللي يحب شغله بيبدع فيه بس في ناس ما تحب رياض الاطفال ودخلته غلط او اهلها غصبوبها عشان تطلع مبكر والاجازه فتلاقينها مو حابه الدوام وكارهته بعكس اللي حابه الروضه والطفل تلاقينها شغلها كله عجيب غريب وتتشوقين تدشين لها درس تعجبني نوعيه هالابلات الله يوفقهم

 

[أم شواقه]

صااااااجه عندنا مثل هالابلات بروضتنا نفس الكلااام الي اتقوووليييينه

يقووولووونه لي

الواحد لااازم يشتغل بضمير ولااازم انحلل معاشنا


انا خلصت من الموجهه ،، يعني خلاااص خلصت السنه

بصراااحه انا استااانس وانا ادرس وناااسه لما تسألين الأطفال وتسمعين منهم اجابات حلللوة واتضحك

 

[^ليلاس^]

بالنسبة لاعادة المثير هم يقهرني هالشي
قبل كنت مع مدرسة تحضر طوووووووول الخبرة الاسبوع الاول درس والاسبوع الثاني درس ثاني
وطول الاسبوع ترد تعيد فيه اليييييين يحضرون لها فيه والقلم الماسح شغال
وتضطرني ابدل تحضيري وانا والله منقهرة صج صج


لووووووووول ذكرتيني بابله العام كنت معاها بالصف اهيا المربيه كل يوم تعيد الدرس تنطر الناظره تحضر لها ولما تحضر لهاالناظره تعالي شوفي المدح لوووول يضحكون لا والناظره تقولي تعلمي منها وانا اقول بقلبي بلاج ما تدرين لوووول:eh_s(1):

 

[منورة]

وااااااااااااااااااي عهووووووووووووود تكفين ابيج عندي تعالي عندنا تكفييييييييين نوعيتج هي اللي تنفع معااااااااي بنسوي دويتو ناجح هههههههه من جد اتكلم ابي ناس جذي بكلامج شجعتيني اسوي كذا شغلة للصف بسبب ظروف اهملت هالشي بس الحين نو وي بسويهم
















لي رجعة بفضفض بس عندي شغلة تخص درسي اخلصها وبرجع ارد انتظرووووووونا :gathering:

 

[عهود الحب]

واللة صاجة ياعهود فية ناس لها درس واحد ومثير واحد للموجهة \الناظرة
انا مرة حصلت زفة من وحدة كانت معاى لانى ما اكتب بالقلم الماسح اكتب بالجاف

صاجة ياطير شلوا
صدقيني هالناس ماعندهم لاذمة ولاضمير
وربج سبحانه يقدر يكشفهم بس الكارثة اذا مكشوفين
والعالم مغمضة عيونهم عنهم
تنقهرين مو ؟؟؟؟
لاتكتبين لابماسح ولاغيره
خلي تحضيرج حسب ضميرج
والي ميت ضميره عساه مايحيا
مشكورة ياقلبي لاهنتي​

 

[عهود الحب]

انا يكبر راسي عسل المنتدى عهود!! نووو ويييي

والله عهود ماتدرين شكثر لااهيه بالبيت واليهال

كل ما كبروا كل ما زادت مسؤلياتهم احس اني على حصان يركض والله

مو ملحقه والوقت بسرعه يخلص

ادش النت على السريع واطلع

ونتي والله علبااالي

انشالله يايتج مني رساله بالطريج (بالمراكب يا فندم) نطريني بشوق وحنيه لول

انا اقول وين ميامي اختفت مرة واحدة الحمدلله انج بخير
والدنيا على قولة امي نموت والشغل مايخلص
يعينج الله
فديتج وفديت مراسيلج
لاهنتي يالغاليه
حييتي :klhfl:​

 

[عهود الحب]

حبيبتي ابى انصحج انتي حللي معاشج وتذكري انه الله فوقج وانه اليهال مالهم ذنب والا اهم من الموجه الى العامله كلهم كذب ونفاق لا ويقولون المصداقيه يا ابله واهم ما يعرفون شى فيها بس شنو انقول غير حسبى الله ونعم الوكيل فيهم

الحمدلله والله انا مراعية ربي بعملي وودايمن ما اهتم بهالسوالف
حسيبهم ربهم لو يعرفون وين المصداقية يغمضون عنها
كأنهم مايشوفون
صدقيني الرياض متروسة سوالف
بس شكواي لرب الكون هو حسيبي ونعم الوكيل
مشكورة اختي كربونها:klhfl:​

 

[hayzabona]

اهم شي رب العالمين حبييبتي ولا راح تفيدج ناظره والا مشرفه والا موجهه

مالج شغل بأحد واللي يقلو لج كلام اهو نفسه وده يصير نفسج بس خلاص تعلمو على الرباده انا نفسج كل يوم اشيل قش واحط قش عشان احب اليهال وواحب ان ربي مايعاقبني وباجر تدرس ولدي وحده خااايبه

 

[ملاك-77]

ولله الحمد انا اراعي ربي من هالناحيه واخاف واقدم حلقاتي بضمير حتى لما يخلص الوقت

اكمل معاهم خمس دقايق زياده حق اللي مااستوعب او يبي يلعب مسابقة ومامداه الوقت

والحمدلله الله مبارك لي بمعاشي وغيري ماتحلل معاشها حضروا لها قدمت درسها ماحضرولها

طاااااااااااااف تمسك الصورة بيدها طول الوقت وتعيب عالاطفال وتتطنز على اجاباتهم اذا مااعرفوا

وكذا مره انبهها حرام ومايجوز واهلهم ماجابوهم عشان تعاقبينهم جذيه وعمك اصمخ

لدرجة لما يحضرون لها الناظرة او المشرفه الاطفال يخربون درسها ومايتجاوبون معاها لانهم عارفين انها بتتمصخر عليهم

وانا الحمدلله يجاوبون معاي وابتسامتهم طول الوقت ونشاطهم ملحوظ معاي لدرجة المشرفة حست ان في شي

واسالتني انا مع زميلتي لكن ماقلت لها السبب الحقيقي واكتفيت بالسكوت وزميلتي عقبها حست بالخطر وحاولت تعدل اسلوبها مع الاطفال

لكن للاسف الى الان ماكو استجابه منهم .المفروض من اخلاقيات المهنه انها تحترم الاطفال وتقدم بضمير دروسها مو طااااف

طولت عليكم لووووووول

 

[عبق الورد]

انا الحمدلله اسوي شغلي لله مو للناظره او المشرفه انا من الناحيه يمكن اخذ 100 من 10 مو مدح بنفسي ..اصلا في مدرسات يقول انتي شفيج شاده حيلج محد يدري عنج بصفج وذابحه عمرج هههههههههههه بس انا دايمن اقولهم انا ماهمني الا الله والحمدلله مرتاحه من هالناحيه
بس في شغله متعبتني مشرفتي تغااااااااااااااااار مني ! فيها عقده مني لانه انا مو معطتها الولاء يعني مو نفس باجي المدرسات ينافقون معاها
مره حاضره لي تقولي انتي تهبلين ودرسج يهبل قلت مشكوره جزاج الله خير والا تقول بس بس بس عااااااااد لا تنافقين معاي على بونا اني مشرفتج !! انا انصدمت
المره الثانيه ماسكه المدرسه اللي معاي بالصف ترفع فيها وجدامي طيرتها السما من المدح انتي ابله مبدعه انتي جهدج واضح على الاطفال وتبي تكسر فيني انا قمت وارفع معاها قلت ايه والله بدونها الصف ولاشيء لما طلعت المشرفه قالت الابله ترى اهي تمدحني عشان تقهرج شفيها عليج قلت ما ادري والله هههههههههههههههههههههههههههههههههههههههههههههههههه
الله يعيني بس لو بكتب عنها ما اخلص

 

[أميره بلا قصور]

ماشااالله كل بنات المنتدى جذي

اجل النوعيه اللي ماتشتغل مو بديرتناااا يمكن عهوووود بجزر الواق واق خخخخ

نبي الصج بناات

انا اشوف وانتي تشوفين وكل وحده تقول مو انااا

يعني منوووووو..؟؟

انا توني نيووو بالتدريس كنت الكورس اللي طاف اطنش وماشرح بضمير يعني اي شي واخلص ب5 دقايق لان اللي معااي مطنشه ونااايمه بالعسل وع بالي كل المدرسات جذي

بس الحين اشووى ان تغير مكااني وطحت بوحده تخااف ربهاا وتشتغل صح وصرت مثلهااا الحمدلله

والله والله اني ارتحت واحس اني حبيت الرووضه حيييل عكس الكورس اللي طاف

ادعوولي ماايشيلووني عنهااا

 

[عهود الحب]

اللي يحب شغله بيبدع فيه بس في ناس ما تحب رياض الاطفال ودخلته غلط او اهلها غصبوبها عشان تطلع مبكر والاجازه فتلاقينها مو حابه الدوام وكارهته بعكس اللي حابه الروضه والطفل تلاقينها شغلها كله عجيب غريب وتتشوقين تدشين لها درس تعجبني نوعيه هالابلات الله يوفقهم

صدقتي في ناس داشينه عشان يريحون بالهم
ماكو منهج ماكو شغل بنظرهم طبعا واول ناس يعطلون ويطلعون من الدوام اهمه الرياض
بس مالاحظوا انه هالخمس ساعات الي نداومهم محتاجين منه شوية اهتمام
مرضاة الرب اهم من مرضاة العباد
مشكورة حلات كتاكيتج والله:klhfl: ​