انا اعتذر ان كان كتبت الموضوع بالقسم الغلط بس أنا بأقسى اوقات حياتي ومحتاجة رأي كتبت مشكلتي بموضوع الحياة الزوجيه بس للاسف من فجر الثلاثاء حتى الان مانزل..فانا اعتذر مضطره انزله هنا...واذا ينقل هناك يكون افضل عشان اخذ اراء المتزوجات افضل..
بنات انا انسانه منهاره تماما...ولازم اتخذ قرار يغير مجرى حياتي
ومحتااااره..
من اسبوع ليلي نهار ونهاري ليل
حتى النوم ما انام..
بقلكم قصتي بالتفصيل عشان تفهمون دوافعي..واسفه بطولها عليكم...اتحملوني
انا تخرجت من الثانويه العامه صغيره بتفوق ومعدل عالي..وجتني بعثة من الدوله لأمريكا
درست فيها 5 سنين طلعت فيها عيني وعانيت من الغربه خصوصا اول سنتين..كنت صغيره وجاهله وبابا يزورني كل 6 شهور..تحملت فيها مسؤوليات كثيره
تعبت كثيرررر فيها..
وكنت بس احلم متى ارجع بيتي وارتاح من الغربة..
بثالث سنه لي بالجامعه توفى اخوي الوحيد..احنا 4 بنات وولد انا اصغرهم..انصدمت انصدمت كثيررر خصوصا ان كان لي عنه أكثر من سنه ماشفته وكان واحشني كثير وكل مرا أقول اليوم بكلمه وانشغل وانسى...!
هالأمر سببلي صدمه كرهتني الغربه وصرت أحس بتأنيب ضمير بس صار حلمي ارجع اعيش مع بابا وماما وأخواتي..واكون قريبة منهم
تخرجت الحمدلله..وكان حفل تخرجي مناحه وعزاء..كنت ابكي من السعاده مو مصدقه اني تخرجت
فرحت كثير..
وبعدها توظفت معيده بالجامعه وهذي الوظيفة كانت حلمي من البداية وهدفي اني أكون أكاديمية ناجحة..
وكنت جدا أحب عملي وطموحة ونشيطه فيه
عدت أول سنه بعملي مثل العسل كنت مبسوطه فيها..
وطبعا احنا نظام الجامعات تلزم المعيد خلال اول سنتين لازم ياخذ شهادة الماستر..
(بالخارج لازم)أو يترك وظيفة الاعاده..وطبعا انا كانسانه طموحة كان مستحيل اتركها
لذلك كنت مضطره ادرس ماستر بالخارج ورجعنا للغربه.. كنت مقهوره بس اصبر حالي ان كلها سنتين بالكثير وارجع بالماستر..وخلاص
ويوم كنت راجعه من اجازة لامريكا جلس جنبي بالطائرة شاب..شكله اجنبي عيونه ملونه وشعره بني..الاكسنت حقه اجنبي يعني ماشكيت انه عربي ابدا
كان يحاول يتحرش ويتكلم معي
لذلك ماصرت متحفظه معه وجلست اسولف واسولف معه بالرحله عادي..ع اساس انه اجنبي..
وقبل الهبوط اعترف لي انه كويتي بس امه امريكية وهو بعد ياخذ زماله(هو طبيب) بنفس مدينة دراستي..
انصدمت لما عرفت وتفشلت أني كنت جريئة مع خليجي كذا..وجهي حمرر وعصبت..
اعتذرلي بس طنشت..
لما نزلنا كنت واقفه انتظر الأمتعه وطلب رقمي..رفضت بالبداية..ترجاني ووافقت..اعطيته رقمي
بعدها اذكر لمدة 8 شهور رفضت اطلع معه ولا كنت ارد عليه كنت كثير اخاف ع سمعتي وع نفسي..واحاول اكون قد ثقت اهلي فيني
باقول شي انا جميلة جدا الحمدلله وكنت معروفة بمدينة دراستي بين الخليجيين الشباب والبنات مو لان فيني شي او سمعتي سيئة لا الحمدلله بس لان الشباب كانوا يعرفوني لاني جميلة .. كان الكل يحاول يسوي علاقة معي لذلك هو بسهوله عرف سكني وصار يلاحقني
بعدها غصب بدا قلبي يميل له..صراحه كان شاب كامل والكامل الله جذبني فيه صراحته
انسان جدا صريح..يقول الي يبي...وسيم ومن عائلة كبيره وطبيب ذكي ناجح وطموح
كان كثير حوله بنات والكل يتمناه...
مع الوقت حبينا بعض بجنوووووووووووون ..سنه ونص غربة ماحسيت فيها ابدا ابدا
غيرني كثيررر وانا غيرته كمان..حتى بالغربة ماكان يصوم رمضان وجبرته يصوم..
كنت مبسوووطه معه حبيت حتى دراستي وغربتي..
رجع هو الكويت قبلي بمدة..وبعدها انا رجعت جده..
كلمني بعدها وقالي بكل صراحة انه هو يبي يخطبني
ترددت حسيت لأول مرا الموضوع يصير واقع وله تبعات..!
انا بجده..
وهو بالكويت..
كل واحد فينا عنده حياة وعمل وعائلة ومتعود ع نمط معين من الحياة..
ماكان عندي استعداد اتغرب ولبقية حياتي! للابد..!!
بس لأني احبه بجنون ماقلتله هالمخاوف الي ببالي
جاء هو وابوه وخطبوني...قال لأبوي انه شافني هناك واخذ عنواني من احد الخليجيات هناك
وللأسف بابا رفض! مو لانه مو سعودي..لا بابا يحب الخليج كله
بس لأنه بعيد عنا ولأن بابا مايعرفه..
طبعا مو بس كذا بعد ماخرجوا من بيتنا..
بابا عصب وسوى معي تحقيق وقال تعرفينه؟ عشان كذا ترفضين خطاب كويسين وعيال ناس
عاد بابا ذكي جدا..
قعد ساعه معي يسويلي تحقيق..
خلصنا و طلعت غرفتي ولقيت مكالماااات منه..كلمته لقيته حده مقهور وحزين ومصدوم من رفض بابا..
هديته ووعدته ان الموضوع بيتم ع خير..لأن بابا حنون وطيب ويقتنع اذا ضغطت عليه
بس ع شرط اذا جاء وعاش معي بجده خصوصا ان السعوديه تعامل الخليجي كمعاملة السعودي هنا
بالبدايه رفض واصر ع موقفه...
مع الوقت بدا يلين ويقتنع..
وافق..وبعدها قالي ان امه وابوه موافقين يعيش معي_طبعا بقلكم انه هو وحيد امه وابوه وماعنده لأ اخوان ولا اخوات ابوه وامه يحبونه موت ومايرفضون له طلب ابدا-
بعدها بفتره جاني اتصال من رقم كويتي قلت ببالي اكيد انه هو..
انصدمت لما كان ابوه!!
كلمني بكل احترام وقال انه هو وأمه مبسوطين فيني واني غيرت ولدهم للأفضل....و..والخ
بس قالي ارجوكي يابنتي لاتخذين ولدنا بعيد..لاتاخذين ولدنا الوحيد منا ويعيش بعيد عنا
نبي نشوفه معنا ويكبرون عياله حولنا..خصوصا انه ابوه بنى له فيلا بجانب فيلته..كان حليل ومحترم جدا...وهو انسان طيب جدا
بس بالحقيقية ماقلتلهم شي..ومابي اكون انسانه حقيرة وظالمه لأن كلام ابوه صحيح 100% ومعه حق..
انا انصدمت وحسيت الدنيا تدور فيني ورجع موضوعنا للصفر بعد ما بابا بدا يقتنع ويلين راسه لان خطيبي رجع من الكويت لجده مره ثانيه وقعد يقنع بابا ويقوله عنوانه ويترجى بابا يسأل عنه وكذا..
بابا حس ان هالانسان من جد شاريني ويبيني مسكين تعذب حتى يقنع بابا..
بعد مكالمة ابوه كنت كثير حزينه ومتردده وخايفه
مع الوقت بدأت اقتنع بكلامه ووافقت أعيش معه بالكويت واترك حياتي واهلي وقرايبي وصديقاتي عشانه..وعملي الي احبه وأحلامي عشانه
جاء خطبني رسمي للمره الثالثه ومعه أمه وابوه وعمه..
وافق بابا..ولما ملكنا وصار الموضوع رسمي
كنا فرحااانين كثيرررررررر لانا تعبنا جدااا وطال موضوعنا لاكثر من سنه بين شد وجذب..
لما ملكت كنت مبسوطه وبس مبتسمه حسيت حالي حمام طاير بالسماء
وانا كنت استاذه قاسيه بالجامعه وما اعطي بنات درجات بس بعد الملكه صرت بس ارمي عليهم درجات واقولهم ادعوا ادعولي دائما ادعولي..
اخذت اجازة طويلة بدون راتب من علمي..
وبعد الملكه بفترة قصيرة تزوجنا..
بعد شهر العسل رجعنا جده سلمنا ع اهلي...ورحنا الكويت لاول مره بحياتي..صراحه الكويت كان بلد جميل واهله طيبين..حبيت البلد
اول الايام انبسطنا وكان كله يعرفني ع الاماكن ويمشيني..
رجع هو لدوامه
مع الايام والشهور بدات امل أمل من الغربة واحن لاهلي بابا وماما اخواتي صديقاتي
احس بالوحده كثيرررر..وبس اكلمهم طول الوقت
كنت احس بالغيره لما القاهم متجمعين وطالعين مع بعض وانا بعيده عنهم
حس زوجي بالموضوع وحاول يعرفني ع زوجات اصدقائة بالمستشفى وبنات عمته كانوا كويسين بس رسميين..سويت حفلة شاي صغيره ببيتي وعزمتهم حاولت أقوي علاقتي معهم بس فشلت
تمر أيام ما اشوف الا زوجي والخدامه بس..
صرت أبكي واكتئب..
سجلت بنادي للتنس لأني احب هالرياضه كثير وكنت مشتركه بنادي بجده وكان عندنا مجتمع وصديقات..قلت يمكن عن طريقة اتعرف ع بنات وكذا..
بس للأسف فشلت كان ملل وتركته بعد شهر..
حاولت اسلي نفسي بالاطفال ..تمنينا نجيب طفل ينسيني الكابه وانشغل معهم..وكنت مستمره مع دكتوره نساء..
مع الوقت زاد مللي وكرهت غربتي ماعرفت انسجم..فشلت
خصوصا أني انا من شمال غرب السعوديه وعايشه مع اهلي بجده يعني بعيد عن الكويت ومو مثل مناطق شرق السعوديه الي بالعاده يكون لهم قرايب بالكويت ويعرفونها كويس..لا.. احنا بعيده عنها ولا نعرف احد هناك اصلا
كنت ابكي واتصل ع زوجي وهو بعمله واقوله بليززز تعال..
كنت اضمه وابكي مثل الأطفال
مسكين حتى هو صار يهمل عمله ويجلس معي..صار ياخذ ايام اوف عشان بس يكون معي ونطلع..
مسكين..صرت اشوف الحزن والحيره بعيونه يحاول يسعدني بكل الطرق..بس مانفع معي
مره غلط ولد أختي وقالي ان بابا تعبان وعمل تحاليل وفحوصات..انا احب بابا كثيرررر
انجنيت لما قالي..
خفت بدات اوسوس..حسيت حالي ماشبعت من بابا ولا اهلي ولا اخواتي
خفت الي صار مع اخوي وانه توفى وانا من زمان عنه يصير كمان
نفسيتي صارت سيئة جدااا
حاولت اكتم الهم بنفسي.. مع زوجي واذا جاء ابين له اني عادي بس مع الوقت ماقدرت..ماقدرت اتحمل خصوصا ان ساعات عمل زوجي طووويله
ولان زوجي انسان طيب وحنون حس فيني اخذ اجازة من الدوام لمدة اسبوعين وفاجأني بسفرة لهولندا لانه عارف اني احب هالبلد كثيررر واحب اسافرله..
مسكين لما سواها لي حزت بخاطري
رحمته..حسيت نفسي ظالمته..كلي هم وكابه..
انا اصلا مرررحة كثيييررر واجتماعية واحب الناس والفرفشة اصلا زوجي قبل الزواج كان يغار من صديقاتي
لما اعطاني التذكره سكت شوي وقلت له اسفه مالي نفس اروح مكان..
تدرون ايش كانت ردة فعله..!
عصب وصرخ بوجهي وقالي انت السبب بوضعنا هذا..و..و...الخ
كنت ساكته بكيت وقلت ابي اروح جده..
قالي / انقلعي روحي احسن اريح
وليلتها مانام بغرفتنا.
ثاني يوم الصباح قبل لايروح عمله قالي مصره تبين تروحين؟ قلتله ايه..رمى علي التذكرة ومشى
رجعت جده..كنت مبسوطه ونفس الوقت حزينه..تمنيت لو أقدر اشق حالي نصفين
لما رجعت قلت لأهلي ان نفسيتي تعبانه حاليا ومابي اكلم احد باية موضوع...
كنت بغرفتي منهاره وحزينه...كلمت صديقاتي وأخواتي..كلهم كانوا حاسين فيني
بس قالوا أنه خياري ولازم اتحمله انا انسانه واعيه وعارفه انه فعلا خياري وكل الحق علي..قراري ولازم اتحمل تبعاته
بس ياناس انا تعبت من الغربه بعيد عن بابا وماما الي احبهم كثيرررر وأخواتي
وجدتي وجمعت العائلة كل يوم جمعه بالشايلة خصوصا احنا عائلة كثير مترابطه .
طول عمري تشرشحت وتغربت عشان ارجع عند اهلي واعيش مبسوطة ماتوقعت ابدا كل هالاحداث تيصير ماتوقعت احب احد بعيد عني
من يوم وصلت جده ماكلمني زوجي بس ارسلي ع الواتس اب يطمن ع وصولي طمنته بشكل متحفظ..هو كتبلي اخر المسج احبك ومارديت كنت اصلا معصبه من اسلوبه لأنه اول مرا يقولي انقلعي ويصرخ علي من سنه من زواجنا..
بعد الأسبوع الاول كنت كله بحظن ماما حسيت حالي بنت..طفله صغيره تايهه.. مابعد تزوجت نفسيتي كانت عال العال..
ثاني اسبوع كلمني زوجي وقال انه جاي..لما جاء بيتنا نزلتله مبسوووطه وكاشخه ولابسه فستاني الي احبه..استغرب وانبسط لما شافني مبسوطه
طلعنا تمشينا..وتعيشنا..لما رجعنا البيت تكلمنا بموضوعنا..
انا كنت جربت الراحه اسبوع ..اذكر بكيت اصلا اول ماوصلت جده..مافي مثل البلد.. فيه ناس تتحمل الغربه وناس ماتقدر ضعيفه وانا ضعيفه بهذا الجانب..
لما كلمني قلتله..انا ماراح ارجع
عصب علي..ومسكني مع كتفي بقوه لاول مرا بحياته..حملني المسؤولية ..وقال من الاول ليش وافقتي تتزوجيني..
وهزأني كثير..
ترجيته يجي يعيش معي هنا..رفض
كنت منهاره قلتله...خلاص نترك بعض..قلتله من ورى قلبي لأني احبه كثيررررررررررر والله يعلم
قالي انا ماراح أطلق..
وثاني يوم رجع الكويت
ومن بعدها ماصار بينا اية اتصال ولا شي
وانا نفسيتي تعبانه بعد مهاوشتنا الأخيره...قبل كم ساعه كلمت الخدامه اسألها عنه قالتلي انه مايجي الا بس يتحمم ويغير ويطلع..انا انجنيت زياده خفت وين ممكن يكون؟! تذكرته وحده من زمان كانت تحبه..انجنيييت..
ارسلتله وحشتني ولارد ولاشي..له اسبوع من رجع الكويت...
والله حدي منهاره ..
حزييييييينه..مابي اشوف ولا اكلم احد..
أنا اتخذت قرار اكبر مني...بس كنت ومازلت مجنوووونه فيه مجننوووونه..
طول الوقت بغرفتي ابكي واشوف رسايلنا واتذكر ايامنا بامريكا وابكي..
صرت افكر فيه واخاف يشوف ويحب غيري...اغار عليه ابيه بس مابي اعيش معه بعيد عن اهلي
لاول مرا اشوف نفسي ضعيفه وانا طول عمري آقوى اخواتي والي تحملت الغربة ومسؤوليات كثيره
المصيبه اني حاسه حالي من كم يوم تعبانه...اعراض لاول مره احس فيها والدوره تكرمون تأخرت خايفه اكون حامل..مو وقته ابدا..وكمان مو قادره افتح الموضوع مع بابا قلتله مشكله صغيره وتنحل..بابا عنده مثل بالحياه دائما يقوله لنا..هو يتبعه مع اخواتي الي اكبر مني وهو ((ماعندي بنات يتطلقون))..خايفه افتح معه الموضوع؟؟
احس اني بأسواء اوقات حياتي ضعيفه ومنهاره...
لاتحرموني اراءكم اخواتي :eh_s(17):
محتاره
بنات انا انسانه منهاره تماما...ولازم اتخذ قرار يغير مجرى حياتي
ومحتااااره..
من اسبوع ليلي نهار ونهاري ليل
حتى النوم ما انام..
بقلكم قصتي بالتفصيل عشان تفهمون دوافعي..واسفه بطولها عليكم...اتحملوني
انا تخرجت من الثانويه العامه صغيره بتفوق ومعدل عالي..وجتني بعثة من الدوله لأمريكا
درست فيها 5 سنين طلعت فيها عيني وعانيت من الغربه خصوصا اول سنتين..كنت صغيره وجاهله وبابا يزورني كل 6 شهور..تحملت فيها مسؤوليات كثيره
تعبت كثيرررر فيها..
وكنت بس احلم متى ارجع بيتي وارتاح من الغربة..
بثالث سنه لي بالجامعه توفى اخوي الوحيد..احنا 4 بنات وولد انا اصغرهم..انصدمت انصدمت كثيررر خصوصا ان كان لي عنه أكثر من سنه ماشفته وكان واحشني كثير وكل مرا أقول اليوم بكلمه وانشغل وانسى...!
هالأمر سببلي صدمه كرهتني الغربه وصرت أحس بتأنيب ضمير بس صار حلمي ارجع اعيش مع بابا وماما وأخواتي..واكون قريبة منهم
تخرجت الحمدلله..وكان حفل تخرجي مناحه وعزاء..كنت ابكي من السعاده مو مصدقه اني تخرجت
فرحت كثير..
وبعدها توظفت معيده بالجامعه وهذي الوظيفة كانت حلمي من البداية وهدفي اني أكون أكاديمية ناجحة..
وكنت جدا أحب عملي وطموحة ونشيطه فيه
عدت أول سنه بعملي مثل العسل كنت مبسوطه فيها..
وطبعا احنا نظام الجامعات تلزم المعيد خلال اول سنتين لازم ياخذ شهادة الماستر..
(بالخارج لازم)أو يترك وظيفة الاعاده..وطبعا انا كانسانه طموحة كان مستحيل اتركها
لذلك كنت مضطره ادرس ماستر بالخارج ورجعنا للغربه.. كنت مقهوره بس اصبر حالي ان كلها سنتين بالكثير وارجع بالماستر..وخلاص
ويوم كنت راجعه من اجازة لامريكا جلس جنبي بالطائرة شاب..شكله اجنبي عيونه ملونه وشعره بني..الاكسنت حقه اجنبي يعني ماشكيت انه عربي ابدا
كان يحاول يتحرش ويتكلم معي
لذلك ماصرت متحفظه معه وجلست اسولف واسولف معه بالرحله عادي..ع اساس انه اجنبي..
وقبل الهبوط اعترف لي انه كويتي بس امه امريكية وهو بعد ياخذ زماله(هو طبيب) بنفس مدينة دراستي..
انصدمت لما عرفت وتفشلت أني كنت جريئة مع خليجي كذا..وجهي حمرر وعصبت..
اعتذرلي بس طنشت..
لما نزلنا كنت واقفه انتظر الأمتعه وطلب رقمي..رفضت بالبداية..ترجاني ووافقت..اعطيته رقمي
بعدها اذكر لمدة 8 شهور رفضت اطلع معه ولا كنت ارد عليه كنت كثير اخاف ع سمعتي وع نفسي..واحاول اكون قد ثقت اهلي فيني
باقول شي انا جميلة جدا الحمدلله وكنت معروفة بمدينة دراستي بين الخليجيين الشباب والبنات مو لان فيني شي او سمعتي سيئة لا الحمدلله بس لان الشباب كانوا يعرفوني لاني جميلة .. كان الكل يحاول يسوي علاقة معي لذلك هو بسهوله عرف سكني وصار يلاحقني
بعدها غصب بدا قلبي يميل له..صراحه كان شاب كامل والكامل الله جذبني فيه صراحته
انسان جدا صريح..يقول الي يبي...وسيم ومن عائلة كبيره وطبيب ذكي ناجح وطموح
كان كثير حوله بنات والكل يتمناه...
مع الوقت حبينا بعض بجنوووووووووووون ..سنه ونص غربة ماحسيت فيها ابدا ابدا
غيرني كثيررر وانا غيرته كمان..حتى بالغربة ماكان يصوم رمضان وجبرته يصوم..
كنت مبسوووطه معه حبيت حتى دراستي وغربتي..
رجع هو الكويت قبلي بمدة..وبعدها انا رجعت جده..
كلمني بعدها وقالي بكل صراحة انه هو يبي يخطبني
ترددت حسيت لأول مرا الموضوع يصير واقع وله تبعات..!
انا بجده..
وهو بالكويت..
كل واحد فينا عنده حياة وعمل وعائلة ومتعود ع نمط معين من الحياة..
ماكان عندي استعداد اتغرب ولبقية حياتي! للابد..!!
بس لأني احبه بجنون ماقلتله هالمخاوف الي ببالي
جاء هو وابوه وخطبوني...قال لأبوي انه شافني هناك واخذ عنواني من احد الخليجيات هناك
وللأسف بابا رفض! مو لانه مو سعودي..لا بابا يحب الخليج كله
بس لأنه بعيد عنا ولأن بابا مايعرفه..
طبعا مو بس كذا بعد ماخرجوا من بيتنا..
بابا عصب وسوى معي تحقيق وقال تعرفينه؟ عشان كذا ترفضين خطاب كويسين وعيال ناس
عاد بابا ذكي جدا..
قعد ساعه معي يسويلي تحقيق..
خلصنا و طلعت غرفتي ولقيت مكالماااات منه..كلمته لقيته حده مقهور وحزين ومصدوم من رفض بابا..
هديته ووعدته ان الموضوع بيتم ع خير..لأن بابا حنون وطيب ويقتنع اذا ضغطت عليه
بس ع شرط اذا جاء وعاش معي بجده خصوصا ان السعوديه تعامل الخليجي كمعاملة السعودي هنا
بالبدايه رفض واصر ع موقفه...
مع الوقت بدا يلين ويقتنع..
وافق..وبعدها قالي ان امه وابوه موافقين يعيش معي_طبعا بقلكم انه هو وحيد امه وابوه وماعنده لأ اخوان ولا اخوات ابوه وامه يحبونه موت ومايرفضون له طلب ابدا-
بعدها بفتره جاني اتصال من رقم كويتي قلت ببالي اكيد انه هو..
انصدمت لما كان ابوه!!
كلمني بكل احترام وقال انه هو وأمه مبسوطين فيني واني غيرت ولدهم للأفضل....و..والخ
بس قالي ارجوكي يابنتي لاتخذين ولدنا بعيد..لاتاخذين ولدنا الوحيد منا ويعيش بعيد عنا
نبي نشوفه معنا ويكبرون عياله حولنا..خصوصا انه ابوه بنى له فيلا بجانب فيلته..كان حليل ومحترم جدا...وهو انسان طيب جدا
بس بالحقيقية ماقلتلهم شي..ومابي اكون انسانه حقيرة وظالمه لأن كلام ابوه صحيح 100% ومعه حق..
انا انصدمت وحسيت الدنيا تدور فيني ورجع موضوعنا للصفر بعد ما بابا بدا يقتنع ويلين راسه لان خطيبي رجع من الكويت لجده مره ثانيه وقعد يقنع بابا ويقوله عنوانه ويترجى بابا يسأل عنه وكذا..
بابا حس ان هالانسان من جد شاريني ويبيني مسكين تعذب حتى يقنع بابا..
بعد مكالمة ابوه كنت كثير حزينه ومتردده وخايفه
مع الوقت بدأت اقتنع بكلامه ووافقت أعيش معه بالكويت واترك حياتي واهلي وقرايبي وصديقاتي عشانه..وعملي الي احبه وأحلامي عشانه
جاء خطبني رسمي للمره الثالثه ومعه أمه وابوه وعمه..
وافق بابا..ولما ملكنا وصار الموضوع رسمي
كنا فرحااانين كثيرررررررر لانا تعبنا جدااا وطال موضوعنا لاكثر من سنه بين شد وجذب..
لما ملكت كنت مبسوطه وبس مبتسمه حسيت حالي حمام طاير بالسماء
وانا كنت استاذه قاسيه بالجامعه وما اعطي بنات درجات بس بعد الملكه صرت بس ارمي عليهم درجات واقولهم ادعوا ادعولي دائما ادعولي..
اخذت اجازة طويلة بدون راتب من علمي..
وبعد الملكه بفترة قصيرة تزوجنا..
بعد شهر العسل رجعنا جده سلمنا ع اهلي...ورحنا الكويت لاول مره بحياتي..صراحه الكويت كان بلد جميل واهله طيبين..حبيت البلد
اول الايام انبسطنا وكان كله يعرفني ع الاماكن ويمشيني..
رجع هو لدوامه
مع الايام والشهور بدات امل أمل من الغربة واحن لاهلي بابا وماما اخواتي صديقاتي
احس بالوحده كثيرررر..وبس اكلمهم طول الوقت
كنت احس بالغيره لما القاهم متجمعين وطالعين مع بعض وانا بعيده عنهم
حس زوجي بالموضوع وحاول يعرفني ع زوجات اصدقائة بالمستشفى وبنات عمته كانوا كويسين بس رسميين..سويت حفلة شاي صغيره ببيتي وعزمتهم حاولت أقوي علاقتي معهم بس فشلت
تمر أيام ما اشوف الا زوجي والخدامه بس..
صرت أبكي واكتئب..
سجلت بنادي للتنس لأني احب هالرياضه كثير وكنت مشتركه بنادي بجده وكان عندنا مجتمع وصديقات..قلت يمكن عن طريقة اتعرف ع بنات وكذا..
بس للأسف فشلت كان ملل وتركته بعد شهر..
حاولت اسلي نفسي بالاطفال ..تمنينا نجيب طفل ينسيني الكابه وانشغل معهم..وكنت مستمره مع دكتوره نساء..
مع الوقت زاد مللي وكرهت غربتي ماعرفت انسجم..فشلت
خصوصا أني انا من شمال غرب السعوديه وعايشه مع اهلي بجده يعني بعيد عن الكويت ومو مثل مناطق شرق السعوديه الي بالعاده يكون لهم قرايب بالكويت ويعرفونها كويس..لا.. احنا بعيده عنها ولا نعرف احد هناك اصلا
كنت ابكي واتصل ع زوجي وهو بعمله واقوله بليززز تعال..
كنت اضمه وابكي مثل الأطفال
مسكين حتى هو صار يهمل عمله ويجلس معي..صار ياخذ ايام اوف عشان بس يكون معي ونطلع..
مسكين..صرت اشوف الحزن والحيره بعيونه يحاول يسعدني بكل الطرق..بس مانفع معي
مره غلط ولد أختي وقالي ان بابا تعبان وعمل تحاليل وفحوصات..انا احب بابا كثيرررر
انجنيت لما قالي..
خفت بدات اوسوس..حسيت حالي ماشبعت من بابا ولا اهلي ولا اخواتي
خفت الي صار مع اخوي وانه توفى وانا من زمان عنه يصير كمان
نفسيتي صارت سيئة جدااا
حاولت اكتم الهم بنفسي.. مع زوجي واذا جاء ابين له اني عادي بس مع الوقت ماقدرت..ماقدرت اتحمل خصوصا ان ساعات عمل زوجي طووويله
ولان زوجي انسان طيب وحنون حس فيني اخذ اجازة من الدوام لمدة اسبوعين وفاجأني بسفرة لهولندا لانه عارف اني احب هالبلد كثيررر واحب اسافرله..
مسكين لما سواها لي حزت بخاطري
رحمته..حسيت نفسي ظالمته..كلي هم وكابه..
انا اصلا مرررحة كثيييررر واجتماعية واحب الناس والفرفشة اصلا زوجي قبل الزواج كان يغار من صديقاتي
لما اعطاني التذكره سكت شوي وقلت له اسفه مالي نفس اروح مكان..
تدرون ايش كانت ردة فعله..!
عصب وصرخ بوجهي وقالي انت السبب بوضعنا هذا..و..و...الخ
كنت ساكته بكيت وقلت ابي اروح جده..
قالي / انقلعي روحي احسن اريح
وليلتها مانام بغرفتنا.
ثاني يوم الصباح قبل لايروح عمله قالي مصره تبين تروحين؟ قلتله ايه..رمى علي التذكرة ومشى
رجعت جده..كنت مبسوطه ونفس الوقت حزينه..تمنيت لو أقدر اشق حالي نصفين
لما رجعت قلت لأهلي ان نفسيتي تعبانه حاليا ومابي اكلم احد باية موضوع...
كنت بغرفتي منهاره وحزينه...كلمت صديقاتي وأخواتي..كلهم كانوا حاسين فيني
بس قالوا أنه خياري ولازم اتحمله انا انسانه واعيه وعارفه انه فعلا خياري وكل الحق علي..قراري ولازم اتحمل تبعاته
بس ياناس انا تعبت من الغربه بعيد عن بابا وماما الي احبهم كثيرررر وأخواتي
وجدتي وجمعت العائلة كل يوم جمعه بالشايلة خصوصا احنا عائلة كثير مترابطه .
طول عمري تشرشحت وتغربت عشان ارجع عند اهلي واعيش مبسوطة ماتوقعت ابدا كل هالاحداث تيصير ماتوقعت احب احد بعيد عني
من يوم وصلت جده ماكلمني زوجي بس ارسلي ع الواتس اب يطمن ع وصولي طمنته بشكل متحفظ..هو كتبلي اخر المسج احبك ومارديت كنت اصلا معصبه من اسلوبه لأنه اول مرا يقولي انقلعي ويصرخ علي من سنه من زواجنا..
بعد الأسبوع الاول كنت كله بحظن ماما حسيت حالي بنت..طفله صغيره تايهه.. مابعد تزوجت نفسيتي كانت عال العال..
ثاني اسبوع كلمني زوجي وقال انه جاي..لما جاء بيتنا نزلتله مبسوووطه وكاشخه ولابسه فستاني الي احبه..استغرب وانبسط لما شافني مبسوطه
طلعنا تمشينا..وتعيشنا..لما رجعنا البيت تكلمنا بموضوعنا..
انا كنت جربت الراحه اسبوع ..اذكر بكيت اصلا اول ماوصلت جده..مافي مثل البلد.. فيه ناس تتحمل الغربه وناس ماتقدر ضعيفه وانا ضعيفه بهذا الجانب..
لما كلمني قلتله..انا ماراح ارجع
عصب علي..ومسكني مع كتفي بقوه لاول مرا بحياته..حملني المسؤولية ..وقال من الاول ليش وافقتي تتزوجيني..
وهزأني كثير..
ترجيته يجي يعيش معي هنا..رفض
كنت منهاره قلتله...خلاص نترك بعض..قلتله من ورى قلبي لأني احبه كثيررررررررررر والله يعلم
قالي انا ماراح أطلق..
وثاني يوم رجع الكويت
ومن بعدها ماصار بينا اية اتصال ولا شي
وانا نفسيتي تعبانه بعد مهاوشتنا الأخيره...قبل كم ساعه كلمت الخدامه اسألها عنه قالتلي انه مايجي الا بس يتحمم ويغير ويطلع..انا انجنيت زياده خفت وين ممكن يكون؟! تذكرته وحده من زمان كانت تحبه..انجنيييت..
ارسلتله وحشتني ولارد ولاشي..له اسبوع من رجع الكويت...
والله حدي منهاره ..
حزييييييينه..مابي اشوف ولا اكلم احد..
أنا اتخذت قرار اكبر مني...بس كنت ومازلت مجنوووونه فيه مجننوووونه..
طول الوقت بغرفتي ابكي واشوف رسايلنا واتذكر ايامنا بامريكا وابكي..
صرت افكر فيه واخاف يشوف ويحب غيري...اغار عليه ابيه بس مابي اعيش معه بعيد عن اهلي
لاول مرا اشوف نفسي ضعيفه وانا طول عمري آقوى اخواتي والي تحملت الغربة ومسؤوليات كثيره
المصيبه اني حاسه حالي من كم يوم تعبانه...اعراض لاول مره احس فيها والدوره تكرمون تأخرت خايفه اكون حامل..مو وقته ابدا..وكمان مو قادره افتح الموضوع مع بابا قلتله مشكله صغيره وتنحل..بابا عنده مثل بالحياه دائما يقوله لنا..هو يتبعه مع اخواتي الي اكبر مني وهو ((ماعندي بنات يتطلقون))..خايفه افتح معه الموضوع؟؟
احس اني بأسواء اوقات حياتي ضعيفه ومنهاره...
لاتحرموني اراءكم اخواتي :eh_s(17):
محتاره
