اخواتي..انا جدا منهاره وحزينة...هذا قصتي لاتحرومني ارائكم

[لذيذة]

الحمدلله ع السلامة
بما انج رجعتي والموضوع خلص
حبيت ابارك لج واللته يتمم عليج
ويفرحج
تقدرين تشغلين وقتج بالوظيفة او العمل
بس نصيحتي خليها بعد الولادة لان الحمل يتعب وخصوصا البكر بعدين تدخلين في متاهه الاجازات
وبعدين المولود اول سنة محتاجج وايد وراح يملي عليج حياتج
عموما الله يوفقج ولا تحرمينا من اخبارك

 

[[ نور عيني ]]

-



الف مبروك الحمال
انا قريت قصتج من اولها الى اخر صفحه
والحين اشغلي نفسج في اي شيء
والمنتدى كله بناااااااااات حبوبييين وطيوووبين اكسبيهم صدااااقه
وانا اتشرف اكون صديقتج وانا كويتيه وبالكويت واذا عندج بلاك بيري اضييفج
واهم شيء لا تكبرين الامور فديييييييييييييتج :$

 

[انسام الكويت]

اذا مو قد الغربه والبعد عن اهلج ليش تزوجتي جان قعدتي عند اهلج واخذتيلج واحد جداوي وايد ابرك ولا

هالمعاناة اللي عايشينها صرتوا اغراب حتى وانتم متزوجين بعدين اي غربه اللي تكون بالكويت الله مامر علي

سعوديات متزوجات كويتين ومنهم حريم حمواني هاذا هم مستانسين ولا جنهم بعاد عن اهلهم اصلا ساقوا سيارات

وتوظفوا وتعرفوا على بنات وكونوا صدقات وامورهم ماشيه ومرتاحين ومايشوفون اهلهم الا مره وحده بالسنه

وانتي مكبرتها على شي مايسوااا اهلج مو طايرين تواصلي معاهم صوت وصوره او كل شهر روحي زوريهم مو

من بعد جده كاهي عند عيني لاتكبرين الموضوع وتسوينها سالفه ماتسوا ترا الريال يصبر مره وثنتين وثلاث بس بعدين

بيشوف جدامه مغريات تخليه ينساج ويسنا طوايفج ردي البيت وجابلي ريلج احسن

 

[* بنت المطر *]

مادري ليش حسيت القصه خياليه !! سوري اذا احساسي ضايقج

ودي اعرف زوجج وين ساكن ؟ هههههههههه عندنا بنات متعطلين بنزوجهم وهذا صيده لوول

يالله قومي روحيله قبل لاينخطف صدقيني الحين موضه الرياجيل ينخطفون وانتي معاهم ف مابالج بعيده عنه واهلج مودايمين

لج باجر تلقين روحج وحيده وتتندمين وساعتها ماينفع الندم

 

[B O B A]

رجعيله "ان ابغض الحلال عند الله الطلاق"
اشتغلي بنفس وظيفتج السابقه "عاد جامعة الكويت وايد فيها شواغر"
اتفقي وياه كل شهر تروحين لاهلج ويكند او اكثر

بالشغل راخ تتعرفين على ناس
تعرفي على ناس سعوديين عن طريق السفاره


انا مرت خالي سعوديه من الرياض
و ماشاء الله عندها صديقات كويتيات اكثر منه احنا يالكويتيات
و تنعزم على عروس دبلات دبلات اكثر منه
انتي صيري اجتماعيه اكثر

روحي لاهله
طلعي من حريم اصدقاءه


و الله يسعدج و يوفقج

 

[zain-alq8]

لا حرام علييج حبيبتي لاتتدلعيين وتخربين بييتج ولاتضمنين الحب من زوجج ترا بدقيقه يتعرفله علا بنت ثانيه ويحبها وانتي راح تتحسرين ترا السعوديه بالطياره ساعه ساعه ونص بالكثير كل ويك اند روحي لاهلج ولا تصيرين نكديه ترا الريال له صبر وبعدها خلاص لافات الفوت ماينفع الصوت ,,,هذا ابلييس بيخرب بينكم دام عندج زوج يحترمج ويحبج لا تفرطين فييه ياقلبي ...ردي لزوجج وخلج فرفوشيه ترا الدنيا ماتسوا وان شالله ااكدلج لي جبتوا بيبي راح تلهين معاه وبتصير حياتكم احلا والله يوفقكم ويهدييكم...ومبرووك ياقلبي عالحمال

 

[كويتيه شماليه]

اختي لوجه الله سبحانه بنصحج

الحين نادر الوحده تلقى اللي يحبها ويقدرها

الحل الوحيد انج تتوظفين بالكويت وتشغلين وقتج والله ماراح تحسين بالغربه
وبالنسبه للاهل والصديقات (( قروبات )) بالمسن وببرامج متنوعه ومكالمات الفيديو تروي ضمأ الحنين اللي
تحسين فيه وكل ما اشتقتي بالطيارة ساعتين انتي بينهم
وسبب الحزن والقلق اللي انتي فيه صدقيني(( الفراغ )) ربي يرزقج بالذريه الصالحه
ويشغلون وقتج *

 

[طموحه بزياده]

الحمدلله الحمدلله يارب حيل استانست انج حامل وانج مرح تخربين حياتج

 

[ترف بابا]

لو عندج عيال جان عدى الوقت صدقيني - يعني لازم تجيببن عيال

 

[ترف بابا]

وبعد حاولي تتوظفين شهادتج جامعية

 

[exanon]

ردي بيتك يا حبيبتي الله يهديج
اول سنة بتكون صعبة بعدين الله بيغير الأحوال ربي يرزقك بطفل يملى حياتك
ساعتها لا هتفكري بخوات ولا ربع و يا عمري أهلك زوريهم كل أسبوع أو أسبوعين
بس لا تهدمين بيتج والله يكتب لك الخير

 

[سحابة صيف12]

الله يصلح امبينكم ان شاء الله وتلقون الحل اللي يسعد الطرفين

 

[مارياq8]

صراحه اهنيج بزوجج وااله يسعدج معاااه

اهو يحبج لا تخسرينه وان شاء الله مع الايام تجيبين عيال وتلهين معاهم

الله يوفقج

 

[ماريه القبطيه]

رديتي ولا للحين؟؟؟!!!

اقول حمدي ربج ..رجال وشاريج ..وتارك بنات بلده وماخذج ..!!!

 

[تــوت و كــرز]

في بنات ردودهم اتهبل و تونس و حبوبين بذات الي باول صفحه
اسمحيلي قصتج خياليه حيل احس قاعده اطالع مسلسل
فيها تشلخ وايد

 

[شريت ديني ونفسي]

السلام عليكم
حبيبتي انتي ما عندج مشكله الحمدالله ريلج احبج واهلج موجودين والسعوديه مو بعيده يعني متى ما مليتي طقي تذكرتج وسافري وسالفه الملل انتي معيشه نفسج فيها نصيحتي لا تكرهين ريلج فيج ولا تخلينه ادور غيرج دام اهو يحبج وشاريج
احجزي على اول طياره وردي الكويت
عيل انا شتقولين عني اهلي بالكويت وانا بالكويت وبيني وبينهم خلاف وما ادري عنهم ولا اكلمهم يعني عايشه الغربه وانا في ديرتي
حاولي اتجددين حياتج وغيري الروتين اللي عايشه فيه ولا تخلين ريلج يطفش من البيت
الله يوفقج ويهنيج ويصلح اموركم

 

[شرغوفة]

حبيبتي وربي قطعتي قلبي مالك الا الدعاء وربي يسعدك ووفقك وانا اقول ارجعي لبيتك وزوجك والخوات ما قصرووا طمنينا عنك حياتي

 

[قمرية الفيس]

انتي حياتج ماشالله من اروع مايمكن بس مخربج الدلع الي راح يهدم حياتج ترى ماما وبابا وصديقاتج على قولتج ماراح ينفعونج اذا تطلقتي وراح تقعدين بجده الي جيتيها من حاشة من الغربة بتسقبلج بالشماته والنظرات الي ماترحم
انتي الي متعبج انه قعدتج بالكويت ملل وغربة وصدقيني بس يجيلج اعيال وتشتغلين وتتعرفين على بنات بتشوفين السعادة
حاولي الحين تصالحين زوجج وقوليله انا رجلي على رجلك وين ماتبي تروح انا معاك وماستغنى عنك انت الحين اهلي وناس ومن هالكلام المعسول وترجع ا شالله المياه الى مجاريها

 

[أستغفرالله]

قوووووه حبوبه

أحسن خطوه سويتيها انج حجزتي ورديتي


لزوجج براااااافووو عليج


وبتوفيق حبيبتي


والله يبعد عنكم كل عين حاسده