اخواتي والزواج والنصيب؟؟؟؟؟

[عهد..]

مرحـــــــــــــــــــبا شــــــــلونكـــــــــم ,,,,,,,

والله بالي مشــغول و قلقــــانه وفرحانه وحزنـــــانه بنفس الوقت تخيلو تجتمع بوقت واحد ... ....
السالفه ياحلوات ؟؟
اخواتي الي بعدي ثلاث اوكي

اليوم امي دقت علي وقالت لي ان اختي الثانيه انخطبت والله فرحت لها من قلبي لكن انكسر خاطري للي قبلها يعني الي بعدي على طول صح انه النصيب بس قلقانه عليها يعني نفسيتها تتاثر انو يعني خايفه تحسب مو مرغوب فيها ( ادعولها تكفون ربي يرزقها الزوج الصالح) انتو اش رايكم في احد منكم صار انها تزوجت قبل اختها الكبيره وكيف كانت نفسيتها......
واخر شي اتمنى انكم تدعون لهم الي بتتزوج الله يوفقها والي اكبر منها الله يرزقها الزوج الصالح عاجلا غير اجل ويارب يارب ياقادر على كل شي لاترد دعوه كل وحده دعت لخواتي..​

 

[الأميرة الحزينة]

كل شي قسمه ونصيب .. عسى الله يرزقها اللي يستاهلها

 

[Rose-Qatar]

نصيب حبووبه ,, الله يرزق خواتج الزوج الصالح ويستر على جميع المسلمين ^_^

 

[تعبت اداري...~]

اعرف بنات وآآآيد جذيه خوآتهم الي اصغر منهم تزوجو قبلهم
صحيح انهم فرحو لاكن خآطرهم مكسور
وكل شئ با الحياه قسمه ونصيب
والنصيب يصيب
اسئل الله يوفق خوآتج لما يحب ويرضى ويسخر لهم ازواج صالحين

 

[شطانه طفله]

انا طموشه حبيبتي عادي وهذا نصيب وحده تجر الثانيه وايد اعرف بنات تزوجو قبل خواتهم بعدين صار نصيب حق خواتهم واعرف بنات توم تزوجت وحده وبقت وحده عادي حبيبتي هذا نصيب وربي يوفقها انشاء الله

 

[Tweet]

حبيبتي عادي وايد بنات جذي تتزوج قبل اختها الكبيره و الزواج فعلا نصيب
و انشالله الله يرزقها الزوج الي يسعدها

 

[๓ίşś зśŏłả..!]

الله يرزقها يارب
وكل شي قسمه ونصيب وانتو لا تحسسونها
ووآآيد بنات تزوجو والي قبلهم لا
وانا وحده منهم
تزوجت قبل اختي العوده والحين ماشاء الله تزوجت ويابت بنوته

 

[عهد..]

ياويلي يابنات تصدقون حتى امي احسها مو فرحانه كثير كلنا احس كلهم مكسور خاطرهم ياربي الله يرزقها الزوج الصالح يارب​

 

[بدورة القمورة]

الله يرزقكم يارب


والله ماعرفج بس ضاق خلقي من قلب


موقف صعب الصراحه

 

[الشيخة@]

الله يرزقها ويوفق اختش الثانيه
وهذا نصيب حبوبه والله الي كاتبه يصير
تقبلي مروي

 

[عويتقة]

اسأل الله رب العرش العضيم ان يرزقها بالزوج الصالح عاجلا غير اجل ويرزقني ويرزق كل من تريد الستر يا ارحم بنا من ابائنا يااااااااااااااااااااااارب

 

[أم توتو]

عادي وايد ناس اعرفهم جذيه وتزوجوا والله وفقهم لاتشيلين هم اله يوفقج ويوفقهم

 

[عهد..]

يار ب لايرد لكم دعوه يارب وان شاء الله ربي يرزق كل وحده تبغى الستر والله الموقف صعب مره يعني ابوي لمى يكلمني احسه فرحان وخاطره مكسور وامي واخواني قدام اختي يسوون انهم فرحانين وقدام الثانيه يعني انهم عادي مافي شي..........​

 

[just ask me]

اهم شي ماتحسسونهاااا

ولاتشيلين هم يمكن هي عادي عندهااا بس انتي لاتسألينها ولاتلمحين لها انتبهي

لنو ممكن يكون عندها عادي بس خايفه من نظرت الناااس او حتى من نظرتكم انتو يااهلهاااا

والله يرزقهاااا ويرزقنا وجميه الملمين والمسلمات بالازواج والزوجات الصالحين اميييييييييييييييييين

 

[اميره الخجل]

ياقلبي كل شي قسمه ونصيب ونصيبها ان شاء الله بيجيها
وبعدين حرام اختكم اللي انخطبت مالها ذنب افرحوا معاها
لاتكسرون بخاطرها...

 

[&جامعيه&]

عاااادى حبيبتى انا اصغر خالاتى ماشالله متزوجه وعندها 3 وخواتها اللى اكبر منها ليلحين ماتزوجوا هذا نصيب صج راح ينكسر خاطرها بس هذا اللى الله كاتبه الله يوفقج انتى واختج ويرزقكم الزوج الصالح ان شالله

 

[™〓 تۈڷيـــטּ~»❀]

عادي اختي الكبيره
ماتزوجت وتزوجو اللي عقبها 3 وحدات
واهي اللي جهزتهم للعرس وو اهي اللي كانت شايلتهم وفرحانه وطايره فيهم
لا تتوقعين ان اي اخت تحط عينها على نصيب اختها
ممكن لي قلتي بنت خالتج كبيره واختج اصغر منها تزوجت ممكن تنقهر
لكن الاخت
مسسسسستحيييييييييييييييييل

واكيد اهي مؤمنه بالنصيب
وونصيبها الزين ليحين ماياها ليش تنكدون على البنت

الله يرزقنا ويرزق اختج الزوج الصالح اللي يسعد قلبها ويعوضها عن كل شي يارب

بتوفيق حبوبه​

 

[اختكم بالله]

الله يرزقهم الزوج الصالح والله يفرح قلوبكم يارب

هذا نصيب وان شاءلله ربي يكتب لهم النصيب

 

[مارياq8]

الله يرزقها بالزوج اللي تتمناه

 

[قــل مـا تـشـاء]

ترا عادي كل ونصيبه ,, ومايصير أختج تتم معلقة وترفض نصيبها لأن اختها اللي اكبر منها لي الحين ماتزوجت
يمكن لي تزوجت اختج على طوووول يجي نصيب لخواتج ثنتينهم
بس انتو أهم لاتحسسونها بالشفقة على حالها لأن أختها اللي أصغر منها تزوجت قبلها ,, لأن هذا أصعب شي على اختج
احنا بعايلتنا واااايد جذيه يتزوجون الصغار قبل الكبار وهذا نصيب وماحد يعترض !
وأنا وحده من اللي تزوجت قبل خواتي الكبار
والله يجيب نصيبهم اليوم قبل باجر